الشلة ...هل هي ظاهرة جيدة أم وضع غير صحي في المجتمع؟؟؟؟؟؟؟

كثيراً ما نسمع هذه الكلمة (الشلة) في مجتمعاتنا في المدرسة والجامعة والعمل ....
فهل هذا التكتل الذي يسمى شلة هو مظهر جيد في المجتمع ؟؟؟؟؟؟
أرجو منكم تقديم آراء ترتقي الى مستوى التحليل والتوصيف لنصل الى نتيجة مفيدة تصلح ان تقدم كبحث

موضوع الشلة قديم كتير, و من يوم يوما و الناس متكتلة بشلل و جماعات
و انا برايي انو الواحد يكون عندو جماعة ينتمي اليها, كتير منيح
اول شي بيقوى حس الانتماء بالشخص
بيقوي عندو الشخصية لانو بيكون عم يتعامل مع اشخاص مختلفين و اراء مختلفة, و هادا الشي بيادي الي تبادل هالاراء, و محاولة لفهم هالاشخاص , و هالشغلة بتسبب نشاط اجتماعي اعتقد انو اي شخص هوي بيحتاجوا
يعني فيك تقول كلو بيسرب ع كلو

كمان الشعور انو انت مرغوب فيك من اطراف اخرى جدا مهم بالمجتمع
انك تلاقي شخص تفهموا و يفهمك و تتساعدوا بوقت المشاكل, تتشاركوا باوفات الفرح بيعطيك شعور حلو كتير

و الاهم من هادا الذكريات الحلوة و المرة كمان اللي بتبقالك لما الواحد يكبر, و لما كل واحد بالشلة يروح لحياتو

و الشغلة الاحلى من كلو, لما يترجعوا بعد زمن بعيد تلتقوا و ترجع ايام زمان و الذكريات
و كل هادا الشلة بتقدموا
و شو بدي عد تعد, ممكن كون نسيت اشياء, بس اكيد في اشيا كتيرة غير هيك

(الشلّة) ....
الحياة مترتبة على الغوص في المجتمع لسبر أكنانه وكشف خباياه.
والشلة بالمعنى الإيجابي هي جزء صغير من المجتمع , لها تأثيرات أيجابية على الفرد لأ أريد أن أطيل في شرحها
وقد تفضل صاحب المشاركة التي سبقتني بإعطاء بعض الفوائد للشلة .
أما الشلة الغير إيجابية وعادة ما يكون أفرادها من ضغار السن والمراهقين فقد تؤدي إلى عواقب غير سليمة.
دون وجود الرقيب والمرشد على ما تفعله تلك الشلة .
ويجب أن أنوه هنا بأن لا يكون أي عداء أو خصام بين شلة وأخرى بل لتكن يدكم واحدة وقلبكم واحد لولادة شلة
أكبر وتحتوي أعضاء أكثر على طريق الصواب.

وشكرا.

موضوع الشلة شي حلو كتير بنسمع عن الشلة الفلانية والشلة الفلانية بيجتمعوا مع بعض وبيضلوا على تواصل مستمر بس برأيي انو عنا بالضيعة كتير منسمع من شلل بس المشكلة انو هذه الشلل تبنى بفترة المدرسة والمراهقة وممكن تستمر بفترة الجامعة وبعدين ماحدا بيعرف شي عن التاني يعني بعد الجامعة يبدأ الشخص بالاستقلال بحياتو والعمل على بناء مسقبلو وبتبلش هموم الحياة ويلي بيخطب ويلي بيتجوز مابيعود حدا فاضي لحدا واذا صار وتذكر الواحد صديقو يمكن بيتذكرو بشي مناسبة اجتماعية ممكن يعزمو على خطبتو او زواجو اوممكن يشوفو بالطريق ويسلم عليه وهذا اذا تنازل وسلم عليه واذا واحد شاف صديقو وسلم عليه بتلاقيه مستعجل وبدو يمشي وكأنو مو طايق يوقف معو فمثلا شلتنا انا بالمدرسة بعد ما افترقنا بالجامعة انا واثق انو ما حدا بيعرف شي عن التاني وهذا ان دل على شئ فيدل على ضعف روابط الصداقة وبتمنى يكون رأيي غلط بس للاسف هذا هو الواقع ونحنا لازم نعيش الواقع مو لازم نبني واقع خيالي نعيش باوهام وبتمنى اذا كان في امكانية من منتدى اليازدية انو نعمل على تغيير هذاالواقع ونقدر نجمع شمل كل شلة مع بعضها البعض بلكي منكون صورة حلوة قدام المجتمع والاجيال القادمة ليكون مجتمعنا مترابط وتدوم العلاقات بين الشباب وبين الصبايا وتكون ابدية وما تكون علاقات انية و مرتبطة بالمدرسة او الجامعة وعلى فكرة انا لحد اليوم اصدقائي في الجامعة يلي شكلنا شلة حلوة ما زلت على تواصل معون عبر الاتصال او الانترنيت او الايميل رغم انو بقينا مع بعض فترة الدراسة يعني اربع سنوات يعني اقل بكثير مما بقيته مع اصدقائي في الضيعة .

مظبوط حكيك يا بيدروس
في ناس كتير و شلل كتير بيكونوا رفقة لفترة او مرحلة معينة, بس بعدين بيفترقوا و ما عاد حدا بيعرف شي عن حدا
بس بدي قول شغلة
انو احنا ما فينا نحكم عاللي عم بيصير هلق بما سيحصل بعدين
يعني............. ما فيني قول انو والله بكرة ممكن ما نتابع مع بعض انا و هالشخص او الاشخاص, فبلاها الرفقة معون

شو رح بيصير بعدين, مو مهم, المهم اللي صار و اللي عم بيصير
هلق شو الاسباب و الظروف اللي خلت هالاشحاص يبعدوا ................ هيدي بترجع لكل شخص

و كل مرحلة الها وقتها
و كتير عادي انو انت بايام المدرسة كان عندك شلة, و لما طلعت عالجامعة صار عندك شلة تانية, الانسان بيتغير, و افكارو بتتغير, معتقداتو, عاداتو................. و لما هالشي بيتغير, الواحد بيصير يدور (لا اراديا) عن الاشخاص اللي بيوافقوه بهالامور, هادا لا يعني انو علاقتك بالتاني انتهت, لا, بس هوي كمان تغير

المهم انو احنا نعيش اللحظة, و اللي بيجي بعدين مو بايدنا

الشلة هي تنظيم مهم من جميع النواحي
اكيد الواحد فينا بيكون عندو اكتر من شلة بحياتو متل ايام المدرسة والجامعة والكنيسة 000000000000
بس اكيد مو كل هالشلل بتستمر ويلي بيستمر منا بتكون صارت العلاقة مو بس رفقة بتكون تحولت لاأخوة مع البعض

وحسب دراستي الجامهية الشلة تنظيم داخلي بالعمل وعلى الادارة الاهتمام بها وتنميتها لانه الهتمام بالتنظيم الداخلي
وتحسين العلاقات به وتقديم جميع الخدمات له يساعد على حب العمل والتطوير به والولاء له وهذا مايساعد الشركة
او الموسسة التي تحتوي على هذة الشلة على التقدم و التطور000

انا حبيت بس نوه لشغلة كتير منسمع فيها انو الشلة بتخرب بعضا وهيدا كتير غلط وبيدل ع لاوعي لانو مو بالضرورة اذا كان في بالشلة مثلا شخص بيدخن معناها كل الشلة بتدخن وبالمقابل اذا كان الشخص عندو استعداد للانحراف فهو رح ينحرف ولو كان معزول عن العالم وبراي انا انو ما في انسان بيقدر يعيش بدون ع الاقل صديق فاذا بدو يضل يفكر انو هالصديق بدو يخربو رح يعيش ويموت وحيد

انا حبيت بس نوه لشغلة كتير منسمع فيها انو الشلة بتخرب بعضا وهيدا كتير غلط وبيدل ع لاوعي لانو مو بالضرورة اذا كان في بالشلة مثلا شخص بيدخن معناها كل الشلة بتدخن وبالمقابل اذا كان الشخص عندو استعداد للانحراف فهو رح ينحرف ولو كان معزول عن العالم وبراي انا انو ما في انسان بيقدر يعيش بدون ع الاقل صديق فاذا بدو يضل يفكر انو هالصديق بدو يخربو رح يعيش ويموت وحيد

[]الشلة شغلة حلوة كتير


لانو مفروض الناس الضمن الشلة الواحدة متحدة ضمن شلة معينة بافكار و اراء و قلوب و اي نوع من الاتحاد قوة
و ابتداءا من هذه الشلة تكبر المجتمعات و تتطور و يا ريت تضل اي شلة بالعالم تشوف الاشياء الايجابية التي تجمعها ببعضها و تحاول تطورها لتكبر و تتطور بها و بتمنى تكون شلتك كل العام يا حبيب قلبي

انا بشوف انو هيي مانا ظاهرة جديدة لأنو من قديم وعن جيل ابائنا كان في متل هالظاهرة بس مابعتقد انو كانت سيئة هالدرجة لأنو بها الايام صار في كل شلة متل ابيقولوا (بدها الله)
وعلواه تكون منشان هدف مفيد لأفراد الشلة والضيعة لكن _وبكل اسف_يا منشان المصلحة او منشان المرجلة والفوضى والحكي اللي ما بينحكى اكتريتو ولتمضية الوقت دون فائدة وللهروب من الدرس
...................بقا الله يجيرنا من اللي جاي بعدين والله يحمي ويرشد كل الناس وخصوصاُ الشباب..............

يا خيي مجد ........... الشلة ضرورية وانا قصدي عن الشلة الجيدة وبتعمل الخير

بس اغلبية الشلل هالايام <وليس الكل> مراهم الشر وليس الخير....وهيدي الظاهرة سيئة جداً على الضيعة و سكانها