الى اين تذهب عندما تبكي؟؟؟؟؟؟؟؟؟؟؟؟؟؟( منقول)

من منا لم يبكي يوما من موقف ما

ومن منا لم يهرب حينما تنهمر دموعه
ولكن الي اين تذهب؟؟؟؟
هل فكرت الي اين تذهب و لماذا تختار المكان الذي تذهب اليه
وماذا تفعل

والله ياأبو الرف بس رح اكسرلك القاعدة يلي ذكرتها أنا شخص مابذكر آخر دمعة نزلت من عيني,يعني أنا من النوع الحساس كتير بس مابعرف أبكي ومانا مكابرة بالتأكيد لأنو الله لايدوقكم ياها لانو في كتير من الأحيان بينحط الأنسان بمواقف بتدعيه لحتى يبكي وهالشئ طبعاّ بريح الشخص وبزيل الهموم عنه سواء أكان فتاة او شب....
اما بالنسبة الي لمى بنحط بهيك مواقف اذا كنت بالبيت بنزل عالسفل وبقعد مقابيل الحاكورة وطبعاّ بأيدي السيجارة
والسبب لنزولي للمكان هذا بالتحديد: أولا السكون وأنا من الأشخاص المتعلقين بالطبيعة يعني الطبيعة بترد الروح بهيك مواقف فلمى بتكون زعلان وهموم الدني راكبتك ابتقعد بين هالزيتونات وعصافير الدوري بتزقزق والفراشات ترف حواليك بتحس انو كلن عم يشاركوك هالشئ
وبدي قلك شغلة لمى بتجبك المصايب لاتقول: يارب عندي هم كبير قول: ياهم عندي رب كبير....

والله احسن محل بيروح الواحد عليه وقت بدو يبكي
يروح عا أي محل ماحدا بيشوفو فيه
ونصيحة لا يخلي حدا يشوفو أو اذا حدا شافو لا يقول لشو ميبكي حتى لو كان هالشخص الي شافك وانت عم تبكي رفيقك
لانو بهالايام اذا حدا شافك متبكي ما بيسألك لشو متبكي لالالالالالالالالالالالالالالالالالالالا بيشمت فيك حتى لو كان رفيقك (هيدا اذا اسا في رفقة بهالايام)

ولاه يا ابو الرف كمان انا مو من النوع يلي بيبكي كع اني حساس كتير
بس بدمع و مستحيل تنزل دمعتي هلق انا اكتر شي بدمعني وقت بعصب من شخص وبفضل اني اقد لحالي

والله يا ابو الرف انا كتير بحب ابكي لانو برتاح بس ابكي واحسن محل بروح عليه حتى ابكي هوي حضن الشخص يلي بحبوا لانو اكيد رح يروقني وما رح يشمت فيني

ويا بوش اذا كان هالشخص الي بتحبو هوي سبب الدمعة يلي نزلت عخدودك ساعتها لوين رح تلجأ
وبدي قلك انو أغلب الشباب يلي بتنزل دمعتهم من ورا خلاف عاطفي بينه وبين الحبيب.......

ولله بهل الأيام في كتير اشخاص بيصيروا يبكواوما بيروحوا لمحل

يمكن منشاش يشوفوا العلم انوهنين عندن هموم............

انا برأيي انو مافي داعي انو نبكي لأي سبب من الأسباب

ابن عمي أنا بشعل نفس أرجيلة وكاسة متي

لأنه أنا مع sweetgirl ومع نجوى كرم لما بتقول ما حدا لحدا

لأنه للاسف صارت الدموع نقطة ضعف بمجتمعنا

للدموع فوائد طبية يا جماعة يعني قشر بصل كرمال تبكي شوي
لازم نشوف النص المليان من الكباية ولا ناخد الجانب السلبي
ونتمسك بكلمات شرقية عنجهية
قال الرجال ما بيبكي ... شو مانو بشر؟؟؟؟؟؟؟؟؟؟

اولا............... يا sweetgirl
معقولة لهالدرجة واصل فيكي الياس بالصداقة و الرفقة و الحياة؟؟؟؟؟؟؟
انو حتى لو بكيتي (الله يبعد عنك كل سبب بيبكي)............مو بس الناس ما بتسال عنك, لا وبيشمتوا فيكي كمان و حتى اصدقائك؟؟؟؟؟؟؟؟

ما بعرف شو بدي قلك............انا اوقات بشوف ناس غريبة عم تبكي ببكي معون, فكيف بالاحرى رفقاتي و اصدقائي؟؟؟؟؟؟؟؟


انا ما بدي قول وين بروح لما ببكي.................لانو لكل ظرف احوالو
بس بدي قول شغلة.......انو الحياة حلوة
مهما كان سبب زعلنا حاولوا تشوفوا الامل في كل مكان.......الجمال في كل زاوية.........الحب في كل شخص
و في الاخر هناك من سيحاسبنا و يعوضنا عن كل شي

و الله يديم الفرحة و الضحكة على وجوه الجميع يا رب
و شكرا