رد: شرفوا عالموشح يا شعراء

كنعان كنعان الأحد أغسطس 24, 2008 11:03 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يا مجد الخطبة بدا ---- هيك زيارات
يوميـة روح لعندا ---- وبإيدك هــات
وحتى تبقى تتغدا ----- وترضى الحماة
متل بنتا هي بدا ------ سواره وزنــــار

مع خطيبا بتتمشى ------ صوب الكورنيش
حطت حمرا عوشا ------ وعشعرا مـــيش
قالتلو بـــدي اتعشا ------- قــــلا شنكليش
قالتلو ما بتــعشى ------- إلا كافيـــــــــار

علينا بشوفو بحالون ----- وبحطو شروط
بيتبــــاهو بجــمالون ------ إي طق وموت
الغريب اللي بيهنالون ----- عالضيعة يفوت
حالو أفقر من حالون ------ وما عندو دار

صارت هيك القصة ----- بدا أمـــوال
كيلو دهب متوصى ----- بلك وسنسال
وبتبقى بقلبا الغصة ----- وبتقول قلال
لولا تنعاد القصة ----- بتطلب قنطــار

البنت العالجازة حــلا ----- وعطلب القرب
وما بترضى بنعمة الله ----- وبحـــكم الرب
واللي بدا تتسلــــــى ------ بعـــقلات الشب
تبقى ببيتا أحســـنلا ----- ما تقـــــل العيــار

صديق الإثنين أغسطس 25, 2008 12:32 am

الصبايا متل الشباب.......في منون اشكال اجناس
يوم اللي بندق الباب.......بنوزن بوزن الناس
************
في صبايا بتوزن صح.......وبتقدر ابن الحلال
افكارها بترجح رجح.......بس بتسوق بالدلال
*************
اللي بتتغندر بصباها
الفهمان بيقول بلاها
وهيك المتل حكاها
طنجرة ولاقت غطاها
*************
بس الفهمانين كتار
من الكل بتعرف تختار
**************
وما بتهما المظاهر
بدها الجوهر مو الظاهر
*********
يا ربي يا ذو الجلال
تبعتلي بنت الحلال
***********
ضيعتنا ما بتخلى
وبصبايها بي تحلى
************
والله ياخيي كنعان
اني كل حكيك فهمان
************
في بنات بتغرا
الشباب ال من برا
وطب الجرة عا تما البنت بتطلع ل اما
****************
بيقولو البنات للعمات
وهم البنت للمامات
دور عا بنت الاصول........ حتى لو طعميتك فول
***************
ما طلع معي غير هيك
المهم الموضوع العتب على الاثنان
وفي سوء تفاهم بين معظم شباب و بنات الضيعة مو الكل بيطلب او بتهمو المظاهر
واذا كان هيك ونحنا الشباب رضينا بنكون محقوقين كمان
وكذلك بالنسبة للعادات و التقاليد فعلا الاعراس وتقاليدها تغيرت

Souli...Y,M... الإثنين أغسطس 25, 2008 11:21 am

بالجنّة حوى مرتاحة......تحت الفيّة

تطعمي أدم تفّاحة......هيي والحيّة

هي حوى للصراحة......سبب الخطيّة

حرمت أدم الراحة.......وسكنته النار

magdeeb الإثنين أغسطس 25, 2008 5:48 pm

بضيعتنا هيي عادة ---وأحلى فرحة العمادة

بيعمد أبونا بالمي ---والروح تحل زيادة

بتبدا بجرس عمبيرن ---بالبهجة الجايي يخبر
عالتربيعة لا لا تحن--- ربك هوي المدبر

وبلحظة اجتمعوا الأهالي--- أحباء ومعزومين
ليشهدوا عمادة هالطفل ---وكانوا كلن مبسوطين
بلش أبونا يرتل ---ووراه نقول الآمين
والولد بدي بالبكي ---ياترى هوي حزين؟؟
غطسوا الخوري بالجرن--- وحملوا من تحت الباطات
عالتراث المسيحي--- نزلوا تلات غطسات
وبالميرون صار الدهن--- وشهادة رب القوات
ومع صلاة حمل المقص--- وقصلوا تلات خصلات
شيطان يطق من قهروا--- جبروتو أصبح ذكريات
والنعمة من رب الكون ---اللي ضحى حتى الممات
حلت بكاس القربانة--- اللي فيها تجديد الحياة
ربي ثبتنا بالإيمان ---وعالصخر نبني هالبات
نفرجي إبليس نجوم الضهر--- إبليس الحركاتو كتار

كنعان كنعان الإثنين أغسطس 25, 2008 6:07 pm

شفنا أنا والشباب إنو المشاركات كلا من طرف الشباب يعني ما في صبايا بالموشح

حبينا نستفزون شوي بلكي شي صبية بتفوت تدافع عن حوا , يلا يا صبايا وينكن الموشح لليازدية كلا مو بس لشباب اليازدية , حتى لو ما كنتو بتكتبو موشح المهم الفكرة .

وهنا أحب أن أشكر جميع من شارك بالموشح , بصراحة يا شباب أفكاركن كتير حلوة وهمتكن الله يبارك

أنشالله بتدوم هيك نخوة وهيك همة والله يبارك بالشباب.

كنعان كنعان الإثنين أغسطس 25, 2008 11:40 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

وين الصبايا الحلوين ---- البليازدية
ومين اللي بـدا ميـــن ---- ترد عليي
الموشح ناطر تخمـين ---- هالصبية
حتى نبقى متعادلين ---- بهالمشوار

بدنا هالجنس اللطيف ---- يكتب معنا
ولمسة سحرية منضيف ---- عموقعنا
حتى إذا جانا ضيـــف ---- تيشجعنــا
نعرف ضيعتنا تعريف ---- بأحلى أشعار

صدقتو إنو عنكن ---- رح نستغنا
الالهام كلو منكن ---- نحنا خـــدنا
كل ما بعدنا عنكن ---- بيرجعنـــا
بيرجعنا الشوق إلكن ----يا أحلى قمار

COBRA الثلاثاء أغسطس 26, 2008 12:23 am

[center]ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

الله يسعد اوقاتكون ..........احلى شباب
مبين زيادة ضحكتكون.......شو هالاسباب
من زمان ماشفناكون........والقلب داب
تمرمروتختخ عفراقكون.......فضياني الدار

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يلا يلا ياصبايا ..........وينا الهمة
شوية اشعار وهدايا.........لهااللمة
احلى شباب وصبايا.......بدون كلمة
كلمتكون هيي راية........والشباب كتار

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

الشباب الي مستنيي .......تتقابلوهن
لاقوهون باحلى هدية......وكونوا معهون
بكلمة ولحن وغنية...............بتشرفوهن
بتكون احلى سهرية...........باحلى الاشعار

[/center]

Souli...Y,M... الثلاثاء أغسطس 26, 2008 10:28 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

البنت الشقرا بضيعتنا......رمشاتا فل

داب الحلا بوجناتا......ولمى ب تطل

اضيع البسمة بغمزاتا......وبقلبي تغل

يغاروا منا رفقاتا......ويحترقوا بنار

والبنت السمرا محلاها......بعيونا سحر

الورد يغار من خدودا......يطق من القهر

تزيّن جبينها ب شاماتا.....ولمّى ب تمرّ

ب تحرق قلبي بعتماتا......وتكويني بنار

كنعان كنعان الأربعاء أغسطس 27, 2008 10:16 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يا ضيعتنا المــزوعة ---- ياسمين وفل
كل ما الشمس بتوعى ---- وعليها تطل
بتدفق مي من نبوعا ----- وبتسقي الكل
الله يحميلا ربوعـــا ----- ويحمي هالدار

كنعان كنعان الجمعة أغسطس 29, 2008 12:44 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

كلــــــن راحو يتحدو ---- زائر هالليل
طلعو من صفي ضدو ---- وفرجوه الويل
بس الموشح بــدو ----- رد وتكميــل
وبدو بوسه عخدو ----- وباقة أزهار

الشاعر الجمعة أغسطس 29, 2008 3:39 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يا ضيعتنا المحمية ------ بأسوار الحب
أنت بهالكون هدية ------ وأسمك بالقلب
ولو شبهتك لصبية ------ يغازلها شب
رح بعطيكي عينيي ------ وأحلى أسوار

كنعان كنعان الإثنين سبتمبر 01, 2008 10:15 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

تركنا الضيعة وسافرنا ------- ودوبنا الشوق
تغّـــــــربنا و تعترنـــا -------- تالحـــال يروق
بس نحنا ما تغـــــيرنا -------- ولا صرنا فوق
لو كل الدنيي برمنــــا -------- عليها منغـــــار

ضيعتنا الحلوة تلالا ----- تغطّت بالغــار
والزيتون العجبـــالا ----- بيجود ثمـــار
بالغربة نص رجـالا ----- تركو هالـــدار
تَ يزيدولا جمـــــالا -----راحو مشــــوار

كنعان كنعان السبت سبتمبر 06, 2008 11:54 am

وينكن يا شباب تركتو الموشح يلا ناطر رداتكن

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

وين الشعّار الكـــانو ---- يفوتو لهون
عل الموشح ما هانو ---- وحبن بجنون
هجرو هالدار وبانـو ---- وضاعو بهالكون
عودو وملّو بستانو ---- ورد وأزهــــــار

الشاعر السبت سبتمبر 06, 2008 1:28 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يا ضيعتنا منحبك --------- قلبي بيقول
وشو تمشينا ع دربك ------ والليل يطول
ونحنا بنعيش بقلبك ------ وهيدا مدلول
عن طيب ورقّة شعبك ----- صغارو وكبار

magdeeb السبت سبتمبر 06, 2008 4:42 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يا يازدية يا حلوة --------- يا قمريــــة
ع سطوحك أحلى خلوة ---- بالصيفيـــــة
بتنسى همك والبلوة------ من عشـــــــية
شعبا مميز بالنخوة ----- وإكــــرام الجار

magdeeb السبت سبتمبر 06, 2008 7:59 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

الغربة والله يامسافر---- بتهد جبال

بتترك أهلك بتغامر---- بتبعد أميال

بس هالمرة يا ظافر---- تارك منال

حبها لكبير لغامر ---- يردك عالدار

كنعان كنعان الأحد سبتمبر 07, 2008 11:42 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

قالت جنبك غفــّيني ---- وبشَعري غِلْ
برمش عيونك خبيني ---- وبقلبي ضَلْ
صارت تبكي الياسمينه ---- وينوح الفِلْ
وزَهّرْ وردي بجنينه ---- وفتح نّـــوارْ

كنعان كنعان الأحد سبتمبر 07, 2008 11:51 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

شفتا مرة بالحفلة ---- ترقص وتميل
بعينا صارت تهتفلي ---- يقبش هالجيل
ولما صارت توصفلي ----- أسرار الليل
قلتلا بعدك طفله ----- وعقلاتي كبار

كنعان كنعان الأحد سبتمبر 07, 2008 11:53 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

طلبت بوسه وما عطيتا ---- قالتلي ليش
البوسه منك حبيتـا ---- تأقدر عيش
شافتنا إما وخيتـا ---- وعلقوا تلطيش
من شباك اللي ببيتا ---- محسوبك طار

Souli...Y,M... الأحد سبتمبر 07, 2008 3:16 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

غربتنا أقسى غربة......بتهد الحيل

للمحبوبة وللقربة......الشوق يميل

محلى أيام الصحبة......وسهرات الليل

غربة ضيعتنا غربة......من دون أنكار

الشاعر الإثنين سبتمبر 08, 2008 2:16 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يا مجد ماني مطول ---- بي هالسفرة
وضعي مو متل الأول ---- هيدي المرة
لمنال قلبي تحول ---- وروحي بأمرا
وبدك تدبك عالأول ---- بعرسي ياجار

magdeeb الإثنين سبتمبر 08, 2008 2:32 pm

انشالله بتوصل بسلامة --- عالإمارات
وبترجع من دون ندامة --- بتسكن هالبات
ويرجع نجم بفخامة --- وهاك الضحكات
يدندنلو كم علامة --- وتحلى الأسهار

magdeeb الإثنين سبتمبر 08, 2008 2:45 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

أنا بعرسك رح أرقص ---- ومش بالعادة
ورتل فصل من مرقص ---- وعلي زيادة
كاسة عرقي ما بتنقص ---- وكاسك نادي
لعيونك كلو بيرخص ---- ملك الأشعار

الشاعر الخميس سبتمبر 11, 2008 12:20 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

تسلم يا مجد الغالي --- تسلم ع طول
ونجم بعرسي بيلالي ---وشي عشر طبول
وسائر جنبي نيالــي ---شـــــــو بدي قول
والرياس العقبالــي ---بكّو المزمـــــــــار

magdeeb الخميس سبتمبر 11, 2008 3:20 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

ضيعتنا فستق منير --- والنمورة الشهية
طعمة متلا ما بيصير --- علامة لليازدية
وبكلمة حلوة وتدبير --- بتستقبل بالحنية
رح تترك فيك التأثير--- وتعيدا مرات كتار