شرفوا عالموشح يا شعراء
+12
فيروز
COBRA
razor back
NADEM
الشاعر
magdeeb
صديق
Souli...Y,M...
the monster
nichol
bedrous muradian
كنعان كنعان
16 مشترك
صفحة 1 من اصل 5
صفحة 1 من اصل 5 • 1, 2, 3, 4, 5
شرفوا عالموشح يا شعراء
دعوة لشعراء الزجل والمحكية عالموشح بتمنى المشاركة وبتمنى من الأدارة الكريمة التثبيت
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
احلى ضيعة اليازدية ---- بعيون الكـــل
كّلا إلفة وحنيــــــــة ---- وهيكي بتضل
لما منقعد سهـــــرية ---- عطراف التــل
البدر بينزل عالمـيي ---- ومنَا بيغــــــار
رد: شرفوا عالموشح يا شعراء
لما منقعد سهـــــرية ---- عطراف التــل
البدر بينزل عالمـيي ---- ومنَا بيغــــــار
الله شو هيدا عنجد كلام كتير كتير حلو
البدر بينزل عالمـيي ---- ومنَا بيغــــــار
الله شو هيدا عنجد كلام كتير كتير حلو
nichol- عدد الرسائل : 74
العمر : 30
الموقع : safita
العمل/الترفيه : طالبةعاشر
تاريخ التسجيل : 16/08/2008
رد: شرفوا عالموشح يا شعراء
والله أحلى شعر سمعتو لهلق خاصة لأنو بمثل الواقع
the monster- عدد الرسائل : 173
العمر : 28
الموقع : mraizeh.com
العمل/الترفيه : الأكل
تاريخ التسجيل : 21/07/2008
رد: شرفوا عالموشح يا شعراء
كنعان كنعان كتب:
دعوة لشعراء الزجل والمحكية عالموشح بتمنى المشاركة وبتمنى من الأدارة الكريمة التثبيت
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
احلى ضيعة اليازدية ---- بعيون الكـــل
كّلا إلفة وحنيــــــــة ---- وهيكي بتضل
لما منقعد سهـــــرية ---- عطراف التــل
البدر بينزل عالمـيي ---- ومنَا بيغــــــار
مشكور خيي كنعان على هالفكرة العظيمة بس أنا مابعرف أكتب موشح أو شو هو الموشّح بالذات
بس طلعت معي هالكلمات أنشالله يكونو مظبوتين عالموشح....
رح غنّي شوقي غنّية.........وأكتبها عوراق الفل
بحبّك يا أحلى صبيّة.......وبغار عليكي من الكل
خدودك وردة جورية.......القمر من جبينك بيطل
معشوقتي هيّ اليازدية........والقلوب عليها بدّل
بربوعها كنايس قويّة.......بأيمان أهلها ل مابيكل
وجراسها تتراقص بهيّة.......بصبح الأحد عليها بتندل
ربّي يحميكي ياصغيري.......الحسّاد حواليكي كتار
أبو وديع....
Souli...Y,M...- مشرف منتدى المــــغتربين
- عدد الرسائل : 706
العمر : 38
الموقع : اللاذقية
العمل/الترفيه : طالب جامعة
تاريخ التسجيل : 17/04/2008
رد: شرفوا عالموشح يا شعراء
والحارة ال فيها ربينا.......لم كنا صغار
ضيعتنا ربي احميها.......و احميلي الجار
كنعان انت خيي.......بقلبي بتضل
ولو تركت اليازدية.......بنجمك بتهل
انت شاعر الرومانسي.......وبفكرك نتطل
بشعرك بتهل عليي.......بخفة وبتفل
بتذكرني بالماضي .......و بتقلي هل
بتذكر ايام الماضي....وايام التل
والمخاضة والفحصة....ذكرى بتضل
ايام ال كنا سويه........وجدي الختيار
نسبح سوا بالميي.......يوم كنا صغار
يرحم ايام الماضي.......يوم كنا صغار
صديق- عدد الرسائل : 198
العمر : 115
الموقع : قلوب الكل انشاءالله
العمل/الترفيه : زرع المحبة
تاريخ التسجيل : 15/07/2008
رد: شرفوا عالموشح يا شعراء
خيي كنعان الشاعر حكيك موزون
لما بتنطق الكلمة حزني بيهون
بعرف انك يزداوي ومنك ممنون
لما شعرك بتساوي بتحكي اسرار
بترسم للضيعة لوحة جرن وجرس وبساطة وخابة وجرار
الله يديمك عالموقع مع ظافر قمر وstar
لما بتنطق الكلمة حزني بيهون
بعرف انك يزداوي ومنك ممنون
لما شعرك بتساوي بتحكي اسرار
بترسم للضيعة لوحة جرن وجرس وبساطة وخابة وجرار
الله يديمك عالموقع مع ظافر قمر وstar
magdeeb- مشرف المنتدى الهندسي
- عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007
رد: شرفوا عالموشح يا شعراء
ألف شكر للشباب وللصبايا عالمشاركة وعالردود اللي بترفع الراس
بالنسبة للموشح خيي يوسف : الموشح ضرب من ضروب الزجل يتألف من :
اللازمة وتردد قبل كل ردة وتتكون من بيتين مثال:
طل الصـــبح بضيعتنا ---- من خلف تلال
سهرنا وطالت سهرتنا ---- والحب انقـــال
لاحظ القافية في الشطرين الأولين تختلف عن الشطرين الثانيين
ثم الردات وتتكون من أربعة أبيات مثال :
يا رايح عاليازديــة ---- مرقلي عالسد
شفلي هاك الصبية ---- ووصلا الرد
خدلا وردة جورية ---- وبوسة عالخد
قلا اشتاقو عينــيي ---- وبعدا عالبال
القافية أيضا موحدة في الشطرين الأولين كما في الثانيين لكن القفلة تنتهي تبعا للازمة انقال - عالبال
وهلق منرجع للموشح اللي بلشنا فيه
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
كل ما بوعـى صبحيــة ------ والشمس تـطل
بلمح هاك الصبيــــــــة ------ عم تسقي الفـل
ولمّا بتشتلق عليــــــــي ------ بقرب ما بـفـل
بقطف وردة جوريـــــة ------ وبهديها غمــار
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
أشتقنا للقعدي برى ----- تحت الفيـــات
ومن عاشية بالسهرة ---- ع سطح البات
وكاسة متي عابكرى ---- بين الـحلوات
وقهوتنا حلوة ومره ----- بتحكي اسرار
جود خيي مجد جود
سرار الحب بتجمعها ---- وبتملّي الدار
أشتقنا للقعدي برى ----- تحت الفيـــات
ومن عاشية بالسهرة ---- ع سطح البات
وكاسة متي عابكرى ---- بين الـحلوات
وقهوتنا حلوة ومره ----- بتحكي اسرار
جود خيي مجد جود
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
روحوا أسألوها لمريزة.......بتخبركم حكايات
حروف بعدها عالجوزة........بتحيي الذكريات
وبالعتمة نسرق هاللوزة.......على ضو النجمات
ونخبّي حبّاتا بكم الكنزة.......وقت لي كنا صغار
سرار الحب بتجمعها ---- وبتملّي الدار
روحوا أسألوها لمريزة.......بتخبركم حكايات
حروف بعدها عالجوزة........بتحيي الذكريات
وبالعتمة نسرق هاللوزة.......على ضو النجمات
ونخبّي حبّاتا بكم الكنزة.......وقت لي كنا صغار
Souli...Y,M...- مشرف منتدى المــــغتربين
- عدد الرسائل : 706
العمر : 38
الموقع : اللاذقية
العمل/الترفيه : طالب جامعة
تاريخ التسجيل : 17/04/2008
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
جار الزمن عالضيعة -----ومدري شو صار
قلت اسباب العيش ------وغليو الأسعار
وصاروا شبابنا بالغربة----أفواج كتار
حملوا اسم اليازدية------ولحقوا الأسفار
يذكروها يومية--------بوفا الأبرار
يزوروها بالصيفية ------ويحيو الأسهار
ياربي يرجعوا الغياب ----من جديد وتحيا هالدار
سرار الحب بتجمعها ---- وبتملّي الدار
جار الزمن عالضيعة -----ومدري شو صار
قلت اسباب العيش ------وغليو الأسعار
وصاروا شبابنا بالغربة----أفواج كتار
حملوا اسم اليازدية------ولحقوا الأسفار
يذكروها يومية--------بوفا الأبرار
يزوروها بالصيفية ------ويحيو الأسهار
ياربي يرجعوا الغياب ----من جديد وتحيا هالدار
magdeeb- مشرف المنتدى الهندسي
- عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
اشتقنا لايام الحارة.......وهاك الصبرات
وحفر الارض وترتيبا.......وقطف التينات
واحلى ايام الجمعة.......بالزيتونات
وايام قطف الفستق .......و المشمشات
واللمة بارض جبرا.......عل الغبيطات
سرار الحب بتجمعها ---- وبتملّي الدار
اشتقنا لايام الحارة.......وهاك الصبرات
وحفر الارض وترتيبا.......وقطف التينات
واحلى ايام الجمعة.......بالزيتونات
وايام قطف الفستق .......و المشمشات
واللمة بارض جبرا.......عل الغبيطات
صديق- عدد الرسائل : 198
العمر : 115
الموقع : قلوب الكل انشاءالله
العمل/الترفيه : زرع المحبة
تاريخ التسجيل : 15/07/2008
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
من حقولها بقطف تغنينة.......وبهديها للشقرا
وبزرعا عالخصلة زينة.......بيضا وحمرا
ماحلى مروجك ياليازديّة.......أنتي الخضرا
وزيتونك يالضيعة الجبليّة.......بيملّي جرار
سرار الحب بتجمعها ---- وبتملّي الدار
من حقولها بقطف تغنينة.......وبهديها للشقرا
وبزرعا عالخصلة زينة.......بيضا وحمرا
ماحلى مروجك ياليازديّة.......أنتي الخضرا
وزيتونك يالضيعة الجبليّة.......بيملّي جرار
Souli...Y,M...- مشرف منتدى المــــغتربين
- عدد الرسائل : 706
العمر : 38
الموقع : اللاذقية
العمل/الترفيه : طالب جامعة
تاريخ التسجيل : 17/04/2008
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
شب جايي من الغربة---بأبهى برستيج
موبايلو من فئة الأنات---مشرى الخليج
وسيارة موديل السنة---بفرشها البيج
وبلكو على المعصم---لمعاتو كتار
والدخان مالبورو---وقداحة نار
والعز بتقراه بتيابو---ولفة الزنار
ومع غمزة هاك الصبية---اللي حبها اختار
ليلف الضيعة مرات---دواليبو تقدح شرار
(محبة في الوصف والحديث عن الحالة وليس لأي سبب آخر)
سرار الحب بتجمعها ---- وبتملّي الدار
شب جايي من الغربة---بأبهى برستيج
موبايلو من فئة الأنات---مشرى الخليج
وسيارة موديل السنة---بفرشها البيج
وبلكو على المعصم---لمعاتو كتار
والدخان مالبورو---وقداحة نار
والعز بتقراه بتيابو---ولفة الزنار
ومع غمزة هاك الصبية---اللي حبها اختار
ليلف الضيعة مرات---دواليبو تقدح شرار
(محبة في الوصف والحديث عن الحالة وليس لأي سبب آخر)
magdeeb- مشرف المنتدى الهندسي
- عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
ما يغرك خيي مجد......ال بتشوفو كتير
لا الابس احلى بدلة .......و وشاح حرير
ان كنت راكب سيارة.......و رنجاتي كبار
وان كتروا مصرياتي.......و بريستجي صار
لا يمكن انسى اهلي.......و قعدات الدار
و الغربة مانا سهلة.......وفعلا قهار
الي تغروا الدنيا .هوي.......خابة فخار
لا بلكوا بيعمل منو.......والصاير صار
ومن الخليجي لا تنغروا.......طفراتوا كتار
انا والله واحد منون.......والاسرار كتار
ربي يستر علينا .......وربي ستار
...........................
يا كنعان فتحت علينا.......ابواب الشعر
وصارت تكتب ايدينا.......تسطر هل الدهر
...................................
كنعان اسعف فينا .......وبشعرك جود
دخلك اوصف ضيعتنا.......و اوصفلي العود
اوصف سهرات الماضي.......وام ال خدود
اوصف مشوار الضيعة.......واحلى الورود
الصبايا الكلون رقة......وقطع العهود
عهود الحب الاول .......بتبقى و بتدوم
..............................................
زرق الله يا ضيعتنا .......ايام زمان
ايام ال كنا سوية.......خيي كنعان
نتسامر بالصيفية.......مع الجيران
وننزل عل النهر سوية.......وابو كنعان
ونتصيد بالطافوحة.......ايام زمان
.............................................................
لا تواخذونا يا عمي اول مرة بكتب شيء يشبه (الشعر)
انا لست بشاعر
لكن لمجرد المشاركة و المساهمة بالموضوع
شكرا
بالنسبة للمغتربين ما حدا يزعل انا عم احكي عن حالتي فقط لا غير
صديق- عدد الرسائل : 198
العمر : 115
الموقع : قلوب الكل انشاءالله
العمل/الترفيه : زرع المحبة
تاريخ التسجيل : 15/07/2008
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
منها أنشهرت الحاصودي......وعذاب الهوى
وعألحانا شو دبكنا زيادي......وغنّينا الميجنا
وعزمر عزّات والعوادي......اترندحنا سوا
وتعبق الكركة بهالوادي.......وتقطر خمار
سرار الحب بتجمعها ---- وبتملّي الدار
منها أنشهرت الحاصودي......وعذاب الهوى
وعألحانا شو دبكنا زيادي......وغنّينا الميجنا
وعزمر عزّات والعوادي......اترندحنا سوا
وتعبق الكركة بهالوادي.......وتقطر خمار
Souli...Y,M...- مشرف منتدى المــــغتربين
- عدد الرسائل : 706
العمر : 38
الموقع : اللاذقية
العمل/الترفيه : طالب جامعة
تاريخ التسجيل : 17/04/2008
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
بيوتها مسقوفة قرميد......معشعش عليه الدّوري
وشب يدق جرس العيد.....وشب يقلّه دوري
وقلّها للسّمرا أم الجيد......قد ماتلفّي ودّوري
غير الشّقرا القلب مايريد.....والليلة من النجمة تغار
سرار الحب بتجمعها ---- وبتملّي الدار
بيوتها مسقوفة قرميد......معشعش عليه الدّوري
وشب يدق جرس العيد.....وشب يقلّه دوري
وقلّها للسّمرا أم الجيد......قد ماتلفّي ودّوري
غير الشّقرا القلب مايريد.....والليلة من النجمة تغار
Souli...Y,M...- مشرف منتدى المــــغتربين
- عدد الرسائل : 706
العمر : 38
الموقع : اللاذقية
العمل/الترفيه : طالب جامعة
تاريخ التسجيل : 17/04/2008
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
ومن حارة ضهر الشرقي......لطراف حارة السّوق
الكينا يتمايل بهوى شرقي......ومن بعد مالهوى يروق
تقطف النسوان العنب الشروقي......السكر من قطره دوق
ورجالنا مزيّنة بالطبع الشرقي....تتغنّى فيهم الأشعار
سرار الحب بتجمعها ---- وبتملّي الدار
ومن حارة ضهر الشرقي......لطراف حارة السّوق
الكينا يتمايل بهوى شرقي......ومن بعد مالهوى يروق
تقطف النسوان العنب الشروقي......السكر من قطره دوق
ورجالنا مزيّنة بالطبع الشرقي....تتغنّى فيهم الأشعار
Souli...Y,M...- مشرف منتدى المــــغتربين
- عدد الرسائل : 706
العمر : 38
الموقع : اللاذقية
العمل/الترفيه : طالب جامعة
تاريخ التسجيل : 17/04/2008
رد: شرفوا عالموشح يا شعراء
يعطيكن ألف عافية يا شباب والله شي حلو كتير
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
يا مــــــوقعنا تتهــــــــنى ----- والحظ تصــــيب
الشمس بتشرق من عنّــا ----- وعــنّا بتــــغيب
والعنـــقود المســـــــــتنى ----- تيصــير زبيــــب
والـــلوز الأخـــضر غنى ----- بــــــــــــأول آدار
******
الحارة اللي فيها قلبي ------ بيبرم ويدور
بفيّــــاتا متخـــــــــبي ------ طير الشحرور
وعبيــــدرنا المحـــبة ------ وهاك التنّــور
رغيف الصار من الحبة ---- يشبع قنطــــار
******
ضـــيعتنا هالحلياني ------ اشتقتلا كتير
فيها بيــي ربّانـــــي ------ ت صرت كبير
شربنا محبتها قناني ------ من عمق البير
بدي غنيلا غــــناني ------ واكتب اشعــــار
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
بكرا منرجع سويّة......ياخيي كنعان
منقعد عالتلّة مسويّة......نصيّد ظاظان
وتعذّبك السّمكة النهّرية......وقلّك شبعان
صغّرلها الطّعم شويّة......وظبّط العيار
سرار الحب بتجمعها ---- وبتملّي الدار
بكرا منرجع سويّة......ياخيي كنعان
منقعد عالتلّة مسويّة......نصيّد ظاظان
وتعذّبك السّمكة النهّرية......وقلّك شبعان
صغّرلها الطّعم شويّة......وظبّط العيار
Souli...Y,M...- مشرف منتدى المــــغتربين
- عدد الرسائل : 706
العمر : 38
الموقع : اللاذقية
العمل/الترفيه : طالب جامعة
تاريخ التسجيل : 17/04/2008
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
من بيت طنوس لبيت الياس......زهّر وتمايل الريحان
وبيت المقدسي يدقّوا الكاس......من عرق بيت كنعان
ومن بيت ابراهيم وديب ياناس......لصوب بيت سليمان
تكرج قطرات الندى حب الماس......وتلمع بصبح أيار
سرار الحب بتجمعها ---- وبتملّي الدار
من بيت طنوس لبيت الياس......زهّر وتمايل الريحان
وبيت المقدسي يدقّوا الكاس......من عرق بيت كنعان
ومن بيت ابراهيم وديب ياناس......لصوب بيت سليمان
تكرج قطرات الندى حب الماس......وتلمع بصبح أيار
Souli...Y,M...- مشرف منتدى المــــغتربين
- عدد الرسائل : 706
العمر : 38
الموقع : اللاذقية
العمل/الترفيه : طالب جامعة
تاريخ التسجيل : 17/04/2008
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
[size=24]شو هل الأشعار الروعا..........خلت قلبي يتمنا
من شباب هل الغربة...............انو يطلوا لعنا
شوفوا هل الضيعة الحلوي..........بأهلا وناسا بتتهنى
وبطلب من ربي يسوع ..............انو يضل جامعنا[/size]
سرار الحب بتجمعها ---- وبتملّي الدار
[size=24]شو هل الأشعار الروعا..........خلت قلبي يتمنا
من شباب هل الغربة...............انو يطلوا لعنا
شوفوا هل الضيعة الحلوي..........بأهلا وناسا بتتهنى
وبطلب من ربي يسوع ..............انو يضل جامعنا[/size]
NADEM- عدد الرسائل : 94
تاريخ التسجيل : 03/11/2007
رد: شرفوا عالموشح يا شعراء
شو حلو كتير يا شباب الله يعطيكن العافية بس لو بعرف أكتب شعر منيح كنت سمعتو أحلى شي بس ..
مشكورين والله شي حلو كتير ماعاد فينا نقول غير هيك
ولسا إذا في
شكراً
مشكورين والله شي حلو كتير ماعاد فينا نقول غير هيك
ولسا إذا في
شكراً
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
بذكر قعدات الماضي ---- تحت الدلبات
لم نفتح هالزوادة ----- وأحلى الأكلات
هلق غيرنا العادة ----- والماضي مات
ماحدا منا فاضي ----- بعصر الدولار
حجار الضيعة بتنادي---- بأول تشرين
صار الشجر البلوادي ----- يبكي ويلين
شو صايرلك يا بلادي ---- ويا مغتربين
لا تبيعو هالأراضي ----- ولا تنسو الدار
رد: شرفوا عالموشح يا شعراء
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
دخلت عالضيعة بلحظة---شلة زعران
شفنا الشر بعيونن---ونظرات كتار
قلنا بالكلمة الحلوة---بنعرف شو صار
طلعوا علينا بالعالي---وحكين من تحت الزنار
والتمت كل الشباب---نزلوا من شباك وباب
شي حامل عصا بإيدو---وشي مجمعلي بواريدو
وهمن من كل هالحشد---اسم الضيعة ما ينهان
وعلق الضرب والتخبيط---ضرب بكوسة ولبابيط
وبلحظة فلو الزعران
هي ضيعتنا بشبابا---لما بيتهدد بابا
بتستقبل زوارها بالورد---والعدو برصاص ونار
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
سرار الحب بتجمعها ---- وبتملّي الدار
دخلت عالضيعة بلحظة---شلة زعران
شفنا الشر بعيونن---ونظرات كتار
قلنا بالكلمة الحلوة---بنعرف شو صار
طلعوا علينا بالعالي---وحكين من تحت الزنار
والتمت كل الشباب---نزلوا من شباك وباب
شي حامل عصا بإيدو---وشي مجمعلي بواريدو
وهمن من كل هالحشد---اسم الضيعة ما ينهان
وعلق الضرب والتخبيط---ضرب بكوسة ولبابيط
وبلحظة فلو الزعران
هي ضيعتنا بشبابا---لما بيتهدد بابا
بتستقبل زوارها بالورد---والعدو برصاص ونار
ضيعتنا الله معهــــــا ---- ملياني سرار
سرار الحب بتجمعها ---- وبتملّي الدار
magdeeb- مشرف المنتدى الهندسي
- عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007
صفحة 1 من اصل 5 • 1, 2, 3, 4, 5
صفحة 1 من اصل 5
صلاحيات هذا المنتدى:
لاتستطيع الرد على المواضيع في هذا المنتدى