اليازدية (قصيد)

أكيد أول موضوع رح نزلو رح يكون عن الضيعة


اليازدية

حسنك بيرسم عالأرض لوحات
وحدّ السما بيسطر سطور

وجهك صبح يا حلوة الحلوات
سمحيلي قلك يا صباح النور

وبوّّس تلالك والسهل والحقلات
وغني ع كتافك متل الطيور

لولا السفر فرقنا وبعّد مسافات
ولولا ببرم الدني كلها ودور

بتبقي ببالي يا ضيعة الضيعات
ومجبور ارجع إلك مجـــبور

اليازدية اسمك صعّد الآهــــات
وحدّ الشمس عم يحرق البخور

الله عليكي رضي وزدلك الغلات
وجوهر حلاكي بقي ع مر العصور


كنعان الياس كنعان

حلوة
الله يخليك يديمك

[quote="samerbek"]حلوة
الله يخليك يديمك[/quote]


شكرا خيي سامر على المرور الكريم