سؤال حساس للشباب والبنات

سؤال للبنات

اذا تقدم للزواج منك شابين

احدهما تحبيينه وتعلمين انه لا يحبك ؟؟؟؟؟؟

او يحبك وانت لاتحبينه؟؟؟؟؟؟



سؤال للشباب
اذا تقدمت للزواج من فتاة تحبها و تعلم انها لا تحبك
او من فتاة تحبك و انت لا تحبها

مع ذكر الاسباب اذا ممكن

والله يا أبو الرف هالمرّة ما ظبتت معك لأنو هالسؤال بينطرح للبنات بس مو للشباب..
يعني اتخيل حالك رايح تطلب أيد وحدة مابتحبك أكيد هون رح تنحط قدام خيارين:
يا أما أهل البنت مابيهم الا رأي بنتهم بالأول والأخير مين ماكان الشب يلذي جاي وعم يدق باب بيتهم وهيك قديش بدك تطلع بالخجلة بما أنو البنت مابتحبك....
والخيار الثاني انو الأهل بيعتقدوا أنهم بيعرفو مصلحة بنتهم أكتر منها وهون بيرجع القرار النهائي لالهم:
وهيك كمان بتنحط قٌدام خيارين:
أكيد لمى بيكون تفكير أهل البنت دكتتوري هيك رح يكون جانبك المادي هو الأهم بالنسبة الهم فاذا كنت درويش ومصرياتك عقدك بيقحطولك دغري وبترجع بالخجلة..
يا أما بيكونو مصرياتك مناح وبيوافقو عليك وهيك بتكون أكبر لئيم عرفتو بحياتي لانك تجوّزت ببنت مابتحبك وقضيت أنت وأهلا عأحلامها......
بقى ياخيي رفيف ليش حتى أي شب يحط حالو بهيك مواقف عجميع الحالات أكلها ولللللا للللللاء...........

والله انا برأيي كبنت أنو
اذا الحب مو من الطرفين
تجوزمن شخص هوي بيحبك
لانو احسن شي تتجوز من واحد هوي بيحبك احسن من انك تتجوزانت بتحبو بس هوي مابيحبك
معلش حتى لو انك الي بتحبو مانك رح تاخدو بس بيضل الي بيحبك وانت ما بتحبو احسن من الي انت بتحبو وهوي ما بيحبك(بس من المعروف بالمجتمع الشرقي انو البنت ما فيا تتجوز من واحد هي بتحبو اذا كان هوي مابيحبا)
هيك العادات والتقاليد
بس برأيي لو انو الحب من الطرفين بيكون أحسن

وبالنسبة للمصاري والله مو كل العالم متل بعضا يا يوسف

يا يوسف ما بعتقد انو اي شب بالعالم في هالوقت رح يدق باب البنت قبل ما يكون اخذ موافقتها ابدا
اما بالنسبة لجانب الاهل فهوي جانب سلبي يجب عدمتدخيل الاهل في اتخاذ قرار البنت يعني موتجاهلن بس القرار يجب يكون منالبنت مومناهل البنت والله اذا بدي فوت اطلب وحدة بحبة و بتحبني واخر شي ليزم اقنع اهلها هيدا مو حكي ابدا
اما بالنسبة للمال في مشكلة كبيرة بوقتنا و خاصة من جانب البنت يلي صارت متطلععلى الجانب المادي اكتر من الجانب العاطفي انا ماني ماشمل الكل لانو في بنات بهتمو بشخصيةالشب اكتر من امواله لانوفي النهايةمافي شئ بيبقى غير الحب و هو المرجعيةالعلية في الحياة الزوجية
وانا راي انولازم يكونوالطرفين بيحبو بعضون حتى يتقدمالشبلطلب ايد البنت

أول شئ انا مابعرفك يا sweetgirl بتمنى اتعرفينا عاسمك.
والظاهر أنك مو قاريي كلامي منيح بالنسبة لموضوع المصاري أكيد أكيد أكيد مو كل العالم مثل بعضها وأنا ما عمّمت رأيي بهالموضوع بس كنت عم خص فئة من الأهل بتتحكم بالبنات على أساس أنو هيي أدرى بمصلحتها وأنا بالتأكيد ضد هالتفكير الرجعي للأهل ومامعن الحق أبدا انم يحجزوا مشاعر البنت وعواطفها والرأي الأول والأخير بيرجع للبنت في اختيار شريك حياتها وهون بيقتصر رأي الأهل باعطاء النصح والأرشاد والبنت يلي رح تنطلب بأغلب الأحيان فوق العشرين فهي واعية تماما لمصلحتها وقراراتها بقى انت معي بهالفكرة يا sweet girl وللا لاء...........
ويا كرم مين قلك أنو مافي شباب بتدق الباب قبل ماتعرف رأي البنت في فئة كبيرة من البنات بيتجوزو عهالأساس وعندك بالضيعة في كتير أمثلة عهالفكرة.........

اي انا معك بهالفكرة يا يوسف

أنا رأيي خود البنت اللي بتحبك

انا بنت وبختار يلي بيحبني منشان يدللني ويغنجني بس يمكن صير حبوا محدا بيعرف الايام شو مخباية

يوسف بحب علق على كلامك بشغلة وحدة بس

ولا مرة سمعت انو شب تزوج بنت وحتى لو هيي ما بتحبو ومع هيك رضيت وعاشوا مع بعض بغض النظر عن طبيعة الجو اللي عايشين فيه

يمكن تقول انو هيي كانت عن ايام جدي وجدك وما عد في منها بس انا بأكدلك انو هيك انواع من الزيجة بعدا موجود بمجتمهنا لغاية اليوم هيدا ولو انو تناقصت عن قبل

فلذلك ما فيك تقول انو عمرك ما سمعت عن شب راح يطلب ايد بنت ما بتحبو بس هوي بحبها وهيي بتعرف هالشي وممكن كتير كتير انو ترضى فيه متل ما عم تفكر redrose ومع الوقت ممكن تحبو

يا أبو الرف في فرق كبير بين البنت لمى بتكون مابتحب الشب ولمى بتكون مابتعرفه
وانت بكلامك ضيعتني أكيد في اكتير بنات اتزوجوا هيك بس ثاني مرة وضح كلامك لانك وقت ذكرت كلمة مابتحبه قصدت فيها انت انو مانا مرتبطها فيه بعلاقة حب وما بتعرفه بس أنا فهمت كلامك أنو هالبنت ابتعرف هالشخص وما بتحبه وعلى هالأساس اجا كلامي.......

خيي أنا برأيي أنو كل شي نسبي يعني مو شرط الي صرلون عشرة عمر مع بعضون وبيحبوا بعض تكون حياتون الزوجية سعيدة والعكس هوي الصحيح ,ويمكن اللي ما بيعرفا ولا بتعرفوا أو ما بتحبو تلاقيه شخص تاني بعد الزواج وتموت فيه,

بس بشكل عام وبدون مجاملات أساس الحياة الزوجية الناجحة هوي الراحة المادية

له يا ابن خالتي فادي اذا تحولي الحياة الزوجية الى المادة هوني رح ينحرم كل من الطرفين من الحب لدرجة يوصل الى الركود وهيدا شئ خطير يا ابن خالتي الحب و الاحساس المتبادل هو الاساس
يا ابن خالتي الاهتمام بالمادة عند زوجين بحبو بعضن بيجو بعد انجاب الاولاد حيث بيصير االحب كلو من شانون
وهيدا الجانب الفرعي من الحب الاصلي بين الزوجين
ويا يوسف بس قلي وين في شب بهل الايام بيجيب اهلو من شان يطلبو وحدي مانا موافقة عليه
يوسف sweetgirl كانت بتقصد متل مانك كاتب حسب ما فهمت منا اما بالنسبة انو البنت تاخد شب بس من شان يخنجا عنجد ما بعرف كنو الحياة طول الوقت غناج على كل كل واحد عندو وجهة نظرو
ويا ابو الرف انا باكدة انو الاثنين يلي بياخدو بعضن من شان المظاهر المختلفة رح يفشلو لو ما انفصلو عن بعضن بس بين بعضن رح يفشلو

لك كرم قرااااااااا مظبوت بدك اتجنني انا قلت في شباب كتير بيجيبو أهلهم ليطلبو ايد بنت مابيعرف رأيها فيه مو مابتحبه بعدين انت ياكرم قريت الحكي الي كتبته أول شي أكيد لاء لأنك لو قاريه وفهمانه ماكنت بتسألني هالسؤال........

ههههههههههههههههههههههههههههههههههههههههههههههههههههههههههههههه

ويوسف وانت فهام انا شو كنت مقول من شان موضوع الغناج انا ماني ماقصدك انت
انا مرد بشكل عام على كل المواضيع

انا رديت عسؤالك الموجهو الي وين في شب بهالأيام بياخد أهلو...............
ماني ماعلق عموضوع الغناج أبدا........ ولا ناسي انك كاتب وسائلني هالسؤال يأما قاصد تسأل واحد تاني
بس ابتعرف القلوب عند بعضها قامو زحطو صابيعك وكتبو اسمي........

أنا برأيي يا syrian أنو أحسن شي تجرب تحب الشخص الي بحبك واذا مشي الحال بتتزوجو واذا ما مشي الحال من عند الله الفرج...
بعتذر ما كنت منتبه مين كاتب الموضوع.

والله يازازو أنا ماشي عهالشئ ومجرّبه وانشالله انكمل المشوار.......
وبتمنى منالشباب يقرو الموضوع منيح قبل ما يعطو ردودهم لأن مو أنا يلي كاتب الموضوع وطالب استفسار.........

والله يا شباب ما حدا بيأخد غير نصيبو ونصيبك حيصيبك وما منو مهرب بس برأيي انو الواحد اذا تقدم للزواج من فتاة لا تحبه وتم رفض طلبو يعني هيي اوسخ شي للشب انو تنرد من طرف بنت فلازم الواحد اذا ما بيحب البنت معليش الحب بيجي بعدين يعني لازم يجلس معها ويتناقش معها مو من اول مرة ممكن يقول انو ما بحبا

انت يا خيي افتحت سجال عميق جدا جدا بيقولو "الحب من طرف واحد صعب"
أنا برأيي انو اذا الشب انحط بهيك موقف ياخدلو فترة نقاهة ينسى فيها محبوبه وساعتها :
اذا نساها يحاول مع الفتاة التي لايحبها ويتعرف على شخصها أكتر وأكتر واذا حس أنو بيقدر يعيش معها ياخدها أما اذا حس انو ما بيقدر يعيش معاها ولم ينس محبوبته فليعش حياته أعزب حتى ما يحول حياة الي ما بيحبها لجحيم .

بس لايكون بنات العالم خلصت ...............
يعني ماعد في غير هالبنتين وهالحلين قدام هالشب ياundertaker حرام عليك هيك بدك تقضي على عاطفتو ومستقبلو بهالسهولة ياما البنت يلي بحبها....... ياأما البنت يلي مابيحبها....... ياأما ماحدا ويعيش عذابي

أنا مو قصدي شي والله يا خيي يوسف أنا حكيت بحالة أنو ما نسي محبوبته أما مع الأيام أنا أكيد أنو بدو يحس أنو شي ناقصو وبدو يتعرف على غير هالبنتين وينسى حبو الأول و انشاء الله تكون أيامه سعيدة مع هالفتاة اللي بيتعرف عليها وتصير شريكة حياته .........

أكيدة بنتمناله كل الخير لهالشب وأنا كنت عم أمزح بس لاتاخدها عليك......

بحب أشكرك يا خيي يوسف على جعلي عضو مميز وأكيد ما ننسى ادارة المنتدى على هالشي .
انت طلبت نتعارف أكتر ok:
أنا شاب في ال16 من عمري بيتي في قلب اليازدية تقريبا باختصار أنا ابن الاستاذ طلال واسمي ميشو .

يا كرم انتبه مزبوط مو انا الي قلت مشان يغنجني هيدي redeose