مشكلة الحوادث على دوار الياذدية

انا حابب انو اطرح هل الموضوع المهم جدا وهوي مشكلة الحوادث يلي عم تصير على الدوار عنا بالضيعة يعني لازم بقا ينحط حل لهذه المشكلي حسب راي لانو من فترة ليست بعيدة كانت هناك سيلرة تسير بالخط الافقي يعني من قدام مكتب داني و سيارة تانية نازلي من السوق و ضربو السيارتين بعضن ولولا حلم الله كان صار فيا جرح
فلازم انو يصير في تحرك من جهتنا من شان هل الموضوع ليزم على الاقل وضع مطبات من اجل تخفيف السرعة
لذلك انا بتمنى من الكل بهل المنتدى انو يشارك و يحط صوتو مع صوتي من شان نحل هل الاذمة قبل ما يوصل البل لدقنا

والله العطل مو من وجود المطبات او عدم وجودها
العطل من الشخص اللي عم بيسوق وخصوصا انو اغلبية الاشخاص الغرب بيكونوا نازلين او طالعين عن السد ولاسيما اذا كانوا طالعين من المطاعم وشاربين كحول
او الشباب الاحباء اللي بيسوقوا وبيشفطوا بالصيف ع المشوار لاسباب معروفة
فاذا مافي وعي من السائق نفسو مابعتقد انو المطب ممكن يمنع انو يصير الحادث
وبالنهاية الله الحامــــــــــــــــــــــــــــــــــــــــــــي

بحب رحب بالموضوع كونو الموضوع الأول أو بالأحرى القضية الأولى المطروحة في المنتدى البلدي .
الموضوع مهم كتير وفعلاً هالعقدة من أصعب العقد الطرقية باليازدية وبتمنى من الجميع طرح حلول للموضوع وعدم الاكتفاء بالإدانة والكلام اللي ما بيودي لنتيجة.
في عدة حلول لهيك مشكلة :
1- وهوي حل طويل وبحاجة لإمكانيات ومتابعة بيكون بوجود تمهيد بالمطبات ووضع مرايا عاكسة بتظهر الأكواع المخفية لأن أبداً مو واردة فكرة الإشارة الضوئية كون الطريق على 5 تفرعات .
2- وهوي الحل الأبسط من حيث المتطلبات المادية والأعقد من حيث الالتزام بالقانون وتطبيقه , وهوي بأنو يكون الطريق النازل من عند بيت السيد أدونيس ابراهيم طريق باتجاه واحد (نزلة بس) وبتنوضع آرمة ببداية الطلعة بتجبر السائق يلتف ويكمل من عند بيت السيد اسبر الياس ليدخل الضيعة .
3- تغيير وضع الدوار القائم بحيث يقترب باتجاه شمال غرب ويتوسط العقدة الموجودة .

بصراحة أنا برجح الحل الثاني كونه الأنسب لاتخاذ الإجراء في أقصر وقت ممكن .

الأخوة الأعضاء :
بما أن الموضوع هو الأول في هذا المنتدى البلدي تذكر الإدارة بضرورة ذكر الاسم الكامل لطارح الموضوع لكي يكتسب الأمر صفة رسمية أمام أي سلطة قد يطرح الموضوع لديها , حيث لا تكفي معرفة الإدارة بالاسم الحركي للشخص
بل يذكر الاسم الثلاثي لمزيد من المصداقية والجدية في الطرح , هذا ونعدكم بإيصال صوتكم إلى الجهة المختصة قدر استطاعتنا وبما يخدم مصلحة اليازدية وأهلها , راجين تعاونكم .
وشكراً.

بشكر الشباب على الردود والاقتراحات وانا بايد مجد بهل الموضوع
وبالنسبة للاسم الكامل :
كرم نعيم الخوري
وبتمنى انو يكون في مشاركة حقيقية وجدية تامة من قبل بقية الاعضاء

ليس الأمر مزاحاً بل نعالج قضية جدية هنا .
أرجو وهذا تمني شخصي لكم أن توافقوني أو لا, أن نفكر في حلول تقنية نقدمها وطرق ناجعة نراها مناسبة لحل هذه المشكلة الحقيقية , وبتصور الإدارة جدية كمان بطرح الموضوع على الجهات المختصة لهيك تمنياتي بالارتقاء إلى مستوى القضية والشعور الواعي بضرورة الحل السريع.

بالنسبة الى موضوع الحق على الشوفير يا اخي نحا هون مانا في صدد انو نحط الحق على احد نحنا هون عم نحاول انو نحمي ابناء الضيعة متل الاولاد الصغار و حتى الكبار الذين يودون بالقيام بكذدورة حول البيدر بعدين ليش نظلم معنا السائقين المنتبهين والجيدين في القيادة
اما بالنسبة الى الحلول ولله اذا قدرنا نتوصل الى وضع اشارات مرور فهل الشي كتير جيد وهيدا باضافة الى المطبات

يا شباب بس بدي خبركم شغلة .
وضع إشارات المرور الضوئية غير متاح للقرى بيخضع لوضع تنظيمي معين يعني المدن أكيد مركز المنطقة معقول .
أما الضيعة مش مسموح وضع الإشارات فيها .
لذا اقتضى التنويه.

سلام للجميع

يا جماعة بعد ماشفت حلول وأراء الجميع بعتقد بنظري أنو الحل الأنسب والأبسط والمعقول هوي وضع مرايات عاكسة عالدوار تكشف التقاطع من الجهتين جهة نزلت السوق وجهة طريق بيت داني العرقان ووضع لافتة باخر النزلة يعني مقابل بيت أبو عصام غسان العارف : تمهل تقاطع خطر أو دوار
حتى لو كان الدوار مبين وواضع بشكلو بس اللافتة بتزيد من أهمية الأنتباه وخصوصاً للغريب عن الطريق وشكرا للجميع

ظافر ابراهيم

ولله يا شباب فكرة المرايا فكرة جميلة جدا وفعالة .........
انا فيني ضم صوتي الا او اي حل تاني بس انو بالنهاية يمننا من التخلص من هل الموضوع

مجد بالنسبة لقضية نقل الدوار انا اليوم سمعت انو التوتر الموجود على الدوار بدو ينلغي من هونيك بقا انو حلك بعتقد انو صار معقول جدا
اما بالنسبة لرازور باك ولله انا جاهز لاي لاي شي بس بعتقد انو عند الادارة اجراءات بهدا المنتدى

في الحقيقة موضوع الحوادث يلي عم تصير في الو حل وحيد هيدا الموضوع يتعلق بيد بلدية اليازدية,
اذا حابين تنحل الامور بتروحو على البلدية بكل بساطة بتقدمو طلب تعليق لافتة على مفرق الطريق اللي بيتفرع بين طريق الضيعة والطريق الجديد اللي تم احدثو في سبيل تحقيق حل لمشكلة الزحام والحوادث اللي عم تصير جراء دخول السيارات ضمن نطاق القرية وخاصة انو صارت المنطقة سياحية عم يقصدها كتير ناس
بتتعلق لافتتين دلالة على وجهة الانسان الغريب اللي قاصد المرافق السياحية في الذهاب والاياب
وحدة بتنوضع عند مفرق المحبة والتانية بتنحط تحت بيت كرم وتكون اللافتة كبيرة منشان حتى السكران يقراها

الحل بايدكم وبتضل القرية قريتكم .