" الدنيي أم " كل عام وكل إم بخير

كنعان كنعان الخميس مارس 19, 2009 2:55 pm

الدنيي أم

عَمْ بيقولوا الْدِنـْييْ أمْ
وْ الْجَنـّةْ تحتْ اْجْرَيكِيْ

مِنْ بَعْدِكْ حَفـْرْ وْطَمْ
بْتْهِزّيْ الكونْ بْإِيدَيكيْ

بَعْرِفْ قـَدّيَشْ عِنْدِكْ هَمْ
وْحَاسِسْ شُوْ صَايـِرْ فيكيْ

مْشْتـَاقْ لْحِضْنِكْ وْ الْضَّمْ
مْشْتـَاقْ لْنَظرِةْ عَينَيكيْ

بُكـْرَا هَالْشَمْلْ بْيِلـْتـَمْ
وْمْنِرْجَعْ يَمّيْ لَيكيْ

مْحْتـَارْ بْهَالعيدْ الأُمْ
يَمّيْ شُوْ رَحْ بِهْدِيكيْ

بْهْديكيْ وَرْدِةْ لـَلشَمْ ؟
وْأحْلَى وَرْدةْ خَدّيكيْ

دَهَبْ العَالَمْ لَولا بْلِّمْ
وْكْنُوزْ الدنييْ بْعْطيكيْ

وْكِلْماتْ الْبـِقـُولا الْتِمْ
حَقكْ مِشْ رَحْ تُوفيكيْ

حِبْريْ يا إميْ مِنْ الْدَمْ
بْرُوحيْ وْدَمّيْ بِفْديكيْ

كل عام وكل أمهات العالم بألف خير

كنعان الياس كنعان

polos الخميس مارس 19, 2009 7:20 pm

يا أجمل كلمة بالتم
بصرخ وبنادي ليكي

انت يا أحلى أم
يالجنة تحت جريكي

انت اللي بتشيلي الهم
ع مرضي ماتغمض عينيك
**************
ع حزنك شوف حزن الام
اللي بتحمل حزنك كلو

وع فرحك البسمة بالتم
ال بتعبي العالم كلو

لوضامك هالدهر وغم
واصحابك كلن فلو

ما بيبقى غير صدر الام
المليان محبة كلو
***********

كل عام وكل امهات الناس بالف خير
وعيد لكل ام محبة قد رحلت عن دنيانا

كنعان كنعان الإثنين مارس 23, 2009 6:21 pm

الصديق polos

بشكر مرورك الكريم عكلماتي واللي ذاد الحلا حلا وزين الصفحة بكلماتك الحلوين
مع إني ما بعرف مين حضرتك بس من نفسك وروح كلماتك كأني عرفتك مين .

" الدنيي أم " كل عام وكل إم بخير

" الدنيي أم " كل عام وكل إم بخير

رد: " الدنيي أم " كل عام وكل إم بخير

رد: " الدنيي أم " كل عام وكل إم بخير