حنين الى ضيعتنا

بذكر ايام كنا بالجامعة ما نصدق يجي يوم الخميس نهرب من اخر محاضرة تكون الشنطة جاهزة من قبل بيوم ناطرتنا بالبيت او عم عم تحضر دوام الخميس معنا ,وبقفزة وحدة من الجامعة نكون صرنا على الطريق بانتظار اول باص متجه باتجاه ضيعتنا و ياما طلعنا عل الواقف ,
من العسكرية ما كان يلحق يختفي دنبو حتى يبين راسو بالضيعة ,ولا يهمك ضيعتنا فداكي ال 16 و 21 يوم اللي رح يقضوهن بالسجن .
و الشغل اذا بعد عن الضيعة فالك عين مريزة او صافيتا مو ابعد متل السمك اذا طلع من المي .
في الغربة لا تخلو جلسة اجتمع فيا اتنين الا و الحديث الاساسي عن ضيعتنا .و الله يعينو اللي ما بيطلعلو اجازة السنة .
يا ترى شو قصة هالحنين الى ضيعتنا واهالينا هل لاننا ناس بسطاء يشدنا الحنين و الشوق
ليش اهل المدينة ما عندن نفس الحنين اللي موجود عند اهل الضيعة
شو فيها ضيعتنا زيادة عن باقي الضيع او المدينة حتى نكون متعلقين فيها لهالدرجة .
ارجعوا بذكرياتكم لايامكم الحلوة وعطونا اراءكم حول هي الفكرة .

ما بعتقد انو في اي شخص ما بيحن للمكان اللي تربى فيه, بغض النظر انو مدينة او ضيعة
المكان اللي فيه ذكرياتك, اهلك, اصحابك, ايامك الحلوة, لحظاتك السعيدة.............كل شي

بس انا بوافقك انو الضيعة افضل من المدينة
بالهدوء, بالبساطة (بساطة ايام زمان طبعا, اما هالايام, انسى ), بالطبيعة
يعني مشوار على الحارة عنا بالضيعة, بتسوى مصر و نيلها
مشوار على طريق الريحان..................مافيني قلك شو بتسوى
مشوار حول البحيرة.....................اووووووووووووووووووووووووووووووووووف ما اروعها
وشو بدي قلك تقلك
شكرا زياد على اللحظات الحلوة اللي شاركتنا فيها

والله انا اتاثرت لمن قرات تعليقك اكتر من لمن كتبت الفكرة
شكرا الك

هلا و غلا

اااااااااااااااااااااااااااخ شو بدو الواحد يحكي
يعني انا بعطلة الربيع هلق بس ما بتمنى هالعطلة تخلص
يا عيني تراب هالضيعة
كلشي فيها حلو
الطرقات الفاضية والمليانة
بيكزدر الواحد شوي المسا عالسوق بياكلو سندويشة فلافل من عند اكرم (عفكرة صارت ب 15)
بيشوف هالشباب بالسوق
وتاني يوم نفس الشي ونفس السندويشة
بس بشرفي لانها باليازدية اطيب من شاورما لفاح موهيك يا عماد؟؟؟؟؟؟
وبالليل بيشفلو شي لعيبة كونكان او طرنيب ناقصن راكب بيلعبلو كم برتية وبينام
روتين قاسي شوي بس الو لذته
الله لا يحرمنا من هالضيعة ويقدرنا ما نبعد عنها كتير

ولوه يا مجد
اذا انت الاخ طالعة معك هيك, احنا شو بدنا نقول؟
بس معك حق, سندويشة الفلافل عند اكرم او فؤاد و القعدة بالسوق عنا بتسوى مليون لفاح و اميركان
و ركزلي ع جلسات الكونكان والطرنيب و التركس ها, و خاصة بالصيف
يعني بلاها ما بتصير اسمها الياذدية, مشي بالليل بعد ال 12 وشوف التجمعات التركسية
و خود ع غرغرة مع هاد, و لقلقة مع هاداك