ويبقـــــــــــــــى ســـــــــــــــــــــــــــحر الكـــــــتاب

...


متل ما بيقولوا :

" وخير جليس في االأنام كتاب "

حتى لو وصلنا إلا أعظم المراتب بدنا نرجع ونقرا بالكتاب لأنو ما في غير هالطريقة أو الأمثل لنقل االمعلومات دون تحريف أو تعديل

وهو بينقلنا إلى أي مكان بخيالنا غير الراديو



وشكراً







.....

فيروز شكرا على الموضوع الحلو
و بالرغم من كلامك الاحلى بالموضوع
اسمحيلي خالفك الراي شوي
القراءة لم تعد كما كانت بعد تقدم التكنولوجيا: الموبايل, الانترنت, الام بي ثري, الاي بود
انتي ضربتي مثل هاري بوتر و باولو كويليو كامثلة
انا بدي قلك هاري بوتر ناجح بالفعل......بس من بين كم رواية و كتاب عم بنعملوا بالعالم؟ و حتى الكاتب باولو, من بين كم كاتب بالعالم عم يكتبوا كتب؟
كمان انتي جبتي امثلة اجنبية, و الناس برة بالقعل بتقرا
بس......كم شخص بتشوفي بالباص او بالمترو او بالحديقة العامة او عالبحر مثلا ماسك كتاب وعم يقرا ببلادنا؟
انا من الاشخاص الذين يحبون الكتاب و القراءة فيه.....مع اني حاليا قليلا ما امسك كتاب او روايةا في غير اختصاص دراستي و اقرا به ....بس انا قرات كتير من الروايات و الكتب بحياتي بس هلق يمكن الظروف ما عم تسمحلي....
ولكن بمجال دراستي بحب الكتب كتير, و بجمعها و بقراها, و دائما بزور معارض الكتب حتى شوف شو اخر الكتب الحديثة اللي نزلت
بس لاضربك مثل في هادا الخصوص......زمايلي كلون.....وبلا استثناء.......بحياتي ما شفتون نزلو على معرض كتاب و شافوا شو في او اشتروا كتاب
كلو بيفضل يجيب من الانترنت ما تيسر من المقالات و يقراها.....حتى انهم ما بيعذبوا نفسون و بيطبعوا على ورق و بيقروها....بيقروها مباشرة من الكمبيوتر

ظاهرة ثانية.....الانترنت على الموبايل.....على فكرة هذه ظاهرة لا يعكر صفوها انقطاع الكهرباء
المهم.....هل لاحظتي نسبة انتشارها بالضيعة؟
انا مرة كنت قاعد مع 4 اشخاص, الاربعة عم يشتغلوا على الانترنت و ماحدا موجود مع حدا
صدقيني ما حدا بيحب الانترنت قدي, و كل الناس بتعرف.....بس هذه الظاهرة بكرهها كتير...و نسبة انتشارها بتخوف

ناطر ردك على هادا التعليق
و شكرا مرة تانية عالموضوع

انا حسب راي انه ليس هناك اي بديل عن الكتاب ولا حتى في لي عصر كان لان القارئ عندما يتناول الكتاب بين يديه يعيش في جو الرواية التى يقرأها ويتاثر في كل فصل من الرواية التى يقرأها ويعايش فيها .ولكن حاجة الى طلب المساعدة من التكنلوجيا الحديثة على سبيل المثال حيث ان بعض فئات الذين يعشقون نوع معين من الكتاب قد لا يجدونها في المكتبات او غير متوفرة بين ايديهم لذلك يطالعوا هذه الكتب على النت.............
ربالمناسبة مثال هاري باتر على شدة ولع الناس بقراءة الكتب هو مثال جدا مناسب لهل الموضوع واجا بمحلو
لانو بالرغم النجاح الباهر لفيلم هاري باتر السنمائية و لكن اعداد الذين يتعرفون على احداث قصة كل جزء من الكتاب تفوق اعداد الذين يتعرفو عليها من الفيلم نفسه...........

فيروز
انا لم اقل ان الفيلم يغني عن القراءة
انا قلت انك ضربتي هاري بوتر كمثل على نجاح الكتاب و استمراريته, و لكن هذه الرواية هي من القلائل التي نجحت من بين الاف الروايات في العالم

اما بالنسبة لظاهرة الانترنت عالموبايل.....انا اعرف انها ظاهرة حضارية....ماحدا قال غير هالحكي
بس الا تعتقدي انو ظاهرة كهذه يتم استخدامها بشكل سيء من بدايتها امر يدعو للخوف؟
كمان لا يجب ان يكون هناك وباء قاتل حتى نبدا ان نخاف....فهناك امور اخرى قد تستدعي الخوف اكتر من الوباء القاتل يا فيروز



و شكرا

وانا مع عماد 10000%من شان ظاهرة النت على الموبايل لانو فعلا في اساءة شديدة باستخدامها
وهل الشي مو غريب ابدا لانو كان في اساءة كتيرة قبل لاستخدام التكنلوجيا الحديثة

ماني ما اعرف هلق شو الغاية من هالموضوع اي فكرة تولد على الورق قبل ان تتحول الى نسخ الكترونية و افلام الخ ....
اذاً الموضوع منتهي قبل ان يطرح
يعني اذا واحد ما لقى كتاب عن موضوع معين ما بيدور عليه بالنت لانو في فيروسات
خلصونا بقا من هالحلقة المغرغة يا لكتاب يا التكنولوحيا يعني يا طخو يا كسور مخو

يا ستيغماتا............ليش معصب؟
خدلك نفس اركيلة و روق خيو
الموضوع انطرح و حبينا نشارك فيه....ما عم افهم ليش حامل السلم بالعرض؟

شكرا عالتوضيح يا كوبرا بس انا فهمان الموضوع والقصد انو مافي تناقض بان متعة مطالعة الكتاب

او مشاهدة فلم او اي شي تكنلوجي(لاش ليزم اختار اينو احسن) اما درجة المتعة فبتختلف حسب نوع الكتاب او الفلم واهم شي المزاج
انو يعني شو المطلوب نرجع عالعصر الحجري مافي كتب عالانترنت ولا موبايل خلص كتب وبس
القصد من هالحكي انو مو لازم نحط مفاهيم هيي بالاصل متممي لبعضها بمواجهة بعضها هيدا امر مرفوض
بس خيي يزداوي صار بيخوف بهاليومين بمجال قراءة الافكار (مين معصب ومين مبسوط ومين.........)[size=18][/size]

انا بعتقد انو الوضوع كتير كويس بس انا بحب اطرحوا من ناحية تانية انو الانترنت بيساعدك انو تقرا اكتر اذا بتحب القراية خصوصي انو معارض الكتب صارت يعني شي بيفلق فقليل تلاقي الكتب الحلوة وانو مو مين ما كان بيقدر يوصل للكتب هلق بين القرائة والافلام يمكن كل وحدة الها سحرها بس بالنسبة الي يمكن القصة اللي بقراها بالاول بحسها بالقراية اكتر من الفلم لاني بشغل فيها كل خيالاتي متل شيفرة دافنشي مثلا اللي ما كتير حسيت حالي استمتعت بالفلم مع انن حرام دافعين كتير عالانتاج
بيضل للكتاب سحروا يمكن بالنسبة للرومانسية الباقية جواتنا واللي عم تصارع لتخلي شي حسي بايدينا والو ريحة حلوة وبيقعد معنا بالتخت مع انو اللاب توب بشكلو الشخصي بياخد كتير من هالصفات خصوصي انو بيجمع جزء كبير من اغراضنا الخاصة فيه ولا شو رأيكن؟