35 مسلسلا سوريا" في رمضان 2008

FADI IBRAHIM الخميس أغسطس 07, 2008 6:50 am

تستعد شركات الانتاج الفني السوري لشهر رمضان بنحو 35 مسلسلا" يتوقع بثها على شاشات التلفزيون في أنحاء الوطن العربي. و المنافسة على أشدها على مواعيد العرض خلال هذا الشهر ، الذي تجتمع فيه معظم الأسر أمام التلفزيون لمتابعة البرامج و المسلسلات على القنوات العربية المختلفة. و شهدت السنوات الأخيرة ظهور عدد من شركات الانتاج في سوريا و لبنان و الإمارات و غيرها من الدول العربية. و بدأ انتاجها الدرامي ينافس المسلسلات المصرية بقوة. cheers

sweetgirl الخميس أغسطس 07, 2008 6:38 pm

شكرا ألك يا FADI IBRAHIMعهالمعلومات المهمة
وأكيد الدراما السورية صارت بالمرتبة الأولى والمسلسلات السورية صارت كتير واقعية وبتصور الحياة بشكل صحيح يعني وقت الأنسان العربي بيتفرج عالمسلسلات السوريةبيحس حالوكأنو عيش بالمجتمع السوري لأنو المواضيع الي بتطرحا الدراما السورية بتعالج مشاكل الشباب بشكل صحيح وانشالله تضل الدراما السورية بهالمستوى وأحسن

Mr. Collz _ Rami الأحد أغسطس 17, 2008 3:04 pm

مظبوط حكيك يا sweetgirl بس نسيتي مقوم من مقومات نجاح الدراما السورية وهوي إنو بالأصل الحياة بمجتمعنا شكل عن غير مجتمعات مثلاً المجتمع الخليجي مسلسلاته مو كتير ناجحة لأن حياتهن صعبة ومعقدة ونظامها بدو شيفرة تينفك وعندن مشاكل كتيييييييييييييييييرة ، ومسلسلاتهم فيها صراخ وعيطة وضرب كتير ، والمسلسلات المصرية كلها زعيق وبعيق و((يالهوتي)) وواحد اغتصب واحدة ، وهيك ،،

أما نحنا مجتمعنا هادئ والعالم كلها لبعضها وعندن النخوة والعادات والتقاليد أنو الكل لبعضن والكل بيقفوا جنب بعضن وبيحبوا بعضن ، وطبعاً عنّا الحياة بسيطة جدّاً ، وهيدا من أهم أسباب نجاح الدراما السورية والشامية...
شكراً عالموضوع

razor back الإثنين أغسطس 18, 2008 2:32 pm

لا والله ما حزرت يا رامي مو لهيك المسلسلات السورية ناجحة

بل لأنو الممثلين السوريين هم فعلاً ممثلين يعني بيعطو كل مشهد حقو وزيادي شوي

يعني وقت البكي بيبكو وقت المزح بيمزحو وقت الجد جديين

مو لأنو المجتمع هوي الهادي

وكمان الدرامة السورية فيها شي واقعي ويواجه المشكلات الإجتماعية الحالية

لأنو كمان في قصة في سيناريو وفي ممثلين وفي كتّاب وفي مخرجين

ليش وقت اللي ما كان في شي أسمو درامة سورية عشو كان الناس يتفرجو مو عالأفلام المصرية

شكراً

35 مسلسلا سوريا" في رمضان 2008

35 مسلسلا سوريا" في رمضان 2008

رد: 35 مسلسلا سوريا" في رمضان 2008

رد: 35 مسلسلا سوريا" في رمضان 2008

رد: 35 مسلسلا سوريا" في رمضان 2008