هم البنات للممات !!!!1

fadielias الثلاثاء مايو 20, 2008 7:09 pm

في العصر الجاهلي كان بعض العرب يقومون بوأد بناتهم المولودات حديثاً، وفي العصور الوسطى وحتى وقت قريب من العصور الحديثة كان جزء كبير من الرجال يكتئبون حينما ينجبون بنتاً، ومن الأمثال التي تحاول تفسير سبب اكتئاب العربي لإنجاب الأنثى، مثل شعبي شائع بكثرة "همّ البنات للممات".

البعض يرفض تماماً هذه النظرية ويعتبرها جهلاً وتخلفاً تجب محاربته والقضاء عليه، وفي الوقت الراهن يؤكد الكثيرون أن البنت صارت "بسعر" الصبي، ويتحدث البعض عن أن البيت الذي يفتقد لحس الفتيات تكون أجواؤه جافة وتغلب عليه الكآبة، فالبنات هم عادة من يمنحون البيوت أجواء الحركة والرقّة.

لكن في المقابل يؤكد آخرون أن القضية ليست تخلفاً أو جهلاً فالبنت تبقى همّاً على كاهل أهلها حتى يموت الأهل، فمنذ أن تصبح مراهقة يبدأ الخوف عليها من أن تقع فريسة ذئب بشري ما يقضي على سمعتها وبالتالي على مستقبلها، وتكون تحركاتها هاجساً لأهلها إلى أن تتزوج، وحينها تبدأ معاناة أخرى تتعلق بطريقة تعامل الزوج مع الابنة، وهل سيحسن معاملتها أم سيسيء إليها، ويبقى وضعها في بيت زوجها هاجساً لأهلها، حتى يُتوفى الأهل،
والخلاصة في رأي الفريق الثاني أن "همّ البنات للممات" وهو لا يقارن مع همّ الذكر الذي سرعان ما يزول عن كاهل أهله حالما يشتد عوده ويستطيع الاعتماد على نفسه، بل إنه قد يكون هو ذاته، أي الذكر، معيناً لأهله.

فما رأيك بتلك المقولة؟

هل تعتقد حقاً أن "همّ البنات للممات" أم أن في هذا الكلام تخلف وجهل؟

bedrous muradian الثلاثاء مايو 20, 2008 7:35 pm

كلام سليم مية بالمية انا مع هالقول والسبب انو اذا بتبحبش بالحياة بتلاقي امثلة واضحة على هذة المقولة فمثلا :
كم من زوجة تعرضت لمشاكل في الحياة الزوجية واوا من تستعين به اهلها .
كم اسرة فقيرة الزوج عاطل عن العمل واهل الزوجة يقدمون المساعدة .
كم اسرة الزوج مقطوعة العلاقات مع اهله يتعرض هو او الزوجة او احد الاولاد لمرض اوحادث فلا لايلقى المساعدة الامن اهل الزوجة
والامثلة كثيرة دورّ بالحياة بتلاقي انو هالمقولة صحيحة

Souli...Y,M... الثلاثاء مايو 20, 2008 8:39 pm

انا بصراحة هالحكي مابيفوت براسي يعني بكل بساطة الواحد يسأل حالو منين عم تجي هالرجال والشباب يلي عم تعيل الأسرة والعيلة .......
والبنت مو مهمة بالبيت بل هي حاجة للبيت ان كان في مساعدة الأم في البيت أو مساعدة ألأخوة الذكور في مختلف نواحي الحياة ان كان في المنزل أو في تجارب الشباب العاطفية فتساعده بمعرفة طباع الجنس الأخر يعني للصراحة الهم انو البيت ما يكون في بنت ويلي ما بيغدرانو يأمن مستقبلها رح يكون ايضا غير قادر على تأمين مستقبل الشب في نفس الوقت بقى مافي داعي يتزوج ويجيب ولاد لا بنات ولا شباب
وبالنسبة للخوف عليها في مرحلة المراهقة من أن تقع فريسة شب من الشباب هون بتكون المشكلة بالأهل موبالبنت لأن الأهل يلي بيربو البنت وبيفهموها الأمور العاطفية وأيجابياتها وسلبياتها في الوقت المناسب وبالتدريج بعتقد مافي داعي يقلقو عليها من شئ بقى برأيي الشخصي أنو هالمقولة أطلقت لكي يتهرب الأهل من مسؤولياتهم بالنسبة لأولادهم......
وبالنسبة للمشاكل الزوجية هيدا قدر يعني خلونا نحكي بصراحة وواقعية شوي يا شباب معقولة المشكلة الزوجية بتصير هيك الا وماتكون ناتجة عن سبب قوي وكبير بغض النظر ان كان السبب من وراء البنت ام الشب بقى معقولة البنت تتحمّل العذاب والضغوطوتسكت عن المشاكل الزوجية كرمال والله ماتحر أهلها بشئ هوي واجب عليهم تجاهها............
بعدين الواحد يفكّر شوي بهالمقولة ورح يشوف انو بتحرمه من أحلى كلمة بالعالم...أمي... وشكرا

Adon الأربعاء مايو 28, 2008 4:04 pm

انا برايي البنات والشباب اولا واخيرا لازم يتعلموا كيف يهتموا بنفسهن ويشيل همهن عن اهلهن وهيدا لازم يرجعلهن بالدرجة الاولى وبالطريقة الانسب لانو الاهل ممكن يعتبروا انو ولادهن هن سبب عيشتهنوهيدا شي طبيعي بس لمن بيشوفوا انو الاولاد بيقدروا يتكلهوا ع نفسهم بتتغير المعادلة بس هون الموضوع الصعب وما رح فوت بالتفاصيل الاقتصدية والموضوع يمكن يكون اصعب شوي للبنات لانو هون بتفوت المواضيع الاجتماعيةوالتقاليد اللي اغلب الاحيان بتكون مشوهة وبعتقد انا انو هون سبب المشكلة
مو هيك يا ابن عمتي

stigmata الأربعاء مايو 28, 2008 8:23 pm

حسب ما فهمت الموضوع كنو هم البنات للممات
بتصور هالشي صحيح والسبب هوي نظرة المجتمع للمرأة
يعني الاخت والام والزوجة مقدسين وممنوع يرتكبو اي خطأ والا صورتهم بتصير بالويل مع انو الشب بيرتكب كتير اخطاء بس عادي
يعني بالنسبة للعائلة بمجتمعنا البنت اذا جيت منيح واذا ماجيت منيح

almatar الخميس مايو 29, 2008 5:22 pm

يلي بيقول هم البنات للممات بحب قلو تذكر بس انو وراء كل رجل عظيم امراة عظيمة

النسر لايطوي جناحيه مادامت هناك قمة لم يصل اليها

stigmata الخميس مايو 29, 2008 9:04 pm

اذا وراء كل رجل عظيم امرأة عظيمة ما بيمنع انو هم البنات للممات الموضوعين مالن علاقة ببعض
العظمة حسب احد العظماء (نيوتن) 99%جهد 1%حظ بقى يمكن تدخل المرأة العظيمة بهال1%

هم البنات للممات !!!!1

هم البنات للممات !!!!1

رد: هم البنات للممات !!!!1

رد: هم البنات للممات !!!!1

رد: هم البنات للممات !!!!1

رد: هم البنات للممات !!!!1

رد: هم البنات للممات !!!!1

رد: هم البنات للممات !!!!1