عـبدة الشيطــان

كنعان كنعان الجمعة مايو 29, 2009 12:13 am

عَبَدَةْ الشَيطانْ

في ناسْ شَوَّهوا صورِةْ الإنســـانْ
الْخَلـَقْهـَا الرَبّْ عـَمِثالو بـِيَدّوْ

وحَادوا عنْ طريقْ الْدِينْ والإيمَانْ
وفِلـْتوا بْهَالدِنيْ ومَاعادْ يِتّْهَدّوا

مْصَرْصَعْ بْيلْبُسْ حَلَقْ نْسْوَانْ
بْيطَوِّلْ بْشَعْرُوْ و يجـَلْغِمْ بْخَدّوْ

بْيلْبُسْ تْيَابوا منْ بْييرْ غـَارْدَانْ
بْيزْورَكْ زَوَرْ لَوْ مْرقتْ منْ حَدّوْ

و بِنـْتْ أرْبَعْتـَعِشْ عَمْ تِشْرَبْ الدِّخَّانْ
هَدُّوهَا انْ كانْ رَحْ تِقـْدَروا تـْهَدّوا

بَاينْ تلاتْ رْبَاعْ جِسمْهَا الفـَتـَّانْ
والوشِمْ عَبَطِنـْها شِبْرَينْ قـَدّوْ

ما عَادْ نـَعْرِفْ بَرْهومْ مِنْ سُوزَانْ
وكلّْ مينْ عَمْ يـِعْمُلْ مِتلْ مَا بـَدّوْ

تـَرْكُوا دْيَانِتـْهُمْ تــَ يـِعْبَدوْ الشيطانْ
و إرادِةْ الْخَالِقْ بْكِفـرْهُمْ اتْحَدّوا

عَمْ بْيقـَلّْدُوا الغـَربْ فِتيانْ هَالعُرْبَانْ
و حَضَارِةْ بْلادْنـَا عَالحَضِيضْ وَدّوا

وانْ بـِقيْ هَيكْ الحـَـالْ يا إخـْوَانْ
الأعْظـَمْ جَاييْ ومَا بْإيدنَا نْرِدّوْ

هَيْدَا مُخَطَطْ لـَتـْصُهْيُنْ البِلْدَانْ
بْدَعمْ أمْرِكَانيْ ولازِمْ نـْصِدّوْ

كنعان الياس كنعان

www.kanaan.ahlamontada.com

الأخطل الأوسط الجمعة يونيو 05, 2009 4:40 pm

بالماضي كانوا يعبدوا الأوثان
واليعبدو الله عالصابيع ينعدوا

ما كانوا يعرفوا النور والإيمان
ت إجوا الأنبيا للشعب يهدوا

لكن بعصرنا كترت الأديـــان
وصاروا عن دينهم الناس يرتدوا

موعد سدوم وعمورة يا ناس حان
ان بقي الشيطان يعمل متل ما بدو

عـبدة الشيطــان

عـبدة الشيطــان

رد: عـبدة الشيطــان