الحب جنون وفنون

bedrous muradian الإثنين مارس 09, 2009 11:38 pm

مازال راح تبقي ع حبي مكبّرة

ومازال ما في عفو عند المقدرة

انشاالله تموتي وما حدا لدفنك يجي

وقيمك لوحدي ووصلك ع المقبرة

وصدفة إن إجا انسان تا يحمل معي

بقلو تركني وبالوصية بدّعي

ومن ميل تحت النعش بخفي مدمعي

ومن ميل وحدي بكون حامل جوهرة

وكل فشخة كنت بقعد وبستريح

بزيح الغطا وبتأمل وجهك منيح

وبسقي شفايفك من عطش قلبي الجريح

وبطلب من عيونك شفاعة و مغفرة

وكل ما ارتحت ورجعت قيمك من جديد

بصير صلي تالقبر يبقى بعيد

مشان أشبع والنعش يشبع تنهيد

شبعة أبد حامل بنعش الأخرة

وغني فراقات وسنيني الكتار

يدوبوا ع داير نعشك غبار

ونوقع أنا والنعش أخر النهار

وقعة ابن مريم ع درب الناصرة

وبرجع وبقيم النعش عن أرض الهموم

وبشحد شوية عمر من عمر الغيوم

وبعود أمشي ...هون أوقع وهون قوم

وضيّع نهاري بالمشي وعند الغياب

نوصل أنا وأنت سوا ع المقبرة

hyy