شباب اليازدية ... خجل أم إلحاد ؟؟؟؟؟؟؟ موضوع ساخن

لقد راقبت وعلى مدى العشر سنوات الماضية الخدمة في كنائس اليازدية وتوصلت إلى أسئلة لم أتوصل إلى الإجابة عنها حتى اللحظة
لم أجد شاباً أرثوذكسياً أو إنجيلياً يخدم كنيسته مرتلاً أو مرنماً
انحصرت هذه الخدمة بالصبايا في الكنيستين وهذا في رأيي يفقد الخدمة هيبتها فالصوت الرجولي له الوقع الأكبر في اعطاء هذا الانطباع
هنا أطرح الأسئلة:
هل يخجل الشاب اليزداوي أن يرتل مسبحاً ربه؟؟؟؟؟؟؟؟؟
هل بلغ الشاب اليزداوي درجة من الإلحاد والكفر بكنيسته وربه ليتجه إلى غير وجهة؟؟؟؟؟؟؟؟؟؟؟
هل يقدر الشاب اليزداوي على التكيف مع كونه مرتلاً خادماً لكنيسته؟؟؟؟؟؟؟؟؟؟؟؟
هل يعيرك أصدقاؤك بكونك مرتلاً فتقوم بدورك بقتل رغبة الاقتراب من الله؟؟؟؟؟
أطرح أسئلتي لأترك الشباب اليزداوي ليجيب عليها بكل مسؤولية وصراحة

الموضوع الأول يقودني إلى مجموعة أكبر من الأسئلة لابد من البحث عن إجاباتها:

لماذا نغلق محالنا وأعمالنا في يوم الجمعة وطبعاً للذين لديهم عمل حر غير مرتبط بالدولة ولا نعطل يوم الأحد
يوم الرب ؟؟؟؟؟؟؟؟؟؟؟؟؟
في التقليد الأرثوذكسي من يخدم في الهيكل ويساعد الكاهن هو ذكر حكماً وهذا مأخوذ من الإنجيل حيث دعا بولس النساء للاهتمام ببيوتهم والرجال لخدمة الهيكل.........................أين رجالنا من هذا التقليد ؟؟؟؟؟؟؟؟؟؟؟؟؟
هل يأخذ الالتزام ببيت الرب شيئاً من رجولتك ؟؟؟؟؟؟؟؟؟؟؟؟؟؟؟؟؟
لماذا العودة إلى الله في آخر أيامنا ؟؟؟؟؟؟؟ هي ظاهرة ليست سيئة ولكن لماذا التأخير مع العلم أن الله يقبلنا حتى لو عدنا إليه من على فراش الموت

I think it is a normally any place at this time. because the christian made jesus like problem they have to deal with it. I will told you that I believe the jesue need some love from us no more, like any person who dont like to live alone who need some love and final who like to visit his fraend. going to church is somthing we need it
to talk and visit our dad (the god) and our brother (jesus) from: STONE GOLD

انا بالنسبة ألي خيي مجد الموضوع يلي طرحته مافي شي من الخجل أبدا بالنسبة لموضوع الترتيل بالكنيسة يعني
بالنهاية من شو الشب بدو يخجل من العالم اذا هيك بحب خبر الشباب انو الشخص لما بيروح عالكنيسة وبيرتل أو برنّم عم بقوم بهالشئ لله وليس للعالم .......وانا ضليت شارك بالتراتيل بالكنيسة وكتير شباب بيعرفو متل عماد ومارتن ووائل وعهد كلنا كنا نرتل وكانت أحلى أيام وكنا نعمل جو حلو كتير بالكنيسة بانضمامنا للصبايا طبعا انا ماعندي هالصوت الحلو بس عندي قناعة بسيطة اني عم أعمل هالشئ للرب ومو للعالم بس شائت الظروف الجامعية وأبعدتني عن الكنيسة والخدمة فيها وانت ياخيي مجد ابتعرف هالشئ بما انك طالب جامعي بس لا يخلى الأمر كنا نروح بالا ذقية على بعض الكنائس..........
وبالنسبة لموضوع الجمعة أو الأحد انا بعتقد انو في موضوع أكبر من هيك عم لا حظو بالشباب غير التعطيل أو الترتيل والترنيم وهو عدم الذهاب للكنيسة حتى وكأنو شئ عيب بقاموس الشباب حتى بأيام الأعياد بتلاقي معظم الشباب خارج الهيكل وهيدا الشئ بظن انو غلط حتى ولو في بعض الأحيان ما بيكون في مكان نظرا للأزدحام بس هالشئ ما بيمنع انو الواحد يفوت ولو عشر دقايق وعالقليلة يطلب الغفران من الله على خطاياه ...........
وانشالله الأمور بتتغير عنا ويصير الشباب مقبل على الكنيسة أكتر من البنات بالنهاية انا رحت عكتير كنائس ان كانت انجيلية او أورثوذكسية بالشام وباللاذقية وبحمص وحلب.......وكتير غيرهم وكل الكنائس كان فيها مشاركة ملحوظة من الجنسين ولا تتخيلو هالشركة ما أحلاها وخاصة بأيام الخدمة ......................

بالفعل يا مجد
ممكن هالموضوع يقتصر على الكنيسة الارثوذكسية في ضيعتنا بس
لانو احنا كنا نشارك في الكنيسة الانجيلية بالتراتيل و حتى احيانا الخدمة في المناسبات كالاعياد و غيرها

كان فينا نسبة كبيرة من الشباب متل ما قال يوسف
و كنا عنجد نستمتع بهذه الخدمات و التراتيل
و انا عن نفسي لا اخجل من هذا الموضوع ابدا ابدا
و حتى بغير كنائس ارثوذكسية و انجيلية هناك العديد من الشباب الذين يشاركون بالترنيم و الخدمو الكنسية

انا طرحت فكرة مشان المهرجان و هي سهرة ترنايم مسيحية
ارجو ان تنجح, كما ارجو ان يشارك فيها الجنسين
فشو رايك يا مجودة نشتغل عليها انا و انت
اذا حابب خبرني تنسق انا و انت الموضوع لبين ما اجيت انا عالضيعة

بالنسبة ليوم الجمعة و يوم الاحد
يا مجد لا يوجد يوم محدد للرب
فكل الايام يا مجد هي للرب
وانو الناس ليش بتسكر الجمعة و مو الاحد موضوع عادة لا اكثر ولا اقل
و شكرا

حبيبي عماد انت قلت
بنشارك في الاعياد والمناسبات
وهيدا موجود في الكنيسة الارثوذكسية حتى اننا نضطر لتخصيص مساحة اكبر للجوقة
وبيكون في شباب والاداء بيكون منيح نسبيا
بس الاشكالية هيي صفة المرتل او الخادم اللي بنخجل فيها كشباب
يعني انا بقلك انو في ناس بتجي بتحضر المناسبات وبتشارك لتأدية واجب او لانو كل الضيعة بتكون مجموعة بهالمعبد
بهالوقت لهيك بيجو ليفرجو انن موجودين وجزء من الحدث الحاصل

اما عن يوم الرب طبيعي كل حياتنا للرب بس يوم الاحد يدعى يوم الرب وواجب على المؤمن ان يفرغ فيه ساعتين
للصلاة
يعني الاسلام اجو بعدنا وصاروا احسن منا بالالتزام
وصارت الجمعة عطلة لانن هني خلقوا هالشي وهوي مش مبني على عادة ولكن على التزام ديني وعقيدة

للاسف ماحدا رد عالموضوع غير اللي بيرتلو بكنايسهم
مع انو موجه للغالبية البعيدة

احنا يا مجد ما كنا نشارك بس بالمناسبات و الاعياد
كان النا خدمات كتيرى
على كل موضوعك صحيحي مية بالمية
الشباب هالايام يخجل من هالموضوع
مع انو الموضوع عادي جدا............و صدقوني وقت الترنيم هوي احلى وقت ممكن الواحد يقضيه بحياتو
انا بالنسبة الي امتع اوقات ممكن اقضيها هي بالترنيم

و بالنسبة للردود, لا تعذب حالك
اللي ما بيروح عالكنيسة ما رح يفوت يكتب و يحكي ليش
و المشكلة انو بيخجلوا يروحوا عالكنيسة او يشاركوا بالخدمة
و بيخجلوا يحكوا بالموضوع انو ليش

شكرا

أولا موضوع الخجل من الدهاب للكنيسة أمر مستبعد لانو مش من المعقول أنو يكون في هيك نوع من الخجل

ثانيا فكرة المشاركة بخدمة الكنيسة .بترجع للتربية المنزلية اول الشي وتاني شي وهي الاهم لاصدقاء وزملاء الشخص

بالنسبة ألي أنا كنت من الناس اللي يروحوا عالكنيسة وواحد من مدارس الاحاد اللي أساني لهلق كل ما بتزكرها بتمناها ترجع .بس للاسف أبعدت عن هالجو الحلو بسبب خلافاتي في دلك الوقت مع اشخاص محددة ما بحب أدكر أسمائها

بالنسبة للتراتيل والمشاركة بالاعياد والمناسبات بحب كتير أنا شارك بهيدا الشي وهون أحيانا وانا قاعد لوحدي بصير قول تراتيل بعدني حفظها لهلق بس عندي مشكلة بطرقة اللحن اللي غالبا بكون عم رتلوا غلط وهيدا الشي يمكن اللي بيخلني أخجل أو خاف رتل قدام حدا

هلق مشكلة البعد عن الكنيسة يمكن السفر والغربة اللي اكتر من تلت رباع شباب ضيعتنا مغتربين بيعطي هالطابع هيدا

على كل نشالله الامور بتتغيير للاحسن والهمة بتصير على خدمة الهيكل والكنيسة مو بس على دقة الجرس...

انا بالنسبة لالي ابدا ما بخجل اني اذهب الى الكنيسة من اجل ارتل او ارنم لله.ولكن السؤال الذي يطرح نفسه لماذا لا تذهب اذا؟
انا حسب اعتقادي ان السب في ابتعادنا نحن عن دوام الاحد كان سببه المدرسين في دوام الاحد و الذين كانو يفضلون شخص عن الاخر يعني واصطة انا ناحكي هل الشي من اكتر من تسع سنين عندما كنت في دوام الاحد يعني انا هلق بعتقد انو تغيرت الامور الى الاحسن وصار في وعي.
هلق بالنسبة الى موضوع الاحد و الاثنين انا مع هل الفكرة بالكامل لانو حسب معرفتي في ضيع مسيحية كتير بسكر اشغالها يوم الاحد .ويا خي عماد فعلا كل الايام هي ايام الرب يعني منعطل كل الايام.
انا بتمنى انو يكون يوم العطلة للاشغال بالضيعة يوم الاحد لانو هوي في هل الشي متل اعطال المدارس يوم الاحد
يعني ما حدا عندو حجة في الغياب عن حضور الصلاة يوم الاحد.
وبتمنى انو من خلال هيدا الموضوع كل الشباب الموجودين بالضيعة ويلي بدن يجو من الغربة انو يشاركو في حضور الصلاة يوم الاحد .
فعلا يا نجد انت عصيت على الجرح من خلال هل الموضوع وبتمنى انو الكل ينظروا بجدية.ومن خلال هيك مواضيع مهمة يمكن الذهاب بمستوى الضيعة الى الاحسن

بشكل سريع
لماذا تذهب للكنيسة لتنمي علاقتك مع الرب نمها بالبيت و بتاملك العميق
تذهب للكنيسة وتسمع نفس الكلام و نصفها لاتعرف ما يقال وتسال يلي جنبك بيقلك شو بيعرفني واذا عرفتوا المرة الجاية بيكون نفسها على احسن تفضيل عندهم 3 او اربع كتب بيعيدوه فيهم
بالماضي كان رجل الدين سواء بالكنيسة أو الجامع هو المتبصر الحكيم القادر على طرح مواضيع جريئة ويملك من العلم ما يجعله مرجعاً
هل رجال الدين مرجع هذه الايام ليرشدونا وينصحونا
في لبنان قتلوا بعضهم البعض
في المسيحية لا اعرف كما عد شعبهم وتشعباتهم ولم ولن يتفقوا
وراء من نقف لنصلي قفوا ببيوتكم وناجوا ربكم على طريقتكم
علهم ينتبهوا بان مساجدهم وكنائسهم اصبحت خالية

ردك حلو كتيير يا أبو سمرا لأنه عم يشيير مو بس للي مو عم يحضر الصلاة يوم الأحد كمان عم يشير الى الذن يحضرون الصلاة وكذلك الكهنة والسؤال هنا هل أصبحت الصلاة في الكنيسة هي عادة أسبوعية أو هي فعلا مشاركة حقيقية من قبل المؤمنين والكهنة للرب؟؟؟والسؤال التاني يلي أشار أيليه الأخ سامر هل يمكن أن يعوض الأنسان عن الذهاب الى الكنيسة في صلاته وتواصله مع الله في المنزل أم لا؟؟؟
الجواب عن السؤال الأول سأتركه مفتوحا لكل شخص فهو يرجع لمدى أيمان هذا الشخص وذاك ....
أما الجواب عن السؤال الثاني : قال الرب يسوع اذا أردت أن تصلي فأدخل غرفتك وأغلق الباب وصلي لربك وأبوك الذي في الخفاء يجازيك.......
كما قال أيضا كلّما أجتمع اثنان أو ثلاثة بأسمي أكون أنا في وسطهم........
القول الأول يدل على انه يستطيع الأنسان االصلاة في البيت وعدم الذهاب الى الكنيسة ولكن عندما نقرأالقول الثاني
نرى ونلاحظ أهمية الشركة في الصلاة والأجتماع باسم سيدنا يسوع المسيح لكي تكون صلاتنا مسموعة عند الله.
لذلك انا برأي المهم في هذا الموضوع ليس المكان ولا الزمان ولا الكهنة بالنهاية هذه عوامل ثانوية تساعد في تقوية الأيمان الفردي ولكن المهم هو صفاء القلوب وكلنا بنعرف قصة العشّار والفريسي عندما وقف العشّار من بعيد عند الهيكل واعترف بخطاياه وكانت صلاته مقبولة لدى الله بينما وقف الفريسي وبدأ يتباها بنفسه انا أصّلي وأصوم ووأعشّر..و...و..فلم يقبل الله هذه الصلاة منه لذك ضرب لنا سيدنا يسوع هذا المثل الذي يعلّمنا التواضع أمام الله وطلب الغفران.........
فالشركة في الصلاة التي تمثّلها الكنيسة اليوم هي مهمة بقدر أهمية صفاء ونقاء قلوب المصلين فيها فكل منهما يكمّل الأخر.....وأرجو ما كون فوتكم بالحيط بردي وتكونوا فهمتو قصدي......

محقون شوي منون ابو سمرة

انا بعتقد انو مافي ولا واحد منا بيخجل يفوت عالكنيسة وفي كتير شباب بيفوتو عالكنيسة وبيصلوا

وبالنسبة للترنيم في الكنيسة:نحنا عنا في شباب بترنم ايام الأعياد والمناسبات وأحيانا في قداس يوم الأحد

في كنيسة الروم الأرثوذوكس.

مجد طرح موضوع كنيسي مهم والشباب ردت على الموضوع كانو فحص ايمان بالاخير محا بيعرف هل الشي غير الرب بموضوع الترتيل براي مو كل الشباب يصلح صوتهم لترتيل وهوني المفروض على الكنيسة والمعنين بهل الامور انن يعرفو مين اصواتهم حلوة للترتيل متل الاخ مجد ويحاولو يجذبوهم بتصور هل الاشخاص بنعرفو بسهولة اما موضوع الصلاة او الذهاب الى الكنيسة فانا بايد راي سامر

على راسي خيي ستايغمتا حكيك صحيح بالنسبة لموضوع مو كل الشباب بيصلح صوتهم للترنيم بس هيدا بينطبق علينا نحنا مو على الجيل الصاعد يعني اذا بيتشكّل بالكنيسة فرقة خاصة لتدريب هالجيل على الترتيل بيصيرو على الممارسة والخبرة مافي أحلى من أصواتهم يعني الكل أو الأغلبية الكتيرة بتغدر تتحكم وتظبّت طبقات الصوت عندها بالممارسة والتدريب ونحنا بالكنيسة بذكر من زمان كان عم يدربو بعض الأشخاص وطلع منهم مجموعة رائعة جدا وفيها أصوات بتجذب السامع بس هلق ما بعرف اذا اساهم على هالمنوال..
عكل حال انشالله تقوم الكنيستين بتشكيل هالمجموعة الخاصة لتدريب الشباب والصبايا الصغار على تهذيب أصواتهم وأكيد بكرا رح يكون عندنا شئ حلو كتيير بالمستقبل.........

شكرا يا خيي مجد على الموضوع يلي طرحتو بس مثل ما تفضلوا الشباب وقالوا ما في حدا بيخجل من الصلاة والترانيم فمثلا انا بالاجازة ما بفوت اي صلاة وانت بتعرف هيدا الشي وانا برنم وبرتل مع المرتلين بس ما عندي الجمال الصوتي ترتل مع المرتلين ووقف معون لان ممكن صوتي يكون نشاز وخرب عليهم .
ولا تزعل مني بس انا فعلا بحب صوتك وبحسدك عليه .

مع حبي وتقديري

علق خرزة زرقة يا مجد, بيدروس بلش بالحسد
هههههههههه

على كل, الله يقويكون جميعا
و انا حابب قول اني طرحت فكرة للمهرجان مشان نعمل سهرة ترانيم مسيحية تضم كورال من الكنيستين

ان شاء الله يا رب تظبط و نعرف نعمل هالسهرة
وقتها فرجونا همتكون تنشوف
دعوا معنا تتظبط
لانو انا حابب كتير اني طبق هالفكرة, لانها جديدة و ضيعتنا بحاجة لهالشي
و شكرا

لم يفاجئني اي رد فانا أعرف خلفية كل من رد على الموضوع ولو بنسب متفاوتة
فابن الكنيسة من يوم يومو ابن كنيسة والبعيد عن الكنيسة لن يصبح ابنا لها لأن لا يغير الله ما بقوم حتى يغيروا ما بأنفسهم
ولا يكلف الله نفساً إلا وسعها(حكيت قرآن كرمال بين انو الدين هيك )
لم يكن هدفي من طرح الموضوع هو جذب الناس نحو الكنيسة ولن يكون يوماً ولكن لأتبين سبب هذا الجفاء ولم أحصل على رد يشبع عطش نفسي للإجابة
في العادة لا أناقش انسانا في امور الدين اذا كان مرجعانا مختلفان :ففي الدين المرجع هو الكتاب وفي القانون المرجع هو الدستور وفي الطبخ كتاب الشيف رمزي
هذا مبدأي لذا جنبني الله مهاترات عديدة
يلي بدو يناقش بالانجيل والحجج وكلام الله انا جاهز ناقش اما يلي بدو يحكيني عن تجربة شخصية وقصص يومية ما الي خبزة معو
وبكرر كلمة قلتها بمواضيع سابقة وبكررها : في الايمان ما في نص عنص يعني يا مؤمن يا غير مؤمن

لكن خيي مجد اذا هيك انا طرحت قولين للسيد امسيح بالرد ما قبل الأخير لألي وشرحتهم بحسب أيماني وفهمي ألهم من وجهة نظري ميشان هيك حبيت أتشاركني فيهم وبتفسيرهم أذا في شئ غلط بتفسيري أو اذا فيك أضيف شئ عليه ويلي هني : أذا أردت أن تصلي فأدخل غرفتك .........
ومثل الفرّيسي والعشار........
وشغلة تانية أنا طرحت فكرة انو تتكون فرقة مؤلفة من الجيل الصاعد وتدريبها على هاالأمور من قبل مجموعة من الأشخاص المهتمين بالأمر متلك خيي مجد ومتل عماد بس ما حدا جاوبني.......
أكيدي متل ما بنعرف انو في فرق كبير بالترتيل بين الكنستين يعني لمى بدكر هالأمر كل كنيسة ألها تدريب خاص متل ما بنعرف بس أنا ما بذكر هالأمرم لأني بكره هالحديث بصراحة وكل حديث ببعد وبيفصل بين الكنيستين ولذلك هالشئ ما بيمنع انو تتشكل جوقة ترنيم من الكنيستين وبتعرف أترتل تراتيل الكنيستين...وبيكون شئ حلو كتيييير
هلق بيطلع واحد وبيقلي هالشئ صعب رح قلو مافي شئ صعب لمى بنقوم ومنتكاتف مع بعض بس لمى الحكي رح يضلو حكي أكيد صعب........

خيي يوسف ارتقيت في ردك إلى مستوى اللاهوتيين العارفين بالإنجيل وكلامك صحيح
ولعيونك ولعيون عماد أنا رح أطلق فكرة ستنفذ بعون الله في الصيف ولكن خارج المهرجان
و أنا الوعد الصادق وستثبت الايام :
سيكون هناك أمسية بعنوان ( لا تطفئوا الروح ) تجمع أبناء الكنيستين بترانيم هادئة وجو روحاني
مع تقديم ترانيم مشتركة تقوي اللحمة والارتباط بين ابناء البلدة الواحدة
رح نبدا بالتحضير من لما بيوصل عماد على حدود اليازدية بالصيف
وبوعدكم رحتصير رح تصير

كفو خيي مجد وما بتقصّر كبرت بعيونا وبعيون أهالي الياذدية وكبرت بيك الياذدية وانشالله خيي مجد بتتوفقو ولا تتصور قديه مزعوج لأن كل هالأمور رح تفوتني بس مو مشكلة بيضل البال مطمّن طالما في أشخاص أمينين متلك ومتل خيي عماد وسامر وكتيرين غيركم ..........والله يقويكم ويعطيكم العافية.......

خيي مجد ما في شي اسمه ابن كنيسة حتى تفرق بينه وبين اللي مانو ابن كنيسة بالنهاية كلنا ولاد الله
نحنا منروح عالكنيسة لانها بيت الله بس مو انو إدا ما قدرت تزور أهلك يعني انت ما بتحبون

وبعدين سؤال مين اللي بيحدد المؤمن من غير المؤمن .
حتى نقول هيدا مؤمن وهيدا لا وهيدا نص على نص

يا ابن خالتي أكيد كلنا ولاد الله بس يلي بيكون مؤمن بأنه أبن الله مابتهمه حقيقة كونه أبن الله ولكن يهمه أن يكون خادم لله
فالفكرة هيي كيف سنكون أبناء صالحين لله وذلك بخدمته وليس أن نكون أبناء الله فقط.....
وهنا أزكر قول المسيح (أسهروا وصلو لأنكم لاتعلمون الساعة التي يأتي بها أبن الرب لكي يدين العالم فكونوا مترقبين قدومه........القول طبعا مانو حرفي لأني بالصراحة عم أكتب من ذاكرتي ومعرفتي القليلة بالأنجيل التي تعتمد على السماع أكثر من القراءة وانا بتأسف على هالشئ لأنه يجب على كل مؤمن أنو يكون على معرفة كبيرة بالأنجيل
وهون منوصل للتضارب الأمور فكل شخص لديه فكرته ونظرته الخاصة بكيفية خدمته لله فمنا من يصلي له في بيته ومنا من يصلي له في الخفاء ومنا في العلن ومنا لا يصلي أبدا ولا يهمه الأمر ولكن تظلّ الرهبة الربانية لديه بغير أن يشعر كأن عنما تحدث له المصيبة يصيح عاليا يا الله ساعدني وهنا أقول له أين كان الله عندما كنت قويا ألم تذكره في أيام قوّتك ولكن ذكرته عندما حلّت المصائب بك....ومنا من يصلي في الكنائس في الشركة الجماعية طبعا والتي يكون الأيمان ومناجاة الله أقوى بالطبع ومسموعة أكثر من قبل الله....وهون أجا قول خيي مجد بوجود أبن للكنيسة أو لا فمقصده الشخص الذي يخدم الله عن طريق الكنيسة..لذلك كلنا ولاد اله ولكن كل شخص بيخدم الله حسب أيمانه وأفكاره..
وهون صار سوء التفاهم بعتقد من البعض بأن أعتقدو أنّ قول أخي مجد عن أما أن يكون الشخص ابن للكنيسة أو لا :
أن الشخص الذي لا يذهب الى الكنيسة هو غير مؤمن لا أكيدي كل مين أيمانو بتجلا بطريقة شكل وهيدا الشئ مجد فهمانو ولكن المهم هو صفاء القلوب أثناء الأيمان وليس أي شئ أخر..

وبالنسبة لفكرة الأيمان الأخ مجد ماذكر ووصف مين مؤمن أو غير مؤمن ولكنه طرح فكرة أن الأيمان لا يتجزأ فأما أن الشخص مؤمنا أو لا وأنا بأيدو بهالشئ
وبالنسبة لسؤال خيي فادي مين بيحدد كنو الشخص مؤمن أو لا أكيدي هو الشخص نفسه طبعا لأن الأيمان هو باطني ولا يعلم به الا الشخص والله ........ولكن قد يزيد هذا الأيمان عند الشخص حتى يفيض عن داخله ويظهره للعالم ولكن قد لايكون هذا الأيمان صحيح وهون منرجع لفكرة نقاء قلوب المؤمنين وصفائها...
وبتمنى ما نبعد كتيير عن الموضوع الأساسي ويلي هوي الشباب والترتيل ونيتعد عن الحساسيات ولما الشخص يرد بتمنى يرد عالموضوع مو على الشخص الا في حالة طلب معرفة أو مناقشة في أمور الدين يطلبها من أخي مجد
وبعتذر ياخيي مجد لأن هالسؤال بعتقد كان موجه ألك وانا جاوبت عنك وأنشالله كون وضحته منيح..

السؤال يلي بيطرح نفسو يا يوسف:
هوي انو بعتقد مجد في يفسرنا شو قصدو يعني انت فهمت قصد مجد من وجهة نظرك الشخصية بغض النظر اذا كنت حكيتو على التلفون
وبعدين اذا كان عدم الايمان خطيئة محي مخول بهل الكون انو يتهمك بعدم الايمان حسب ما بيسمعو او يشوفو منك
وبما انك مطلع على الانجيل في قول للسيد المسيح بيقول (لكي تقتلع الشوكة في عين اخيك الانسان يجب عليك ان تقتلع الخشبة من عينك اولا)
و بتمنى يا شباب محي يفهم الموضوع بشكل شخصي

بالنسبة لموضوع مجد بعتقد انو في يجاوب أكيد هوي أو أي شخص أخر بالنهاية الأمر ما بيكلف غير الحكي واي شخص بيغدر يحكي بس أنا فهمان ليش أخي مجد ما جاوب بس هيدي ما فهمتها (بغض النظر اذا كنت حكيتو عالتيليفون) للصراحة ما دارتلي.....
وأكيدا محدا عم يتّهم حدا بعدم الأيمان وشكلك ياكرم قريت ردي من وجهة نظرك أو بالأحرى من خلفية حديثي انا وانت عالمسنجر مو من رأي يلي كتبته وبعيد كتيير عنه لأنو الفكرة يلي دار عليها كل حكي أنو ماحدا فيه يتهم حدا بالأيمان
واذا بترجع لردي بتلاقي هالشئ يا كوكو
وبالنسبة للقول يلي ذكرته خيي كوكو مافهمنا كتير منه أول شئ لأنك ذكرته وما بينت أسباب ذكره وتاني شئ ما بينت شرحه وربطه بسبب ذكره...........وشكرا