لعبة كرسي الاعتراف

صفحة 5 من اصل 5 الصفحة السابقة  1, 2, 3, 4, 5

اذهب الى الأسفل

رد: لعبة كرسي الاعتراف

مُساهمة  Adon في السبت فبراير 21, 2009 9:08 am

اهلين كرم
بعد السلام والتحية بدي اشكرك عالسؤال واحكيك بصراحة نحنا للاسف عندنا مشكلة وهيي منتشرة كتير بالنقاش وطريقته وبتلاقي باغلب الاحيان وبتدخل من شخصية كل واحد وموقعها واهميتها بيتحول النقاش لمجرد انو كل واحد يحكي ومين بدو يحكي ويثبت صحة وجهة نظروا وللاسف منوصل بالاخير لمحل ما حدا بيوضح وجهة نظروا وكل واحد بيكون سمع حالو وصنف غيروا بالزاوية اللي بيتمنى يحطوا فيها اذا للاسف باغلب الاحيان نحنا ما منسمع بعض بشكل كويس.
هلق انا للاسف قرائاتي قليلة فاتاثر بشي اقرائه انشالله اساسا هيدا هوي هدف القراءة بس التاثر ما بيعني ابدا انو الغي حالي واخد رأي احد المفكرين او الكتاب او حتى مذهب معين واعرضو لحتى شوف رأي تاني اتاثر فيه اكتر. التاثر هوي شي منعيشو كل يوم يمكن يكون ايجابي او سلبي بمعنى انو يمكن نقرا شي لفكر معين يخلينا نكون قناعات مختلفة مع نفس الفكر اللي عم نقراه .اذا انا بعتبر ان الاراء مانها جامدة ولا مقدسة الشي الوحيد المقدس هوي الانسان والاراء هيي طريقة نظر للحياة لازم تتطور معنا وتعيش معنا واهم شي تخرج عن مبدأ اثبات شخصية الانسان وتقويتها بالعكس لازم نسمع عطول للناس التانين وكل طريقة تفكير منتعرف عليها هيي خبرة جديدة بالحياة
ومنشوفك انشالله هالصيفية ومنقعد قعدات احلى انشالله
avatar
Adon

عدد الرسائل : 155
العمر : 35
الموقع : http://www.facebook.com
العمل/الترفيه : اوتيل\ موسيقى
تاريخ التسجيل : 05/11/2007

معاينة صفحة البيانات الشخصي للعضو http://www.facebook.com/profile.php?id=567315107&ref=profile

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  magdeeb في السبت فبراير 21, 2009 10:42 am

4- من لما وعيت على الحياة بعرف عبدو الشب النشيط بالكنيسة الملتزم والمتابع ويلي وقتها كان من القلة القليلة من الشباب الملتزمين بكنيستهم , مع مرور الأيام صرت أسمع كلام أقله أنو عبدو تغيرت وجهة نظره .
ما الذي قد يدفع الإنسان لتغيير نظرته وقناعته في الإيمان ؟؟؟؟؟؟؟؟؟؟؟ هل من السهل أن يجعلنا شخص نغير قناعتنا بالذات الإلهية؟؟؟؟؟؟؟؟
avatar
magdeeb
مشرف المنتدى الهندسي

عدد الرسائل : 690
العمر : 31
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  Adon في الأحد فبراير 22, 2009 12:46 am

اهلين مرة تانية


كمان سؤالك حلو وبيطرح نفسه بس انا رح احكي عن يلي ما تغير بعبدو من وقتها لهلق وهوي البحث عن الذات الالهية واللي ما تغيركمان انو في شغلات لساتها موجودة فيني ومنها كتير من الموسيقى والتراتيل اللي بترفع الروح فعلا لاعلى والشي الاهم اللي تعلمتو بالكنيسة هيي افكار يسوع الناصري وهي فلسفة مهمة بالحياة ونظرة غنية الها رغم انو ممكن ما يكون في تطابق كامل بالنظرة او عالقليلة اللي وصلنا من اقواله وفلسفته
وكانت الكنيسة الطريق الاولى طبعا او الطريق الطبيعية بالبداية لكل انسان بيفكر بالله بيلجا للدين بس بصراحة انا شخصيا شعرت ان الكنيسة ليست طريقتي الفضلى للبحث عن الذدات الالهية(بتمنى ما حد ينزعج من هل الحكي انا عم احكي عن تجربتي الخاصة)لعدة اسباب مثلا انو الدين بيسكر الطريق عاغلب الاسئلة وبيحطها تحت باب ارادة الله الغير مدركة وغير القابلة للفهم وبيركز على الشكليات من صلاة ومراسم وعبادات اكتر من الجوهريات ويمكن لاني كمان ما حسيت اني بيوم خايف من الله او اني مخطىء لمجرد كوني بشري بالعكس ان الحب هوي كان الهدف فكانت ردة الفعل الاولى قاسية شوي بالابتعاد عن كل ما هو ديني والالتفات الى المادية المحضة بالنظرة وللامور الدنيوية بس البحث عن الذات الالهية ضل موجودونمى من جديد ولقى طريق تانية وهيي عن طريق البحث عن النفس بالبداية؛ طريق الحياة مع الحفاظ على كل ما هو جميل والبحث يعني القرب يوما فيوم من روحي ومن الحقيقة شي اهم من تصنيفات( مؤمن كافر) انا ما بيعنولي شي.
انا للصراحة في كتير شغلات ما بعرفها بس بحس فيها وصعب الواحد يحكي عنها. هدول انا بعتبرهن الدين الحقيقي وطبعا انا ماني ضد الايمان وبنبسط لمن بشوف انسان مؤمن من كل قلبه عن قناعة وشفافية وقول الحق
avatar
Adon

عدد الرسائل : 155
العمر : 35
الموقع : http://www.facebook.com
العمل/الترفيه : اوتيل\ موسيقى
تاريخ التسجيل : 05/11/2007

معاينة صفحة البيانات الشخصي للعضو http://www.facebook.com/profile.php?id=567315107&ref=profile

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  الشاعر في الإثنين فبراير 23, 2009 12:16 am

عبدو كيفك

سؤال 3
عبدو فيك تفسرلي ماهية الصورة يلي حاطتها شعارك بالمنتدى
سؤال 4
هل سمعت بالديانة البوذية أذا نعم شو رأيك فيها وأذا لا شكرا ألك
يتبع ..............
avatar
الشاعر

عدد الرسائل : 137
العمر : 41
الموقع : http://solo-poet.blogspot.com/
العمل/الترفيه : أعمال حرّة
تاريخ التسجيل : 02/05/2008

معاينة صفحة البيانات الشخصي للعضو http://solo-poet.blogspot.com/

الرجوع الى أعلى الصفحة اذهب الى الأسفل

مرحبا كيفكم

مُساهمة  samerbek في الإثنين فبراير 23, 2009 7:25 pm

مرحبا كيفكم

منذ مدة وانا أراقب هذه اللعبة الجميلة كعادتي في ملاحقة هذا المنتدى بكل فروعه
ولكن الآن بدأت تأخذ منحى أخر لفت أتباهي فهي بدأت بالانتقال إلى نقاش ثقافي جميل و هادف يديره من يجلس على الكرسي
ومن هذا المنحى أحببت أن أشارك في هذا النقاش الثقافي المميز
بداية اطلب من الأخ أدون أن يحدد لنا ما هو مفهومه للدين بغض النظر عن أي شكل له قبل الغوص بآي تفصيل أخر
بمعنى
هل الدين هو مغامرة العقل الأولى لاكتشاف هذا الكون وتفسير ظواهره وتحليلها بما يتلاءم مع فهمنا وإدراكنا كبشر
هل الدين هو منهاج لتعامل الخالق مع المخلوق وفق آلية معينة تناسب الاثنين تنظم هذا الكون الرائع ليغدو عما نراه
هل الدين هو بعد أخر للذات البشرية لتغذي روحها وتشبع إنسانيتها لتغدو متوازنة اكثر
مع محبتي

_________________
avatar
samerbek
مشرف المنتدى البــــلدي

عدد الرسائل : 68
العمر : 43
الموقع : www.mraizeh.com
تاريخ التسجيل : 11/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  Adon في الإثنين فبراير 23, 2009 9:23 pm

اهلين من جديد انا منيح

جواب رقم 3
بالنسبة للصورة الشعار فهيي أدونيس و أفروديت على جرة تعود إلى العام 410 ق.م.وانا كنت شرحت معنى الاسم ب"اسامينا شو تعبوا اهالينا تلقوها"
جواب رقم 4
الديانة البوذية بالنسبة اللي ديانة غنية بالحكمة ومميزة بالتامل كطريق في الحياة وتوازي في المنهج الاخلاقي ما يسمى الديانات السماوية كما تفيض بالتسامح وقبول الاخر والتصالح مع الذات البشرية طبعا انا لست مهتما بالشعائر والعبادات مع ان اليوغا قد تكون مثيرة للاهتمام في معظم الاحيان طبعا هذا ليس انتقاصا من قيمة الاديان الاخرى فانا شخصيا ارى الاشياء الايجابية كما السلبية في معظم الاديان التي تعرفت عليها واتعلم من كل التجارب الانسانية في هذه الطريق المتواضعة التي احياها اليوم .
avatar
Adon

عدد الرسائل : 155
العمر : 35
الموقع : http://www.facebook.com
العمل/الترفيه : اوتيل\ موسيقى
تاريخ التسجيل : 05/11/2007

معاينة صفحة البيانات الشخصي للعضو http://www.facebook.com/profile.php?id=567315107&ref=profile

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  Adon في الإثنين فبراير 23, 2009 9:51 pm

اهلين samerbek

اول شي خليني شارك الرأي بالنسبة للنقاش فهوي فعلا جميل اكيد بفضل العقول المنفتحة على النقاش وتقبل الاخر
وسؤالك عن تحديد الدين انا بعترف انه سؤال ليس هينا بالنسبة لي فالدين امر موجود منذ بدانا ان نفكر كبشر ورغم كثير من النظريات التي حاولت الغائه فقد صمد لا وبل تسلسل الى داخل هذه الافكار محولا اياها الى ما يشبه دين جديد وهذا سر بحد ذاته بس خليني حاول قد ما بقدر عبر عن افكاري المتواضعة بهالمجال

  • الدين طريقة تعامل الخالق مع المخلوق:

لم المس يوما حاجة عند الخالق الى هذا خاصة ان الكون هو كامل بحد ذاته ولم يكن الدين بالضرورة طريقة تنظم المجتمع فالمجتمع هو الذي يحدد دور الدين وليس العكس فالدين عند الغجر والبدو هو مختلف عن الحضر مثلا حتى لو كان الدين اسميا واحد بين الاثنين

  • اما عن كونه مغامرة للعقل
فان الاديان تبدأ كمغامرة للعقل الصاعد الى ما بعد التفكير الى الاسطورة ولكنها تنتهي غالبا بمكان اخر في احضان السلطات وتصبح كطريقة لادارة الشعوب او لفرض الكبت عليهم وتقيد عقولهم وهنا اتكلم على مستوى الشعوب وليس الافراد


  • اما اذا حاول احد ما فهم الدين على انه بعد اخر للذات البشرية وتغذية روح الانسان
فانه سينتهي غالبا مع الرهبان والمتصوفين بعيدا عن تفاصيل الدنيا كالهارب من جسده ومن حياته ورغباته الى ما وراء الطبيعة والجسد وحتى في هذه الحال فهو ليس دينا بالمعنى المعتاد بل حالات خاصة.
اخيرا استطيع القول ان الدين هو حالة موجودة في المجتمع ليس دائما بايجابية او سلبية ولكنها موجودة بيننا
ما يطرح نفسه في هذا النقاش الثقافي المميز كما سميته انه من رأي شخص واحد وقد يكون ما يميزه فعلا ثم اننا نرى رأي الاخرين ونشعر به من خلال الاسئلة اللاحقة فهاتونا ما عندكم
avatar
Adon

عدد الرسائل : 155
العمر : 35
الموقع : http://www.facebook.com
العمل/الترفيه : اوتيل\ موسيقى
تاريخ التسجيل : 05/11/2007

معاينة صفحة البيانات الشخصي للعضو http://www.facebook.com/profile.php?id=567315107&ref=profile

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  الشاعر في الثلاثاء فبراير 24, 2009 2:20 pm

Adon

شكرا الك ع أجوبتك الصريحة والتي تدل على الثقة والثقافة
أخر سؤال أدون
ماذا تعني لك الحياة وماذا تتوقع يوجد بعد الموت بتصورك وأخيراً وأهم سؤال هل الحياة عادلة بنظرك أم لا وهل هي مرتبة وكل شيئ بها مسبوق ترتيبه ونطلق عليه القدر أم أنها فوضى وصدف وحالات جديدة متوالدة بدون ترتيب مسبق
وشكرا جزيلا لك
وبالتوفيق بغربتك وعملك ومستقبلك يا عبدو
avatar
الشاعر

عدد الرسائل : 137
العمر : 41
الموقع : http://solo-poet.blogspot.com/
العمل/الترفيه : أعمال حرّة
تاريخ التسجيل : 02/05/2008

معاينة صفحة البيانات الشخصي للعضو http://solo-poet.blogspot.com/

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  Adon في الثلاثاء فبراير 24, 2009 5:34 pm

انشالله منفرح فيك وتفرح كل حياتك

اما بالنسبة للحياة فنحنا اللي منتحكم بالحياة ونحنا منحدد اتجاهنا وحياتنا ما بعرف اذا كان مكتوب او ظرف بس انا بشوف ان الانسان عندو ارادة حرة وفي مجال يختار بكل لحظة من حياته كيف حيعيش اما عن الموت فانا لا اعرف الموت ولم اعد افكر فيه مؤخرا والاهم اني لا اخاف الموت اسمحلي قول ان الخوف والقلق وكتر التفكير بيطغوا باغلب الحياة ع وجودنا وبيمنعونا ننوجد ونحيا وبيخليونا نصير اموات يدفنون الاموات متل ما شبه الموضوع يسوع فطريقة تفكيرك هيي اول بداية لتمسك بزمام امور الحياة
يبدو انو دقت الساعة وصار لازم سلم المكان مع انو مكان مميز صراحة كرسي كويس وهلق صار لازم نعلن اسم الشخص اللي رح يقعد عالكرسي ويتلقى الاسئلة
ما بعرف اذا انت جاهز يا سليم الك اسبوع ما بينت ولا سمعت منك ولا سؤال خليني بلش من هون في شي مضايقك بالمنتدى وشو تقييمك للمنتدى هل انت مستعد تقعد عالكرسي وبصراحة
avatar
Adon

عدد الرسائل : 155
العمر : 35
الموقع : http://www.facebook.com
العمل/الترفيه : اوتيل\ موسيقى
تاريخ التسجيل : 05/11/2007

معاينة صفحة البيانات الشخصي للعضو http://www.facebook.com/profile.php?id=567315107&ref=profile

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في الثلاثاء مارس 03, 2009 9:49 pm

مرحبا للكل وانا كتير اسف ع التاخير والسبب هوي وضع الكلية والدوام ولما دريت انو انا ع الكرسي ومش عرفان انزعجت كتير على كل حال انا من اليوم وكل يوم رح كون جاهز منشان رد ع اسئلتكن يا اصدقائي .. ويالله خيي ادون الك شرف اول الاسئلة وانا جاهز
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في الثلاثاء مارس 03, 2009 9:52 pm

[size=29]عفوا ... نسيت جملة : بتصور بيشرفني اقعد على كرسي الاعتراف بهيك منتدى وانا جاهز[/size]
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  Adon في الأربعاء مارس 04, 2009 11:24 am

تسلم يا سليم

كل واحد مننا بيعيش مراهقة مختلفة عن التاني وطبعا لان نحنا شخصيات وطبائع مختلفة انت كيف بتشوف انك عشت المراهقة بحياتك وكيف ممكن نعرف ان فترة المراهقة خلصت عند الانسان
سؤال تاني
بين ما تفرضه الحياة والواقع وما تريده وتتمناه ماذا تفعل؟

  1. تتحدى الواقع
  2. تتعايش معه لتصل الى غاياتك
  3. او انك تجد طريقك الى ما تريده ببساطة

كيف ترى الواقع وتاثيره بحياتك
avatar
Adon

عدد الرسائل : 155
العمر : 35
الموقع : http://www.facebook.com
العمل/الترفيه : اوتيل\ موسيقى
تاريخ التسجيل : 05/11/2007

معاينة صفحة البيانات الشخصي للعضو http://www.facebook.com/profile.php?id=567315107&ref=profile

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في الأربعاء مارس 04, 2009 9:48 pm

الجواب الأول : الكل اكيد بيعرف انو فترة المراهقة هيي مصطلح اكتر منها مرحلة عمرية او ( فترة ) متل ما نحنا منسميها اما كيف عشتها فالسؤال غامض شوي كانت عادية بتصور وما فيها شي غريب يمكن بسبب توعاية اهلي وانا مش كتير مبسوط بالهشي هلئ يمكن بعدين . ما بعرف ...... ليش ؟ - لان في كتير شغلات ما فيني اعملها وانا طالب جامعة رح اتخرج بسبب عمري لان خارجة عن المألوف بالنسبة لهيدا العمر بس وقتها كان فيني اعملها ... طبعا انا بعتبر حالي كبرت اسرع من اللازم ما بعرف ليش بس عموما رضيان عن حالي . اما ايمتين بتخلص هيدي الفترة فهيدا تبعا للظرف تبع الشخص نفسو ويمكن كتير تخلص قبل وقتها العمري ويمكن كتير كمان تجي متاخرة عن ناس وناس ومش ضروري اذكر اسامي ( احسن ) ..
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في الأربعاء مارس 04, 2009 9:58 pm

الجواب التاني : بتحدى الواقع !! صعبة شوي لأن عادة في ثمن مش قليل بالمقابل وقلال الناس المستعدين يواجهوا لأنو عادة رح يكون التمن المدفوع اكتر من النتيجة يمكن بيسموها شجاعة .... أنا بسميها تهور .... بس هيدا الشي ما بيعني انو انا مع التهاون كتير . انا ما بتحدى الواقع . اكيد بتمنى لو في اشيا فيه مش متل ما هيي بس انا ما فيني جابه منشان حاجات اشخاص هني يلي عم يوقفوا بوجهك .وبفضل التحدي ع المستوى الشخصي . طبعا في اشيا ما بيصير الانسان يتنازل عنها وهيي كلشي بيمس بالكرامة الشخصية وشوية تحدي احيانا ع شوية مسايرة بيمشي الحال واحيانا يا صديقي بيكون الهروب لمجتمع تاني او لواقع تاني ( سميه متل ما بدك ) احسن لألك ولغيرك . وشكرا لألك ولغيرك . وياريت يلي بعدك يحرجني اكتر .
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

مرحبا

مُساهمة  samerbek في الخميس مارس 05, 2009 11:54 am

كيفك سليم

تعليقاً على مقالك الف باء صفتلي
ما هو تقييمك للمقال و ما هو هدفه و هل يتمنى سليم ان يكون صفتلي
سليم انت كمعماري اولا ومهندس تانياُ وشاب مندفع يحمل من الطموح ومن القدرة على التغير
انطلاقاً من كونك شاب مهندس معماري
لو امتلكت بيدك سلطة ما للتغير والابداع ماهي الخطوات التي ترى من الوجب تصحيحها او اعادة خلقها ضمن بيئتنا ومجتمعنا
مع كل شكري

_________________
avatar
samerbek
مشرف المنتدى البــــلدي

عدد الرسائل : 68
العمر : 43
الموقع : www.mraizeh.com
تاريخ التسجيل : 11/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في الخميس مارس 05, 2009 7:14 pm

[

[size=12]الأخ سامر شكرا جدا لأسئلتك المميزة فعلا والصعبة :


بخصوص السؤال الأول بتصور صعب كتير شخص يقيم مقالة مثيرة للجدل إذا بدك تسميها وخاصة إذا هوي كاتبها بس عموما إذا بتقصد الأسلوب الأدبي وما بتصورك بتقصدو فـــ أنا بتصور أنو ظريف ( كوميدي أو ساخر إذا بدك تسميه ) أما بخصوص مغزى المقال فا بصراحة الأمر أنا راضي عنو وبتصور أني قلت يلي لازم ينقال لا أكتر ولا أقل .

أخ سامر بتصور وأنت معي ع الأغلب بيكفي خجل من هل أمور وفعلا لازم نكون صريحين وجريئين حتى لو اضطرينا نجرح بعضنا شوي لأنو يلي بينحكى بيروح والمشكلة من يلي بيضل بالقلب .

أما هدف المقال فيك تسميه ( همزة وصل ) فكرية بيني وبين كل المحيطين بالموضوع ( من صفتلية وناس عم تحتك معهن ) . .. وهوي بحد ذاتو دليل على اني متجاوز المشكلة وبدي من الكل يدخل فيها بجدية منشان يتجاوزها ومنشان نكون اكبر من المشكلة... انا لمن خلصت المقال بعتتها لصديق صفتلي مميز وأخدت رايه فيها طبعا هيداغير آراء بقية الشباب يلي حكيت عنها ... وعدت وكتبت منها حوالي خمس نسخ معدلة منشان تكون لاذعة إذا بدك , ومهذبة بنفس الوقت ....... وهيي أبدا مش ردة فعل يمكن في ظروف مرت معي شجعتني إني كون أسرع بكتابتها ( صح ) بس رأيي حكيتو بتجرد ومش ردة فعل أبدا ........

أما هل بتمنى إني كون صفتلي ؟!

يمكن السؤال مربك والأصح أنو ينسأل : هل عندك أي مشكلة أنو تكون صفتلي ؟

الجواب بالمطلق أبدا أبدا ... ما في عندي أي مشكلة بالعكس .. بس بتمنى إنو في حال كنت صفتلي كون متل ما أنا هلئ ومتل الشباب يلي شجعوني ع المقال ....

السؤال الثاني : لو امتلكت سلطة للتغيير والابداع شو الخطوات يلي بشوف من الواجب تصحيحها ضمن بيئتنا ومجتمعنا ؟

( خلينا ع أسئلة أدون ... أسهل ) بس رح حاول جاوب ....

رح نبلش بالفرد لأنو منو بيبدا كل شي لأن التعديل والتصحيح اذا بدك بالمؤسسات هوي اشبه بترقيع خارجي لبيت متهدم ما بيعطي اي نتيجة أما شو لازم نغير فينا فا رح نبلش بالتربية , لأن هيي أساس كل شي ومنها بيتصلح كل شي ولمن بيبدا مجتمع يتشكل من افراد ناضجين منكون بدينا نصلح أنا ما بآمن بمبدأ المسامحة أو غض النظر . في صح وفي غلط وكل غلط تمنو لازم يكون أقصاء الشخص المسؤول عن موقع القرار على الأقل ومحاسبتو وما ممكن نقبل بالصفح عن أي مخطئ . طبعا الشخص هوي الاساس والتربية هيي البداية وبعدين في خطوات كتير لازم ناخدها .

أما بخصوصي انا فأنا ما بتمنى كون بموقع قرار مش لأني ما بقدر أتحمل مسؤولية , بس يمكن لأن عندي فكرة مسبقة بشعة عن كل الأشخاص يلي بموقع القرار وازا بتمنى غير فالتغيير بيقتصر عليي انا وبفضّل المجال الاجتماعي لأنه يمكن الوحيد يلي فيني أثر فيه بأقل خسائر ممكنة لألي ولمحيطي وبتصور أنك فهمتني.

صديقي سامر شكرا لألك مرة تانية وأنا آسف ع طول الرد وشكرا ع الاسئلة الصعبة ويالله . يلي بعدو........

/size]
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  magdeeb في الجمعة مارس 06, 2009 1:48 am

طب منيح إجاك الريح..................
سلنكو.........
أنا من الناس اللي كنت بفترة معينة قيم المؤسسات أكانت دينية أو سياسية أو اجتماعية .... من خلال الأشخاص القائمة عليها, ولكن بعد مرور زمن وصلت لقناعة غيرت كل هالأفكار وأنو إذا بدنا ننقد أي مؤسسة ببساطة بنقدر نحكي عن العناصر السيئة فيها واللي هيي موجودة حكماً ... هل يقيم سليم المؤسسات من خلال القائمين عليها ؟؟؟ أم من خلال الجوهر الذي نشأت عليه؟؟؟؟؟؟؟

بدي اهتمام بالـــــــــــــغ بهالسؤال .

هل جرح الفتاة (يعني فتاة تجرحك) بيخلي الإنسان غير منطقي بتقييم الجماعة اللي بتنتمي إلهم , وهل نفس الحكم يطبق على الجرح من قبل صديق شاب ؟؟؟؟؟؟؟؟؟؟

خود نفس وجاييك بالألألألألألأعظم.
avatar
magdeeb
مشرف المنتدى الهندسي

عدد الرسائل : 690
العمر : 31
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  magdeeb في الجمعة مارس 06, 2009 2:35 am

حكيت بموضوع صافيتا عن مصطلح جامع للضيعة بس بالنهاية لكل واحد منا ضيعتو.
متى نظلم الضيعة ومتى تظلمنا الضيعة؟؟


قلتلي أنو أخوك حببك بزياد الرحباني , وأنت حببتني فيه , وأنا حببتو للشباب أصدقائي.....
ليش برأيك زياد ما بينحب إلا من خلال وسيط؟؟؟؟؟؟؟؟؟؟؟؟؟
avatar
magdeeb
مشرف المنتدى الهندسي

عدد الرسائل : 690
العمر : 31
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في الجمعة مارس 06, 2009 7:40 pm

هلا بالغالي ناطرك يا مجد :

شوف يا صديقي ..... هل يقيم سليم المؤسسات من خلال القائمين عليها ؟؟؟ أم من خلال الجوهر الذي نشأت عليه؟؟؟؟؟؟؟
....


سؤال كتير بيعنيني عموما بعد هل الفترة القصيرة نسبيا بي تطور المجتمعات والكبيرة بنتائجها المؤسسات برأيي صارت موجودة نفسها , بكل الدول وكل الأوساط وهيي بتشبه بعضها فا منلاقي نفس المؤسسات الحكومية والأهلية بأسماء متشابهة حتى بسوريا وفرنسا مثلا ... أنا حكيت هيك منشان قلك أنو أنا رأيي أنو الحكم ع المؤسسات ( حكومية أو أهلية ) لازم يتم من خلال النتائج يلي بتحققها هيدي المؤسسات والتأثير يلي بتقوم فيه والواجب يلي بتتحملو ... وأبدا ما بتتقيم من خلال أهدافها النظرية لأنو هيدا لب الفساد بالمجتمع ( مؤسسة بأهداف خلابة وبتكون أم البيروقراطية والفساد والحكي الفارغ ) ومنجي منقول أنو هيدي مؤسسة منيحة يعني : الأخلاق بالممارسة لأنو الحكي النظري نفسو وهوي ما عليه جمرك متل ما بيقولو . هيدا الشي بيخلي مدير المؤسسة هو المسؤول الأول وتقريبا الأخير عن كل خلل أو تقصير أو فساد أو تراجع بالنتائج للمؤسسة يلي مستلمها وأنا ما بفهم شو يعني والله ( قال مو طالع بأيدو شي ) يلي مو طالع بأيدو بيستقيل أو بينسحب من المسؤولية لأنو هيدا الكلام مش مقبول ...

يعني بالنتيجة أنا برأيي أنو القائمين ع المؤسسات هني الأساس لأنو هني المسؤولين عن النتائج وأنا بتحداك يا مجد تلاقي نظام داخلي بمؤسسة أهلية أو حكومية إلا وبتسلطن أنت وعم تقراه كأنك عم تسمع صباح فخري يا خيي أو الياس كرم وبتصير رح تبكي من فرط اللذة وبتقول يا ويلي شو هل مؤسسة يا هيك المؤسسات يا بلا ....وبالنتيجة الكل متل بعض صح والكل بيــ . . .ــرو .

هل جرح الفتاة (يعني فتاة تجرحك) بيخلي الإنسان غير منطقي بتقييم الجماعة اللي بتنتمي إلهم , وهل نفس الحكم يطبق على الجرح من قبل صديق شاب ؟؟؟؟؟؟؟؟؟؟

خيي مجد أنت ملعون بس مهذب بطريقة السؤال منشان هيك رح أعملك سولد وجاوبك جوابين ع هيدا السؤال.

جواب عام : أي ممكن كتير وع الأغلب يا خيي مجد أنو الجرح يترك أثر سلبي بهي الطريقة ... ممكن أنو مش بس يحكم حكم غير منطقي وبيكون أحيانا ظالم كتير ومش بس للجماعة يلي بتنتمي إلهن ( ع فكرة حبيت كلمة جماعة ) ههههههههههههه وللصبية نفسها أحيانا وبتصور ممكن زات الشي للصبية وهيدا يا خيي مجد بيتعلق بشخصية الشب أو البنت نفسها وبالجرح كمان ... ومتحولاتو كتيري لهيدا الموضوع ... وفينك تحدد سؤالك أكتر وأنا طبعا جاهز..

جواب خاص : خيي مجد أنت عم تحكي عن حالة خاصة فيني أنا ما بعرف شو تصورك أنت عن شعوري بس صديقي أنت بتعرفني أنا قلبي طيب و فينك تضحك عليي بسهولة بس عموما رغم كل الفصول يلي مريت فيها عن الحادثة يلي عم تحكيها من سنة ونص لحد هلئ لسا رأيي نفسو تقريبا وما تغير ولا بتصور رح يتغير .. بس شعوري أي تغير تجاه الشخص نفسو ومتل ما قلتلك برد سابق هو زاد من سرعة افصاحي برأيي إزا بدك بس ما أثر فيه . شو مجد خليني اعمل بريك وبرجعلك تعبتني .......
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  Adon في الجمعة مارس 06, 2009 11:42 pm

1 هل تكذب ومتى؟ (اقصد الكذب الذي يخفي حقيقة ما وماذا لو يؤذي احد اخر ) حتى لو كان هناك مبرر قوي وما ذا يمكن ان يكون هاذا المبرر؟

2 هل تستطيع ان تخبرنا عن اشياء تخجل انك قمت بها ؟اذا كان الجواب نعم فما هي ؟
avatar
Adon

عدد الرسائل : 155
العمر : 35
الموقع : http://www.facebook.com
العمل/الترفيه : اوتيل\ موسيقى
تاريخ التسجيل : 05/11/2007

معاينة صفحة البيانات الشخصي للعضو http://www.facebook.com/profile.php?id=567315107&ref=profile

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في السبت مارس 07, 2009 2:14 am

صديقي مجد : متى نظلم الضيعة ومتى تظلمنا الضيعة؟؟

نظلم الضيعة ... مصطلح كبير كتير رح خبرك ايمت منأذي الضيعة بالأول بعدين مننتقل ع ظلم الضيعة . صديقي ضيعتك او ضيعتي او أي ضيعة هيي مجتمع زغير ومهضوم وبسبب قلة عدد أفرادو التاثير فيه بيكون أسهل طبعا من أي مكان تاني . وكل فرد فينا بيأذي الضيعة لمن بيكون عملو عكسي ( عكسي مش سلبي لأن السلبي جزء لحالو ) يعني أنا برأيي البطالة أذية للضيعة والكسل أذية للضيعة و الحكي ع الناس وتلفيق الأخبار وتضخيمها و تصدير المشاكل يلي سببها الحكي ع الناس ( طبعا صارو الرجال أنشط من النسوان بهيدا المجال )

والوقفة مع الغلط وأنت شايف الحق أذية للضيعة وأنت بتعرف أنو بالضيعة كل شخص ممكن يأثر ما بدها كترة . هيدا بخصوص أذية الضيعة

أما ظلم الضيعة : ظلم الضيعة ممكن يكون بمجرد السلبية منها يعني أنك تكون سلبي ( لا بتقدم ولا بتأخر ) هيدا ظلم للضيعة . أنك ما تساهم بنشاطات هيدا ممكن يكون ظلم للضيعة أخد موقف سلبي من الناس هيدا ظلم للضيعة التقصير بالواجبات الاجتماعية يلي هيي أساس الضيعة هوي ظلم لألها وغير وكتير أشيا غير هيك ..........

أما أيمتين بتظلمنا الضيعة : الضيعة بتظلمنا لمن الناس يلي فيها بتأذينا وعديت كتير متايل عن الأذية ....... أنا أبدا ما أذيت ضيعتي ممكن كون ظلمتها بس ما أذيتها لأن الحالة هون خاصة شوي وأنت يمكن عندك فكرة عن الموضوع بس بعتبر ( كعائلة قولة أسعد ) أنو نحنا من الأشخاص يلي خدموا الضيعة فترة منيحة ولمن هل ضيعة أذتنا كتير كلشي عملناه أنو وقفنا ع الحياد وهيدي شغلة منيحة بنظري .....

قلتلي أنو أخوك حببك بزياد الرحباني , وأنت حببتني فيه , وأنا حببتو للشباب أصدقائي.....
ليش برأيك زياد ما بينحب إلا من خلال وسيط؟؟؟؟؟؟؟؟؟؟؟؟؟


هيدا سؤالك التاني: صح أنا تعلمت أسمع زياد الرحباني لمن كان عمري 10 سنين وما كنت أعرف شو عم اسمع بس كنت اسمع صح أخي يلي علمني أسمع زياد الرحباني بس اخي ما حببني فيه أبدا وهلئ بعد 12 سنة بتصور أنو صرت أفهم زياد منيح ..

صديقي مش ضروري وجود وسيط ليعرفك بزياد الرحباني والأمثلة كتيري بس يمكن بدك وقت كتير منشان تشعر بقيمتو .. المزعج بالموضوع أنو صار عبارة عن ظاهرة ( الزياديون)

أشخاص بيمشو بالطريق بيحطو لفحات وعجميات وطواق وشالات واختراعات غريبة .

بيعلقو صور لزياد ومارسيل وتشي غيفارا .. بيحكو عن الشيخ إمام وغير هيك كتير ....بصراحة شي مثير للسخرية وشي بيخليك لمن تنسأل ( أنت بتسمع زياد تجاوب :لا لا أبدا ما إلي مراقو ) أنا هيك بجاوب .. يمكن السبب الرئيسي أنو زياد الرحباني متعدد الاتجاهات : بقصد : موسيقي . شاعر . مسرحي . مخرج ومؤلف . محلل بالمجتمع . سياسي ....الخوأنا بشوف أنو الأعظم فيهن هوي الأكتر ظلما من قبل الناس وهوي زياد الموسيقي .. والحديث بالموضوع طويل ما بدي احكي كتير بس رح قلك إني رفضت أحضر زياد لمن إجا ع سوريا ومرسيل كمان منشان هيدا الموضوع ... يالله مجد ناطر الأعظم أنا
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في الأحد مارس 08, 2009 12:53 am

[size=

بخصوص السؤال الأول : الكذب... يمكن الكذب أنواع كتيرة وهوي عموما مكروه وأكره كزب هوي الكزب المؤذي( بقصد يلي بيمس الغير مش الشخص نفسو) بس فيني قول وبكل صراحة : لا أنا كتير بحاول كون بعيد عن الكذب عموما أما الكذب المؤذي فأنا بعيد عنو اكيد أحيانا بضطر كون ديبلوماسي إذا بدك بس ما بتقدر تسميه كذب هوي بيكون اقرب ع المجاملة أو التشجيع ومش مع كل الأشخاص أكيد .. انت اكيد بتعرف انو الدنيا ألوانها كتير وأحيانا بتكون مجبور تراعي المشاعر بس برجع وبقول (عموما ) راضي عن حالي بهيدا الموضوع .. بخصوص المبرر الكذب المؤذي ابدا ما في لألو مبرر وهي بعيد عن الأخلاق وكتير مزعج أما المجاملة أو التشجيع أحيانا بتكون مقبولة وحتى مفيدة والأمتال كتيرة ع هل شي ...........

تاني سؤال :
هل تستطيع ان تخبرنا عن اشياء تخجل انك قمت بها ؟اذا كان الجواب نعم فما هي ؟

يمكن بخجل من أشيا ما عملتها أكتر من أشيا عملتها أو من أشيا ترددت أو فكرت أكتر من اللازم فيها لأن أحيانا ( نرجسيتي ) أو الأنا الأعلى لألي ( التسمية يلي بتشوفها افضل ) بتخليني فكر بمصلحتي أحيانا بشكل سيء وبلوم حالي كتير ع هل تفكير وعموما بيكون قراري واعي بس احيانا متأخر .............

وبما أنو بخجل من أشيا ما عملتها . فكوني ما عملتها ما فيني أذكرها . . .وشكرا أدون ويالله يلي بعدو خليكن أقوى من هيك18][/size]
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  magdeeb في الإثنين مارس 09, 2009 2:04 pm

*أين يجد نفسه سليم من التكتلات المناطقية والدينية في الجامعة؟؟؟؟؟ وهل صنع تكتل إنساني صعب؟؟؟

*يتعرض عازفو الموسيقا الغربية لحملات دعائية تساويهم بعبدة الشيطان والمنظمات المشبوهة في العالم .
ماذا يقول سليم لهؤلاء ؟؟؟؟؟؟؟ وهل فعلاً تحاكي الموسيقا الغربية الروح كما الموسيقا العربية؟؟؟
أو أن الموسيقا واحدة ليس لها لغة بل هي لغة بحد ذاتها؟؟؟؟؟؟؟؟؟؟؟؟

*من هو يسوع المسيح ؟؟
avatar
magdeeb
مشرف المنتدى الهندسي

عدد الرسائل : 690
العمر : 31
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في الإثنين مارس 09, 2009 11:09 pm

خيي مجد لما سألتك شو الأسئلة قلتلي فوت وشوفهن يمكن انا خبرك تلاقيهن بايخين ... يا ريتك خبرتني لأنو بدهن صفنة منيحة .................



أين يجد نفسه سليم من التكتلات المناطقية والدينية في الجامعة؟؟؟؟؟ وهل صنع تكتل إنساني صعب؟؟؟

يمكن بنفس المكان يل بتلاقي فيه حالك يا مجد وهوي أشبه المكان الوسيط أو الملتقى اذا بدك بين التكتلات .. الفرق بيني وبينك وانت بتعرف واني مش متدين ( اذا بدك تسميني هيك ) مع غني مطلع كتير ع الدين المسيحي وبتصور اني بفهمو اكتر من كتير عالم ... المهم أنا بشيل اعتبار ايجابي للمنطقة والدين أنا ما بنكر هل شي بس بنفس الوقت ما بشيل اي اعتبار معاكس إن كان مناطقي أو ديني وبتصور أنك بتعرفني بهيدا الموضوع وبتلاحظ تصرفاتي باهتمام... في نظرية بتقول أنو المنطقة أو الدين بتساعد بنشوء بنية تفكير قريبة ووجهات نظر متشابهة كمان .... بس أنا برأيي انو البيئة هيي الأساس بالتفكير والثقافي هيي أم الفكر يمكن بعدت عن السؤال بس هوي كبير وبكلمات قليلة بتصور إني بموقع وسيط وشبه إيجابي من الكل لا تنسى ( شبه إيجابي ) .... أما التكتل الإنساني . فيني قلك إنو صنعو صعب أي بس مو مستحيل أبدا لو ما كان صافي 100 % بس ممكن يكون كتير مقبول ومميز وفيني ٌلك أنو نحنا أكبر مثال عليه ...

*يتعرض عازفو الموسيقا الغربية لحملات دعائية تساويهم بعبدة الشيطان والمنظمات المشبوهة في العالم .
ماذا يقول سليم لهؤلاء ؟؟؟؟؟؟؟ وهل فعلاً تحاكي الموسيقا الغربية الروح كما الموسيقا العربية؟؟؟
أو أن الموسيقا واحدة ليس لها لغة بل هي لغة بحد ذاتها؟؟؟؟؟؟؟؟؟؟؟؟


صديقي حكيك صح بالمجمل في فكرة غلط عنهن هني سبب بجزء منيح منها انت من الناس يلي بتعرف اني بعزف بي فرقة مش كل العازفين فيها اصدقائي والسبب الكبير أنهن بيحسو حالن غير الناس يعني A+ اذا بدك انسان وشوي .. والسبب التاني هني المعجبين بهي الموسيقا يلي كمان بيشعرو انهن (.... كبيرة ) وبيلبسو غير الناس وبيتصرفو غير الناس ومناظرهن بتكون شي مقزز هيدول يا صديقي عم ياخدو القشر القبيح ( مش القشر المنيح حتى ) وعم يتركو اصل الموسيقا وبتصور في ناس كتير بتعرف انو الكروك آند رول أو الهارد روك او الميتال او ..... المهم موسيقا كتير محترمة وحبوبة عالميا وبتحكي عن قضايا كتير انسانية بس الناس يلي عندهن شعور التميز هني يلي عم بيشوهو صورتها ..شوف انا مثلا بعزف هارد روك صح بس ما فيك تعرف هالشي بالهينة وكمان بفرح اكتر لمن بعزف لفيروز .....

الموسيقا الغربية طبعا منها يلي بيحاكي الغريزة ومنها يلي عندو قضايا ومنها يلي بيحاكي الروح متل الموسيقا العربية تمام والموسيقا هيي لغة .. مثلا انت ما فيك تتخيل انو في فرق صعب كتير يبين بين مقام الحجاز وبين مقامات جنوب افريقية او جنوب اميركية والامتال كتيرة .....



*من هو يسوع المسيح ؟؟؟؟؟؟

والله شكلك كرهاني يا مجد ... ما بعرف اذا نسيت كلمك ( برأيك) بآخر السؤال أو بدك جواب عام وبتصور أول احتمال ...

- هو الشخص الأكثر جدليه بين كل الديانات التي تعتمد الذات الإلهية كسبيل للإفصاح عن مكنونات النفس البشرية وليس العكس ( اليهودية – الاسلام – المسيحية )

- هو إحدى الشخصيات التي قلبت وجه العالم واعتبره الشخصية الأكثر تأثيرا في تاريخ البشرية المعروف والمدوّن .

- هو من أعظم الفلاسفة الذين أنجبهم التاريخ وبرأيي هو الأعظم على الأطلاق ... ( برأيي النظر للأنبياء أو المرسلين أو غيرهم من أصحاب الديانات كفلاسفة وليس كرجال دين واصحاب مذاهب لا يحد من قيمتهم بل بالعكس يعطينا نظرة أوضح عن قيمتهم الفكرية وهذا المظور يرفع الفكر المسيحي أشواط كبيرة جدا فكريا وفلسفيا فوق بقية الديانات – هذا رأيي الشخصي طبعا - ولا يحد من قيمة الدين المسيحي أو شخص يسوع المسيح ) .

- هو ابن الله الحي في عقولنا وهو بالنسبة لي صلة الوصل بين ذاتي والذات المطلقة .

- يسوع المسيح هو المحبة.

- هو حدث لا يمكن الإجابة عن مكانته ببضعة سطور أو بكتاب ديني أو بتزمت رجال الدين المسيحيين أو بانغلاق العقل والفكر أو برجل صلب ليخلص البشرية .

وبسبب ذلك لن أكتب المزيد في هذه الإجابة مع أني أضمر الكثير لهذا السؤال وجزيل الشكر لك مجد ولجرأتك ...........

يالله وينكن أنا ناطر الأعظم يلي بعدو .........
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لعبة كرسي الاعتراف

مُساهمة  salim في الجمعة مارس 13, 2009 7:38 pm

طيب الهيئة وقتي خلص ولازم سلم الكرسي لحدن جديد منشان هيك يمكن رح تستغربو بس رح نقي بابا سنفور منشان تسحبو منو كلشي قبل ما يودع العزوبية وانشالله الف مبروك.............
يالله بابا سنفور ناطرينك انتبه منيح اجا وقتك
avatar
salim

عدد الرسائل : 27
العمر : 30
الموقع : so close
العمل/الترفيه : architectural engineering-fourth year
تاريخ التسجيل : 31/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 5 من اصل 5 الصفحة السابقة  1, 2, 3, 4, 5

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى