لسا الدنيا بخير .. كلام الناس لا بيقدم ولا يأخر

كلمات حلوة كتير سمعناها من صوت السلطان ابو وديع
وهلق بتمنى نطرح نقاش حول صدق هالكلمات وجديتها بايامنا
هل مازالت الدنيا بخير؟؟؟؟؟؟؟؟؟؟؟؟؟؟؟؟؟؟
هل كلام الناس لا بيقدم ولا يأخر؟؟؟؟؟؟؟؟؟؟؟؟؟؟؟
يلا سمعونا اراءكم واي قصة ممكن تدعم الموضوع

للاسف يا مجد بمجتمعنا كلام الناس مو بس بيقدم و بياخر
هوي اللي بيربط و بينهي كتير امور بحياتنا
ما بيصير تعمل هيك, شو بدون يحكوا علينا الناس؟
كلمة منسمعها كتير


و اكتر مثل بكرهوا انا هوي: كول ع ذوقك و لبوس ع ذوق الناس
بتعرف, بيشلني عنجد عالمثل
يمكن لانو انا شخصيا بسمعوا كتير, و كتير ناس بينقضوا طريقة لبسي على اساس انو انا صرت على ابواب دكتوراه و دكترة
و مو بس هلق, كنت اسمع هالحكي كتير قبل, من ايام ما صرت معيد

على كل انا عندي رايي الخاص بهادا الموضوع:
"طالما ليس هنا اذى لاشخاص اخرين باي عمل او فعل نقوم به, قوموا به بلا خجل, والله عالم ما في القلوب"
و شكرا

مشكور كتير يا خيي مجد على طرح هذا الموضوع ومثل ما قال خيي عماد كلام الناس بمجتمعنا هوي يلي بيربط وبيحل وخاصة انو نحنا مجتمع شرقي يعني متمسك بعادات وتقاليد من غير الممكن انو ينساها او يركنا على جنب واذا بتراجع تاريخ مجتمعنا فراح تلاقي كتير امثلة عن اسر تفككت وروابط صداقات قد حلت من جذورها بسبب كلام الناس بس يلي بدي قولو انو الحياة ما بتتوقف عند كلام الناس يعني مثل ما قال سلطان الطرب ابو وديع كلام الناس لا بيقدم ولا يأخر بمعنى انو الشخص ممكن يتأثر بكلام الناس بس مو لازم يحط نقطة على السطر ويسكر كتاب الحياة والله دخيل اسمو انعم علينا بنعمة النسيان وبعتقد انو هيدا سبب كافي لمتابعة الحياة دون التفكير في الماضي ودون القول فلان عمل وفلان قال فمثلا انا بسبب كلام الناس وقول فلان وعلتان انقطعت علاقتي ببعض الاصدقاء بس رميت الموضوع وراء ضهري وتابعت حياتي وبالنهاية يلي بحب قولو انو صحيح كلام الناس يؤدي الى بعض المشاكل في المجتمع وبين الاهل او الاصدقاء بس لازم الواحد ما يفكر كتير ويحط الهم بالجرن ويرد على كلام الناس ويلي عقلو براسو بيعرف خلاصو وانا عم رأيي خيي عماد طالما بتعرف حالك انك صح فلا ترد ولا يهمك كلام الناس

لسه الدنيا بخير مظبوطة
أما كلام الناس لا بيقدم ولا بيأخر يعني صح وخطأ
لأن كلام الناس مابيأثر غير عالضعيف واللي بيخاف من حكي العالم وبتهموا أرائهم وهون منكتشف أنو كتير أيام كنا ضعاف
بس لازم يكون عقلنا أكبر من هيك ونتصرف ع راحتنا ومايهمنا حدا طالما ما عم نتصرف غلط متل ما قال بيدروس عقلك براسك بتعرف خلاصك
أما أنو نتصرف غلط أو بطريقة مو صحيحة بس كرمال انو نحنا مابهمنا حكي العالم أو مو خايفين من حدا هيدا شي مو صحيح
لأن تصرفاتنا هي اللي بتدل علينا وع تربايتنا