جايي أتحدى مشرف منتدى الشعر والزجل والخواطر

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

جايي أتحدى مشرف منتدى الشعر والزجل والخواطر

مُساهمة  زائر الليل في الثلاثاء أغسطس 26, 2008 2:19 pm


صفنت وفكرت كتير ---- واليوم اخدت القرار
بعرفك شاعر كبير ---- وكلامك بوقعو جبار
الليلة فتحت المعركة ---- وجاهز أنا شو ما صار
بمدحك مرة بالحكي ---- والتانية بدقك مسمار
المنتدى إلك مملكة ---- وبيحبوك كبار صغار
جايي وعارف مسلكي ---- بالوغى خوض الغمار
رح نزلك عن العرش ---- وتوج نفسي بالفخار
وأحرق مملكتك بالشعر ---- وأرمي كتبك بالأنهار
مغولي أنا بحقدي ---- وبإيدي جبروت التتار
بسهر ليلي عالقمار---وبنهاري بألف أشعار

avatar
زائر الليل

عدد الرسائل : 16
العمر : 57
الموقع : سوريا
العمل/الترفيه : قمرجي
تاريخ التسجيل : 16/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  صديق في الثلاثاء أغسطس 26, 2008 4:41 pm


ان كنت بحقدك مليان
وبجبروتك صاير هيمان
**********
بالمحبة بنرحب فيك
وبندعي لربي يحميك
*********
جاييك خيي كنعان
وبالشعر هوي الفهمان
***********
حبيت ضويلك فكرة
حتى تتذكر بكرا
*********
المعركة فيها كر و فر
وانشالله ما تنسى حروف الجر
************
و لا ترمي كتب كنعان
راح تحتاجا بالازمان
**************
وخليك العب القمار
ولا تواجه هيبة مختار
*********
كنعان ما في منو
وامثالك ما بتهمو
***********
فارس بميدان الشعر
وامثالك بيقهر قهر
***********
عل كل خيي زائر
انشالله بتضلك ثاثر
***********
وبضيعتنا كلنا اخوان
وبنحبك انتي كمان
***********
وان كنك من ضيعتنا غريب
بمنتدانا بتصير قريب
*************
وكلنا راح بنرحب فيك
وندعي ل الله يحميك
*************
avatar
صديق

عدد الرسائل : 198
العمر : 109
الموقع : قلوب الكل انشاءالله
العمل/الترفيه : زرع المحبة
تاريخ التسجيل : 15/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  COBRA في الثلاثاء أغسطس 26, 2008 6:44 pm



من بعد اذنك خيي كنعان




أي والله وبين واحد ................ والهيئة بالغيرة مليان
اسمك بالمنتدى زائر ................ وبدك تتحدى كنعان
فارس كلمة وغنية ................ وبالشعر مبين سلطان
ارجاع وعيد حسابك ................ مانك من قد الفرسان
انت والله يازائر ................ جاي وسلاحك خيطان
شاعرنا بدك تناقر ................ شو مفكرنا عميان
نحنا اهل اليازدية ................ ومامنسمح مين ماكان
يتحدى واحد منا ............... ومنجعل ماخلقو انسان
حط شعرك بالغربال ............... ولاقيلي واحد فهمان
يغربل اللي بتسميون ................ اشعار بيقلك مانك فنان
قمرجي وبالشعر ثائر................ مرح يزبطو الـ تنان
خليك بالاص والجوكر ................ ولاتكتب شعر تعبان
لاتجرب هون تتحدا ............... رح تلاقي شلة حيطان
بيسدو دربك دغري ............ بتشوف الشعر اشكال الوان
مانك قد سولي والشاعر ............ وصديق ومجد وكنعان
اهلا بحضرتك يازائر ................ ومنتمنى نكون اخوان




_________________

أحبك على السماء أرسمها

أحبك على الأرض أبنيها

أني أحبك للكروم و العناقيد أقولها

و للطيور أكتبها على جناحيها

أحبك على جبين الشمس أنقشها

أحبك بين غيوم السماء أخبيهـا

إني أحبك يا سهماً بصدري

يا أوجاعاً عن الناس أخفيها

لو تطلبي شعراً فلعينيك أكتبه

أو تطلبي قصة فللناس أحكيها

لو تطلبي قلبي عند قدميك أذبحه

أو تطلبي روحي ففيك أفديها
avatar
COBRA
مشرف منتدى المرح

عدد الرسائل : 550
العمر : 34
الموقع : www.mraizeh.com
العمل/الترفيه : حب اليازدية
تاريخ التسجيل : 10/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في الثلاثاء أغسطس 26, 2008 8:42 pm

زائر الليل كتب:

صفنت وفكرت كتير ---- واليوم اخدت القرار
بعرفك شاعر كبير ---- وكلامك بوقعو جبار
الليلة فتحت المعركة ---- وجاهز أنا شو ما صار
بمدحك مرة بالحكي ---- والتانية بدقك مسمار
المنتدى إلك مملكة ---- وبيحبوك كبار صغار
جايي وعارف مسلكي ---- بالوغى خوض الغمار
رح نزلك عن العرش ---- وتوج نفسي بالفخار
وأحرق مملكتك بالشعر ---- وأرمي كتبك بالأنهار
مغولي أنا بحقدي ---- وبإيدي جبروت التتار
بسهر ليلي عالقمار---وبنهاري بألف أشعار




ويلي كنو صحي كل هيدا صاير بغيبتي
صديق وكوبرا يعطيكن العافية ما قصرتو


وشرفت يا زائر بعد طول انتظـــار ----- انشالله ما تكون أسأت الإختيــــار
منفرشلك المنتدى بالورد والزهـــر ----- ومنزين طريقك بالريحان والغــار
جايي تتهجم عمملكتي بالشــــــــعر ----- وتهدد بحقدك القلاع والأســـــوار
العرش إلي ياشاطر طـــول العمر ----- ما بتنازل عنو لو شو ما صــــار
حصانتي الوراق والدفاتر والحبــر ----- ورصيدي محبة الناس للأشعـــار
خليك بوراقك وطاولتك والزهــــر ----- ما تفكر الزجل شي لعبة قمــــــار
كتبي لو رميتها بمليون نهــــــــــر ----- بتضل بعقول الناس والأفكـــــــار
عاملي هولاكو ومتخبي بالقصــــر ----- شرف عساحتي تفرجيك الإنكسار
وما زال جيت تبلش من الصــــفر ----- وشنيت الحرب وأخدت القــــرار
رح أحرق مغوليتك بنار وجمـــــر ------ وعلمك كيف بيكون الزجـــــــل
وحرمك عالأبد اللعب بالنـــار

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  زائر الليل في الأربعاء أغسطس 27, 2008 1:30 am


كبّرت فيك وعظمت ---- تاريك محمي بزغار
يردوا عنك بالأول---- ويحكوا فتات الأشعار
والزمن مهما تحول----لازم يرجع شوما صار
يحكي الحق اللي طول----ويسكت لضعيف الثرثار
والمتلي بيحسب الأمور----وما بيسيئ الاختيار
أنا لما برمي الزهر---- الرمية بتصبح قرار
بقول بدي الدوبارة----و مابدي دشيش وجهار
والورق بإيدي لعبة----سلطان الكبة والدينار
اسأل عني الطاولات----ولاعبين كبار كتار
رح تعرف عن الزائر----وكيف بيفضح الأسرار
وبيقلولك عن شعرو----اللي فعلو متل الإعصار
رح يجي يشيلك بالليل----وما ينفع ضو ومنار
شرّف عالساحة يلا---- لنثبت مين المختار
أنا مع آدم خلقت ---- قصة الخلق احضار
وأنا مع موسى كنت----لمن استلم الحجار
وبجنب يسوع قعدت----لما عمل المي خمار
ومع الرسول سرت----وقابلت كل الأبرار
وبالجبل إلي صولات---- وجولات مع الثوار
خبرني عن تاريخك----وتعا لعندي عالمضمار
رح أكسرلك شوكتك----ولون وجهك بالشحوار
تتقول الزجل محتاج---- تجربة وطول الأعمار
وهيأتك بو الياس بدك---- فت خبز يا شحار
avatar
زائر الليل

عدد الرسائل : 16
العمر : 57
الموقع : سوريا
العمل/الترفيه : قمرجي
تاريخ التسجيل : 16/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  صديق في الأربعاء أغسطس 27, 2008 2:40 am


ان كنت منا وفينا
دخلك ربي عافينا
يا زائر لا تهجينا
شعرك خليه يروينا
وسمعنا اجمل اشعار
**************
هل الزائر دمو خفيف
وشكلوا رابح بالطرنيف
***************
وحربك شكلا من كرتون
وانت علينا ما بتهون
************
فكر كتير بهل الحركة
مانك قد المعركة
************
انت عل ضيعتنا نازل
ومانك قد البواسل
يا ويلك منا يا ويل
************
بواسل بمحبتنا
والمحبة بضيعتنا
*************
روق يا خيي كنعان
زائر جايينا نعسان
ومن الطرنيف يمكن ربحان
او دخلك يمكن خسران
وريقوا ناشف و عطشان
وغلط ونزل عل الميدان
راح نمهلك من عنا يومان
يمكن شارب و سكران
راجع افكارك يا فهمان
************
يمكن جبال العالي تهدا
بس نظم اشعر مانك قدا
وشباب الضيعة لا تتحدا
انت اكيد الخسران
***********
نحنا رجالو ل كنعان وكل واحد من ضيعتنا
وقت ال بيجينا فهمان وبدو يكسر شوكتنا
************
نحنا بنظم فتات الشعر وانت فتاتو مش فهمان
انت لما بترمي الزهر بتربحو انت و غفيان
اما عن الشيش جهار انت فاكرهم خفان
اما الكبة والدينار بهل اللعبة انت الخسران
شعرك شبهتو باعصار متل زوبعة الفنجان
***********
avatar
صديق

عدد الرسائل : 198
العمر : 109
الموقع : قلوب الكل انشاءالله
العمل/الترفيه : زرع المحبة
تاريخ التسجيل : 15/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  Souli...Y,M... في الأربعاء أغسطس 27, 2008 9:23 am

ولو غبنا يوم صار كل هيدا مشكورين ياشباب على الأشعار الحلوة .......


قبل مادق باب الملك......لازم تهدم الأسوار
عالية توصل للفلك......وما بتطالها الأنوار
عحجارها الصلبة هلك......يلي متلك بالنّار
نسقي ترابها بدم انسفك......من سيوفنا قنطار

ان ردت تمدح مملكة.......وتطلب منّا الجوار
يردّ حروفك الملبّكي.......النّابغة بأشعار
وان تمرّدت بالصعلكة.....على أهل الدار
تردّك جيوش محنّكة......بخوض الغمار

بالعزم تكرّ ونصدّك......وبالبكي نردّك افرار
بالمحبّة نطم مدّك......ونلقف جزرك عالبحار
انت المغولي بحقدك......ونحنا الأعصار
نقلع شروشك ونهدّك......لاتحارب الأقدار

دارنا مسوّرة بالغضب.....وشمسنا تسطع ليل نهار
أنت لأدم نسب وحسب.....وشمت علينا بصمة العار
وبمحي اسمك ل انكتب.....من التورات والأسفار
ياشاطر بجمع الحطب......ومابتعرف تشعل النار

كتبنا اسم المجد بالعالي......ورسمنا للشمس شرار
بتقلي قمرجي والطّاولي.....يوم الك ول عليك كتار
بالمعركة حظوظك فالة.....يوم ألنا وسنين بتنهار
بأشعارك المعاني مالّة......وأشعارنا تعبق بالغار

أبو وديع.....

_________________
أعجبك في كلّ شئ الا الزعل.......لو تخاصمني أخاصمك بغزل
.........................أبو وديع.........................
avatar
Souli...Y,M...
مشرف منتدى المــــغتربين

عدد الرسائل : 706
العمر : 31
الموقع : اللاذقية
العمل/الترفيه : طالب جامعة
تاريخ التسجيل : 17/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في الأربعاء أغسطس 27, 2008 9:36 am

زائر الليل كتب:

كبّرت فيك وعظمت ---- تاريك محمي بزغار
يردوا عنك بالأول---- ويحكوا فتات الأشعار
والزمن مهما تحول----لازم يرجع شوما صار
يحكي الحق اللي طول----ويسكت لضعيف الثرثار
والمتلي بيحسب الأمور----وما بيسيئ الاختيار
أنا لما برمي الزهر---- الرمية بتصبح قرار
بقول بدي الدوبارة----و مابدي دشيش وجهار
والورق بإيدي لعبة----سلطان الكبة والدينار
اسأل عني الطاولات----ولاعبين كبار كتار
رح تعرف عن الزائر----وكيف بيفضح الأسرار
وبيقلولك عن شعرو----اللي فعلو متل الإعصار
رح يجي يشيلك بالليل----وما ينفع ضو ومنار
شرّف عالساحة يلا---- لنثبت مين المختار
أنا مع آدم خلقت ---- قصة الخلق احضار
وأنا مع موسى كنت----لمن استلم الحجار
وبجنب يسوع قعدت----لما عمل المي خمار
ومع الرسول سرت----وقابلت كل الأبرار
وبالجبل إلي صولات---- وجولات مع الثوار
خبرني عن تاريخك----وتعا لعندي عالمضمار
رح أكسرلك شوكتك----ولون وجهك بالشحوار
تتقول الزجل محتاج---- تجربة وطول الأعمار
وهيأتك بو الياس بدك---- فت خبز يا شحار



رح قلك كل الأســـرار ------ وتاريخي بدي زيعـــــو
كنعاني وعقلاتي كبــار ------ وزهري فتح ربيعـــــو
إسأل قدموس وعشتـــار ------ والإنجــيل البتطيعـــــو
أنا اللي خلقت الإبحـــار ------ وشراعي رفــرف باعو
تركتلك لون الشحـــــوار ------ أوعو يا عالم أوعـــــو
لون الدم ولون النــــــــار ------ للفينيقي مرجوعــــــو
كشفت الحرف يللي صار ------ القـــلم يبكيلو دموعـــو
جايي عم تهجي الشعــــار ------ ورافع كمــــك لكوعـو
بدك تخسر يا ختيــــــــــار ------ رجالي عالفجر بيوعو
بنخوة وهمة بيحمو الـــدار ------ كوبرا سمّو بضلوعــو
وصديق كبير ومختـــــــار ------ وحب الضيعة ما يبيعو
وســولـــــي عالكلمة بيغار ----- أسد وميت من جوعــو
جايي تتعلمني الكـــــــــار ------ بكرا وراقك بيضيعــــو
خـــليك بملهى القمـــــــار ------ بيتك بكـــرا بتبيــــــعو
زائـــــــر يا أص الدينــــار------- اللي بدو يلعب بالنــــار
بدو يحرق صابيعـــــــــو
[/center]


عدل سابقا من قبل كنعان كنعان في الخميس أغسطس 28, 2008 12:36 am عدل 1 مرات

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  razor back في الأربعاء أغسطس 27, 2008 4:47 pm



عدل سابقا من قبل razor back في الأربعاء أغسطس 27, 2008 10:38 pm عدل 1 مرات
avatar
razor back

عدد الرسائل : 920
العمر : 25
الموقع : اليازدية
العمل/الترفيه : الثالث الثانوي / علمي ....
تاريخ التسجيل : 26/03/2008

معاينة صفحة البيانات الشخصي للعضو http://montadamraizeh.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  COBRA في الأربعاء أغسطس 27, 2008 6:04 pm


الشعر انصنع عا يد جدنا

وإذا نادى كنعان بالدم جُدنا
بيروح مزحنا وتشوف جَدنا

بيوم الوغى بنفصل رقابي

عالمنتدى والموقع

أنا بسبُق وانتِ اتبع
ومنّا الأصل والمنبع

وأشعارنا سيل ووادي




يا زائرعالحلقة شوف

الشعر الْ بنيانه مرصوف
مش كلل واحد قال الأُووف

صار بأشعاره ينادي


بدك تتحدّى ْشَـرِّف

بشعرك وبنفسك عرّف
تنشوف شْو بدك تخرّف

وتخبص بهالوادي


(((((كنعان)))))



رح يعطيك من شعرو صْنوف

ويغنّي من الأقوال حروف
ولو صفّوا الشعار صفوف

ما بيطالوا هالشادي

أبوه هالشعر علّمو، وجدو

وعشقنا الشعر بمزحو وجدو
مليون متلك يا زائر مابيقدو

قبالك شعراء كبار مانك قد التحدي



ركبنا حصان كنعان سَرَى
بنا
فنون الشعر عابوبنا
إن كنت عطشان لا تشرب من غيرنا

حول عنبعنا واشرب ميّنا

وصوب الكوبرا لاتقرب ورايي شعراء كبار بدمون بنفدي



_________________

أحبك على السماء أرسمها

أحبك على الأرض أبنيها

أني أحبك للكروم و العناقيد أقولها

و للطيور أكتبها على جناحيها

أحبك على جبين الشمس أنقشها

أحبك بين غيوم السماء أخبيهـا

إني أحبك يا سهماً بصدري

يا أوجاعاً عن الناس أخفيها

لو تطلبي شعراً فلعينيك أكتبه

أو تطلبي قصة فللناس أحكيها

لو تطلبي قلبي عند قدميك أذبحه

أو تطلبي روحي ففيك أفديها
avatar
COBRA
مشرف منتدى المرح

عدد الرسائل : 550
العمر : 34
الموقع : www.mraizeh.com
العمل/الترفيه : حب اليازدية
تاريخ التسجيل : 10/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  الشاعر في الأربعاء أغسطس 27, 2008 11:46 pm

ولووووووووووووووووووووووووو محدا بيخبرني على كل الشباب ماقصرتو


يازائر أهلا وسهلا فيك ................. بس نصيحة ......

يا زائر خليك بعيد ------ لا تتهجم عالشعار

ومن كلماتك كون أكيد ------- هون مو فتة دينار

هوني شلة بدا حديد -------- ونصيحة أبعد يا جار

والشعر علينا مو جديد ------- نحنا اللي خلقنا الأشعار

رح أسمع صوتك تنهيد ------ ورح لعبك بالشعر قمار

عاملي حالك عنيد -------- لا تفكر تاخد بالتار

سوق عكاظ عنا وليد ------- وكنعان هوي المختار

نحنا حجارة من قرميد ------- مابندفى الا بالنار

بعد يا شاطر لبعيد ------ نهاري ليل وليلي نهار
avatar
الشاعر

عدد الرسائل : 137
العمر : 40
الموقع : http://solo-poet.blogspot.com/
العمل/الترفيه : أعمال حرّة
تاريخ التسجيل : 02/05/2008

معاينة صفحة البيانات الشخصي للعضو http://solo-poet.blogspot.com/

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  زائر الليل في الخميس أغسطس 28, 2008 12:05 am


متزعم شلة شباب---- وجايين تحكوا أشعار
جيل اللي ترك فيروز ---- ولحق الديك والشعار
ما بيطلعلوا يقول الشعر---- ويخلق ثقافة وأفكار
وطير الفينيق اللي فيه---- جايي تبدي الافتخار
ما عاد طار بهالسما---- ولا عدنا سمعنالوا خبار
عمبتراهن عالتاريخ ----شوف بضيعتك لصفار
الناس لحقت المطبخ ---- وعتخديم وكت خيار
أحداث اليوم بتنساها----وبتقلي زنوبيا وعشتار
إن بدك تبني أجيال ---- تحمي الكلمة وتحمي الدار
الورد خيي كنعان---- بترويه برعم وزرار
وسفنك يلي باعتها ---- وشراعا مهدا بمسمار
رح تغرق بسبع بحور---- وتبيعا بأرخص أسعار
avatar
زائر الليل

عدد الرسائل : 16
العمر : 57
الموقع : سوريا
العمل/الترفيه : قمرجي
تاريخ التسجيل : 16/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  صديق في الخميس أغسطس 28, 2008 3:31 am

[size=29]
نحنا بنتكلم بالشعر-------وحديثنا كلوا اشعار
فيروز امنا طول الدهر-------وانت اخوك الشعار
وثقافتنا متل النهر-------وهديروا كلوا افكار
**************
وطير الفينيقي باقي-------والناس بتحكي عنو اخبار
وتاريخك انت فاني-------متل رسمة عل الغبار
*************
الاطفال من ضيعتنا-------رجال من هني و صغار
لاتعيب بمطبخنا---------ولا تخونك الافكار
ومو العيب بخدمتنا--------العيب بامثالك وكتار
السياحة يمكن شغلتنا-------ومحترفينا هني كتار
والعلم علي بهمتنا-------واصغرنا هني الشعار
*************
لا تحكينا عن الورد------ربي معنا جوى الدار
نحنا رجال كل الجرد------ونحنا ينبوع الانهار
**************
نحنا بنقييم الرجال-------ما بنبيعون شو ما صار
اما اللي هني اندال-------بنبيعون ارخص اسعار
******************
غلطاتك اوعى تعيدا -----حتى ما نغلط فيك
لعبتك نحنا نجيدا -------حتى فينا نلعب فيك
جايينا تا تتحدا-------وكلنا نحنا رضينا فيك
قلنا انك متربى-------وروح الشاعر هي فيك
الفكرة عنك لا تهدا---------خلي املنا كبير فيك
******************

سامحوني يا اخواني--------على ردي القاسي العنيد
هوي ب ذموا خلاني-------عن الرصانة اني حيد
[/size]


عدل سابقا من قبل صديق في الخميس أغسطس 28, 2008 6:43 pm عدل 1 مرات
avatar
صديق

عدد الرسائل : 198
العمر : 109
الموقع : قلوب الكل انشاءالله
العمل/الترفيه : زرع المحبة
تاريخ التسجيل : 15/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  Souli...Y,M... في الخميس أغسطس 28, 2008 2:56 pm

زائر الليل كتب:

متزعم شلة شباب---- وجايين تحكوا أشعار
جيل اللي ترك فيروز ---- ولحق الديك والشعار
ما بيطلعلوا يقول الشعر---- ويخلق ثقافة وأفكار
وطير الفينيق اللي فيه---- جايي تبدي الافتخار
ما عاد طار بهالسما---- ولا عدنا سمعنالوا خبار
عمبتراهن عالتاريخ ----شوف بضيعتك لصفار
الناس لحقت المطبخ ---- وعتخديم وكت خيار
أحداث اليوم بتنساها----وبتقلي زنوبيا وعشتار
إن بدك تبني أجيال ---- تحمي الكلمة وتحمي الدار
الورد خيي كنعان---- بترويه برعم وزرار
وسفنك يلي باعتها ---- وشراعا مهدا بمسمار
رح تغرق بسبع بحور---- وتبيعا بأرخص أسعار



رحّبنا بالشّاعر زائر.......وأهلا وسهلا بالضّيف

ومن دمّه حقده فاير.......جايي وحامل بيده سيف

سيفك كرتون وثائر.......بيكفي أحلام وتخريف

عامل حالك بن شدّاد.......عنتر وما بتلقى ضربة

بدك تمحي هالأمجاد...........بشدّة عاملها حربة

شعرك يلي يهدّ جبال.......ما بيلوي بدارنا قصبة

شو بيلبقلك دور الحدّاد.......وبأيدك مطرقة حدادة

بيكفّي تلعب لعب ولاد........وشطّة وبطّة يادادي

جهّز سلاحك والعتاد.......وعأيدي سقوطك بادي

يازائر لو شعرك مال......بقافيتي بسند أشعارك

من بنكي بقدّملك مال.......وردّك عطاولة قمارك

حاجي عاملّي رجّال......وتتمرجل على سيادك

رح حطّك عدقّ الهال.......تسقي القهوة لسيادك

_________________
أعجبك في كلّ شئ الا الزعل.......لو تخاصمني أخاصمك بغزل
.........................أبو وديع.........................
avatar
Souli...Y,M...
مشرف منتدى المــــغتربين

عدد الرسائل : 706
العمر : 31
الموقع : اللاذقية
العمل/الترفيه : طالب جامعة
تاريخ التسجيل : 17/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في الجمعة أغسطس 29, 2008 12:15 am

زائر الليل كتب:

متزعم شلة شباب---- وجايين تحكوا أشعار
جيل اللي ترك فيروز ---- ولحق الديك والشعار
ما بيطلعلوا يقول الشعر---- ويخلق ثقافة وأفكار
وطير الفينيق اللي فيه---- جايي تبدي الافتخار
ما عاد طار بهالسما---- ولا عدنا سمعنالوا خبار
عمبتراهن عالتاريخ ----شوف بضيعتك لصفار
الناس لحقت المطبخ ---- وعتخديم وكت خيار
أحداث اليوم بتنساها----وبتقلي زنوبيا وعشتار
إن بدك تبني أجيال ---- تحمي الكلمة وتحمي الدار
الورد خيي كنعان---- بترويه برعم وزرار
وسفنك يلي باعتها ---- وشراعا مهدا بمسمار
رح تغرق بسبع بحور---- وتبيعا بأرخص أسعار



ما عندي شلة ولا عامل زعامـــــي ------ شاعر حــــــر وحريتي بكلامـــــي
ما رح ردلك عالخصام بالخصـــام ------ كـــــبير وما بقدر قلل إحــترامــــي
قبل ما تبلش تخربط بالكــــــــــلام ------ تهين الشعور وتــــذكر أســـــــامي
زين شعرك المكســـور بالغـــْـــْرام ------ تعلم القوافي والوزن الإنسجـــــامي
الشلــة اللي وقفو ضدك حـــــــرام ------ هودي أخوتي وعضمن من عضامي
بقلوبهن النخوة أبــد مـا تنــــــــــام ------ وقت الوغــــــى عالصف الأمامــي
طير الفينيق من مليون عـــــــــــام ------ رمز التفاني والتضحية والكرامــي
بمشهد رومانسي وكلو غــَــــــــَرام ------ بيحرق الجسد وللروح القيـــــــامـي
ويا زائر الليل الشغّيل ما بينــــــلام ------ لو كان عالدرب عميمسح صرامــي
أما القمرجي اللي مالـــو حــــــرام ------ متلو متل المجرم والحرامـــــــــــي
مش عيب لو كانو عالطاولات خدام ------ ولا عيب بالمطبخ يشتغل العصــامي
العيب تسهر الليل ونهارك تنـــــــام ------ وتـــــــرهن بيتك ومرتك عالطاولة
وتدفع شقى عمرك غرامـــــي

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  زائر الليل في الجمعة أغسطس 29, 2008 12:09 pm


عمتطلب مني هدي---- حربي وارجع بالقرار
انتو اللي طلعتو ضدي---- قال تتغيرو المسار
ومهما طالت هالمدة---- بقافيتي بملي لجرار
رح لاحقكم بالضيعة ----ولاقيكم عبواب المطار
أنا العلمني جدي---- فوز وصون الانتصار
وأقبل أكبر تحدي---- لو كانوا أخصامي كتار
باخد عبري من تموز---- وربح نصرالله بأيار
اللي رجّع كل الشهدا ----والأسرى وآخرهم قنطار
بالوغى بفني حالي---- وسيفي قاطع وبتار
لو حملوني بالتابوت ----ولفوه بعلم وأزهار
عن معركتي ما بهدي---- ومتمسك بصف الأبرار
و سلاحي مش إهانة ----أخلاقي صون الأحرار
وإذا فهمتني بالغلط---- إلك بقدم اعتذار
لأني ماشي باللعب---- ولاحق طاولة لقمار
بقدر كل عصامي---- بتعبو بيعمر دار
تاج الصحة ما يشوفو---- إلا لمريض لختيار
بحترم الإنسان العامل---- العايش حياتو بأخطار
مبعد عن أرض بلادو---- يجمع درهم ودولار
يرجع بعمر الخمسين---- ليكمل باقي الأعمار
يقضي أيامو مع أهلو---- وينعموا بالازدهار
avatar
زائر الليل

عدد الرسائل : 16
العمر : 57
الموقع : سوريا
العمل/الترفيه : قمرجي
تاريخ التسجيل : 16/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  koko في الجمعة أغسطس 29, 2008 2:05 pm

يا زائر اليل منك اليل سما اسمه نهار

انت داخل على قصر الحرب و الشعر و النار

فورة حقد من.......ك تكتب شعر و ابتهار

شعراء الحب و العطاء ما بيعطو سو الترحيب و النار

*******

اعود بسواد اليل ال حقدك وضياء النهار الى ظافر

كنعان لو كان في سوق عكاظ لكان اسماك اليل نهار

لكان غير اسمك العجوز واعطاك بالمحبة اسم النور

********

الياذدية بجماها من حقد ليلك رسمته نهار

نريد خصما اقوى منك اسمه فرذدق او جرير

ارفع المستوى لشعرك او اهرب من وغى النار

مني ومنهم نسامحك لكن اعتزل الشعر

وأذهب والعب بعيدا بالعاب الاولاد و الصغار

نسامحك على ان تسجد امامنا ليل نهار

**********

منذ الولادة والكتابة لنا انت كنت في المهد و الشباب شعر

قرأة شعرهم و عليه انت منهم وعليه صغت شعر

كنعان و الشاعر هجوك باسم الياذدية و النار و الشعر

للمرة الالف اقول لك قدم اعتذارك لكنعان و ظافر

***********

احمل شعرك و قلمك والعب بمدينة الاطفال

هنا الشعر للرجال ليس الشعر للعجزى و الاطفال

مهما طلعت الى الاعلى الشباب هنا دائما اطول
avatar
koko
مشرف المنتدى السياسي

عدد الرسائل : 345
العمر : 30
الموقع : alyazdieh
العمل/الترفيه : طالب جامعي كلية سياحة
تاريخ التسجيل : 19/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  الشاعر في الجمعة أغسطس 29, 2008 3:23 pm


يا زائر شو صاير فيك --- والله رح أزعل منك

شري مانو عم يكفيك --- رح بدي غيّر فنك

شعرك ناقصو تكتيك --- رح بكتب شعرك عنك

ورح خلي شعرك أنتيك--- ورح باخد شعرك منك

ورح طعمي شعرك للديك--- بلكي رح يرضى عنك

وبيصير يصيح كيك كيك --- الظاهر ماعجبو لحنك

يا زائر الله يخليك --- ولاد ولادي من سنك

ماتخليني عزّي فيك --- قبل مانفرح منك


avatar
الشاعر

عدد الرسائل : 137
العمر : 40
الموقع : http://solo-poet.blogspot.com/
العمل/الترفيه : أعمال حرّة
تاريخ التسجيل : 02/05/2008

معاينة صفحة البيانات الشخصي للعضو http://solo-poet.blogspot.com/

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في الجمعة أغسطس 29, 2008 6:35 pm


قراده :

بتمنى من الشباب يكملو قراده عنفس اللازمة واللي ما بيعرف موجودة بتعلم الزجل وهيدا مثال:
بتعيدو اللازمة نفسا اللي هيي الليلة يا زائر .......... وبعدين أربع أبيات القافية مختلفة الصدر عن العجز والقفلة موحدة اللي هيي (لي ) متل عيلي ليله ويلي .....


الليلة يا زائر ليلي ---- ما بتهــدّي مقابيـــــــلي
بدي إفضح الأسرار ---- واكشف اسمك والعيله



غريب الناس افتكروك ---- تَ وقفو كلن ضـــدك
من أشعارك ما حبّوك ---- كرهوك وكرهو ردّك
أهل الضيعة بنـــادوك ---- وبدون بوسة عخدك
لو هنّي اكتشفو وعرفوك ---- وعرفو إسمك الليله




بدي إفضح الأسرار ---- واكشف اسمك والعيله
بدي إفضح الأسرار ---- واكشف اسمك والعيله



تلات رباع اليازديـه ----- عما تسألني مينــــو
رح خبـــرهم يا خيي ---- بلكي بيهدو وبلينـــو
والليله من عشيــــه ---- اسمك كلن ناطرينو
منتلاقى بــالسهرية ---- عالمتة والأركيلـــــه



بدي إفضح الأسرار ---- واكشف اسمك والعيله
بدي إفضح الأسرار ---- واكشف اسمك والعيله


كلن وقفو من صفّي ---- ربي يزيد محـــــبتهن
والكلمة ما بتكفــــي ---- حتى اوصف نخوتهن
رح اكسر عودي ودفي ---- وبطل غني كرامتهن
الأغاني ما بتوفـــــي ----- للشباب الأصيلـــــه




بدي إفضح الأسرار ---- واكشف اسمك والعيله
بدي إفضح الأسرار ---- واكشف اسمك والعيله


يا زائر من أهل البيت ---- بيوت الضيعة عحسابك
لولا عبوابي دقيـــــت ---- ولعندي عقلك جابــــك
بتكون ببيتك حليـــت ---- وعتابي هيي عتـــابك
ياريت بتعرف يا ريت -----قديش أنت بتعنيــــلي





الليلة يا زائر ليلي ---- ما بتهــدّي مقابيـــــــلي
بدي إفضح الأسرار ---- واكشف اسمك والعيله



_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  زائر الليل في الجمعة أغسطس 29, 2008 10:09 pm

بدك تفضح الأسرار ---- وتكشف اسمي والعيله
بدك تفضح الأسرار ---- وتكشف اسمي والعيله


يزداوي من ضيعتكن---- بعشقها وبفديها بروح
وواحد من أسرتكن ---- الليلة بسري بدي بوح
انشالله شعري أعجبكن---- وما ترك فيكم لجروح
قصدي كان حرككن---- وأنتو هديتو حيلي

بدك تفضح الأسرار ---- وتكشف اسمي والعيله
بدك تفضح الأسرار ---- وتكشف اسمي والعيله


لما زرتك يا كنعان---- ببيتك فرحت كتير
سمعتني من الألحان---- الكاتبها إنسان كبير
من الأدب بالإتقان---- ومن التاريخ بتستعير
ومن أزهارو للبستان---- بهاكي الميلة وهالميلة

بدك تفضح الأسرار ---- وتكشف اسمي والعيله
بدك تفضح الأسرار ---- وتكشف اسمي والعيله


خيك مجد تلميذك---- انشالله بتقبلو بصفك
عند الضيقة بيعيزك---- وبيستند على كتفك
بيرمي بحجر البيغيظك---- وبالعين بيوضع اسمك
بدي شارك تجهيزك ---- وبعرسك احمل طبيلة


بدك تفضح الأسرار ---- وتكشف اسمي والعيله
بدك تفضح الأسرار ---- وتكشف اسمي والعيله

اسمي بالشعر زائر---ورح زورك بكل ليلي
avatar
زائر الليل

عدد الرسائل : 16
العمر : 57
الموقع : سوريا
العمل/الترفيه : قمرجي
تاريخ التسجيل : 16/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في السبت أغسطس 30, 2008 12:36 am


الليلة يا زائر ليلي ---- ما بتهــدّي مقابيـــــــلي
بدي إفضح الأسرار ---- واكشف اسمك والعيله




عرفتو مين هيدا يا ناس ----- هللي عم يتحدانــــــي
شاعر وبشعروإحـساس ----- بيخاف الله الفوقانــــي
لا هوي تاجر إلمــــاس ----- ولا قمرجي ولا زاني
العم يتحدى أبو اليــاس ----- أفكارو مو قليلــــــه


بدي إفضح الأسرار ---- واكشف اسمك والعيله
بدي إفضح الأسرار ---- واكشف اسمك والعيله



قبل ما تعرفو ميــــنو ----- نزلتو فيه خود وهات
وقع وكترو سكاكينــو ----- وعالارض ساحو الدمات

دعيتلو الله يعينو ------ يطول بالو عالردات
والله يزيد محبينو ------ ضعف الوقفو مقابيلي

بدي إفضح الأسرار ---- واكشف اسمك والعيله
بدي إفضح الأسرار ---- واكشف اسمك والعيله


يا مجد الكلك همــة ------ الله يحمي شبابك
وتبقى عطول اللمــة ----- الأصحاب يدقو بوابك
بكرا بس افرج همي ----- عرسي كلو عحسابك
ومن تمك أحلى كلمـة ----- بدي ياك تغنيلي

الليلة يا زائر ليلي ---- ما بتهــدّي مقابيـــــــلي
بدي إفضح الأسرار ---- واكشف اسمك والعيله






_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  الشاعر في السبت أغسطس 30, 2008 2:40 pm


الليلة يا زائر ليلي ---- ما بتهــدّي مقابيـــــــلي
بدي إفضح الأسرار ---- واكشف اسمك والعيله


يا زائر يا خيي مجد ---- الله يعطيك العافي
شغلت الشباب بهالرد ---- وسكرتنا عالصافي
وصرلي جمعة عم أحتد ---- وعم فكر بالقوافي
وعيني ما غمضت عن جد ---- وصارت أمي تدعيلي
avatar
الشاعر

عدد الرسائل : 137
العمر : 40
الموقع : http://solo-poet.blogspot.com/
العمل/الترفيه : أعمال حرّة
تاريخ التسجيل : 02/05/2008

معاينة صفحة البيانات الشخصي للعضو http://solo-poet.blogspot.com/

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  زائر الليل في السبت أغسطس 30, 2008 9:46 pm

بدك تفضح الأسرار ---- وتكشف اسمي والعيله
بدك تفضح الأسرار ---- وتكشف اسمي والعيله


قررت واجه لكبار---- وببحور الشعر سافر
قام الرب بفرد نهار---- جمعني بكنعان وظافر
رح أعملن أحلى مزار---- بعد إذنك با سامر
وأقطف من غصنن أثمار ---- وعبي بيهاكي الكيلة


avatar
زائر الليل

عدد الرسائل : 16
العمر : 57
الموقع : سوريا
العمل/الترفيه : قمرجي
تاريخ التسجيل : 16/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في الأحد أغسطس 31, 2008 8:21 pm



الليلة يا زائر ليلي ---- ما بتهــدّي مقابيـــــــلي
بدي إفضح الأسرار ---- واكشف اسمك والعيله



الكيــلة الملياني أثمار ---- وملياني بالأمــــاني
مقطفها من قلب الدار ---- معبيها بأحلى غناني
بوزعها عهالـــــزوار ---- وبتبقى الكيلة ملياني
الشعار بيهدو أزهـــار ---- بأشعارن هالجميلـــه


بدي إفضح الأسرار ---- وإكشف اسمك والعيله
بدي إفضح الأسرار ---- وإكشف اسمك والعيله



يا مجد الكلك رقــــّة ---- انت كبير بأفعــالك
كنعان عرف شو نقّى ---- حتى يوقف قبالـك
وظافر من قلبو الدقة ---- عمتصرخ يا نيالك
الكلمة بتعطيها حقـّــا ---- وأوزانك مانا تقيلة



بدي إفضح الأسرار ---- وإكشف اسمك والعيله
بدي إفضح الأسرار ---- وإكشف اسمك والعيله



رح نرجع للتحـــدي ---- عالمنبر جهز حـالك
جبلك كرسي لحدّي ---- واستنفر كل رجالك
تركلي هاللعب الشَدّة ---- وللشـِدّة خبي موالك
ون كنك يا زائر قدّي ---- على المنبر لا قيــلي


بدي إفضح الأسرار ---- وإكشف اسمك والعيله
بدي إفضح الأسرار ---- وإكشف اسمك والعيله



الليلة يا زائر ليلي ---- ما بتهــدّي مقابيـــــــلي
بدي إفضح الأسرار ---- واكشف اسمك والعيله


_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  زائر الليل في الثلاثاء سبتمبر 02, 2008 3:33 pm

يا خيي قلتلي رجال --- ما كلن وقفو ضدي
انا وحدي كنت الخيال --- وتلقيت التعدي
هاجموا زائر اللال --- وكلن بنفس الحدة
هالفكرة حطا بالبال --- وخبّر كل التشكيلة

بدك تفضح الأسرار ---- وتكشف اسمي والعيله
بدك تفضح الأسرار ---- وتكشف اسمي والعيله



بتشرفني أبو الياس --- انا لما بجلس حدك
خلينا ننسى هالناس ---- وكل المعك والضدك
ونسهر ع مازا وعكاس--- لحتى يورّد خدك
انا سمعاني الاساس --- فيك تهدي مقابيلي؟؟؟

بدك تفضح الأسرار ---- وتكشف اسمي والعيله
بدك تفضح الأسرار ---- وتكشف اسمي والعيله


بالزجل عمري شهرين--- بكتب شعري بإحساسي
دروسك إلي هني دين--- وبشيلو على راسي
عمائدتك شغلتين :--- بصلي وبعمل قداسي
وبحنجرتي والشفتين--- لربي برفع ترتيلي

بدك تفضح الأسرار ---- وتكشف اسمي والعيله
بدك تفضح الأسرار ---- وتكشف اسمي والعيله
avatar
زائر الليل

عدد الرسائل : 16
العمر : 57
الموقع : سوريا
العمل/الترفيه : قمرجي
تاريخ التسجيل : 16/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى