تساؤل بسيط ......ارجو المشاركة

تساؤل بسيط ارجو منكم المشاركة
في البداية نعرف كثيرا بأن اللغة العربية ذات محتوى أدبي واسع جدا . و علية فأن اللغة المبتكرة الحديثة و يقصد بها العامية ذات مخزون اوسع و ثغرات لغوية اكبر
ولذلك اريد منكم المساعدة في معرفة هذا المصطلح اللي بيقول (كبتلو عيران
-او كبتلو لبن _او حلقتلو عالناشف)
و كما نعرف بأن هذا الكلام يقال عندما تترك الفتاة حبيبها
فأرجو ممن لهم المعرفة بالأقاويل القديمة أن يوضح لنا هذا المصطلح الذي ربما يكون ناتج عن قصة حدثت في الماضي.
و شكرا
وأتوجه بالسؤال هذا تحديدا الى بابا سنفور و شكرا للمساهمين من الشباب
و انشالله لا ينكب لحدا عيروووووون.

أخي أنا ما فهمت إي قول بدك نشرحلك ؟؟؟
إذا حلقتلو على الناشف بمعنا زحطتلو أو قحطتلو أو بمعنة بالفصحة تركته أو قلعته

ممكن تقلي إي عبارة بدك نشرحلك

والله يا دعاس بدك تشوف مجد لان هوي يلي ممكن يفسرلك معنى المصطلحات اليزداوية

بيدروس الحبيب كنت بتمنى كون عارف بالمعنى بس للاسف ما بعرف
بس بوعدك اني اسال عن الموضوع وجيب الجواب الشافي
وبالنسبة لدعاس انشالله ما بينكبلك لبن يا غالي لا عملياً ولا عاطفياً

هلا بالشباب وشكرا خيي بيدروس و خيي مجد
و الموضوع مالو علاقة فيي بشكل او بآخر
مجرد سؤال....؟
وانا ختيرت عكب اللبن و العيرون و المتبل
انشالله ما ينكبو لحدا
و بعتقد شاكر الوحيد اللي بيعرف هالامتال القديمة
انشالله يتزكرني و يكتبلي الرد
ميرسي للكل

والله يا خيي دعاس يلي بيسمعك متقول انك ختيرت عاكب اللبن والمتبل بيصدق وبيقول عنك مقضى كتير بحياتك فخلينا حبايب وقر واعترف مين كاببلك لبن ومتبل وووووووو

معناتا ما عبرتوا او زحتطلو يعني ما عبريتو