لانها فيروز......حياة باكملها

Adon الإثنين ديسمبر 15, 2008 9:13 pm

ما زلت اذكر الكاسيت القديم في بيتنا والذي كان يسترعي اهتمامي الذي يحوي تسجيلا لمسرحية فيروز
"لولو" حكاية الرغبات الانسانية الطبيعية الكامنة فينا كبشر وبانسانة سجنت ظلما ل 15 سنة وخرجت لتنتقم واظهار الخوف عند الناس الذين ظلموها بعدها شاهدت مسرحية ميس الريم ةالقصة الجميلة لمن حاولت "زيون"مصالحة حبيبان فورثت كر الضيعة باكملها او فيلم سفربرلك وبياع الخواتم وغيرها من الافلام والمسرحيات التي شدتني الى هذا الفني الرحباني والى هذه المطربة والتي يقال انها من اصل فلسطيني والتي غنت اصدق الاغني المعبرة عن المدن والاوطان فغنت اغنية القدس الشهيرة واغاني العودة كما غنت الشام ولبنانالاردن الاسكندرية ومكة ايضا فالوطن وجد عمادا اساسيا بين الكلمات القوية المعبرة والقريبة من الناس وبعد ان كبرت قليلا وبدايات الشباب ظهرت لي فيروز مع ذياد ف "وحدن بيبقوا " و "اشتقتلك"و "كيفك انت" وغيرها الكثير هذه فيروز التي شكلت التي شكلت جزء من هويتي وهوية الكثيرين
اعتقد انها اثرت او شكلت شيئا ايضا في داخلكم وارغب ان تشاركونا فيه
بان تذكروا ثلاث اغاني على الاقل روت شيء عن حياتكم او اثرت فيها او انها تعنيكم بشكل خاص ارجو ان اسمع الكثير من التعليقات و اسماء الاغاني الجميلة
Smile

samerbek الثلاثاء ديسمبر 16, 2008 9:35 am

فيروز طريق النحل الطاير فوق الضو المكسور
فيروز حبيتك والشوق انقال
قيروز ضاق خلقي يا صبي

بس مو قليل تلاتة على كل حال انا حبيت التزم
بالاجمال بعض الاغاني لفيروز بتلاقيها مربوطة بمكان معين او بشخص معين
فيروز هي البعد الاخر
شكراً

yazdawib7a2 الثلاثاء ديسمبر 16, 2008 7:51 pm

بعدك على بالي...........يا قمر الحلوين
يا جبل البعيد.....خلفك حبايبنا
يارا الجدايلها شقر
سوا ربينا....سو مشينا

بعد اذن Adon
حطيت 4 غنيات
و شكرا للموضوع الجميل

best girl الأحد ديسمبر 21, 2008 10:20 pm

حبيتك تنسيت النوم وبكتب اسمك يا حبيبي وشايف البحرشوكبير كبر البحر بحبك

BOSS الثلاثاء ديسمبر 23, 2008 9:26 pm

قبل كل شي بحب اشكرك على هذا الموضوع بنسبي الي كل اغانيها رائعة ومعبرة اجملها عندي بكتب اسمك يا حبيبي سلملي عالي علموني شكرا مرة ثانية

pink girl الجمعة يناير 23, 2009 3:23 pm

شكرا كتير فعلا موضوع حلو
اكتر اغاني بحبون:
تعا ولا تجي
أؤمن
وكمان البواب (وبواب وبواب شي غرب شي صحاب شي مسكر وناطر تيرجعو الغياب)
شكرا

magdeeb الجمعة يناير 23, 2009 3:43 pm

أنا بالعادة لما بسمع أغاني ما بقدر ركز عالكلام لأن اللي بيلفتني هوي اللحن مهما كانت الكلمات رائعة.
فتصور أنو صوت فيروز ولحن الرحابنة .....فكيف بدي ركز عالكلام ....بفضل أسرح بطبقات السما اللي بيرسموها
على انو ركز شو ميقولو كلام
لهيك كل شغل الرحابنة -فيروز مقدس أزلي عابر للزمن والحدود.

soula الجمعة يناير 23, 2009 5:18 pm

شكرا

ع هالموضوع الحلو
انا من عشاق العظيمة فيروز وأغنيها الخالدة يللي بتتغلقل لجوات الانسان وبتخترق صمت الحجر
مافيك تقول بس 3اغاني لان كل اغانيها بتخلي الواحد يسرح وينسا حالو ويسافر لأبعد مدى
بس اكتر 3 اغاني بحبن 1-بحبك مابعرف حب
2-حلو ياسهرنا عباب الدار
3-ليل واوضة منسية

s.adonis62 الجمعة يناير 23, 2009 8:08 pm

فيروز...هذا الوطن الجميل...بل الوطن الحلم... الناصع البياض ...الشفاف كدمع العين...عندما تسمعها ياتيك الفرح مع كل الفصول...لانها تعريك في لحظات و توقظ النقاء في نفسك...تعطيك هذا الالق الذي يحلق بك الى القمم...
فيروز... هديل الحمام عندالفجر... أعشاش العصافيرعلى قرميد البيوت العتيقة...الشبابيك المفتوحةعلى البحر...
فيروز...وطى الدوار... بتكتب اسمي ياحبيبي ع الحورالعتيق...
فيروز... ستي الختيارة...
فيروز... وحدن بيبقوا مثل زهر البيلسان... شادي... ياجسراخشبيا...
تصبحون على وطن... تصبحون على فيروز... تصبحون على خير...

COBRA السبت يناير 24, 2009 12:40 am

عنجد هالموضوع رائع من عنوانه
بتحس بالدفء وبمشاعر جميلة جداً..
شكرأ لكل الصبايا والشباب اللي شاركو بهالموضوع الرائع وشكر خاص للسيد ادون
فعلاً السيدة فيروز صاحبة أجمل وأدفا صوت بهالدنيا.. مابعتقد في حدا ما بيحب صوت السيدة فيروز

سيد ادون ......ياشباب وصبايا المنتدى
لما بتغني فيروز بيتفتح الياسمين وبتشتي الدنيا وبيجي الصيف وبنتذكر الخريف و ورقو الأصفر..وبصير غيرشكل الزيتون وبصير غيرشكل الليمون وبنصير مع القمر جيران وبنحبه تننسى النوم...لمن بتغني فيروز بنحس بكل المشاعر والأحاسيس الجميلة والحزينة والمفرحة.. بنحسها باغانيها عم تعبر عن الحالة اللي نحن فيها..

لمن بتغني فيروز بتعطينا الشعور بالحياة
بتعطينا الشعور بالحب لمن بتغني فيروز بتعطينا الشعور بالبساطة اللي افتقدناها بأيامنا
لمن بتغني فيروز بتعطينا الشعور بالقوة
لمن بتغني فيروز بتعطينا الشعور بطهارة قلوب الناس
لمن بتغني فيروز بتعطينا ملايين المشاعر اللي مننسيها
لمن بتغني فيروز بيصير كلشي حلو

أمام فيروز لازم انو ننحني بخشوع

فيروز خالدة

انا بحب كل اغاني فيروز

بحب هالغنية

حبيبتي زنبقة صغيرة أما انا فعوسج حزين
طويلاً انتضرتها طويلا جلست بين الليل والسنين
وعندما أدركني المساء حبيبتي جاءت الى الضياء
مابيننا منازل الشتاء يا أسفاً للعمر كيف ضاع

وهالغنية كمان

على الباب بنوقف تنودع اللأحباب
بنغمرهن وبتولع ايدينا بالعذاب
وبواب بواب شي غرب شي صحاب
شي مسكر وناطر تيرجعوا الغياب
وقت يلي بلوحلك وبسكر الباب
بياخدني الحنين بفكر رح اشتقلك
بفكر عها الباب رح انطر سنين
وآه يابا المحفور عمري فيه
رح انطر وسميك باب العذاب
ـــــــــــــــ
في باب غرقان بريحة الياسمين
في باب مشتاق في باب حزين
وفي باب مهجور أهلو منسيين
وهالأرض كلا بيوت يارب خليها
مزينة ببواب ولايحزن ولابيت
ولايتسكر باب آه البواب

وبحب فيروز بشكل خاص جداً لمن بتقول هالجملة :
كبر البحــر وبعـد السما بحبك ياحبيبي ياحبيبي بحبك

شكرا كتير عهالموضوع

فيروز السبت يناير 24, 2009 7:33 pm

مرحبا يا اعضاء المنتدى الاحبة

صرلي زمان ماشاركت وذلك لبعض الظروف

وسمعت انو في موضوع عن حبيبتنا السيدة فيروز الله يطول بعمرا

وحبيت اني شارك واني اكتب :

لمحة موجزة عن حياة فيروز :

فيروز اسمها الحقيقي نهاد ابنة وديع حداد صاحب مطبعة في لبنان من مواليد 1935 و هي شقيقة هدى و آمال و جوزيف .
نشأت في أسرة فقيرة تعيش على كفاح الأب الذي يقتصد من دخله القليل ليعلم أبناءه , ألحق نهاد ( فيروز ) بمدرسة القديس يوسف الابتدائية .
حين ظهر نبوغها في أداء الأناشيد المدرسية و أصبحت موضع إعجاب مدرساتها اللواتي أخذن يظهرنها في الحفلات المدرسية كصاحبة أجمل صوت في المدرسة .
اشتهرت فيروز رالاحساس الموسيقي و سرعة الحفظ حيث كانت أذناها تلتقط الموسيقا بسرعة و بسهولة . و بعد سنتين انتقلت من مدرسة القديس يوسف إلى مدرسة مجانية هي مدرسة المعارف الوطنية .
و في إحدى الحفلات المدرسية التي اشتركت فيها بالغناء و كان ذلك عام 1949 أي في الرابعة عشرة من عمرها , استمع إليها المدرس الموسيقي الاستاذ سليم فليفل , فأعجب بصوتها و نصح والدها أن يوجهها موسيقياً و أن يلحقها في المعهد الموسيقي فوافق بعد أن تأكد من أن الدراسة في المعهد مجانية نظراً لفقره و بعد فترة قصيرة على انتسابها تبناها الاستاذ سليم فليفل و وضعها في فرقته الإذاعية .
و من هنا انطلقت نهاد حداد و أصبح لقبها فيروز و في حينها لفت نظر سكرتير برامج الإذاعة , الذي وجد في صوتها معدناً نادراً مما جعله يتصل برئيس القسم الموسيقي ليخبره عن ذلك .
كان آنذاك رئيس القسم الموسيقي الفنان حليم الرومي الذي سمعها و أعجب بصوتها و في عام 1962 في مبنى الإذاعة الجديد سمعها أيضاً رئيس القسم الموسيقي الجديد الأستاذ توفيق الباشا فأعجب بصوتها بعد أن عملت في الكورس بأجر شهري قدره 100 ليرة لبنانية . و ذلك ما بين عام 1949 و عام 1955 . و استفادت فيروز من عملها في الكورس حيث انصقلت موهبتها بتعلمها طريقة كل مطرب و مطربة أصول الغناء .
كما غنت معهم كثيراً من الألوان الغنائية من أدوار و موشحات و أغاني راقصة . بعد ذلك قدمها الأستاذ حليم الرومي إلى الملحن الشاب عاصي الرحباني فأعجب جداً بصوتها و بدأ يقدم لها الأغاني العديدة باسم الأخوين رحباني أي مع شقيقه منصور و هذان الشابان ليسا ملحنان فحسب بل شاعران موهوبان كذلك .
أول لحن غنته فيروز للأخوين رحباني أغنية غروب و لكن اللحن الذي عرفته فيروز هو اللحن الراقص المترجم بعنوان ماروشكا . ثم غنت لحناً بعنوان عتاب و الذي كان منطلقاً لشهرتها حيث دعيت إلى إذاعة الشرق الأوسط و الإذاعة السورية لتغني فيهما . كما غنت لكثير من الملحنين اللبنانيين منهم : توفيق باشا , جورج فرح , سليم الحلو , مدحت عاصم و غيرهم الكثير بعد أن تم الزواج بينها و بين الأستاذ عاصي الرحباني عام 1955 .
أما الاسكتشات فسجلت من بينها ( عروس المواسم ) و ( جيران البحر ) و ( ابن هند ) .....
و في عام 1954 نالت فيروز شهرة شعبية و ذلك في أغنيتها المشهورة ( يابالالا ) التي أحبها كافة طبقات الشعوب في العالم العربي .
كما سجلت العديد من أغانيها في إذاعة مصر التي بدأت تذيع كافة أغانيها المسجلة على اسطوانات ( صوت الشرق ) .
و بعد عودتها إلى لبنان رزقت بمولودها الأول الذي يعتبر من أعز ذكرياتها و أسمته ( زياد ) الذي ولد في الأول من كانون الثاني عام 1956 .
و قد بلغ مجموع ما غنته فيروز ما يقارب 900 أغنيه أكثرها من النوع الراقص .
و بعد ذلك بدأت تغني ألحانها العربية بالفرنسية و الانكليزية . كما استدعت الإذاعة المصرية فيروز و الرحبانيان لتغني فيروز جميع تراث الموسيقار الكبير درويش و داوود حسني .
و قد اشتركت فيروز بمعظم المهرجانات الدولية و غنت فيها منفذة لما خططه الرحبانيان , و قد أعجب فيها الموسيقار الكبير عبد الوهاب الذي لحن لها بعض الأغاني التي نالت شهرة كبيرة من الوسط الفني و التي كان أشهرها سكن الليل و لازالت فيروز تستمر في تقديم جميع الألوان الغنائية بصوتها المخملي لتتحف العالم بأسره .

والي طلب صغير من الادارة

ياريت لو تعملوا زاوية خاصة بالسيدة فيروز
بتحكي عنها وعن حياتها واعمالها واغانيها.........الخ
وشكرا لكم

اخــتــــــــــكم فــيـــــروز

Adon السبت يناير 24, 2009 10:07 pm

انا سعيد جدا لكل الردود التي جاءت لهذا الموضوع بالدرجة الاولى لان الناس مازالت واتمنى ان تبقى تتذوق هذه الموسيقى العذبة وتتماهى مع كلماتها وتعيش معنا الحياة باكملها

للمعلومات انا اعزب ولست متزوج بعد وليس لدي اولاد وان كنت اتمنى ان تزوجت يوما ان يحب اولادي فيروز كما احببتموها ايضا

razor back السبت يناير 24, 2009 10:14 pm

فيروز يا جماعة باختصار هي:

كلمة العرب ولسانهم الناطق بصوت ملاك

وصوت الحق الذي لا ينضب

وألحان السماء بلسان عنقاء

وشكراً

magdeeb الأحد يناير 25, 2009 12:21 am

أنا بخالفك بالراي يا رازور باك.
حتى لو كانت فيروز والفن الرحباني بشكل عام قد شرفوا العرب وحملوا قضاياهم في فنهم وعطائهم
وخاصة قضية فلسطين ......... بقول عنهم صوت الإنسانية ولسان الإنسان المتحرر من الظلم والقهر والاستغلال
والتخلف .....حرام نحتكرهم لإلنا ودورنا هون نفهم العالم إنو من هالشرق أرض الإيمان ضيعنا مطلع الشمس
ولون الزمان متل مابيقول الراحل العظيم منصور خلقت حالة اسمها الفن أو بالأحرى الإبداع الرحباني اللي تجلى بصوت فيروز ولازم العالم تشوفنا من خلالو لأنو صورة مشرقة عن شرقنا .

razor back الأحد يناير 25, 2009 1:52 pm

انا يا أخ مجد قلت أنو هيي كلمة العرب ولسانهم الناطق بصوت ملاك

لأنها تعبر عن مشاكل العرب وهمومهم وليس عن مشاكل الإنسانية

فمشكلة فلسطين هي مشكلتنا نحن العرب ولست مشكلة الإنسانية لأنو في بعض الدول ما بتهمها هالأمر متل نحنا ما بيهمنا

شو بيصير بالصين وباليابان وبغيرها مو هيك ...

فهي كلمة العرب وليس الإنسانية مع أنها لسان الإنسان الناطق

وشكراً

magdeeb الأحد يناير 25, 2009 2:43 pm

الظاهر أنك يا أخ داود مصر تحجم فيروز ودورها
وأنا مصر على نظرتي لفيروز بمفهومها العالمي والإلهي في بعض الأحيان.
الاستغلال والقهر والظلم والحرية هيدي معاني بتلاقيها بأعمال فيروز وهيدي أشياء إنسانية
إلا إذا كنت بتسمع بس غنية يلا تنام لدبحلا طير الحمام..بنصحك تسمع مسرحياتها وتعرف أبعادها الإنسانية.
وهيدي شغلة أنها مو لسان الإنسانية إنها لسان الإنسان ما فهمتا ؟؟؟ يعني غير العرب مو إنسان؟؟؟
وبالنسبة لأنو قضية فلسطين ما بتهم غير العرب ...مو كتير صحيحة لأنو لولا تآمر العرب على فلسطين ما صارت حرب غزة.

salim الجمعة يناير 30, 2009 5:56 am

باعت مرسال يسأل عن بنت زغيري قال يوما قال كان ينطرها بالجيرة ويا فاضي البال ما تدوق انشالله الغيري ميل خيااااااااااااااااااااااااااااااااال ميل خيال وانخطبت انت وغايب............ فيروز هي الغنية فيروز عاصي ومنصور وفيروز زياد فيروز -يا اهل الدار - كيفك انت - سلملي عليه - وفعلا كتير صعب تلت اغاني

شي فاشل الإثنين مارس 02, 2009 3:04 pm

لملمت ذكرى لقاء الأمس بالهدب
امس انتهينا
لما عالباب ياحبيبي منتودع

لانها فيروز......حياة باكملها

لانها فيروز......حياة باكملها

فيروز

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

رد: لانها فيروز......حياة باكملها

نداء فيروز...أحلام الوطن