رسالة

george salim shohakar الثلاثاء أبريل 14, 2009 8:31 pm

لوين يا اغلى من الحياة.....................تارك ضيعتك و هاجرنا

لوين يا فرحة الفرحات.....................وعتمة قناديل باب عتبتنا

انت الكنت عامود للبيت.....................وعليك نحن اهلك اتكلنا

انا بيك التعبت وانهديت......................صعب والله لقمة عيشتنا

جارنا جابلنا الحسابات......................وقالنا دقيقة بعد ما بيمهلنا

لوما نرهنلو الصيغات......................لليوم كان ضل عم يقاتلنا

لامك ادينا عشر ليرات.................... با الفايدة من خالتك كملنا

لحق الدوى و المقويات....................والحكيم الف هم بهم عتلنا

قلب امك احترق نهدات....................والحنونة ع المشفى نزلنا

حضرتك لاحق هالبنات...................وناسي اهلك انت وهاملنا

فلوس صارف ع الستات..................وغربتك ياابني والله هدتنا

يا ابني حتى يوم الممات...................افضال كل الناس طمرتنا

اسمع مني ها الكلمات.....................الناس مش مجبورة بضيقتنا

بس انت من هاالدمات....................و مجبورياكلب انت تحملنا

ارجع تتفرح الوردات.....................وتغني طيور طايرة بحقلتنا

ونسرح بزهر هالتلات....................تحت شمس تموز بضيعتنا

ونقطف سوى العنبات.....................وخمرهم بجرارفخارلكركتنا

ومطاعم عالسدغنيات.....................ونعزم ع الغدى دخيلو ربنا

ينزل وندق هالكاسات....................با الضيعة الفيها كلنا اتربينا

محاولة فاشلة من

GEORGE SALIM SHOHAKAR