المجاملات في المجتمع نفاق ام ضرورة؟؟؟؟

بتصور المجاملة بالمجتمعات الكبيرة منتشرة أكتر لأن بحسب تفسيري للكلمة هيي نفاق وكلام صادر من خارج القلب كرمال ما قول أكتر من هيك .وبالمجتمعات الصغيرة على الأغلب الكلمات بتبقى صادقة ومعبرة عن اللحظة أكانت مدح أو ذم.
هلق هيي مفارقة أنو نحنا بنعرف بوجود هيك مصطلح وبنفس الوقت بنفرح لما بنسمع كلمات حلوة من شخص يا دوب بيعرفنا .
بس لازم نفرق بين هالكلمة وشي بيشابهها لحد كبير يضم عادة تحت هالتسمية نفسها .
فمثلاً لما بيكون في شي غلط بالمجتمع وكلنا شايفينو وبنعرف الشخص اللي ميقوم فيه وبنبقى ساكتين لما بيعملو ,وبنسلم ولا كأنو في شي صاير ............هون بيقولو أوف شو بتجامل .
الموضوع هون مش مجاملة بس مرات المعالجة والموقف لازم ياخد طابع مختلف عن المواجهة المباشرة وبيقتضي تصرف آخر .
بالنسبة لكونها عادة أو شي بنعلمو يومياً .لا هيي مصادفة إلا إذا كان الإنسان عايش حياتو كلا بالنفاق وبيوزع مجاملات لمكاسب معينة . وهيدا بنلاقيه بالجامعة مثلاً وبقوة ... ياي دكتور ساعتك حلوة ...يا دكتورة تيابك حلوين
ياي دكتور نطرناك المحاضرة الماضية ليش غبت........
أما عن رغبتنا بسماع المجاملات ..ما بتصور حدا بيحب يسمع نفاق بالرغم من المفارقة اللي حكيت عنها بالبداية.
عموماً أبعد عن الله المجاملين والمجاملات وجعلنا نقضي حياتنا بالصدق والوضوح.

شكرا على الموضوع
هلق اللي ما فينا ننكروا انو المجاملات موجودة بكل المجتمعات
بس احنا كمجتمعات شرقية بالذات, ما بنحب نواجه الحقيقة, مهما كانت
دايما منحاول نبعد عنها, او نلف حواليها, او نتجاهلها
على اساس انو هيك احسن, ولا مين شاف ولا مين دري, و مع انو معظم الناس بتكون عارفة هالشي
و اذا اجيت على شخص و واجهتو بالحقيقة بيزعل.....او بيقولوا عنك وقح متل ما قال عبدو
هناك فرق كبير بين الوقاحة و بين الصراحة
بس في اشخاص ما بتتقبل الموضوع ابدا, لا ان كان صراحة ولا وقاحة
هادا العيب بمجتمعاتنا

يا ريت نقدر نغير هالشي
و شكرا