البوابةهوارة
صفحة 1 من اصل 1
هوارة
bedrous muradian الأربعاء مارس 04, 2009 1:03 am
عالهوارة الهوارة وعالبحر عملنا زيارة
شو معتر يا هالفقير أكل طعم السنارة
عالبحر طلعنا يومين عا شط اللاذقيي
متعة للروح وللعين هالشواطي السوريي
لكن ما في سوريين أغلبهم خليجيي
والعراقيي تلتين والتالت سعوديي
رفعوا الاسعار للضعفين الاسعار السيَاحيي
شاليه نجمة مش نجمتين بأربع تالاف وميَي
وآجار المنقل ميتين ومتلو كرسي وشمسيي
ولو تستأجر فرشتين بتحط الخمسميَي
والفحم الكيلو بستين وما فيو فحم أوقيي
والشط تنضف من جيلين للحملة الفرنسيي
وللصرف الصحي نبعين وين ما تنزل بالمَيي
وحمامك عا مرحلتين لو تتحمم عشيي
لانو الميي تخمين للاشيا الضروريي
ساعة مقطوعة وساعتين للحملة التقنينيي
ولو ما يرجعنا بالدَين سائق حمصي الجنسيي
كنا رجعنا عالرجلين وما في أجرة سيارة
bedrous muradian- عدد الرسائل : 380
العمر : 46
الموقع : الامارات رأس الخيمة
العمل/الترفيه : sales man مجوهرات داماس
تاريخ التسجيل : 06/01/2008 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى