التشريد ما أسبابه؟؟؟

التشريد ظاهرة متزايدة وفي ضيعتنا كتير حالات زواج عم تتم بهالطريقة وكلنا منعرفهن مافي داعي عدن
وفي كتير حالات قديمة بالضيعة أغلبهن ماكنت بعرف انو تزوجوا تشريد <أو الزواج بالهريبة إذا فينا نقول>
ياترى شو السبب اللي بيدفع أي اثنين أنو يعتمدوا هالطريقة ؟!؟!
ياترى هل السبب هو:
عدم موافقة الأهل كالسابق؟
أو : الفقر أو عدم مواتاة الظروف المادية للثنائي للقيام بالزواج المكلف؟
أو : موضة أنو صارت دارجة الواحد يهرب هو وحبيبتو ويتزوجو بالسر ؟
بتمنى شوف مشاركاتكن ورأيكن وتعليقكن عالموضوع
شو رأيكن السبب؟

شكرا Niro


السبب الاول و الوحيد و الاساسي هو عدم موافقة الاهل, بس متل ما كلنا عارفين, بالاول و الاخير رح ينحطوا قدام الامر الواقع بعد ما يشردوا الاولاد

بالنسبة للفقر, يعني ما فيكي تقولي فقر, بس بيقولوا في ناس ما عنها قدرة انو تعمل عرس كبير, فبيروحوا تشريد
بس انا رايي هادا مو سبب مقنع و كافي, لانو اللي ما عندو القدرة يعمل عرس مطنطن, لا يعمل, هادا مو شي عيب
مو كل الناس عندا القدرة تعمل هالشي, عادي جدا, بس انو يكون سبب للتشريد, هادا مو صح
و كما انو الواحد عم يهرب من واقعوا اللي هوي فيه, لا و بالعكس, بيزيد عليه الحكي
فانا رايي خلي الواحد على طبيبعتو, اللي قادر يعمل, يطبل و يزمر, واللي مو قادر, لا يعمل, المهم يكون هوي و شريكتو مرتاحين
و الله يوفق الجميع يا رب

اما انو تصير موضة.............. اشك انو السبب لانها موضة

مثل ما تفضلتوا وقلتوا كانت الاسباب ايام زمان عدم موافقة الاهل سواء من طرف الشاب او من طرف الصبية اوبسبب وجود سبب اخر معنوي كحدوث وفاة أو انو البنت بعدا صغيرة اما حاليا انو السبب المادي هوي الرئيسي فأنا بعتقد انو هيدا سبب غير كافي لانو تصير الشغلة موضة فمثل ما اتفضل خيي دشي وقال على قد بساطك مد رجليك