عــــيـــد الـــســـيـــدة أم عــــيــد الـــمــطـــاعـــــم ؟؟؟

منذ الصباح الباكر انهالت عليّ أسئلة كزخ المطر, شو مانك سهران عالسيدة؟؟؟
هذه الأسئلة التي لم تتوقف منذ أيام , شو وين سهران عالسيدة؟؟؟
لم أستغرب... فيكفي أن تقوم بمشوار صغير من بداية وادي النصارى
حتى عين مريزة قديماً لتشاهد العدد الهائل من إعلانات الحفلات التي تقام بمناسبة عيد السيدة .
ما هو هذا العيد ؟؟؟ عيد السيدة بس ؟؟؟ ولك له إلو اسم تاني !!! بس المهم أنو عيد السيدة يلي بيدغدغ مشاعر المؤمنين
مسلمين ومسيحيين ........ ويدغدغ ... ويدغدغ جيوب أصحاب المحلات !!!!!!!!!
هل أصبح هذا العيد سلعة يتاجر بها الناس ؟؟؟
هل ننجر إلى استغلالهم أم فعلاً نرى أن العيد مهم بالنسبة إلينا فنقرر الاحتفال ؟؟؟
معظم الكنائس في المنطقة التي ذكرتها سابقاً هي على اسم رقاد السيدة العذراء مسيحياً .... وعلى اسم السيدة شعبياً .
والاحتفال بها احتفال بعيد الضيعة عيد شفيعة الكنيسة مريم والدة الإله.
وكما أسمع أنه منذ القديم تقام الحفلات ابتهاجاً بهذا العيد ولكنها قديماً احتفالات محبة واجتماع لسكان القرى التي تحمل كنائسها شفاعة العذراء , قد تكون على بيدر الضيعة أو في ساحتها ... وليس من ورائها ربح مادي وحتى إن وجد فهو تبرع للكنيسة .
اليوم ومع تقدم التجارة السياحية تم تدجين الناس في حفلات مأجورة بالمئات ... أبعدتهم عن روح العيد واحتفاله القروي البسيط المميز.
لماذا هذا العيد ؟؟؟ فللسيدة عيد ميلاد وعيد وضع زنار وعيد رقاد تكرم فيهم على مدار العام.
ألم يسمع أصحاب المحلات بهذه الأعياد فالحفلة قد تصبح ثلاث؟؟؟؟؟؟؟؟؟؟؟
أم أن هذا العيد في الموسم كما يسمى والناس بدها تسهر ؟؟؟؟؟
سؤال برسم قناعاتكم....

سكوت ولوهههههههه.......
مين عم يفكر انو عيد السيدة لولا ما في حفلات محا كان تذكر

اي ولله يا مجد انا معك لانو كلشي عم تحكيه صح
لسا اليوم كنا انا و بيي بالحديث قلي بيي كنا بعيد السيدة بعد الصلة ننزل عالبيدر او نضل عند الكنيسة و ندق الطبل و الزمر و نضل نرقص لحتا نهلك و يكون الكل مبسوط و بعد ما نخلص رقص نرفع مقاعد الكنيسة كلن فوق بعضن و يكون كل واحد جايب فرشتو معو و ننام كلياتنا بالكنيسة للصبح
فشوفو ايام زمان شقد كان فيا محبة و تعاون و بساطة
يعني هلق لو ندق الطبل عالبيدر و نرقص و ندبك للصبح مو احسن ماينزل الواحد عالمطعم و يحط عالقليلي شي الف ليرة

فعلاً هالعيد عنا صار مادي كتير و فيك تتطلع عمستوى الضيعة بس و خصوصي بالصلا بالليل و الصبح تتلاقي أنو السنة ماكان في عالم متل ما بالعادة بيكونو بالمعرض و بالإحتفال اللي كان يصير بعد الصلا .

[size=18]اخ ظافر شكرا الك على الشفافية في حديثك وانا معك انو لازم نوضع حلول للمشكلة بس في مشكلة كبيرة وهي مشكلة مركبة من اكتر من سبب واول سبب هوي انو الكنيسة وينا و شو هوي دورا بمعنى تاني ما لازم يكون في توجيه ديني او وعي او توعي ديني بهل العيد و السبب التاني انو عدم قدرة الشباب على اتخاذ اي فكرة او اي اجراء لانو لازم يكون في مرجعية دينية او مرجعية من قبل اشخاص محددين .
وانا بكل صدق بتمنى انو يكون في اجراءات معينة بعيد السيدة يكون من شأنها انو تعطي هل العيد حقه دينيا او مدنيا .
بالنهاية من حديثي انو في مجموعة مشاكل لازم نعالجها في البداية ثم نقوم بوضع الحلول لمشكلة الموضوع