فارس الفرسان ( مهداة للدكتور بشار بمناسبة القمة)

كنعان كنعان السبت يناير 17, 2009 6:09 pm

فارس الفرسان

مهداة للدكتور بشار الأسد بمناسبة القمة

عَ شبّاكي طَلّ عَصفورْ تَ يْقلّيْ
مِنْ الأخبارْ حَامِلْ مَعوْ سَلـّيْ

عَصفورْ كَسّرْ القفصْ والقضبانْ
يفرشْ جناحاتوْ لَلْدني مْضَـلّيْ

قلّيْ اليومْ بـِـدَوْحِةْ العُرْبانْ
اْجتمْعوا تَ يلاقْوا للحربْ حَلـّيْ

تَ يِمْنَعْوا عَنْ أرضْ غَزّةْ عْدْوانْ
ما تَرَكْ سَهْلةْ ولابقيْ تَلـّــيْ

أطفالْ عَمْ يحترقْوا بْقَلبْ نِيرانْ
وْحْصارْ ما تَرَكْ للمجروحْ فَلّيْ

منْ ترابْ الأرضْ عمْ يِطلَعْ الدِخّانْ
وأرواحْ الشُهَدَا عَ السَمَا تـْعَـلّيْ

عشرينْ يَومْ عَمْ يْتْفَرّجوا البِلْدانْ
وما حَدَا مِنْهُمْ عَمْ تِنْخْزوْ مْسَلّيْ

ولَمّا اجتمْعوا وْ تـْحَرَّكْ الوِجْدانْ
الْغَابوا كْتارْ واللّيْ حَضَرْ قْلـّيْ

الفرسْ وْصْلوا مِنْ أرضْ إيرانْ
وْ دَبّتْ النَخْوةْ وْ إِجا العِصْمَلّيْ

واللّي تْرَبَّعوا عَ بِتْرولْ هَالأوطانْ
ضَّلوا بِبْلادهُمْ عَمْ يْحْسبوا الغَلّـيْ

وَينْ الضَميرْ وْ حْقوقْ هَالإنسانْ
وْلَكْ آخْ صاحْ الوَطَنْ يا دِلـّـيْ

وْ لَمَا وصْلوا الرِيّاسْ عَ المِيدانْ
شِفتْ فَارِسْ وْ طَلّتوْ طَلـّـيْ

بَشّارْ هَيْدَا فارِسْ الفِرْسانْ
اسِمْ سُورِيّا عَ السَمَا مْعَلـّـيْ

سُورِيّا الليْ فيهَا وِفْقْ بْالأديانْ
شيَخْ بيأذّنْ وْ خُوريْ عَمْ يْصَلّيْ

بْحِكمْتوْ خَلّى الشَعْبْ إِخْوانْ
الَدّمْ كْرامتوْ مَا مْنِقْدَرْ نْغَلّيْ

قَلُّنْ وْ بْصَوتوْ نَبْرةْ الشجْعَانْ
السلامْ مَعْ الاستسلامْ مَـذََلـّيْ

لَولا المْقاوَمِةْ بْجْنوبْ لْبْنَانْ
ما كانْ اليهودْ عَنّوْ مْتْخَلّيْ

رَحْ يِجيْ يَومْ وْ نْحَرِرْ الجولانْ
وفِلسطينْ رَحْ تِرْجَعْ لأهلها
وما يْضَلْ عِنا أرضْ مْحْتَلّيْ

لمن يحب مشاهدة الفيديو يرجى دخول الرابط

http://www.4shared.com/file/82421052/df146b93/___online.html?dirPwdVerified=9af77187

كنعان الياس كنعان

magdeeb الثلاثاء يناير 20, 2009 12:55 am

بشار يا أمل حي الضمير
طبيب للعين بتوصف العلة

دورك للشعب حامي ونصير
ناطق بالحق وفيك التجلي

حزب الله بدعمك مقاوم خبير
بإيدو التحرير وغسل المذلة

وكتايب القسام بنفس المسير
تهزم العدو بصاروخ محلي

أخبارك للأبد عزة وخير
تملي الصحف وكل مجلة

(قد لا يرتقي لجودة كلام شاعرنا كنعان ولكنها بعض الكلمات الصادرة من القلب )

كنعان كنعان الأحد يناير 25, 2009 3:09 pm

الصديق مجد المحترم
بمرورك الجميل أضفت على بستان كلماتي ورود فواحة
شكرا لك من القلب
ودمت بود

Souli...Y,M... الأربعاء يناير 28, 2009 2:22 pm

كنعان ياحروف سرمدية.......ترسم صور وتألف ابجدية

ياقلم واقف بوجه الأزلية.......يرمي حبره عوراق مخملية

مشكور خيي كنعان على القصيدة الرائعة ..والله يخليلنا الدكتور بشار...

برسم صور وبهديها لأصحابي ----- ومن حروفي بزرع ورد بكتابي
حتى كل ما اشتقت للأحبــــاب ----- افتح الكتاب وشوف أحبـــــابي

شكرا إلك ولمرورك خيي يوسف