التلطيش

التلطيش هل هو كلمة جميلة تحمل من البراءة قدر ما تحمل من الطيبة تتدغد رقة الفتاة وتلقيها بورود الشباب العطرة
ام هو مشاكسة وقحة تعكر صفاء الجمال وترميه بسهام قذرة
كيف ينظر كل من الفتاة والشاب الى التلطيش و ما هي الحدود التي تقبل بها الفتاة وما هي الحدود التي تبقي على الشاب لطيفاً
بانتظار ردودكم من الشباب و الصبايا

عن نفسي انا ضد هذه الظاهرة كليا
فاذا لم نستطع ظبط انفسنا و غريزتنا, فمالفرق بيننا و بين...................؟
و شكرا

انا بظن انو بس اللي عندو ضعف او شي من الخلل ممكن انو يتصرف بشكل غير اخلاقي
ومن الاكيد هيدا بيعكس حالة لا حضارية

التلطيش عبارة عن لفت انتباه الشخص الاخر واذا على كلامكم مانو حضارة وضعف شخصية معناها ما حدا بيتزوج خالص وانا شايف انو في مبالغات كتيرة بالتعليق على اي موصوع هون.يعني كانو ام نضحك على بعضنا وايا بنت بتحب الشب يلطشها بكلام جميل بس كمان على ما يبدو افكار بعض النلس لسى قديمة كتير

بهيدا الموضوع بالذات لازم الواحد يحكي بصراحة وهيدا اللي رح اعملو انا
هلق اذا كنت بمكان ما حدا بيعرفني فيه ممكن اذا شفت منظر ملفت علق بكلمة
المنظر الملفت قد يكون فتاة حلوة او بشعة على السواء
يعني (شو هالعيون ) شو هال................ للحلوة
والبشعة كمان نفس الشي بس طبعا بمسخرة
وهيدا نوع من التلطيش كمان

اما اذا كنت بمكان ممكن يعرفوني فيه رح احسب الف حساب
الكلمة رح تطلع اكيد بس ممكن تبقى بالقلب وتبين من النظرة
بس الاكيد انو الشعور رح يولد الكلمة المطلوبة

وبعرف رفيقي كتير جريء وقصدو شريف بالاغلب
اذا شاف وحدة حلوة بيروح لعندها بكل احترام وبيقلها عن مكمن جمالها
وبيقلا بس حبيت قلك هيك على كتر ما جمالك باهر
وكنت معو باكتر من مرة ولولا هيك ما صدقت
وسالتو شو عملت قال بس حبيت قول الحق واقنعني!!!!!!!!!

التلطيش يا جماعة بالنهاية مصدره هالفكر يلي اذا كان نظيف رح يكون التلطيش
بريء وبيخلي البنت تضحك من قلبها
واذا كان الشخص وسخ فكلشي بيقولو حتى غير التلطيش رح يلقى الاستهجان

انا هلق شفت الموضوع و لفتني بس انا ضدو ميتان بالمية لأن صار ما يصير بقلة ذوق و استيطاء لحيط البنت و كبرة و عجرفة من قبل الشب

أنا معك فراس بكل كلمة قلتها
بس أنا بفضل اللي بدو يحكي للبنت شي أو يعبرنلها عن جمالها أو أي شي تاني
بفضل يروح يقللها متل ما عمل لرفيقه ل magdeeb




وشكرا ع طرح هالموضوع المميز

مرحبا جميعا

بالبداية

التلطيش أمر واقع في جميع المجتمعات البشرية المعروفة وهو أمر موجود من زمان يستخدمه الشاب للدلالة على جمال الفتاة

ولكن هذا الأمر أصبح بعض الشئ معكوس أو يتناوله الجنسين أي الفتاة تلطش والشاب أيضاً

وكل كلمة تقال في سياق هذا الموضوع تدل على نواية الشاب أو الفتاة

أما النسبة لي فإن أمر التلطيش أصبح موضة قديمة وحيلة مكشوفة للجميع

فقد تنزعج الفتاة من التكلم عليها أي التلطيش لأنها إذا لم ترد يعتبر ذلك نوع من الضعف وهي لا تقبل لنفسها ذلك ( مو هيك )

وإذا ردت فإنها تشعر بنوع من الخزي


((كل ما سبق رأي خاص وآسف إذا كان في ذلك إزعاج ))

نعم

سؤالي لماذا نحن الشباب نستخدم هذا النوع من الكلام ( التلطيش ) ؟


أما بالنسبة لي فأنا ضد هذا النوع لأنه يسبب في بعض الأحيان المشاكل وخاصة في مجتمعاتنا العربية وخاصة في القرى لأنه قد تخرج صيت على الشاب لا يليق به

لذلك إذا كان في نصيب بالفتاة التي تكلمها بذلك حصلت عليه وإذا لم يوجد ( خيرها بغيرها )


وأخيرا أريد أن أقول :

((((((((((( كلشي زاد عن حدو نقص ))))))))))))))


وشكراً على موضوعك

من جهتي إذا كان التلطيش ضمن حدود اللياقة والأدب ليش لا
بس إذا بدو يزيد عن حدو أكيد بدو يصير غلط