رد: عتابا .......................

magdeeb الأربعاء يوليو 01, 2009 11:33 pm

كنعان اللي جايي بمركب بوهادي
ضحكلك ورد الدار هديك وهادي
والشوق الصار كبير عميق وهادي
يسحبك عالقلوب يا شيخ الشباب

magdeeb الأربعاء يوليو 01, 2009 11:41 pm

سامر شو قصدك عمتزرع الفتنة
مريت عالموضوع وتعليقك لفتني
كنعان الفلافل وكوبرا لفت ني
جمعتن سندويشة والله اللي غلب

COBRA الجمعة يوليو 03, 2009 12:57 pm

و لك شكراً الك يا اخ مَجِدْ

انت صادق وطيب و مُجِدْ

و هيدا سامر بفتنتو مَا جَدَْ

جديدو..نمس مخبا بالتيابْ

magdeeb السبت يوليو 04, 2009 2:28 pm

صبية احلوت وفاح عبيرا
حكيتلي سرار وأمنتني عبيرا (البئر)
صرت أخلط كولا عبيرة
حتى العرق ما يفضح الأحباب

samerbek السبت يوليو 04, 2009 4:26 pm

كل ما شتت الدني من نبع ميري بيمرسيل
قصدي شريف مو اكتر من نكتة يامرسيل
حبيت جبلك طلب من بعد ما ودي مرسيل
وترحلك مشوار ع المطــــــار برفقة الشباب

COBRA السبت يوليو 04, 2009 7:48 pm

نبع ميري يا سامر بيمر بـِداري

بيسـقي العطاش متلك و بيـداري

انا لمـّا بزرع بين العتـابا بـداري

بتنبت عرايش تتـاكل منها عنبْ

magdeeb الأحد يوليو 05, 2009 1:14 am

هالضيعة العظيمة بقبّل عتابا
وبدخل محضر صلح بعلقة عتابا
لو كانت صبية بتقبل عتابا
بس لأنو شب بتبالغ بالعتاب

COBRA الأحد يوليو 05, 2009 6:23 pm

لولا ضو عتابي وشعري القمر ما يتم

كتب سامر عتابا سوت هالمنتدى مَيْتَم

يا ســامر بحـور هالدني كـلهـا و ميتم*

رح اسكبها دمعات ضحك ع هالعتابْ*

* مياه
* المقصود عتابات سامر

كنعان كنعان الإثنين يوليو 06, 2009 4:23 pm

مِنْ كَمْ يومْ والخَطْ عِنْدي مَقـْطوعْ
وْعَنْ عَتَاباتـْكُنْ الحِلْوةْ أنا مَقـْطوعْ
يا رَيتـْنيْ غصِنْ مِنْ شَجْرَةْ مَقـْطوعْ
يـِشْلَحْنيْ الهَوَىْ عَ سْطوحْ الحبابْ

يا كُوبْرَا البُعدْ قَلبيْ كَوَىْ لِيْ
مِتلْ ما احْتـَرْقِتْ بْسَّيارْتـَكْ كَوَالِيْ 1
بْبْلاديْ يا نَاسْ بْعيشْ كـَ وَالِيْ
وبْغِرْبْتيْ أجيرْ عندْ هَالأغرابْ

سَامِرْ مَا قَصْدُوْ زَاعْلَكْ وَ اعَاديكْ
وْلا بَدُّوْ يِخْلُطْ أصْحَابَكْ وَ اعَاديكْ
عَ شِبَّاكوْ الصبحْ كِلّْ مَا وَعَى ديكْ
بيتْمَنـَّالَكْ يا مَارسيلْ تَاخُدْ طَلبْ

يا مَجْدْ بْصَوتـَكْ رَنْدِحْليْ تِرْتيليْ
بَلْكيْ خْيُوطْ البُعِدْ بْتصيرْ تِرْتيليْ 2
شَبَحْ الغُرْبةْ صَارْ مِتلْ تِرْتـَيليْ 3
عَمْ تـْعَضْعِضْ فييْ تـَالقلبْ دَابْ

1= كوليات السيارة
2= أي تشبك وترتي وتخيط
3= أنثى العنكبوت السامة

COBRA الثلاثاء يوليو 07, 2009 4:20 pm

عم صيح بـ قهر ليش عليي ما ترِدّوا*

يا نجمــات الكـون بالله حـبيبي تِردُّوا*

علوا لـو برصاصة موت قلبي ترْدُوا*

بس يعود حبيبي والله أغلى الاحـبابْ

* تسمعوا
* تـُرْجِعوا
* تقتلوا

COBRA الجمعة يوليو 10, 2009 5:11 pm

شو كان حلو جنونك يا قيس ب ليـلى

و أنا اللي جنـوني فيك ابتـدا بــ ليــلة

و متل قيـس رفـض يعيـش بلا ليــلى

رح كون أول عاشق عخشبة انصلبْ

كنعان كنعان السبت يوليو 11, 2009 9:51 pm

هَديلـَكْ يا حَمَامْ بيشْبَهْ هَدِيليْ
بَعدْ مَا الزَمانْ أفـْراحُوْ هِديْ لِيْ
يا أيّامْ لا تركْضيْ ضَلِّكْ هَدّيْ لِيْ
تَ نـُوصَلْ عَالمينا تْنَيناتْنَا سَوَىْ

COBRA الإثنين يوليو 13, 2009 6:25 pm

حـبي إلك عن قيــس وارثو وراثـة

رح شيلك يا حلوتي بقلبي و راسي

لو كنت ببحر حبك غرقان وراسي

رح ضل أرمي حالي بين العبــابْ

COBRA الأربعاء يوليو 15, 2009 7:38 pm

فـوق جــبيني أصـابع المـوت مَـرّو

بعد ما شـربت من الـدهر كــل مرّو

أمانة بـ نعشي من تحت شباكها مرّو

بس يا جمـاعة شيلولي غطا الخشبْ

magdeeb الخميس يوليو 16, 2009 3:32 pm

هالدنيي يا أخوة كومة مطبات
عضمك يقوى فيها كلما طبات
متل النسر تطير كأنك ما طبات
تعلي بوسع الكون وتطال السحاب

COBRA الجمعة يوليو 17, 2009 1:03 am

من تحت بيتها رميت وردة بشبَّاكهـا

للي علـقت قلبــي و عمري بشباكها

من الشـمس باخـد خيوط و بشبـكها

فستان نور تلبسـو حبيبتي بزفافنـا

COBRA السبت يوليو 18, 2009 12:43 am

كيف يا حلوة نسيتيني و نسيت قبلتي*

رح ضـل حبـك إن رفضتي أو قبلـتي*

جنود الحب رح وجـِّه صـوب قـبلـتي*

تَ يجيبولي منك قبلة تدفني بالترابْ

بوسة*
وافقتي*
جنوب*

magdeeb السبت يوليو 18, 2009 2:00 pm

عطيتني الكاس وقالتلي عرق به
سكرت و ما عاد الراس يقعد عالرقبة
عطيني كفك يا حلوة عرّق بيه
العرق يطيب من أيد الأحباب

COBRA الخميس يوليو 30, 2009 12:37 am

الحبايب والله لســّا بقلبي محلن*

محلن ينســوا حبي والله محـلن

يا ناس رح خلي فرقتي محالن*

لــو كــان آخـر يوم بحياتي أنا

*مطرحن
*مستحيل

COBRA الخميس يوليو 30, 2009 12:53 am

لــو حبيتـك أنـا قوليلي شـو فيها

دمعـات قلبي لو فيكي تــ شوفيها

ورســائل حبنـا لـو لأمك تشوفيها

والله تتعشقني بسبب اللي انكتب

COBRA الثلاثاء أغسطس 04, 2009 12:10 am

عيــونك هنـِّي اللــي قلبـي صبـرو

ع فراقك دمعـــات قلبي تــ صبَّرو

والله ايوب منشـاني نســـي صبرو

وصار يسقي الناس ميات الغضب

الشاعر السبت أغسطس 08, 2009 7:07 pm

كنعان مختار الشعر ومنحكي ب لغتو

ومعزوم ع عرســــي وأنا هلق بلّغتو

ومجد والشــــــباب بتشرفوني لو بلغتو

العـــــرس ورح يكون بي 28 أب

كنعان كنعان الخميس أغسطس 27, 2009 11:55 am

بيشرفني عزيمتو لظافر وحضرتو
لو اني بالضيعة عرسو حضرتو
كنت الشعر كرمالو حضّرتو
وغنينا الزجل لشيخ الشباب

magdeeb الخميس أغسطس 27, 2009 12:22 pm

بالضيعة بهجة وطبول وفرح
الحزن بطلتك انتكس ف راح
عقبال فرحتك مع مازن وفرح
بأولاد يحملو أطيب نسب