رد: عتابا .......................

COBRA الأحد يونيو 07, 2009 9:46 pm

يا خسارة

صـرلو زمان ما وصــلني بريـدك

و أنا اللي قلت للعــالم إنـِّي بريـدك

قـلـبـي اللي أبحر تـ وصل بر إيدك

لاقا شواطي كلها صخور وضبابْ

magdeeb الجمعة يونيو 12, 2009 1:43 am

الماتعب ببحثو يا اخوة ماطال المنال
بقدر جهدك يا ظافر ما صاب وما نال
ربي يرزقك كنعان بشي منال
تصبغ حياتك بالجمال وبالأدب

كنعان كنعان الجمعة يونيو 12, 2009 1:47 pm

magdeeb كتب:
الماتعب ببحثو يا اخوة ماطال المنال
بقدر جهدك يا ظافر ما صاب وما نال
ربي يرزقك كنعان بشي منال
تصبغ حياتك بالجمال وبالأدب

مَنالي أرجعْ عالضيعة مَنـَالي
لأنو الغربةْ يا مجدْ مَانا لي
ويومْ رجعتيْ يومْ مُنـَى لي
تا لِمّ الشملْ وشوفْ الحبــابْ

the black rose الجمعة يونيو 12, 2009 2:28 pm

سمحولي

والله الغربة حرًاقة كتير
عأساس بتغني الفقير
بس البدو يصير أمير
غير عأرضو مابيصير

الشاعر الجمعة يونيو 12, 2009 9:12 pm

يا مجد الهندســـــــــي هيي منالك

وأحلى صبية بالمستقبل بت منالك

وأنا برأيي العزوبية منّا .....لك

وبعد التخرج افتاح لقلبك الباب

منّا : مانا

magdeeb السبت يونيو 13, 2009 12:51 am

قلبي ملكتو هالدعوة بقدسها
ببخورها وترتيلها ببت لحم بقدسها
والله يا ظافر كل خدمة بقدّسها
بتسوى العمارة وناطحات السحاب

القدس الأولى:قداسة
القدس الثانية:القدس عاصمة فلسطين

samerbek السبت يونيو 13, 2009 4:56 pm

ما طيب الــــــعرق ببيتكم وشو طيبة المازا
و بيــــــك يطلع بامــــــــك ويقلــــها لماذا
وانا ضل اشرب عرق وطفيها بقنينة المازا
وبعدها اركض بالطرقات و دقدق ع البواب

magdeeb السبت يونيو 13, 2009 6:07 pm

يا خيي البنت النية المايعة ما ريدا
يوم بدها تكزدرك يوم بتقلك مريدا (مريضة)
وتبقى أنت قزم وهيي ببيتك ماردة
يا محلى لعزوبية بحياة الشباب

كنعان كنعان السبت يونيو 13, 2009 8:45 pm

الحياة مِنْ عُمْرنَا النْعومِة نـَفِتـْهَا *
بِأوْقاتْ الشِدِّةْ الصَخْرَةْ نـِفِتـْهَا
وْ بْيُوتْ الليْ نِحْنَا مَرَّةْ نـِفـُتـْهَا *
أهَلْهَا بْيفـْتحوا بِقلوبْهُمْ بوابْ

* من النفي
* ندخلها

COBRA السبت يونيو 13, 2009 10:17 pm

والله ياعمي الشباب قدها وقدود

يا شباب هالصفحة حلوِّت بوجودكم

ضلوا زيدوها من خيركم و جـودكم

كنعان و ظافر انتو الخير و الجُّّود.....

....كما مجد و سامر اللي بالآخر كتبْ

COBRA السبت يونيو 13, 2009 10:37 pm

اشتقنا

شواقي الكن يا شباب بمراسيل باعتها*

أنا اللي منشان شوفتكم حيــاتي بـِعتها

وأنا اللي رضيت منكم بفرشة وبعتها*

شرط نــام بديـار شعركم يا أصحابْ

*مرسلها
*العت

كنعان كنعان الأحد يونيو 14, 2009 4:19 pm

حضرت مشهد رجم فتذكرت قول السيد المسيح
من كان منكم بلا خطيئة فليرجمها بحجر

اعْتـَبْرُونيْ زانيةْ وْ هِنـَّيْ زَنـَوا بـِيْ
وْ كَانِتْ ذْنوبْهُنْ أكْتـَرْ مِنْ ذِنُوبـِيْ
رَجْمُونيْ بالحْجَارْ وْمَا اسْتـَأذَنو بَيّْ
ولا رَحْموا أمْ ثـَكْلوهَا بْلا سَبَبْ

samerbek الأحد يونيو 14, 2009 6:01 pm

ميلي ياحـــلوة قبالي ميلة فــــــاميلي
و تعي نـكون سوى احلى فــــــاميلي
رح ابعتلك مسج فيه رقمي فــــــاميلي
وانا ناطر للصـــبح ع احر من اللهب

magdeeb الأحد يونيو 14, 2009 9:15 pm

حبك يا صبية جنني عبطني
قلبني طول الليل عضهري وعبطني
بوسة من خدودك وشعرك عابطني
بتسوى مال الدني وأطنان الدهب

magdeeb الأحد يونيو 14, 2009 9:17 pm

أنا يا بنت حبيتك عشقتك
يوم المنى يوم الي بدخل عشقتك
وبصير متل كل عاشق تك
الفوقو والتحتو ليرضى الحباب

عشقتك : استخدمت سابقاً لذا اقتضى التنويه للأمانة

magdeeb الأحد يونيو 14, 2009 9:19 pm

البنت مع لرضاعة والبامبرز غيارا
بتسجل انتساب بجمعية الغيارى
وكنك يا مارسيل بتنزل غيارا
للمتسوبيشي البنت بتلغي هالطلب

COBRA الأحد يونيو 14, 2009 9:47 pm

مستحيل

محلـَّك تنسى بوسـاتي يالغــالي محلـَّك

وِن نويت الجفــا عشـر غـوالي محلـَّك

وِن فـكرك ترجعـلي رح يكون مُحَالك*

نجوم السما أقربلك من عيني والهدابْ

*مستحيل

COBRA الأحد يونيو 14, 2009 10:00 pm

سهران وحدي

أجاني السهر و الليل بعتماتو محلـَّك

سهران وحدي و بعدو فاضي محلـَّك

لو ما فيك تجي أبعتـلي طيفك محلـَّك

خليه يحل بقلبي و يحلحلي هالعذابْ

كنعان كنعان الثلاثاء يونيو 16, 2009 3:13 pm

بْتمِيلْ الْدِنيْ بـِجْبَالْها بَسْ تـْميليْ
لْمَسِتْ مِنْ خَدِّكْ مَيليْ وبـِستْ مَيليْ
خَرطوشْ عَينيكيْ عْيارُوْ بـِ سِتْ مِيليْ
ضَلـِّكْ نـَيشْنيْ علييْ تـَالقلبْ يِنْصابْ

COBRA الثلاثاء يونيو 16, 2009 11:53 pm

طبيب الحب منشـاني عاف كارو

وأنا الخليت قلبي يتسمع ع فكارو

يا حلوة عنك القـلب رح يعفي كا

روح عم تطلب التوبـة من ربـِّنـا

كنعان كنعان الأربعاء يونيو 17, 2009 7:49 pm

الشِعْرْ مَوهَبِةْ عِنْديْ وَبيْ كارْ
بْمَعْرَكةْ الزَجَلْ بيْ فـَرّْ وَبيْ كَرْ
بِرْسُمْ أبْياتيْ بْمَنـْقـَلِةْ وَبيكارْ
بْهَنـْدَسةْ الشِعْرْ بِينْحَسَبليْ حْسابْ

COBRA الأربعاء يونيو 17, 2009 8:50 pm

بحــر حبي عم يبكي ع مَيْتـُو

والحب الأعمى بإيدي عَمَيْتـُو

والله يا بشر نظـري عِمي تـَو*

شفت النور من عيون لحباب

*لحظة

COBRA الأربعاء يونيو 17, 2009 8:58 pm

يا كنعان جود بشـعرك عَليْـهُمْ

لا تخــلي ولا حرف عليـه هَمْ

خلي شعـرك بالغيـوم وعَاليهُمْ

حتى تطال بشعرك بركة ربنا

كنعان كنعان الخميس يونيو 18, 2009 2:51 pm

بَينْ حـِـلِوْ الإيَّامْ وْ بَينْ مَرّْهُنْ
الصديقْ الوَفيْ طولْ العُمرْ مَرْهُونْ
مارسيلْ مْبارِحْ عَشيةْ مَرّْ هُونْ
شَرْقِتْ شمسْ العتابا بَعدْ الغيابْ

COBRA الخميس يونيو 18, 2009 6:08 pm

طير الحب صوبهم بعتو وعاد لي

و الحباب عـ جناحو كتبو وعد لي

قال رح يرضــو بظلـمي وعــدلي

لو كانت قسوتي وظلمي بلا سببْ