جايي أتحدى مشرف منتدى الشعر والزجل والخواطر

صفحة 2 من اصل 2 الصفحة السابقة  1, 2

اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في الأربعاء سبتمبر 03, 2008 1:55 am


الليلة يا زائر ليلي ---- ما بتهــدّي مقابيـــــــلي
بدي إفضح الأسرار ---- واكشف اسمك والعيله





بدنا نرجـــع نتحدى ---- وانت بردك عم بتلين
حروفك صاير متعدا ---- وكلماتك عمّــا بتزين
والقصة صارت بــدّا ---- عنف وضرب سكاكين
ومش رح توقف عحدّا ---- وبدي ولعها الليلــــة


بدي إفضح الأسرار ---- وإكشف اسمك والعيله
بدي إفضح الأسرار ---- وإكشف اسمك والعيله




سمعاني وبتشرب كــاس ---- هيدي شغلة وراثـــة
تسكر ويشوفوك الــناس ---- وبترقص عالكراسـي
ما بتبني سهرك عالساس ---- عند قلة فراســـــــة
بدك مع خيك بو الياس ---- شي سهرة تكون طويلة




بدي إفضح الأسرار ---- وإكشف اسمك والعيله
بدي إفضح الأسرار ---- وإكشف اسمك والعيله




يا مــجد مهما رتلــــت ---- صوتك مش رح يشفع فيك
وعطاولتي مهما سهرت ---- مش رح اقدر ارضى عليك
وصوتك لما أنا سمعــت ---- قلت عم بيصيح الديـــــــك
بعدين رجعت تذكــــرت ---- طفل وعمّـا يكاغيلــــــــي




الليلة يا زائر ليلي ---- ما بتهــدّي مقابيـــــــلي
بدي إفضح الأسرار ---- واكشف اسمك والعيله



_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 48
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  زائر الليل في الأربعاء سبتمبر 03, 2008 3:53 am

عالهوارة الهوارة --- يالأصلك من الحارة
رح ردك على قطر --- على أول طيارة

لعيونك يا ابو الياس --- بنولعها من جديد
خود ولقط الأنفاس --- جاييك مجد العكيد
الشلة العاملها متراس--- بالشبرية بدي بيد
بدك تعلن الإفلاس--- وتترك باقي لزيارة


عالهوارة الهوارة --- يالأصلك من الحارة
رح ردك على قطر --- على أول طيارة


نحنا اللي خلقنا الكركة --- وعلّمنا الناس العرق
عرايشنا فيها البركة--- وعليك متلا ما مرق
دعيتك أنا عالشركة--- وموثق حكيي بالورق
لا تدخل هالمعركة--- كل عيلة وإلها كارا

عالهوارة الهوارة --- يالأصلك من الحارة
رح ردك على قطر --- على أول طيارة

صوتي خلق للترتيل --- وتسبيح الرب العالي
وتوصيل اللحن النبيل --- والكلام المثالي
بسهر بنطر نجم سهيل--- وبشكيلو كل حوالي
منك دوم بدوق الويل --- ورح لاقيلك دبارة


عالهوارة الهوارة --- يالأصلك من الحارة
رح ردك على قطر --- على أول طيارة
avatar
زائر الليل

عدد الرسائل : 16
العمر : 57
الموقع : سوريا
العمل/الترفيه : قمرجي
تاريخ التسجيل : 16/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  Souli...Y,M... في الأربعاء سبتمبر 03, 2008 2:17 pm

بشكر الشباب كتير على الأشعار الحلوة ومنعتذر على الغيبة لأنه بصراحة مشغول كتير

كنت طلطل وأقرا الأشعار ولاكنت أعرف مينه مجد بس هلق حتى عرفت لمى ذكرت الصوت والترتيل
ومشان نولعها زيادة ونخلي المعركة تحما رح حط أيدي بأيد خيي مجد ونتحدى الشباب
وأنشالله بيطلع معنا لأنه متل مابتعرفو أنا ومجد جداد عالشعر والزجل بس نحنا بالشعر زغار وضربتنا ضربة الكبار




بدك تفضح الأسرار ---- وتكشف اسمي والعيله
بدك تفضح الأسرار ---- وتكشف اسمي والعيله


يا خيي قلتلي رجال --- ما كلن وقفو ضدي
انا وحدي كنت الخيال --- وتلقيت التعدي
هاجموا زائر اللال --- وكلن بنفس الحدة
هالفكرة حطا بالبال --- وخبّر كل التشكيلة



ليلك يازائر بدّه هلال......وبالسّمرة ليلي بادي

ايدي بأيدك نهدّّ رجال.......وكون هلالك الهادي

منتصالح من بعد قوال.......ونفتح للشّعر النّادي

عن اسمه ياكنعان اسال.......وسجّل اسمك اللّيلة



شعرك عند نا بالميزان.......وزنه من وزن القشّة

وأمجادك طواها النسيان.......أشعارك صارت هشّة

وبتقلّي فارس بالميدان.......ومبتلقا من المي رشّة

وعن مجدك ماني سألان.......وهدّي كن فيك اللّيلة



اللية حامل بيدي سيوف.......وأوقف جنبه للزّائر

وطالب من أمثالكم ألوف.......أنت ياكنعان وياظافر

رح حطكم عقطاف اللّوف.......وأنفض شعركم الغابر

الديّات لي تلفّ الملفوف.......بالشعر مالا اسم وعيلة

_________________
أعجبك في كلّ شئ الا الزعل.......لو تخاصمني أخاصمك بغزل
.........................أبو وديع.........................
avatar
Souli...Y,M...
مشرف منتدى المــــغتربين

عدد الرسائل : 706
العمر : 32
الموقع : اللاذقية
العمل/الترفيه : طالب جامعة
تاريخ التسجيل : 17/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  STONE GOLD في الخميس سبتمبر 04, 2008 12:42 am




عم بقرا كل يوم ..... واشتد التحدي

عم دور بكلامكون...... على الفاضي محتدي

ولاد بيحكوا بالعرق..... ومقضاينا على المتي

روحوا تعلموا ضرب الكاس....قبل ما تولعوها اليلة




كلماتكن كتروا كتير ..... وشو بدكون مو عارفين

العرق الو اساس ..... مو كل مين صلى قال امين

اساسو بدو رجال ..... وما في يازداوي بعبي العين

شارب العرق مالك الماس .... وانتو ملوك الاركيلة

حبيت شارك بتمنا ما حدا ياخدا بشكل شخصي
avatar
STONE GOLD

عدد الرسائل : 112
العمر : 31
الموقع : UNITED ARAB OF EMIRATES
العمل/الترفيه : guest agant servic
تاريخ التسجيل : 23/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في الخميس سبتمبر 04, 2008 3:09 am


أهلا بالشباب بكل محبة رح رد عليكن



زائر الليل


هور يا بو الهوارة ---- نارك متل السيكارة
والليلة بدي طفيــك ---- وما تعود تولع ناره



يا زائر عتمات الليل
كنعاني لا تتحــــدى

بيخليك تــدوق الويــل
من دون ايدو مايمّـــدا

المنبر مش متل الترتيل
هالشغلة مانك قــــــدّا

بلشت تخربط وتميــل
طمعت وما عاد تتهدى

بتــقلي بتشرب بالكيل
لمـــــــا بتقعد تتغــــدّا

بتسكر لما يطل الليــل
ونجوم الســما تعــــدا

اسمع كـــلام الإنجيـل
حتى أوجاعك تهــدى

شوية خمرا مش برميل
حد حدودك عحـــــــدّا


الهيئة بتحب التمثيل
والشخصيات المتعدا

بيكفيك قال و قيل
مانك بباب الحارة



Souli...Y,M


يا سولي العامل رجّال
وجايي تغني القرادي

بتكسر ابيات الموال
وبتحط حروف زياده

اوزانك مالا مثقال
عندك كل كلمة بوادي

نحنا ما منربي حجال
يا زغير دادي دادي

وما منخاف كتير رجال
ولا منبوّس أيـــــادي

لوف وملفوف سولي قال
جايي يحضّر زوّادي


بأشعاري خرّجت جيال
الكل بيشهد أمجـــادي

والمتلي يا سولي قــلال
لما بغني إنشـــــادي

ما بتعرفني عني سئال
جبران وإسأل جيفاره





STONE GOLD






كل الــــعالم حبتنا
يا جايي مدري من وين

اهلا وسهلا بضيعتنا
منحطك برموش العين

لما بتدخل لمّتــنا
يا ستون كلامك زين

عم تشرب من مويتنا
وعم ترمي حجرة بالعين

عم تحكي عا ضيعتنا
رجالا ما بتعبي العين

والطفل المن حارتنا
بيشرب بالسهرة لترين

ولمّا بتقرا بصفحتنا
غمض عين و فتح عين

نحنا منكتب كلمتنا
والكلمة الها موازين

البيتعدّا عا شغلتنا
بسيفو منقصو نصين

جايي تدخل عركتنا
وشاريلي سلاحك بالدين

لما مننزل ساحتنا
المتلك بيصفو صفين

حتى يشوفوا هيبتنا
باليازدية و بالحارة



مع حبي واحترامي للجميع








_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 48
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

stone gold

مُساهمة  STONE GOLD في الخميس سبتمبر 04, 2008 4:24 am


يزداوي قلبك بيقول
وانا سوري دمي بدل

فتت على المنتدى بعدول
وحكيت كلام من الفل

تربينا تنكون رجال
عيونا للنمر بتشل

ما حدا منا بينول
نحن كبارية الحارة




خيي كنعان الي الشرف انك ترد علي وخدني بعطفك شوي اول مرة بكتب على القافية
avatar
STONE GOLD

عدد الرسائل : 112
العمر : 31
الموقع : UNITED ARAB OF EMIRATES
العمل/الترفيه : guest agant servic
تاريخ التسجيل : 23/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  KaSeR في الخميس سبتمبر 04, 2008 4:54 am


  1. ولله للصراحة شفت الجو قايم قيعد وما عرفت مع مين بدي صف
    فقررت اشلح هالكام كلمة انشالله يكونو عجبوكون
    طبعا الكل بيعرف لحن الهوارة وهالكلمات مع اللحن لقيتها حلوة
    بيجوز تلاقو شوية ركاكة
    بس ..........................
    نعدكم بكل ما نملك من ذخائر
هوّر يابو الهوّارة هي ضيعتنا واسرارا
الشب بيطمح بالخليج البنت بتنطر زوّارا

*******************

ليش العيطة يا شباب........... رح نعمل قعدة متة
نشرب فيها ندق الكاس.......... ونبطل هالمهتّة
انسوا بلله هالخلاف........... وتعولنلعب شدّة
حط ببالك ضيعتنا بنت والها اسرارا

هور يابو الهوارة هي ضيعتنا واسرارا
الشب بيطمح بالخليج البنت بتنطر زوارا

*******************

تركت الناس المشوار........... وقالت عنو رح عديّ
فتحو منتدى الاشعار........... وشافو هالدّنيي غتّة
نسيو شباب الدّوار............ وما عاد عندون ملتّة
هوني ان كنتو من الشّطار طفو بالميي النّارا

هور يابو الهوارة هي ضيعتنا واسرارا
الشب بيطمح بالخليج البنت بتنطر زوارا

*******************

اوعى تنسى او تحتار........... نحنا ارباب الدّبكة
ولله منرقص عالاخبار......... أو اذا نفضوا مخدّي
من عنا طلع الشّعار........ هادي ورفيقو حمدي
نسيو كل مريزتنا وردونا عالهوارا

هور يابو الهوارة هي ضيعتنا واسرارا
الشب بيطمح بالخليج البنت بتنطر زوارا

*******************

تعو لنشعّل فحمة............ ونحطّا عالأركيلة
نقزل كانون اللّحمة.......... ونفتح غطا القنّينة
نطلب من الله الرّحمة........... ما بيعتنا عمدينة
اليزديّة ام العالم وشمس بتشرق انوارا

هور يابو الهوارة هي ضيعتنا واسرارا
الشب بيطمح بالخليج البنت بتنطر زوارا
avatar
KaSeR
مشرف منتدى الصـــور الفوتوغرافيــــــة

عدد الرسائل : 29
العمر : 27
الموقع : الياذدية
العمل/الترفيه : هندسة حاسبات وتحكم الي
تاريخ التسجيل : 12/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  Bo Dr3 في الجمعة سبتمبر 05, 2008 12:44 am

عالهوارة الهوارة ----شو فهمك بالحضارة
جايي تنظر على الناس--- لعبك طالع بخسارة

من عنا كل الأفكار---الانجازات نسويها
بحارة كنعان الأسرار---كنيسة الله باريها
وخمونة حنة تذكار--- تخبرك عن ماضيها
اللي انكتب على لحجار--- وما أكترها لحجارة

عالهوارة الهوارة ----شو فهمك بالحضارة
جايي تنظر على الناس--- لعبك طالع بخسارة

الناس بتفخر بالعلوم---وفخرك هوي بالشعار
فكرك أنا بدي لوم--- وسمعك كمشة أشعار
لحتى تبقى منظوم--- عظمك أقسى من لفخار
ورجوليتك حتى تدوم---رجع أصلك عالحارة

عالهوارة الهوارة ----شو فهمك بالحضارة
جايي تنظر على الناس--- لعبك طالع بخسارة

رداً على خيي كاسر
avatar
Bo Dr3

عدد الرسائل : 16
العمر : 28
الموقع : alyazdieh
العمل/الترفيه : طالب جامعي(هندسة مدنية)
تاريخ التسجيل : 05/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  الأخطل الأوسط في الجمعة سبتمبر 05, 2008 2:07 am


هور يا بو الهوارة **** يا اليازدية ويالحارة
لاتظنوا الزجل لعبة ****الشـــغلة بدا شطارة


الحارة في إلها أمجاد **** والماضي عنها بيحكي
والتاريخ الما بينعــاد **** علم وإيمــان وشـــركي
بذكر إيام الأعيــــــاد **** جرن الكبة والبـِـركـــي
حولو يجتمعو الأولاد **** وعالمخل تقوم العركــي
ومرة بعيد الميـــــلاد **** قـلّي بـــيي لا تبــــكـي
ما عندك تياب جــداد **** بلكي بيفرجهــا بلـــكـي
بيفرجـها رب العبــاد **** وتحل علينــا البَـــركـــي
تركنا الحارة والرزقات **** حجارا علينا عم تبكي
زاهية وحنـة بالـذات **** ما تركوها ولا تـكــّــي
ضلو فيها للممــــات **** وما رضيو تموت الحارة


*********

واليـــازدية شـبر بــندر **** جنـــة والله عاطيــهــا
رح تبقى عطول العمر **** عم تحكي الناس عليها
الحسون بيوعى من الفجر **** تيترغل عروابيــــها
عين مريزة كانت قصر **** الله يرحم ما ضيهــــــا
عملو السد وخربو النهر **** وحرمونا من التنزيها
كنا ننزل وقت العـــصر **** عالفحصة نسبح فيهـــا
نقطف للحلواية زهــــر **** وباقة حلوة نعطيهـــــا
عرانيس وفستق عالجمر **** عالمخاضة نشويهـــا
الجبوعة شطّا من الصخر **** نتمرجل ونشك عليها
والسمكات بقلب النهــــر **** بوسعادة كان حاميهــا
مدري كيف انقلب الدهر **** وراحت هالجنة خسارة




avatar
الأخطل الأوسط

عدد الرسائل : 8
العمر : 48
الموقع : بين الحبر والدفاتر
العمل/الترفيه : شاعر مبتديء
تاريخ التسجيل : 05/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  KaSeR في الجمعة سبتمبر 05, 2008 8:31 pm


هوّر يابو الهوارة هي ضيعتنا وأسرارا
أنا اصلي من التّنتين من اليزديّة و الحارا

انشللّه يكونو هالكلمات....... منّك وأنا راضي
خلّصتو كل الورقات ........وقسّمتو هالأراضي
قال بتفهم هالأوبات......... بالشّعر وحكي الماضي
قلو لأبو عوينات يسكّر عشريكو النّارا

لاتتعدّى عالشّعار........... الكاميرا بدها تحكي
هزّ كتافون للصغار......... وكنت الأول بالدّبكي
تيابك غسّلتا بمدار ...........ونشفت من عنّا الكركي
بس انتا بطبعك أهّار بتشلف خيّك بحجارا

كل حكياتك مهتّة.............. بتزيد من الجوّ برود
عراسي ستّي حنّة ..........والخوري وجدّي داهود
حطّيتو كاسة متّة .........وعملتو منهون بارود
زت من ايدك لمهدّة ...........رجاع حمول السّيجارا

الّليلة دخلت الانترنيت............ كان عقلك بالدّركسيون
قبلا ياما شو حكيت........... وسبّيتو لربّ الكون
عانيت وياما عانيت............ ومرجوعك ولله لهون
بكرا بتقلي يا ريت ما عرفتا للحضارا

هوّر يابو الهوارة هي ضيعتنا وأسرارا
أنا اصلي من التّنتين من اليزديّة و الحارا


_________________
avatar
KaSeR
مشرف منتدى الصـــور الفوتوغرافيــــــة

عدد الرسائل : 29
العمر : 27
الموقع : الياذدية
العمل/الترفيه : هندسة حاسبات وتحكم الي
تاريخ التسجيل : 12/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  زائر الليل في السبت سبتمبر 06, 2008 2:12 am

هور يابو الهوارة --- منتدانــــــا منـــــارة
كنعان خلا الشباب --- تكتب تفضح أسرارا



بودرع الجايي من جديد --- ليكتب بالقوافـــــي

عن الحق ما بيحيد --- كاسو بنشرب عالصافي

مجد الحارة بدو يعيد--- ويحيي ماضيها الخافي

وعقدو لما يصير بالإيد --- بيحجز أول طيارة



هور يابو الهوارة --- منتدانــــــا منـــــارة
كنعان خلا الشباب --- تكتب تفضح أسرارا




كاسر قضى الشتوية --- تلهاية وتأجيل دروس

عم بيقرمط حمصية --- تحت شبابيك العروس

شقد نصحتك يومية--- تا صرت دياتك بوس

بدك تدفع شي مية--- حتى تدرس إدارة



هور يابو الهوارة --- منتدانــــــا منـــــارة
كنعان خلا الشباب --- تكتب تفضح أسرارا




وهيدا أبو نضارات --- العايش حياتو بسكوت

لولا شوية علامات--- كان مصممم للبيوت

بدو يقدم علاجات --- للختيـــــار البتـــــــابوت

ويبقى بحسرة اللي فات --- يترحم عالعمـــارة




هور يابو الهوارة --- منتدانــــــا منـــــارة
كنعان خلا الشباب --- تكتب تفضح أسرارا
avatar
زائر الليل

عدد الرسائل : 16
العمر : 57
الموقع : سوريا
العمل/الترفيه : قمرجي
تاريخ التسجيل : 16/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  the black rose في الأحد سبتمبر 07, 2008 1:55 pm

[size=29]
[size=18]
هور يا بو الهوارة *********** اليازدية شعّت أنوارا

علقت أشعار بين الشباب ******* و الصبايا نسيت أدوارا

***********

ضيعتنا كلها إيمان **********عطف و محبة حنان

كلنا عيلة وحدة هون ********* المنتدى بالأخوة مليان

**************

ضيعتنا الدقايق و الثواني ****** بتملي عليي عمري و زماني

اليازدية الغاية و الأماني ****** للحب اسما قاموس معاني

**************

زيتونّا رمز السلام ********* مع كل طير و فرخ حمام

منارة و قصة أمل ********* بتنحكى اليازدية بالأيام

[/size][/size]
avatar
the black rose

عدد الرسائل : 40
العمر : 28
الموقع : syria
العمل/الترفيه : student
تاريخ التسجيل : 14/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في الإثنين سبتمبر 08, 2008 1:59 am

the black rose كتب:

هور يا بو الهوارة *********** اليازدية شعّت أنوارا

علقت أشعار بين الشباب ******* و الصبايا نسيت أدوارا

***********

ضيعتنا كلها إيمان **********عطف و محبة حنان

كلنا عيلة وحدة هون ********* المنتدى بالأخوة مليان

**************

ضيعتنا الدقايق و الثواني ****** بتملي عليي عمري و زماني

اليازدية الغاية و الأماني ****** للحب اسما قاموس معاني

**************

زيتونّا رمز السلام ********* مع كل طير و فرخ حمام

منارة و قصة أمل ********* بتنحكى اليازدية بالأيام




عالهوارة الهوارة ---- وردة سودا بالحارة
كتبت شعرا بإحساس ---- إنشلا بتبقى أشعارا


ليش الوردة مســودي ---- ولونا بــلون الليالي
يا ليل عليهـا نـــــدّي ---- وخليها الصبح تلالي
بلكي بتفرح هالـورده ---- ويفرجها الرب العالي
لون وراقا من عندي ---- بقعد لــّون لحـــالي
ورده من تمر الهــندي ---- أولون الدهب الغالي
وورده لونا من مخدّه ---- بيضا بلون الأصالي
وبالريشة الليلة بـــّدي ---- اكتب إلها مــــوالـــي
وجيب دفوفي والعدّة ---- وعالمنبر صف رجالي
وبين الردة والــــردة ---- والشعر الإرتجـــالي
تطلع عالمسرح ورده ---- وتغني عالهـــوارة


شكرا لخطوتك الجريئة وانشالله منشوف مشاركات تانية من الصبايا.

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 48
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  the black rose في الإثنين سبتمبر 08, 2008 1:21 pm

كنعان كنعان كتب:
the black rose كتب:

هور يا بو الهوارة *********** اليازدية شعّت أنوارا

علقت أشعار بين الشباب ******* و الصبايا نسيت أدوارا

***********

ضيعتنا كلها إيمان **********عطف و محبة حنان

كلنا عيلة وحدة هون ********* المنتدى بالأخوة مليان

**************

ضيعتنا الدقايق و الثواني ****** بتملي عليي عمري و زماني

اليازدية الغاية و الأماني ****** للحب اسما قاموس معاني

**************

زيتونّا رمز السلام ********* مع كل طير و فرخ حمام

منارة و قصة أمل ********* بتنحكى اليازدية بالأيام




عالهوارة الهوارة ---- وردة سودا بالحارة
كتبت شعرا بإحساس ---- إنشلا بتبقى أشعارا


ليش الوردة مســودي ---- ولونا بــلون الليالي
يا ليل عليهـا نـــــدّي ---- وخليها الصبح تلالي
بلكي بتفرح هالـورده ---- ويفرجها الرب العالي
لون وراقا من عندي ---- بقعد لــّون لحـــالي
ورده من تمر الهــندي ---- أولون الدهب الغالي
وورده لونا من مخدّه ---- بيضا بلون الأصالي
وبالريشة الليلة بـــّدي ---- اكتب إلها مــــوالـــي
وجيب دفوفي والعدّة ---- وعالمنبر صف رجالي
وبين الردة والــــردة ---- والشعر الإرتجـــالي
تطلع عالمسرح ورده ---- وتغني عالهـــوارة


شكرا لخطوتك الجريئة وانشالله منشوف مشاركات تانية من الصبايا.



[size=24]عالهوارة الهوارة ............... وردة سودا بالحارة


باكتب شعري بكل أحساس ... وباعمل عليكن غارة



مسودة من عيون الناس ...........اللي بتدبح بهالأيام

مسودة من هالحياة .............. البتحطم كل الأحلام

كان بودي كون ألماس .......... بس هيدي كلّا أوهام

باركض تاسبق هالزمان ..... و بتوقع خلفي الأحلام





عالهوارة الهوارة................ اليازدية شعّت أنوارا

علقت أشعار بين الشباب.... و الصبايا نسيت أدوارا



بارجع سلم عالشباب............... و اهدين باقة حمرا

وراقا من دمّات القلب........... من لونن يظهر عطرا

و بحب قول للبنات.............. شاركونا بوردة حمرا

بغيرة و حب و إحساس......... بتهديكن الوردة عمرا
avatar
the black rose

عدد الرسائل : 40
العمر : 28
الموقع : syria
العمل/الترفيه : student
تاريخ التسجيل : 14/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في الخميس سبتمبر 11, 2008 11:19 am


عالهوارة الهوارة
فتح للوردة زرارا
حملت بإيدا السلاح
وعملت علينا غارة



الغارة من عيون الحلوين
عالأرض بتعمل عمايـــل

وسهم عيونن مدري وين
طايل عالعالي طايـــــل

ولما الوردة يخزي العين
طــلت بالـــقد المــــايل

صار منها يغار الياسمين
لما شاف الجـــدايــــل

يا وردة لا تخلي العين
تبكي عالزمن الراحـــل

بعمرا ما بترجع لسنين
وكلشي بهالدنيي زائــل

العمر زيارة وغمضة عين
وما حدا عالدنيي سائل

خلي إيامك حلـــــــــوين
بكرا بتخلص الزيــــارة


_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 48
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  the black rose في الجمعة سبتمبر 19, 2008 12:44 pm

عالهوارة الهوارة

قطفوا من الوردة زرارا

ماضل في بإيدا سلاح

تتكمل الحرب و الغارة

*********

وراقي ستارة لنور الشمس

حفيفي للنسمة بيهمس همس

أشواكي حربة باغرسها غرس

بقلب كل ظالم و كل نمس

*********

كان قصدي مرقة طريق

لقات الشعر بحر عميق

فيه زقزقة و فيه نعيق

و فيه بتطلع الستارة
avatar
the black rose

عدد الرسائل : 40
العمر : 28
الموقع : syria
العمل/الترفيه : student
تاريخ التسجيل : 14/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  كنعان كنعان في السبت سبتمبر 20, 2008 4:55 pm

عالهوارة الهوارة
ليش الوردة منهاره
خلوها تفرح بكير
و ردّوا للورده زرارا



بحر الشعر كبير كتير
أغمق من أغمق البحور

والشاعر لحتى يصــير
ويبقى بالعالم مشهـــور

بدو يشعل شمع ينير
ليالي الظلمة والديجــور

كل يوم بيوعى بكيـــر
يسمع غنيّات الطيور

يصرف حبر بغمق البير
يكتب ويرجع يمحي سطور

بدو يغزل شعرو حرير
ويشعل صابيعو بخــور


الشاعر من هوي وزغير
بيكت شعرو للجــاره

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 48
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جايي أتحدى مشرف منتدى الشعر والزجل والخواطر

مُساهمة  bedrous muradian في الأحد مارس 01, 2009 5:30 pm

ابن خالي اسمحلي من بعد اذنك شاركك بالرد:

يا زائر زجلك مجبول بالاحساس

وإن كنت ختيار اسال عني الناس

وبوحدة من كلماتي احذار المساس

خليك بالفبركة ولو ما كنت نسناس

زجلي ع قدي بس مليان كناية واجناس

ناقص حياءك حاذق وملاس

شمع خيوطك وحلو منظرك والحلاس

ولتحفظ ماء وجك انسحب فورا

تحدي كنعان مو لازمك بالاساس
avatar
bedrous muradian

عدد الرسائل : 380
العمر : 40
الموقع : الامارات رأس الخيمة
العمل/الترفيه : sales man مجوهرات داماس
تاريخ التسجيل : 06/01/2008

معاينة صفحة البيانات الشخصي للعضو http://www.mraizeh.com

الرجوع الى أعلى الصفحة اذهب الى الأسفل

hiiiii

مُساهمة  george salim shohakar في الإثنين أبريل 27, 2009 5:41 pm

يعطيكم العافي يا شباب
شي كتير حلو

george salim shohakar

عدد الرسائل : 37
العمر : 40
الموقع : dubai
العمل/الترفيه : chef
تاريخ التسجيل : 24/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى