اخر شي بتعملو

اذا افترضنا انو عبكرا متل هل وقت لا سمح الله معك بس 24 ساعة وبتموت شو اهم الشغلات يلي بتعملا قبل ما تموت بهل 24 ساعة بتمنى من الكل يشارك

انا بالنسبة الي بعمل اكتر الشغلات يلي بحبا وبتبسطني وبتبسط العالم وبروح بزور كل العالم يلي بحبن واخر ساعة بقعد على الكومبيوتر والأنترنت

ياأبو العف موضوعك حلو ةالله يبعد عنا الموت جميعا........
أما بالنسبة لشو بدنا نعمل والله هيدي صعبة.......شو بدك اتلحق حتى تلحق بس بعد أبودع أهلي بضل عندي شغلتان أقعد مع حبيبتي بالوقت الباقيلي ورح أعطيها كل الوقت وآخر ساعة بروح عالصيد واذا مالحّقت روح عالصيد بحكي معك وابقوصك لانك صاحب هالفكرة..........

بزور العالم اللي بحبن وبودعن وبوصيهن وصية أخيرة أنو يحبو بعضهن وآخر شي بقعد على الأنترنيت وبموت على طاولة الكومبيوتر

بالنسبة الي انا اذا كنت بملك اموال
قبل ماموت رح وزعهن على الفقرا والمساكين ومارح شوف الناس يلي بحبهن وخاصة اذا بيعرفو اني رح موت مابحب شوف حدا شفقان او زعلان علية واكره شي الوداع منشان هيك رح دور بالطرقات واتفرج على الدنيا
امممممممممم وبس تقريبان اي
واذا في حدا كنت مزعلتو مني رح روح واطلب منو يسامحني

والله يا AFOoOoOoO
بتصالح مع كل واحد كنت انا وياه زعلاني وبتمنى اني شوف كل شخص بحبو وخصوصا الي بدبي(خيي ورفقات خيي) واذا ماأقدرت بحكي معون وبعدين بقعد مع اهلي ورفقاتي المقربين وأخر شي بروح لعند عمو حليم وبشتري كولا وبشربا (واهم شي اني موت وانا مأشرب كولا ومأعزف مع كشافتي وبعدا أخر همي كني متت ولا لاء )

انا بالنسبي لألي ابعمل شي لأني ابلحق

بالنسبة الي حبيبي خليني خلص جيش بالأول وبعدين بقلك لاني خايف يكون هل /24/ ساعة ضمن الخدمة ولنفترض خلصت بشوف أهلي شي ساعتين تلاتي وبسمع زمرررررررررررررررررر أهم شي وعرب وحطو فرودون عجنابون وبعدين بجي لعندك ومنروح منصيد سمك بس الخوف توقع بالمجرور وأنا اكسر القصبة بايد وحدة وبعدين بحفض الصرماي موت شو ضل بهل حياة بس أهم شي ركزلي على الزمرررررررررررررررررر

انا بالنسبة الي بخلي امي تعملي شوربة ماجي ظروفة باكلها مع فروج مقلي
وبعدي فليكن الطوفان........................

والله يا خيي 3FOOOسؤالك حلو كتير.....
بالنسبة لالي ما بودع حدا لشو أنا ما بعرف كيف بدي اهرب منون ....
الشغلة الوحيدة يلي بعملا هيي !!!!!!
بحط كاسة الكولا وبقعد عالكومبيوتر .....وبعدين حفض شلا موت .....
بس المهم أني متت عالكومبيوتر مع كاست الكولا ......
(بعتقد أني ماني رح موت الا عالكومبيوتر)......

انا بضل اشرب عرق ودخان 23ساعة و59 دقيقة حتلى موت قبل 24ساعة يلي معي

بالنسبة الي انا كنت برجع عالضيعة وبعيش فييا حتى اخر لحظة بين اهلي ورفقاتي

و الله انا من جهتي بنتحر دغري احسن ما ضل اتعزب 24 ساعة

والله يا خيي لوجين انتي اعطيتني احسن واريح حل شكرا كتيير الك

والله يا خيي عفو بالنسبة الي أحسن شي بعملو بهل 24 ساعة ....بضل آكل بصل وتوم حتى ولا جرثومة تقدر تقرب عليي انا وبالتابوت

خيي عفو أنا برد كاسة المتة مع نفس الارجيلة

يا خيي عفو أنا من ناحيتي بزور الأقرباء و الأصدقاء و بكون فرحان لأن الدنية ما فيها غير الهم و أخر شيء بعمله أني بقعد مع محبوبتي و بموت معها.

واله يا اخوان انا باخذ حبة سيتامول وحبة التهاب منشان وقت بتجي الساعة ما بحس على شي

الموضوع مهضوم بس خيالي اكتر من اللزوم لان الانسان اذا كان بيعرف ساعة موتو او شو بدو يصير اليوم او بكرا كانت كتير شغلات بتتغير بالعالم فيا شباب خليكون واقعيين وفكروا كيف ممكن تبنوا مستقبلكون .

خيي عفيف انا رح قضي وقتي كلو مشي ع الطريق (توصل لعندك )................لانو مرح يعطوني فيزا تروح بالطيارة............بقى دعي ما وصل ..........لانو اذا مسكتك ياويلك...............نحنا ناطرين اصغر فرصة تحتى نعيش.... وانت بعد(24)ساعة بدك تموتنا...........لاه ياخيي اتفائل

انا مني وعليي بقضبها بمطعم التل الساحي مع كا ست وسكي

اخر شي بعملو بخزق الكتب الي عندي وبحرقن
وبعدين بشرب متة والباقي حكي عالموبايل وعا الانترنيت وهيك بموت مرتاحة

احلى شي فيك تعملوا انك تقعد وتشعل كانون مشاوي وتشرب كاسي ونفس اركيلي تفاحتين مو عنب

و الله بانسبة ألي يا خيي ساكو بروح بشوف محلات التوابيت و بنقيلي واحد مريح و على زوقي و مفروش متل مابدي
و يكون فيه براد و غاز زغير و لا ب توب و خزانة للغراض اللي بتلزمني و بتمون شوية خضرا و اكل و مونة و برد الطبخة عالنار وبروح عالقبر من اول ساعة بقعد فيه بنطر الطبخة و بفتح انترنت عا رواق بانتظار ساعة الصفر و بتذكر اللحظات الحلوة مع الناس الطيبين و لقلك الدغري و حياتك ما حدا بيقدر ياخد معو شي.و متل ما قال الشاعر الطغرائي اذا مو غلطان(أرقب النفس بالآمال أعللها ماأضيق العيش لولافسحة الأمل)
و شو بدنا بالهصرعة خلينا ولاد الساعةو اللي بدو يصير يصير
هههههههههههههه تحياتي ساكو