الهوة تزداد بين الأسعار و الأجور في سوريا

أوردت صحيفة الاتحاد الإماراتية أن السوريين يعانون من تدني قدرتهم الشرائية نتيجة مجموعة من الأسباب أبزرها ارتفاع أسعار النفط و تحرير الاقتصاد و الأحوال الجوية الرديئة.

حيث سجلت أسعار الخضار و اللحوم و الحليب و الزيت منذ عدة أسابيع ارتفاعا" بنسبة 30 إلى 60% ، و أوضح وزير الاقتصاد أن ارتفاع الأسعار عالمي بسبب ارتفاع أسعار النفط و المواد البتروكيميائية و الحديد و الخشب في الأسواق العالمية.

و كانت الحكومة السورية قد أطلقت حملة لضبط الأسعار سعيا منها لمعالجة هذا الوضع وقد حضت القيادة القطرية لحزب البعث الحكومة على تشديد الرقابة على الأسعار و اتخاذ كل الإجراءات لإيجاد التوازن بين الأسعار و الأجور.

الله يسترنا من الأعظم و يستر من شي مجاعة كبيرة.

شكرا فادي على التنويه
و المشكلة الكبيرة هيي انو ماحدا مسؤول بسوريا عم يعترف بارتفاع الاسعار انو بالفعل في مشكلة
كل واحد بيقلك انو مشكلة عالمية و ما بعرف شو

من فترة طلع وزير الاعلام "الله يتحنن عليه" بمقايلة عالتلفزيون و عينك ما تشوف وادنك ما تسمع شو حكى
كان المذيع عم يقلوا انو نزل عالشارع السوري و الناس عم تشكي من ارتفاع اسعار المحروقات بسوريا
فرد عليه: يعني كم واحد خبرك بهالشي؟ واحد, تلاتة, عشرة؟؟؟؟؟؟؟؟؟؟؟؟؟ هدول ما بيمثلوا الكل
و كانو معلش واحد ولا تلاتة ولا عشرة يموتوا من البرد بهالشتى الماضي
و كانو كمان هدول العشرة عيشين لوحدون بهالدني, ما وراهون عيل و ناس

على كل متل ما قلت اللله يسترنا
اسا من يومين كنت عم قول : انو هلق بهالزمن اسا في ناس عم تلاقي تاكل, لقدام شو رح يصير؟؟؟؟؟؟؟؟؟؟؟
بس الله اكبر من كل الناس