عالم مميز

Adon الجمعة مارس 13, 2009 6:12 pm

ديك يصيح في الثالثة بعد الظهر كل يوم على هذه الحال لم يكن خرفان. على ما يبدو لديه إعلان, تظهر مذيعة تخبرنا عن كوننا ملائكة الأرض وعصافير الجنة كما كانت متأكدة بأننا انهينا واجباتنا المدرسية (كانت غالبا على خطأ) كل ذلك يبدو تقليديا ولكنه مشوق فبعد هذه الكلمات تبدأ برامجنا المميزة.

هذه كانت حال معظم الأطفال عندما كنت في تلك الأيام فهذه الفترة من النهار مميزة جدا تفتح باب الخيال على مصراعيه فمن أميرة نائمة-سندريلا وغيرها في"حكايات عالمية" وفارس شجاع ورياضي متميز"كابتن ماجد –الهداف" أفكار للنجاح مغامرات داخل جسم الإنسان "كان يا ما كان الحياة" ويمر "سنبل " ليحينا و قوى الطبيعة لتجتمع في "الكابتن بلانت" أيضا من الأبطال الهزليين "بسيط" والحزينين "سالي" والمقاتلين "الرجل الحديدي"و"سلاحف النينجا" كلهم اجتمعوا في عالمنا الصغير الكبير.

ما هي ذكرياتكم عن برامجكم المفضلة وهل هناك مجال للمقارنة مع ما يراه الأطفال في هذه الأيام ؟

fashion girl السبت مارس 14, 2009 7:09 pm

أنا بتذكر أني كنت إحضر توم و جيري حتي العبيدي و كمان عدنان و لينا,أبطال الديجيتال, ريمي, ساندي بيل , بوكيمون,كاليميرو,و إسا شغلات كتير بس ما يتذكر إسما

و أكيد أفلام الكرتون مختلفة هلئ كلا عن القتل و الضرب و قصصا بايخة و ما بتؤثر بالعالم و ما بعرف ليش الأولاد بيحبوها و بيصيروا يقلدوهن و يقلدوا حركاتهم

و شكراً هالفكرة جديدي و غريبي..

yazdawib7a2 السبت مارس 14, 2009 8:38 pm

الكابتن ماجد, الفتى النبيل, هايدي, بينوكيو, و الليدي اوسكار
يا سيدي انا بقولها دايما انو هداك بالفعل العصر الذهبي للاطفال كان
مو متل هلق
خياراية و بندوراية عم يحكوا مع بعضون
ولا رغيف خبز عم يطير و ياكل بحالو وما بعرف شو
و كلو كوم و هدول البرامج اللي فيهون سباق سيارات او هيدي اللعبة اللي بتبرم عالارض و بيبشلوا يعملوا فيهون حروب

هلق ما فيني حدد هل بالفعل البرامج عن ايامنا كانت احلى بكتير من هلق, ام لانو بالفعل كنا اطفال و هلق كبرنا و فهمنا؟
فالطفل كل شي يستهويه, يعني برامج اليوم اللي احنا مش حابينهم...الطفل حاببهم
فهل يا ترى اذا رجعنا اطفالا و حطولنا برامج اليوم كنا رح نحبون كمان؟
ما بعرف شو بدي قول
بس انا برامج زمان لهلق اذا صرلي احضرون بحضرون
بس برامج اليوم ما فيني

بس يا سيدي ما فينا ننكر كمان بعض برامج اليوم الحلوة اللي حتى استهوتنا احنا و كبار
بعتقد ما حدا و ما بيحب "البوكيمون"
انا كنت الغى محاضرتي بالجامعة, انا و نغم بنت عمي تنروح عالبيت نحضرو ههههههههههه

شغلة تانية.....افلام الانيميشن اللي عم تطلع هلق من شركات انتاج عالمية كبيرة و ضخمة
و عم يشترك فيها كتير من اصوات الممثلين الكبار ب هوليوود
انا من اشد المعجبين فيها.....اولا فيها افكار جدا رائعة للاطفال
ثانيا مهضومة كتير
ثالثا عم تطلع عن اطار برامج الاطفال التقليدية اللي كلنا تعودنا عليها

و اللي بيفوت على منتدى المرح و بيشوف صور الافلام اللي عم حطها باللعبة بيعرف هالشي.....و فاسن غيرل اكتر وحدة Very Happy

بس يا فاشن غيرل
توم و جيري كان و هو و سيبقى الافضل بينهم جميعا
يعني لا مجال للمقارنة
الواحد اذا بدو يقارن برامج الاطفال.....انا برايي انو توم و جيري لازم يكون برة المنافسة
و شكرا

Adon الأحد مارس 15, 2009 4:05 pm

انا بوافق انه توم وجيري خارج المنافسة وهني ما يزالو مستمرين لحد اليوم والبوكيمون كان شي مميز مقارنة بمسلسلات الحروب والعنف وحتى المنافسة بشكلها السيء اللي عم تنعرض

افلام الانيمشين اللي حكيت عنها في منها كتير مميز مثلا انا حضرت فيلم عن عالم موجود ضمن وردة كان من مؤديي الادوار الرئيسين جيم كاري ويمكن هدول شغلات بتضل حلوة بالشي اللي عم ينعرض هلق

yazdawib7a2 الإثنين مارس 16, 2009 1:21 am

اسم الفلم يا ادون
Dr Seus Norton Hears a Who
و يا سيدي اذا ع بالك تحضر افلام هيك و تنبسط
جيب هالافلام هيدي و احضرها
Ice Age 1 & 2
Bolt
Madagascar 1 & 2
Flushed Away
Monsters, Inc
The Ants' Bully
Bug's Life
Happy Feet
Finding Nemo

و في كتير كتير
و انا عندي ياهون كلهم, ما بيمرق فلم انيميشن و ما بنزلوا عندي
ما تتخيل قديش حلوين

fashion girl الإثنين مارس 16, 2009 4:10 pm

إي و الله كل الأفلام اللي كتبتا حلوي يا <<يزداوي بحق>>
و لا تنسى
kung fo panda
و كمان
the bee movie
هو كمان حلويين كتير

Bisan الإثنين مارس 16, 2009 5:27 pm

شكرا على الموضوع الحلو أدون ....

بل وسبيستيان ... ساسوكي ...

يا ريت منرجع نحضرهم من جديد ... بس يا إدون ....... وقت منحضرهم مع اللوازم تعيتهم اللي ذكرتها بيكون أحلى........ هههههههههه ..... Very Happy

عماد ....
هاهاهاهاهاهاهاهاههااه ... فضحتنا .... وكمان يا سيدي مش بس هيك .. كان إذا حدي من رفقاتنا دق بابنا نحنا وعم نحضر بوكيمون نفتحلو و نقعدو صم بكم ... ولا كلمة ليخلص بوكيمون ....

هيدا مع بوكيمون ... وخلي الطابق مستور مع توم اند جيري ... هههههههههه Wink

بس انا بتوقع إذا هيدي أفلام الكرتون القديمة اللي ذكرناها رجعت نعرضت ، كل أولاد هيدا الجيل وجيلنا وجيل اللي قبلنا بيتابعوها ..... لأنو فعلا عصر ذهبي...

وشكرا مرة تانية على الموضوع

yazdawib7a2 الإثنين مارس 16, 2009 8:50 pm

بيسان
هيدا اذا فتحنالو من الاول
هههههههههههههههههههههههههههه

razor back الأربعاء مارس 18, 2009 6:36 pm

ااااه يا زلمي رجعتنا شي 7 سنين لورا او أكتر
والله شي حلو كتير انو الواحد منا يلرجع بزكرياتو لورا وقت اللي كان طفل لا هم ولا غم شي حلو كتير والله

بالنسبة إلي كان وما زال أفضل شي عندي ( توم و جيري ) والله هالمسلسل ما عاد جا متلو

أما عن هالأيام في ولا يخلى الأمر من المسلسلات الكرتونية الحلوة ولكن ما كان سابقاً من ( كالميرو وغيره ) كان بالحقيقة أجمل من أفلام اليوم

وشكراً

عالم مميز

عالم مميز

رد: عالم مميز

رد: عالم مميز

رد: عالم مميز

رد: عالم مميز

رد: عالم مميز

رد: عالم مميز

رد: عالم مميز

رد: عالم مميز