كيف بيتميز السوري عن غيرو؟؟؟

كيف بتميز المواطن السوري عن باقي شعوب العالم:
* بيفهم في الطب وبيشخص المرض و بيوصف الدواء وبيفهم في الكهرباء وتصليح السيارات والطبخ والسياسة والطابة والعمار ... وكل شي بيخطر ببالك.
* بيحط الريموت كونترول بكيس نايلون حتى ما يتغبر وتروح الأرقام.
* بيوقف يحكي على الباب نص ساعة بعد انتهاء الزيارة والسلام.
* في خزانة المطبخ عنده عشرين قطرميز فاضي منشان اذا احتاج يستخدمها ومازال مُصِر على جمع المزيد
* ييجي بعد الموعد بساعتين دون ان يعتذر.
* بيحكي بصوت عالي في المكالمة الدولية منشان التاني يسمعه.
* بيعتبر حاله أفضل واحد في الشراء والمفاصلة بعدين بيكتشف إن المحل اللي جنبه أرخص من غير مفاصلة.
* بيحتفظ بأكياس محلات اللبس والأحذية وورق الهدايا تحت الفرشة لسنوات من مبدأ : إلـّما يلزمو.
* بيشتري قبل الإفطار في رمضان ألف نوع حلو.
* عنده منقل شوي للرحلات يستخدمه مرة واحدة أو 3 مرات بحياته إن كترت
* بيفكر إن أي حدا بيشتغل في الخليج بيغرف مصاري من غير حساب وبيكون أغنى واحد في الدنيا .
* بيكون مشغول بقيمة البخشيش طول العشا... ياترى أعطي 25 ولا 50؟.
* بيتخانق ساعة مشان يدفع حساب المطعم بحرارة شديدة ... وقلبو عم يقول حق بق على ما التاني يدفع عنه.
* بيفرش شرشف التخت على طقم الكنبيات منشان ما يتوسخ، ولما يجوا الضيوف بيترك الشرشف.
* بينتظر بفارغ الصبر بياع المحارم أبو : الـ7 بمية المحارم ليموّن لشهرين عالأقل.
* اذا ركب تكسي... طول الطريق عم يطلع عالعداد
* عندو التخبيص بلعبة الشدة مصيبة كبيرة .. وممكن يخسر رفيقه مشان برتية.