أيام زمان...........

المعروف

أمس :سائد ومنتشر
اليوم:نادروشحيح

الصدق
امس:تجده متى أردتة
اليوم:أثر باق



الكتابة
امس:فن وموهبه
اليوم:صنعه من لا صنعه له

الشباب
أمس:عماد المستقبل
اليوم:جيلالاستهتار

الوطن
أمس: إنتماء
اليوم:شعار يتردد في المناسبات

التقنية
أمس:تطور
اليوم:عبث ودما

النميمة
امس :مذمومه
اليوم:موضــة

الآلم
امس:صبر
اليوم :تذمر

التلقائية
امس:عفويه انسان
اليوم:تقيدالانسان

العمل
امس:اجتهاد
اليوم:محسوبيه

شهادةجامعية
امس:مستقبل
اليوم:لوحة على الجدار للذكريات...................

أنا يا ابن خالتي مش موافق أبدا معك يعني أنت بهالحالة جردتنا نحنا جيل اليوم من القيم والعادات اللي أساها موجودة إدا مو بكلنا بمعظمنا ,

أولا عندما ذكرت هذه الكلمات لم أقصد طبعا المساس بأحد وبالأخص شباب وصبايا المنتدى لأنو بصراحة الي بس شهر واحد معن وصارا بالنسبة الي مثل الأخوة والواحد مابيحكي على أخوته بالتأكيد....
طبعا يا ابن خالتي لمى بتذكر انت القيم الأخلاقية رح يتبادر لذهنا أول شيء الأمور التالية والتي سبق ذكرها الشهامة ....العطاء...الصداقة ...المعروف....الصدق ...النميمة......
ومثل مابيقول المثل يابن خالتي مافي دخنة من دون نار ...خوذ صفة من هالصفات وعطيني عليها خمس شغلات مرت عليك من حياتك الواقعية بتأكد وبدلل على كلامك انو انت كواحد من أجيال اليوم محافظ على هذه القيم ...
يعني ما طلبت غير خمس شغلات من صفة واحدة ماطلبت انو اتكون متمسّك فيها بكل خطوة من حياتك...

يعني أنت ليش أخدت الموضوع شخصي أنا ما أحكي بشكل عام وبعدين إدا بدك ياني ردلك على سؤالك بالحكي ما بخلص لبكرا لأنه الحكي ما علاه جمرك متل ما بيقولوا

وكمان بالمقابل رح أسالك بما أنك كتبت هالموضوع أنت واحد من شباب اليوم او من شباب الأمس

طيب كيف متقول أنك من جيل الحاضر وأنت نازل فيه كلمات مالا أساس من الصحة
يعني بدي أسالك أنت يا واحد من جيل اليوم الحب بالنسبة ألك لهو ومرح والشهامة بدا واسطة والصداقة انقراض

يا ابن خالتي وباختصار هي الصفات بتختلف من شخص لشخص بس ما بتختلف بين اليوم وبكره أو من جيل لجيل

والله شكلك يافادي صاير مثلك مثل كتير من الولاد يلي بيفوتو وبيدرجو أراءهم من دون فهم جوهري للموضوع ....
بس ميشان يطلع اسمهم على الشاشة ويصير عندهم مشاركات أكبر....
يعني بعتقد حكيي السابق مفهوم وتعليقك مابعرف منين جايبه أو عمين عم اتعلق يعني قلتلك أنا من جيل اليوم بس قيمي وأفكاري من ايجابيات الماضي وتجارب الحاضر يعني اذا بدك تعرف صدقي وحبي وشهامتي اطلع عصفات الأمس..
بعدين وين كنت لمى طرحنا موضوع الأمل يلي اتناوله الأخ عماد يعني لمى أنا اتناولت هالموضوع قصدت منه تنبيه الشباب من هذه الأمور وليس وصفهم بها....
وبالنهاية الكلام بيضل كلام يعني مارح يجرّدك بالتاكيد من هذه القيم اذا كانت موجودة ولكن اذا لم تكن موجودة هون يأتي دور الكلام ودورالمنتدى في التنبيه على هذه السلبيات ...............

أولا شي ما بسمحلك تشبهني بحدا تاني شي أنا كيتر فهمان عليك شو قصدك وهيدا اللي زعجني أنو أنت كيف توصف جيل بكامله بهيك صفات وأنت يلي من هالجيل مالك علاقة يعني وكأنه الله خلقك وكسر القالب

وبعدين حلوة هيدي قصة أنو أنا عم بكتب أي شي تيصير عندي كتير مشاركات صرلك زمان عم بتفكر فيا

يعني فينا نقول أنك أنت عم تكتب بهالمنتدى بس لهيدا الموضوع أنك تزيد مشارككاتك

وبعدين إدا كنت مفكر أنو أنا ما أعنيك أنت بتكون غلطان لانه يا خيي أنا مرد عالموضوع مش عصاحبه

ولله يا سولي انا مع وجهة نظر فادي من حيث فهم الموضوع لانك فعلا جردت جيل اليوم من جميع الصفات من خلال المقارنات بين ىاليوم و امس
انت ما قصدك هل الشئ بس الواحد اول ما بيقراه الموضوع رح يفهم نفس الشئ يلي فهمناه انا و فادي

والله ضحكتني اكتير يا فادي وماكان على بالي ........قلتلي لاتشبهني لحدا لك نسيت نسيت أنو ماحدا بيشبهك راحت عن بالي ........
بعدين خلص مارح انطول بالنقاش أكتر من هيك ميشان ما يطلع عن حدو ويخرج عن موضوعه وهيدا يلي مابدي ياه يصير....
بعدين ياشباب أنا ماكتبت تعو شوفو هالجيل كيف صار أنا خصصت كلمات واذا كان الكلام برأيكم انتو التنين رح يجرد جيل كامل من قيمه الأخلاقية فبتأسف كتير على هالجيل
ويافادي برجع بقلك لمى بدك ترد على أي موضوع انتبه على كلام الشخص بعدين أكتوب يلي بدك ياه يعني أنا ربطت حالي بهالجيل وقلت اني ابن هالجيل معناتا لمى اتحدثت عن حالي اتحدثت عن هالجيل....
وأكيدي عم ترد يافادي على الموضوع لأنك ابتعرف صاحب الموضوع منيح ما هيك....
بقى ياكوكو ويا فادي اذا بدكن اتردو على هالموضوع لا تقعدو اتدافعو عن الجيل لأنو الشباب فيهم الخير والبركة وماحدا مسهم .....بس اذا بدكن اتردو وتقنعوني أنو هالقيم اساتها نفسها وما اتغيرت يقوم كل واحد منكم ويحكيلي عن خمس تجارب صارت معه على الأمر الواقع بتثبت احدى القيم الأخلاقية يلي حددتها سابقا لفادي:الشهامة...الصدق .............

يا خيي كرم هل الكلمات ما بتنطبق على الكل بس بتنطبق على الأغلبية وشكراً على هذه المعلومات

طبعا يا استاد يوسف ما حدا متل حدا أكيد

بس يا ريت لما بدك تقول شي ما ترجع تناقض حالك لأنه إدا قريت هالجملة اللي انت كتبتا رح تشوف التناقض وبتطلع انت يلي مو بس عم تقرا يلي عم بيكتبوا غيرك كمان ما عم تقرا شو ما تكتب انت

والجملة هي :
(قى ياكوكو ويا فادي اذا بدكن اتردو على هالموضوع لا تقعدو اتدافعو عن الجيل لأنو الشباب فيهم الخير والبركة وماحدا مسهم .....بس اذا بدكن اتردو وتقنعوني أنو هالقيم اساتها نفسها وما اتغيرت يقوم كل واحد منكم ويحكيلي عن خمس تجارب صارت معه على الأمر الواقع بتثبت احدى القيم الأخلاقية يلي حددتها سابقا لفادي:الشهامة...الصدق .............)

وبعدين عفوا يعني كيف بدك يانا نحكيلك عن موقف شهامة ولا غيروا يعني أنت بس تعمل عمل خير مع حدا بتروح وبتخبر العالم كلو شو عملت

وبعدين متل ما انت من شباب اليوم وصفاتك من صفات الامس في كتير شباب من جيل اليوم ومن صفات الامس إدا بدك تسميا هيك يعني

هلق بالاخير شو بدكون تبهدلونا ضلينا عمر بشلة وحدة وهلق بلشتوا نتف ببعضكون شو يا يوسف شو يا فادي ومافي داعي لهل تجريح كلو روقوا شو بالاخير نحنا اخوي ليكوا ما قريت الموضوع كلو لانو شكلو ولدنات برجع بقلكون روقوا ولا تبهدلو الشلة وانسوا كلشي وكرم لا تحميا بين الشباب هني اكتر من اخوي لا تخلوا حدا يأثر عليكون وانسو وتضربوا انتوا وهيك موضوع وعلى فكرى عنجد ما كفيتوا

حازم انت قلتها نحنا مثل الاخوة بس لانا عم نجرح ببعض ولا شي بس في اختلاف بوجهات النظر.....
بعدين نسيت حالك من أول كام رد لألك بالمنتدى اردحتو لفادي هلق صرت عم تعطي نصايح لك حازم ...
بعدين انت قلتها نحنا شلة وحدة ...ولا اتفكر بيوم من الأيام انو هيك شغلات تافهة رح اتفرق بيننا..
وسن السكين منيح وحضر حالك ابدنا نسلخ سيد بط هههههه.............

ابن خالتي الموضوع أبدا مو متل ما فهمتوا

المنتدى مفتوح لتبادل الأراء والنقاش حول موضوع ما

ويعني أكيد منعرف انا ويوسف انو نحنا أخوة بس الأخوة شي والدفاع عن فكرتك شي تاني

ويلا جهزلي حالك بالصيفية بدنا نمتتا عالرصيف

بعتقد انه اللي بدو يقرا الموضوع بدو يفكر انه الحكي مو جه اله

واضا رح يفكر انو متسئ اله .......... وانو انت ما تركت صفات منيحة للجيل الجديد

بس شكراً لك يا يوسف انت عنجد رسائلك عالمنتدى بتجنن..........................................................................................................................................................




موفـــــــــــــــــــــــــــــــــــــــــــــــــــــــــــــــــــــــــــــــــــــــق