يا ابني خود ليلى بنت ضيعتنا.........

حبيت اليوم أطرح عليكم هالموضوع أو بالأحرى فينا نعتبرو مشكلة من المشاكل يلي بيتعرضلها بعض شباب الغربة وهو الارتباط بامرأة أجنبية فاذا قوي هذا الرباط وانتهى بالزواج فله مضاعفات كثيرة:
مثلا أول حاجز رح يعترض الشخصان هو الأهل فهل سيقبل الأهل بهذا الأمر وعقولة وديع الصافي:
يا ابني خود ليلى بنت ضيعتنا بنت عيلة مثل عيلتنا.....
اذا تمت الموافقة هل ستستطيع الفتاة أن تكمل مسيرة حياتها الزوجية في مجتمع يختلف كلياً عن مجتمعها من الناحية الثقافية والعادات والتقاليد واللغة....
وعنا أمثلة كتيرة بالضيعة وأنا بالذات أخثبرت هذه التجربة بحكم أنو والدتي أجنبية.
فالشب بهالحالة أمام 3 خيارات
1_ياأما بيكمل المشوار وأيد بأيد هوي وحبيبتو بيواجهو المصاعب.
2_ياأما بيكسر قلبو وبيضحي بحبوا مشان مايعرض حبيبتو لهيك مصاعب.
3_ياأما بيسمع كلمة بيّو وبيسكّر قلبو ومابيحب حداً بالغربة وبالطبع ليلى بنت الضيعة ناطرتو.
بتمنى اسمع رأيكم بالموضوع أو اذا في أفكار ثانية بتنطرح ضمن اطار الموضوع بحب اسمعها منكم.......

شكرا يوسف عالموضوع

بس يا يوسف هالحكي كان زمان.........يعني عدم موافقة الاهل و انو يعيشوا و يتحملوا المصاعب و هالاشيا هدول

متل ما عم نشوف عالامثلة اللي عم تحكيها
ماحدا عارض حدا.......و ماحدا عاش بمصاعب.........وماحدا كسر قلبو
يعني و الحمد الله كلو عايش تمام
طبعا لا يخلو الامر من شوية اشكالات بس هالاشكالات لا تتجاوز مشكلة التفاهم بين الاهل و زوجة ابنهم (بالكلام و الحكي انا قصدي) و هالشي مع الزمن بينحل

يعني الموضوع لا يتطلب الا شوية تضحية من المراة الاجنبية نفسها لانو هيي اللي رح تغير مجتمعها و طريقة حياتها, مو الزوج ولا اهلو, فاذا هيي رضيانة بهالشي.............خلص

كمان انت قلت انو انت مثال على اساس انو امك اجنبية........ففيك تقول انو الموضوع مانو مشكلة ابدا انطلاقا من حالك
ما شاء الله امك الله يحميها اجت و عاشت هون..........و تاقلمت مع الجو بالضيعة و عايشة و ما احلاها و بتحكي عربي اكتر مني و منك.............و طبخاتا ولا احلى ههههههههه
و هادا دليل على نجاح التجربة
و في امثلة تانية........ما في داعي للذكر, لانها معروفة
و شكرا

عمودي صحيح التجربة بنجح وفي أمثلة كتيرة عليها بس مابتتخيل صعوبتها ومن بعض هالصعوبات ورح اعطيك ياها من واقع التجربة:أنا بيي مثل ما بتعرف كان يشتغل كسائق تكسي فوقعت مسؤولية الثقافة التعليمية على الوالدة والكل بيعرف قديش اللغة العربية صعبة فهيك الماما اتعلّمت وعلّمتنا بنفس الوقت بس ماتتخيل قديش اتعذّبت بهالشئ....
فالسؤال هل كل الفتيات قابلة للتتحدى هكذا مواقف وهل تستطيع النجاح به؟؟
السؤال الثاني أيهما أفضل أن يرتبط الشخص بفتاة من المجتمع الذي تلقى تعاليمه وثقافته وعاداته وتقاليده منه أو بفتاة غريبة عن هذا المجتمع برأيك؟؟؟؟؟؟

كلامك صح يا يوسف
و انا ما قلت انو الموضوع هين كتير................انا قلتلك الموضوع بدو تضحية كبيرة من قبل المراة و انا واثق اي امراة رح تجي على مجتمع غير مجتمعها رح تتعذب بالاول

بس انا اللي كنت بدي قولو انو المجتمع هلق ما عاد متل قبل.......يعني صار منفتح اكتر, ممكن يتقبل هالشي اكتر من مجتمع زمان
انت امك الله يقويها و يعطيها العافية تعذبت كتير..........ممكن امراة تانية و بهالزمن هادا ما تواجه نفس الصعوبات لانو بما انو المجتمع صار متقبل, فممكن باقي العائلة يساعدوا في التربية اذا كان الاب غير متوافر

اما هل كل الفتيات قادرة على الموجهة..............طبعا لا, لانو الامر بدو صبر و مثابرة و معاناة
و اي فتاة تقدم على هالشي لازم تفكر لقدام بالامور و تحسبها صح


و بالنسبة لايهما افضل....................اعتقد اذا حدا خاض هالتجربة يجاوب و بقول احسن بكتير
بس بالنسبة الي...........طالما الاتنين متفقين و متفاهمين ما في مشكلة ابدا و لا افضل هيدي على هيدي
و شكرا

حسب لااي بيرجع الى الشخصين اذا كانو متفاهمين لدرجة كبيرة ما بعتقد ان الاهل رح شكلومشكلة ابدا لانو معظم الشباب بعد الجازة رح ينفصلو عن اهلن اما لمشكلة التاقلم مع المجتمع ما بعتقد انوفي مشكلة لانو انت الشب اذا بتحب الشخص الانت معو رح تتاقلم مع مجتمعو
المشاكل الكل بيعرفها هي غيبية ما حدن في يتوقعها ابدا لانو بقصة الزواج ما حدا بيعرف شو ممكن صير معو

اي انا بسافر يغني عادي ما رح انقطع عن أهلي شي 50 سنة مثلاً بس هيدا كلّو بغيب الله