مع مين بتحب تكفي حياتك

انا برأي ان هالشي مو نسبي يعني بيرجع للشخص الي انت أتعرفت عليه هلق يمكن يكون ابن ضيعتك كتير منيح بس بيكون في شغلات ما عم يتفاهم هوي وبنت ضيعتو وهالتفاهم يمكن يكون موجود بابن المدينة أكتر لانو بيكون شايف
وكمان بالنسبة للبنات طبعا بنت المدينة مانا متل بنت الضيعة يعني بنت الضيعة بضل منيحة وفقيرة (مو ماديا اكيد لانو هالشي مالة علاقة بالمادة)بس بنت المدينة قويةوقد حالا ومانا غبية متل بنت الضيعة لانو بتكون طالعة وفايتة وبتفهم بكلشي بالنهاية بضل هيي بنت مدينة ونحنا بنات ضيعة بقا انت بدك تشوف الشباب شو بيحبو
واخر شي وقت بيجي النصيب ما حدا فيه يمنعوا سواء كان ابن ضيعتك ولا ابن المدينة

ما أختلفنا بنت الضيعة بتختلف عن بنت المدينة بس اذا بدو يصير أرتباط بينالشب والبنت عن ...حب... أي وقتها مارح يطّلع لا اذا هيي بنت ضيعة ولا اذا بنت مدينة.......

اول شي بحب قول ل sweetgirl انو الموضوع نسبي و متل ما قلتي انو لما بيصير النصيب ما حدا رح يطلع ضيعة او مدينة

هلق يا ابن خالتي بالنسبة للاختلاف بين بنت الضيعة والمدينة طبعا هيدا بيرجع لاسباب كتيرة من اهمها انو المجتمع المحيط فيك بيعطيك صفات بتختلف فيها عن غيرك للاحسن او للاسوأ ما فينا نجزم لانو هيدا الشي بيرجع لطبيعة الشخص وليس للبيئة التي يعيش فيها( مع انو ما في هالاختلاف الكبير وعالاقل حاليا نتيجة التقدم والحضارة والانفتاح وخصوصا إدا بدك بضيعتنا)

والله ياخي الزير افي احلى من بنت ضيعتك لأنو عقولة خيي وديع الصافي الفنان القدير
(بنت المدينة بدا خدام والا عريش نعام ما بتنام) بقا شوف بنت ضيعتك اوفرلك وبتعرفا وبتعرف كلشي عنا

و الله يا خيي الزير كلو نصيب و القلب وما يهوى و ما حدا فيه يقول هيك صح أو هيك غلط لانو كل انسان

ألو عقلو و طبعو و مشاعرو و طريقة تفكيرو وأحاسيس خاصة فيه و كمان ظروف خاصة فيه و ما حدا متل حدا

و كمان كل شي بالدني الو ايجابيات و الو سلبيات و ما في شي كامل او مثالي وكل مين عا دينو الله يعينو.

تحياتي