رد: شرفوا عالموشح يا شعراء

COBRA الثلاثاء أغسطس 19, 2008 7:39 pm

راكب واحد ومنمشي ................وفراطة معي كمشي

بطالع اهل الضيعة والموظفين .....وشوية صبايا عهالطريق بس حلوين

بمشي عمهلي وعالهين الهين ........لالالالا بيعتقد بينزلو مصفرين

ولك يا حبيبي عشو مستعجل..........بدتكون توصلو شومنعمل

منوصل عالساحة وبيفتحوا الباب ......وخود فراطة وليرات من هالركاب ....اف

وابو احمد بالساحة متربع..............دخلك شي فنجان قهوة مدلع

بشغل المسجلة ع فيروز........وشفة شفة من الفنجان

دخلك دخلك يافيروز...........ماخلق بعدك فنان

وعفانوس السيارة من فوق ..............اليازدية اليازدية وبس

هيدي ضيعتنا اللي منحبا ............وانشالله ما منبعد عنا الله يخلي اهلها وجميع الناس

والله بيطلع معي موووووووووووووووو

كنعان كنعان الثلاثاء أغسطس 19, 2008 7:59 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

مجد الزعران البدون ---- يرموك بمــي
عاضيعتهن منردون ---- بلا إم وبــي
بحكم الأموات بعدون ---- وما بقول خطــي
بواب الضيعة بتصدون ---- تنحمي الدار

كنعان كنعان الثلاثاء أغسطس 19, 2008 8:57 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

عالمكرو شوفر شوفر ---- خيي مارسيـل
انشالله هالمكرو تغيــر ---- بأحدث موديل
عالكوع أوعى تزمــر ---- الشرطي مقابيل
مقابيل المكرو يصــفر ---- وجيابو كبـــــار

صديق الأربعاء أغسطس 20, 2008 3:16 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

ضيعتنا كلك همة.......وشابابك نار
بالافراح بتتحلي......الدبيكة كتار
واحلى شباب وشلة......يروحو مشوار
بضيعتنا فيكي الهمه.......لو دهرك جار
ايام الحزن تخلي.......الكتيفة كتار
ربي زينها بفلة.......ضيعتنا الغار
اليازدية بقلبي ب تضلي.......بحبك محتار
**********************
شو ما قلنا و اوصفنا ......ما فينا نجود
ضيعتنا بنبقى اخوة.......وما فينا نحود
*******************
ضيعتنا فيها القوة.......بفكر و احساس
وشعارا دايما هوي .......محبة الناس
محبة ممزوجة بقوة.......متل دعاس
****************
ضيعتنا مضرب امثال
ضيعتنا فيكي ابطال

*************************************************
اذا بتحبو نقوم بوصف قصص او حياة بعض الشخصيات المميزة بتاريخ ضيعتنا
وخيي كنعان اذا بتبلش بكون ممنونك
اي شخصية عامة من تاريخ ضيعتنا(اليازدية و الحارة)
ههههههههههههههههههههههه

كنعان كنعان الأربعاء أغسطس 20, 2008 12:06 pm

خيي صديق وصف قصص أو شخصيات من تاريخ الضيعة فكرة كانت ببالي بس كنت تاركا لموضوع جديد ما يكون موشح , يعني بشكل قصيد أو معنى بتكون أحلى وأوسع انشالله بس نخلص من الموشح منبلش وشكرا كتير إلك.

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

لما جراسك ضيعتنا ---- عالعالي تروح
ومن عبك يا كنيستنا ---- البخور يفوح
بدم الفادي جرتنــا ----- ملياني جروح
عمترشح مع دمعتنا ----- جرة فخار

bedrous muradian الأربعاء أغسطس 20, 2008 12:08 pm

شو هالحلاوة يا شباب شي حلو كتير

كنعان كنعان الأربعاء أغسطس 20, 2008 12:10 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

تحت التوتة لمتنا ---- تنشرب كاس
كاس اللي من كرمتنا ---- بيعبي الراس
عالكركي حليت سهرتنا ---- مع أحلى ناس
انشالله بتبقى محبتنا ----- لو مهما صــار

[/center]

صديق الأربعاء أغسطس 20, 2008 3:25 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

محبتنا هيي اللي.......ما بتموت
محبتنا هيي.......بكل البيوت
ضيعتنا العزة فيها .......وين ما بتفوت
************************
صراحة عم تروكب معي خيي كنعان
عم تنقط تنقيط
بتعرف مش شعراء
لكن بشكرك على هل الفكرة الي خلت الكل يعبر عن مشاعر المحبة للضيعة واهل الضيعة

كنعان كنعان الأربعاء أغسطس 20, 2008 3:59 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

مهما تروكب يا صديق ---- بشعرك بتجود
حتى النايم رح يفيــــق ---- يدقدق عالـعود
شباب الضيعة عند الضيق ---- متل البارود
بيولع من تحت الطريق ---- بيفجر بالنار

COBRA الأربعاء أغسطس 20, 2008 4:42 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

الله يسلم دياتك....... خيي كنعان
حرف وكلمة وغنية........فعلا فنان
شعر وزجل واغاني........اشكال الوان
بلشت اكتب متلك............ومني بتغار

شاعرنا الغالي ظافر.......اه يا مهيوب
كلماتك حلوة شاعر......تدفي القلوب
بكنعان سولي والشاعر......المنتدى محبوب
شعر وزجل وخواطر.......كلها اسرار

انت وينك يا سولي...... بالليل نحر
شلفت الطعم بالمي.......بنص النهر
كربت كربت وطمست......سحبتا عالبر
وكاسة متة منقرقع.........ومنكسر فوسفار

ايمت انت يا يوسف .........بدك ترجع
احلى سهرة وغنية............بدنا نسمع
نحنا ع خيمة حازم.............ناطرينك طلاع
نشرب متة واركيلة ............نألف أشعار

اليازدية ضيعتنا الحلوة..........نحنا منحب
ريتو الله يحفظها..........ويحميها الرب
ارضا بيوتا وناسا...........وكل بنت وشب
منعشق ترابا ومنحبا..........عليها منغار

منحكي نحنا وهواها.........قصص وحكايات
منخلي الشجر العالي ........يبوس الوردات
عبيدرها وبسوقا............احلى القعدات
هي اليازدية يا عمي ........متلا ماصار

كنعان كنعان الأربعاء أغسطس 20, 2008 7:27 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يا رايح صوب النبعة ---- تتملي مي
ان شفت صبايا مجتمعة ----- بطراف الحي
الحلوة البعيونا دمعة ----- عمتبكي خطي
قلا رح شعل شمعة ---- وطفيلا النار

magdeeb الخميس أغسطس 21, 2008 2:06 am

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

في عنا مريزة الحلوة---درة ياقوت
غير بربوعا الخصبة---ما بنرضى نموت

من طاحونة بو سعادة ---إلكم أطيب زوادة
لقمة هنية مشغولة---بتجذب أكتر الزوار

والروشة بطلتها البهية---عالصخرة الفوق المية
يستقبلكم أبو معن--- ليعلمكم الأسرار

والأسطورة المتل قصور --- بإدارة عيلة جبور
بيلفها زنار زهور --- ومقصد غيرو ما بتختار

السمايا أحلى الحفلات --- سهر ليالي وغنيات
فرح وبهجة وأحلى جو--- والخمر بنشربو جرار

بالقصر شموخ العمارة---إلا ما تعملو زيارة
مشغول بحرص وإتقان --- ليناسب كل الأعمار

الفريد الساكن بالوادي --- يفتح للجايي الأيادي
بيتميز بأروع خدمة --- وتصميم وكل الخضار

والمغارة واسرارا --- بتسحر وبترضي زوارا
عالتلة متل المنارة --- بتبعت نورا غمار غمار

هيدي قصة مريزتنا --- لما يجوها الزوار
بتذهلهم بطبيعتها --- بتجبرهم عالاختيار
انشالله من سنة لسنة --- بتمص يورو ودولار
وبيسطع نجما عالدني---ومنها بيتعلمو الكار

Souli...Y,M... الخميس أغسطس 21, 2008 12:15 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

الله يرحم أيام الخمسة......خيي مارسيل
لمى كان بسعر الخسّة.......لتر الديزل
تركب وتدفع عن خمسة.......وتقول الواصل
وهلق لاواصل ولاهمسة........غليت الأسعار

Souli...Y,M... الخميس أغسطس 21, 2008 12:19 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

اشتقنا ل كانون والشتي.......وبرده المجنون
والغصن من الميّ تكي........يدرّي الحسّون
والرّيح تعصف بهالدّني.......ومن بعدا تكون
الليلة غيومها ملبّكي.......واللّمع شرار

Souli...Y,M... الخميس أغسطس 21, 2008 12:24 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

كل ما القمر غاب بالعتمة........تجهّز رجالها
قصبة المشليل والجزمة........وتشدّ رحالها
بليلة أضّيع النّجمة.......وحمرا سيولها
تصيّدعنكليس والنّسمة.......تلفح بأيار

الشاعر الخميس أغسطس 21, 2008 1:10 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يا ضيعتنا الغالية ----- أسمك مرفوع
وتلالك هالعالية ------ ملياني نبوع
وكرمالك يا يازدية --- بترخص لدموع
ورح أكتبلك غنية ---- وأحلى اشــعار

كنعان كنعان الخميس أغسطس 21, 2008 4:48 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

كل ما الشموسة طعلت ---- بنهار جديد
وسراب الدوري طلت ---- من هالقرميد
بحسا للضيعة لبست ----- أتواب العيد
و أسطح البيوت تحلت ------ بوراق الغار

Souli...Y,M... الخميس أغسطس 21, 2008 4:57 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

ضيعتنا أحلى صورة......مرسومة عتلال

تلال مروجا معمورة......ويطلّ هلال

زاد ب جماله نورا.......وتعمشق جبال

عالية و الشمس تزورا.......وتسطع الديار

كنعان كنعان الخميس أغسطس 21, 2008 4:59 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

الليلة يوسف ذكرني ---- بوقت المشليل
عالهيشة كان ناطرني ---- بعتمات الليل
والعنكليسة تكربنـــي ----- والقصبة تميل
وخيي يوسف ميغني ----- داير من دار

Souli...Y,M... الخميس أغسطس 21, 2008 5:34 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

لمّى بتغمز هالقصبة.......بتنسى الهموم

قلبك يوقف ع الكربة........ويطير النّوم

كنعان مجهّز حربة.......وبأيده الضو

عالهدّارة قاعد جنبي.......وصيداته كتار

كنعان كنعان الخميس أغسطس 21, 2008 6:37 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يرحم إيام الفحصة ----- وقطف الرمان
والملتفتة والبحصة ----- وبيدر كــنعان
والجبوعة والقحصة ----- إيام زمــــان
صارو للماضي قصة ----- وأحلى تذكـار

كنعان كنعان الجمعة أغسطس 22, 2008 4:51 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

جينا عالضيعة لقينــــا ----- مقطوعة المــي
والبرغش ياكل فينــــا ----- وما يقول خطي
الكهربا بتطل علينــــا ----- ساعة عالحـــي
ورطوبة تغلغل فينــــا ----- ليل علنهــــــار

كنعان كنعان الجمعة أغسطس 22, 2008 5:05 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

عادة جديدة عالتلفــــون ----- فتح المسنــــــجر
بيفتح حتى لولا تكـــون ----- عـــمريزة بتسكر
لا تبعت وجه وعيــــون ----- أوعى بتخســـــر
انت وقاعد عالبلكــــون ----- بترسل أســــــرار

الشاعر السبت أغسطس 23, 2008 2:56 pm

ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار

يا ضيعتنا الملياني ------ فلّ وياسمين
بغنيلك أحلى غناني ------ بأجمل تلحين
وهالصبية العشقاني ------ بعمر العشرين
بقطفلا هالتغناني ------ وأحلى الأزهار

magdeeb الأحد أغسطس 24, 2008 12:43 pm

ضيعتنا الفيها الأعراس ---لهفة وفرحة ولمة ناس
بديو يتلاشو عاداتها--- ويغيب الجوهر والأساس

كانت بصعوبة العروس---بوقت الخطبة بيتها تدوس
يحمر الخد من الخجل---مع نظرة وهالك الإحساس

اليوم الخاطب ما بيهمو---مقضاها ببيت عمو
كل يوم سهرة للصبح---وعالغدا ما بتلمو

وفوتة وطلعة ياسلام---رزق الله عهاك الأيام
كان يشوفها بالأسبوع---مرة ومرة بالأحلام

ولما بيبدا شغل العرس---بتخلق معو الهموم
بدك تجيب المصور ---وأشياء ما إلها لزوم
شي كوافير وشي فستان---ويا ويلو المانو مدعوم
وزينة الكنيسة شغلة---ورد مشكل شي مبروم
وبالسهرة بدك فنان---ومقدم حفلة مهضوم
يغني العرب والطرب---وصوتو بالحضرة مسموع
والبرمة بدا ليموزين---بصعوبة تلفو للكوع
والله يا جماعة كتير ---وحدا الصحة اللي بتدوم
والجازة مشروع العمر---فيه تجيد الاختيار
تطول بالك عمرتك ---ولا تدقها ولامسمار
بتحترمك وبتستر عمرك---وربي يطول الأعمار