ذكريات البربارة

من كام سنة كان أحلى مناسبة بلضيعةواكتر مناسبة بتعطي حياة وحيوية للضيعة هيي عيد القديسة بربارة
وكلنا منعرف انو كانت الضيعة مقسومي لحارات (الشرقية -الغربية-السوق-البيدر -الضهر-الحرش_ضهر الشرقي)
كل حارة وإلها شبابهاالي بيحرسوا حارتون ووبيروحوا يجيبوا(قوزلية)وبيتعبوا لحتا تكون حارتون أكبر حارة وكانوا يسهروا كل يوم مشان ماحدا يقرب عليا من حارة تانية ويسرقا او يحرقالأن من المعروف سرقة الحارات
بس بلنهاية كانوا كانت كل حارة تشعل لحالا وأحلى يوم كان أخر يوم بيكونواسهرانين بحاراتون وميشوا لحم وفراريج ويشربوا ماكانوا يخلوا حدا ينام بس كانت أيام حلوة
السؤال:*ليش ماعاد في هداك الحماس الي كان من قبل؟
*ليش ماعاد في حارات؟(بس هلأ أحلى لأنو بيشعلوا أخر شي علبيدر )
*معقول السبب هجرة شبابنا
بتمنى يكون في تفاعل بالموضوع وخصوصا من الشباب الي كانوا يشاركوا بهلعملية بس اكيد مامنكر فضل الشباب الباقين بالضيعة ولولاهون ماكان للعيد بهجة

والله يا شباب انا بقلكون انو السنين الماضية كانت احلا من هلق بس شو بدنا نعمل نحنا راحت علينا
بس اسا في شباب بالضيعة قادرين يعطو للعيد بهجة وانشالله كل عام وانتو بالف خير

والله يا سويت معك حق هديك ايام لمن كانو يسهرو اخر ليلية قبل ما تشعل والشوي شوي شي بطاطا شي لحم شي بصل كانت حلوة كتير بس هلاء برايي رح تكون احلى تخيلو كل الحارات متشعل قوزليتا علبيدر وكل الضيعة حوالي البيدر بشرفكون مو شي حلو وبدل عمحبة اهل الضيعة لبعض ....انا برايي اي

ونشالله بتكون السنة احلى سنة وتنعاد المحبة والخير عكل اهل الضيعة

شكرا يا sweet girl على هالموضوع الحلو بس رجعتيني شي 20 أو 25 سنة لورا
والله لو خط الشركة بيحكي كان قال قديش أكل من ايدينا من كتر ما قلعنا بلان منو