عَ دَرْبْ الجُمْجُمِةْ

كنعان كنعان الإثنين أبريل 13, 2009 6:40 pm

عَ دَرْبْ الجُمْجُمِةْ

عَ دَرْبْ الْجُمْجُمِةْ بِالْجُمْعَةْ الْعَظِيمِهْ
حَامِلْ صَليبوْ وْ مَاشِيْ عَ الْمْقَـَدَّرْ

بِالْدَّمْ عَمْ تِنـْزُفْ جْرُوحُو الألـِيمِهْ
وْ عَ هَامْتـُو تـَاجْ بِالْشَوكْ مِتـْضَفـَّرْ

عَ تـْيابُو عِمْلُوا قـُرْعَهْ وْ قـَسيمِهْ
وْ بِالْعَطَشْ سَقُوهْ خَمرْ مِتـْخَمَّرْ

بِكْفُوفُو زَرْعُوا مَسَامِيرْ الْلَئيمِهْ
وْ الْحِقدْ قــلوبْهُنْ جـَمَّدْ وْحَجَّرْ

عَ الْصَليبْ كَتْبوا أَسْبَابْ الْجَرِيمِهْ
"مَلِكْ اليَهودْ " الْنـَاصْرِيْ الْمْعـَتـَّرْ

وْ الْلّصْ صَاحْ بِكِلْمِتُهْ الْحَكِيمِهْ
هَيـْدَا شُوْ ذَنـْبُو ذَنبنَا أَكـْبَرْ

قـَلّو اذْكِرْنِيْ بِالْجَنّةْ الْكَريمِهْ
وَقْتْ هَالْخاطِيْ خْطِيتُو اتْذَكَّـرْ

جَاوَبْ يَسُوعْ مَا بَدَّكْ عَزِيمِهْ
اليوَمْ مَعيْ بِالْفِرْدَوسْ رَحْ تِحْضَرْ

سَامَحْ الليْ صَلْبُوهْ وْ نَهْبوا الْغـَنيمِهْ
وْعَنْ ذْنـُوبْهُنْ قَبلْ مَا يْمُوتْ كـَفـَّرْ

يُوْضَاسْ بَاعُو تا يِعْمُلْ وَلِيمِهْ
بْتلاتينْ مِنْ فِضّةْ يِشْرَبْ وْ يِسْكَرْ

وْ كَانِتْ نْهًايتُو لـَلْخايِنْ وَخِيمِهْ
مَــاتْ بِالْحَــقلْ وِقِِِــعْ وْ تْـكَسَّرْ

وْ بِتـَالِتْ يَومْ كَانِتْ القِيامِهْ
وْ صَارْ يَسُوعْ لـَلْناسْ يِظْهَرْ

كنعان الياس كنعان

COBRA الإثنين أبريل 13, 2009 10:18 pm

الله عليك يا كنعان

رائعة ياصديقي الله يعطيك العافية

بس ياترى انت بشو بتكتب

عنجد متل ماسمعنا بحبر من دهب

اي اي ياصديقي اكيد بحبر من دهب

ومخيلة واسعة واحساس جبار وانسان شاعر

الله يا عظيم

كنعان كنعان الخميس أبريل 16, 2009 9:39 pm

صديقي مارسيل
بقدر ما أنا سعيد بردك المشجع والجميل بقدر ما نفسي حزينة من أنه الرد الوحيد
أين الأصدقاء والردود الكثيفة التي كنت اراها على صفحاتي
هل قصائدي أصبحت دون المستوى أم هنالك شيء لم أسبر كنهه.
بكل محبة وأخوة أشكرك صديقي مارسيل .

COBRA الخميس أبريل 16, 2009 10:07 pm

لاه ياخيي كنعان لاه

مو قصائدك اللي صارت دون المستوى ............

قصائدك كل عمرها قمة الابداع

ياخيي قصيدتك في عليها مشاهدة كتير بس..........

معن حق الناس ماترد عليك

اعذرهم لانهم بعد مايقروها مابيعرفوا كيف بدن يردوا.......وكيف بدن يشكروك عهالابداع
وشو بدن يردوا

خيي كنعان انت الافضل دائما