رد: عتابا .......................

COBRA الأحد مايو 17, 2009 9:50 pm

كذب وخداع

ما كنت بكـذبك و بخداعك داري

من جرحك صرت هالقلب داري

بعد ما بنيــت عــ الصخر داري

حولتي بكذبك الصخر لـ سرابْ

كنعان كنعان الإثنين مايو 18, 2009 3:25 pm

يا قـَمَرْ جايي عَمْ تِسألْ عَ لـَيلـَكْ
يا قـَمَرْ قَلبيْ منْ جوّىْ عـَلـيلـَكْ
شفافـَكْ وَرْدْ و خدودَكْ عَ لـَيلـَكْ
لا تِبْخَلْ عَالنَحلْ بـِإِيامْ الجَنَـــا

الشاعر الإثنين مايو 18, 2009 5:10 pm

أنا تعلمت الماني وتركي

حتى ماتفكري حبي تتركي

وأذا ختيرت ع قلبي تركي*

مادامت لحدا أيام الشباب

* : الإتكاء

كنعان كنعان الثلاثاء مايو 19, 2009 2:46 pm

بأرضْ اليازدية لِيْ مَيّْ وَ لِيْ فـَيّْ
و قلبْ عاشِقْ تـْرَكـْتو مَعْ وَليفيْ
وْلَكْ جيبولِيْ صابونةْ زَيتْ وَ لـِيفهْ
تـَ أغسُلْ همومْ غربْتيْ والعَذابْ

COBRA الثلاثاء مايو 19, 2009 11:33 pm

وردة

أنا بـِحُبـِّـك بـِحْلـَم مِيّـة حلم وَرْدِي

ياما ندهـتـك بــس التفـتي وَ رِدِّي

تعي و اقطـفي مـن ورداتنا وردة

واشـكليها بشعرك تتحلـي ورداتنا

كنعان كنعان الأربعاء مايو 20, 2009 6:10 pm

يلّليْ بـِإيدَيكيْ خِبـْزَاتيْ عَـجَنـّْـتيْ
تـْفـَضَّليْ عَمَمْلَكْتيْ وْ فُوتيْ عَـ جَـنـّْـتيْ
أنا جـَنـَّيتْ وْ مِشْ سائـِلْ عَـ جَـنـّْـتيْ
يـــامــا مْجَانينْ جَنـّْـوا بـْلا سـَبَبْ

COBRA الأربعاء مايو 20, 2009 10:26 pm

جـــنــــــــــــة

يا كنعان ثمار الحب لسا ما جَنـَيْنا

والله أنا وأنت لسا لهلق ما جنـَّيْنـَا

وِن الرب ما تركلنا بالسما جنِيْنـَا

رح تكون جنتنا بحضن الحبـابْ

COBRA الخميس مايو 21, 2009 5:50 pm

أصحاب سيئين

لو اجـوني العقارب كلهـم بـ سـَمّهُم ...1

و من بعيد عـ وجوهن بايـن بَسْمّهُم ...2

و قلبي من القهر بس يسمع باسمْهُم ...3

بيصير يفرز سموم من دون سـببْ ....

1..سم
2.. ابتسامة
3..اسم

كنعان كنعان الخميس مايو 21, 2009 7:43 pm

شَجْرِةْ الْمَا بْتِحْمُلْ رَبِّيْ عَدَمّْهَا
لأنّوْ حَيَاتـْهَا أصْعَبْ مِنْ عَدَمّْهَا
حرُقوهَا بِالنارْ وْلا تِبْكوا عـَ دَمّْهَا
ولا تـْخَلّوا جْذورْهَا تـْغَلْغِلْ بِالترابْ

كنعان كنعان الخميس مايو 21, 2009 8:05 pm

COBRA كتب:

جـــنــــــــــــة

يا كنعان ثمار الحب لسا ما جَنـَيْنا

والله أنا وأنت لسا لهلق ما جنـَّيْنـَا

وِن الرب ما تركلنا بالسما جنِيْنـَا

رح تكون جنتنا بحضن الحبـابْ

لـَقـَطفْ الثـَمَرْ أنا حمِلتْ مَنْجَليْ
يا كوبرا العقلْ لَهَلـَّقْ مِنـْجـِليْ *
لاكِنْ بُـكْرا رَحْ تِخْوَتْ منْ جَلِيْ
الصحونْ وتمسيحْ البــوابْ

* منجلي = بائن وموجود

COBRA الخميس مايو 21, 2009 10:15 pm

لاه ياخيي كنعان لاه

يا كنعان انا ما بجلي صحون كالنِّسَا

وانا عم ذكــرك يا صاحب كَنْ نَسَى *

غبار التخـازل عن طريقي مـ كـَنَّسَا

و انا لبيتي و داري حــارس للبوابْ

* كنك انسيت

[/center]

كنعان كنعان الجمعة مايو 22, 2009 12:05 am

مِشْ غلَطْ مَرْتـَكْ لَوْ طََلْبِِتْ سَاعِدَا
وْ كُونْ بْشغلْ البيتْ إيدا وسَاعِدَا
خلّيكْ مفرّحها بحبَكْ وْ سَاعِدَا
بتنالْ منْ رَبّْ السَمَا ثـَـــوَابْ

magdeeb الجمعة مايو 22, 2009 12:30 pm

زينة هالبنات بوجهها وقفاها
الله لمن شتا عقول مش صدفة قفّاها
وأنا كالمسكين ماشي قفاها
من بواب الشام لقلعة حلب

magdeeb الجمعة مايو 22, 2009 12:33 pm

حبيبتي الحلوة عالـــ chat ــ offline
وقلبها الحصين مسكرتو بقفلين
تعبت من النطرة يا قلب أوووووووووووف لين
مش أنا البلعادة أنطر عالبواب

كنعان كنعان الجمعة مايو 22, 2009 1:01 pm

عَلـَّمْتـْهَا بالإنكليزي تـْعِدْ وَنّْ تـوْ
وَنّْ القلبْ ويا وَيلي منْ وَنـّتوْ *
أنا العشقانْ يا ناسْ وِانتوْ
بَعْدْكُنْ عَمْ تسألونيْ عَ السببْ

* ونتو : أنينه

Al_Basha الجمعة مايو 22, 2009 1:28 pm

متل ما بودّك يا حبيبي ودّّني

والله جمالك ملا العالم والدني
ولا تعاشر الندل عمرك والدني
بيصغر مقامك بين اهلك والاحباب

COBRA السبت مايو 23, 2009 6:28 pm

كنعان كنعان كتب:

مِشْ غلَطْ مَرْتـَكْ لَوْ طََلْبِِتْ سَاعِدَا
وْ كُونْ بْشغلْ البيتْ إيدا وسَاعِدَا
خلّيكْ مفرّحها بحبَكْ وْ سَاعِدَا
بتنالْ منْ رَبّْ السَمَا ثـَـــوَابْ

يا كنعان مو غلط اذا مـرتك عـَاونتـَا

بس مو كل ما ونِّت بدك ترد عـَ وَنتا

لـــكن اذا و للــبـد بتقصد مـُــعـَاونتا

بتنام الضهر حــتى سهــرك يطــابْ

كنعان كنعان السبت مايو 23, 2009 7:42 pm

لَزَمْنِيْ الْشَوقْ باللّيَلْ فـَلا فـَلّْ *
وْ طَارْ الْنَومْ مِنِّيْ وْ بـْ فـَلا فـَلّْ *
وَنَا مِشْتاقْ لَمَلفوفِةْ فـَلافِلّْ
نَمُّورَةْ وْ فِسْتُقْ وْقـَعْدِةْ الْشَبابْ

* بطّل يروح
* بالفلا أي بالفضاء راح

Al_Basha السبت مايو 23, 2009 10:58 pm

يلي بالفلا ترعي بعارك

الندل لو شاف عينيكي ب عارك
والله باخدك لو كان بعارك
بشرط يسكرو علينا البواب

كنعان كنعان الأحد مايو 24, 2009 4:41 pm

الشَوقْ بـِالْكِلْمَاتْ دْفَاتِرْ عَبَا لِيْ *
وْ مِنْ عَتِمْ غرْبْتـُوْ فـَصَّلْ عَبَا لِيْ *
اليازدية يا ناسْ دَايـِمْ عَ بَالِيْ
ناطِرْ عَ جَمْرْ تـَا شوفْ الْحْـبَابْ

* ملأ لي
* عبايات أو أثواب

كنعان كنعان الإثنين مايو 25, 2009 7:54 pm

تِمِّيْ مِنْ خَمْرْ تِمِّكْ عَاشْ رَاشِفْ *
مَا بْيشْبَعْ وَلـَوْ كاسِهْ عاَشْرَا شَفْ *
دَلـَقـْتِيْ حَلا جِسْمِكْ عا شْرَاشِفْ
شَعَّلتيْ فـْـرَاشِكْ بْـنـَارْ وْ لـَـهَبْ

* عاش شارب
* كاس رقم 10 شرب

الشاعر الإثنين مايو 25, 2009 8:07 pm

من شعري دوق أحساسو الغني

شروقي مخمس ومعنّى وغِني

وعتابا وأوف من فكري وغنّي

قصايد حـــــــب لأهل الطربِِ

كنعان كنعان الإثنين مايو 25, 2009 8:16 pm

مَا عِنـّا مِتلـَكْ يا شاعِرْ مَا عِنـّا
قصيدْ وغْنانِيْ .. شْرُوقيْ وْ مَعَنـّى
مِنْ كِتـِرْ هَالقلبْ عَنـَّاتوْ مَا عـَنـّا
صارْ مَلهوفْ تَـ يشوفْ الحْبَـابْ

COBRA الثلاثاء مايو 26, 2009 7:01 am

عرقاتـنـــــــــــــا

عرقاتـنـا ما في متلهـم بَشَـرْ دَاق

مو متل غـيرهـم عـرق بـِ شَرْدِق

يا شباب لو عَ بوابنا أجا بشر دق

رح نسقيهم من أطـيب عرقاتنـــَا

عرقاتنا لسـا عم يبكو عـَ شَاربهُم

اللي شربو منهم علـَّق عَ شَاربهُم

و الملايـكة بيقدمو مع عَشَا رَبّهُم

عرق من صنع ايدينا وكرومنـــا

كنعان كنعان الثلاثاء مايو 26, 2009 2:41 pm

فـَكَّرْتِـكْ مَـلاكيْ طْلعْتيْ جـِنْيـتيْ
وْعلى قلبيْ الطيبْ إنتيْ جـَنَيـتيْ
زْرَعتيْ حِقدكْ وْ بالآخِرْ جـَنَيـتيْ
شَرّْ أعْمَالِكْ وْ حْصَدتيْ العـَذابْ