بيت الجامعة وبيت المغترب ...افتحوا قلوبكم

كلنا عاش في منزل ليس منزله
تغرب لسبب أو لآخر
عاش في بيت الجامعة بحثاً عن التحصيل العلمي
وفي بيت المغترب بحثاً عن كسب عيشه
ومنا من عاش الحالتين
لنفتح القلوب ونتحدث عن تجاربنا في هذه البيوت
ما تعلمنا من عادات سيئة وجيدة
ما واجهناه من مشاكل وما ربحناه من مكاسب

افتح قلبك
(على فكرة هيدا الموضوع من أفكار كاسر بس نزلتو أنا كرمال ما يتلهى وهوي طالب بكلوريا
ويقدر يعيش تجربة بيت الجامعة السنة الجايي)

رح بلش انا بشي خفيف بركي بتتشجعو كلكم

أبشع شي يا جماعة بحياة البيت الجامعي كان الجلي
يعني بدك تجلي وتستعمل هالمنظفات (فلاش وجافيل وندى.......)
وتروح عالجامعة وخود عروايح ......
والاحراج الاكبر لما تضطر تخبر رفقاتك الصبايا عن عملك المنزلي
بتحس حالك قاعد بشي صبحية بالضيعة متخبر شو بدك تنظف وتطبخ اليوم


وتاني شغلة لما بيجوك رفقاتك صبايا الضيعة ليزوروك بالبيت وهون بيبلش
التسكيج والتنظيف اللي هات ايدك ولحقني
تسكير بواب الغرف اللي فيها التخوت مو مسيواية ولملمة الوسخ من الارض
وتقرقع الطناجر بالمطبخ
الله لا يوريكم هالمشهد

اكرر الشكر يا خيي مجد
بس بدي اسمع رأي عالم ميعشوها يعني بتمنى المشاركة الكبرى تكون من (الطلاب الجامعيين والمغتربين).....................(لأنو سأل مجرب ولا تسأل حكيم)

مراحب انا راح شجع الموضوع
لانني عايشت الحالتين + الحالة الاخرى :الجيش
لكن بدون ذكر تفاصيل ...يعني نوعا ما الزبدة من نظري
الاغتراب اينما كان المقصود به هنا العيش بعيدا عن الاسرة و القيود و العادات و التقاليد...
اي كالعصفور الذي سيختبر الطيران لاول مرة......
لذلك للاغتراب كاي شيء تعمله في الحياة له وجهان ايجابي وسلبي
و من خلال تعاملك مع الوجهين الايجابي و السلبي تكون قد صقلت خبرتك بالحياة
و اكتسبت الخبرة للتعامل مع كل الامور
ومثل ما بيقول المثل (كل واحد بيتعلم من كيسو )
مع انني افضل المثل: (الذكي من يتعلم من تجارب الاخرين )و(العبرة لمن اعتبر)
..............
انشاالله الكل ما بيمر الا بالتجارب الايجابية

اذا هالقد متضايق من الجلي يا مجد
جيب جلاية عالبيت هههههههههههههههههه

انا اخالف مجد بالراي, و اعتقد وحتى الحديث عن هذه الامور في ايام الجامعة و مع البنات بالذات كان وقتا ممتعا
من احلى لحظاتي هيي اللي قضيناها بالتنضيف و الجلي و الترتيب و

الغربة تعلم, ان كانت على الجامعة او السفر
تعلم الاعتماد على النفس, تقوي و تصقل الشخصية
لانو الشخص بيمر بتجارب كتيرة بتخليه يتعلم بالحياة اشيا كتيرة و مهمة

و مع احترامي اخي انطانيوس, بس المثل القائل :الذكي من يتعلم من تجارب الاخرين
انا لا اؤمن فيه, لانو و مهما انا حكيتلك عن تجاربي و اللي صار معي, انت اذا ما دقتو بذاتك, ما رح تحس ولا تتعلم منو

الشيء السيء اللي ممكن الواحد يتعلموا من الغربة و خاصة اذا كانت طويلة
انو الاستقلالية تبعو ممكن تزيد عن حدا شوي
و ما عاد يصير ياخد باراء الاخرين

انا مع كلام عماد100%

اكيد يا عماد مش ضدك بس يمكن انا كنت عم اقصد بتجارب الاخرين
تلك التجارب التي تتجاوز الخطوط الحمراء (مع انها نسبية)
لكن هناك امور سلبية في حال ممارستها تصبح عادة سلبية الرجوع عنها صعب او مستحيل (لا سمح الله)
اما الامور الاخرى (قد اكون جربت معظمها السلبي و الايجابي)فانا معك 51%
مع احترامي لرأيك خليت نسبتك اعلى لكن بالنسبة لي يمكن ان امرر خبرة تجاربي(السلبي&الايجابي)لكل عزيز حولي
و في حال كنت عزيز على هذا الشخص وموضع ثقة بالنسبة له فسوف اكون عبرة له وسياخذ تجربتي على محمل الجد
و في حال تعرضه لاي تجربة مماثلة للتي مررت بها سياخذ بالحسبان نتائج هذا التجربة التي مرت على و هو سمع بها من شخص يعتبره موضع ثقة
الله يحميك و يحمي الجميع في الغربة و انشاالله الكل بتكون نتائج تجاربه ايجابية ويظل واقف على رجلية
بالتوفيق للجميع

يعطيكون العافية يا جماعة الخير :

اول شي بدي قولو انو الناس بتقول الواحد اذا كان رايح عالجيش امنيح العسكرية بتعملو رجال.

بس انا برأي هيدا الشي خطأ لان الشخص كيف ما دار وجه واتكل على نفسو يعني انو عم يبني نفسو وشخصيتو لمواجهة الحياة .

وانا بالنسبة الي عشت هالتجربة مرتين في الجامعة وفي الغربة .
يعني بالجامعة مثل ما الكل بيعرف اول مرة الواحد بيبعد عن اهلو وعن البيت ، اما بالغربة فكان الامر شي عادي لاني مريت بالتجربة من قبل .

بس بدي قول شغلة بجوز البعض يضحك عليها انو :

اول مرة بعدت فيها عن البيت ما حسيت حالي انو شي تغير عليّ بالنسبة للاعتماد على النفس لان مثل ما بتعرفوا نحنا ثلاث شباب يعني بالبيت كنا متعودين نعتمد على انفسنا بكل شي طبعا باشتثناء الطبخ والغسيل اما امور التنظيف وترتيب البيت والجلي فكانت امور عادية بالنسبة الي .

وانا برأي انو الواحد طالما متعود يعتمد على نفسو بالامور الخاصة فهي اول خطوة لان يعتمد على نفسو بالحياة .
بس اذا اعتمد على نفسو الواحد هيدا الشي ما بيمنع انو نستفيد من خبرة اهالينا بالحياة كمان .

ممكن يا انطانيوس
قد ياخد الشخص العزيز عليك تجاربك على محمل الجد

و لكن اعتقد انو قد ياخدها بشكل اني, لفترة محدودة.......لماذا؟

اولا لان نتائج هذه التجرية ليست مخزنة في ذاكرته و عقله
و عندما ياتي الوقت و يبتعد عنك هذا الشخص, تجربتك لن تنفعه بشيء..........و نتائجها قد تكون قد نسيت
ما بعرف, انا اعتقد هذا, انو بالفعل لا احد يتعلم الا من كيسو
بس انطانيوس انا اسف, ما فهمت شو قصدك ب " تلك التجارب التي تتجاوز الخطوط الحمراء (مع انها نسبية)
لكن هناك امور سلبية في حال ممارستها تصبح عادة سلبية الرجوع عنها صعب او مستحيل (لا سمح الله)"

اذا ممكن تفسرلي و شكرا

و بالنسبة لحكي بيدو انا حبيتو كتير انو كيف كانوا هني و بالبيت متعودين يعتمدوا على نفسون
التربية في البيت هي اساس كل شي
لانو ياما سمعنا عن ناس بابام الجامعة تخانقوا لانو في شخص بالبيت معون لا يقوم باي من اعمال التنضيف و الترتيب و كانه يعتبر نفسه احسن من غيره, او ان اللي معو جواري عندو
فلولا انو مش متعود في بيتو انو يعمل هيك..............ما كان عمل هيك بالغربة
و شكرا بيدو

ادرسوا منيح وجيبو علامات تخولكن تدخلو على الجامعة وشوفوا هالغربة مااحلاها لا هم ولا غم غير شوية درس (حسب الفرع)وبعدين اذا فكرت تسافر بتسهل عليك الغربة من جميع النواحي
يلا يا شباب شدو الهمة ناطرينكن