أنت والسياسة

انا برأيي قد ما حاولنا نبعد عن السياسة مارح نقدر لقنوا رغيف الخبز صار فيو سياسة.
أنا ما بتابع نشرات الأخبار بس من المتابعين الجيدين للأخبار السياسية على الأنترنت, أما اذا بناقش السياسة: شي أكيد من مبدأ معرفة الغير واتجاهاته وميوله لا أكثر ولا أقل.

موضوع مهم كما عودنا أدون.
السياسة فن يدغدغ الفكر وبيخلي الإنسان يشغل مخو .
وما بتصور أنو في حدا بعيد عنها كون كلشي بهالحياة بدو سياسة ليمشي يعني بنقدر نقول هيي خطة العمل لأي فعل.
أنا من النوع اللي بيناقش وبهيتم بالأخبار وبتصور غالبية الشباب السوريين بيمتلكو المقدرة على التحليل السياسي الصحيح لهيك هيدي نعمة ما لازم نضمرها ونسكت كأنو ما بنعرف شي.
بأغلب الأحيان صحيح هيي مجرد نقاش كوننا أناس عاديين مارح نقدر نغير بالموضوع شي.
يعني دخلك إذا حكينا بملف إيران رح يجي الرئيس نجاد يستشيرنا ؟؟؟؟
بس متل ما قلت قبل هوي نقاش علمي منطقي غالباً ومرات غير منطقي وهون حلاوتو.
ما ممكن عادي شخص بسبب توجهه السياسي بس بيفلقوني الأشخاص يلي عندن رأي غريب مبني على أمور واهية
تسقط في أقرب تجربة.
بالنسبة للقضية موضوع مهم بس بتصور هيي شغلة لازم تكون مشتركة بين عدة أشخاص حتى تدخل البازار السياسي
ومتل ما قلت قبل أنا بشوفها شغلة مسلية غالباً وما بنطر منها أي شيء جدي متلا متل الرياضة أو غيرها ...
بنتحمس للبرازيل وألمانيا ........ وبالنهاية ما بيطلعلنا منها لا كيلو بن ولا سيارة مرسيدس ... تسلية فقط.

موضوع كتير حلو منك ادون
السياسة و خاصة في الوقت الراهن امر هام لا يمكن ان يفصل عن اي قطاع في الحياة سواء اكان اجتماعي ام اقتصادي ام خدمي ......الخ
فيجب على كل شخص ان يكون عنده المام بالمتغيرات السياسية التي تحدث من حوله ليس بالضرورة ان يتعمق في اي نقاش او احتدام سياسي مع اي طرف. هذا لكي يكون الانسان قادر على التكيف مع هذه المتغيرات لما لها من تاثيرات على حياة المجتمع ككل