دعـــوة عـــامة

كنعان كنعان الخميس يونيو 19, 2008 4:29 pm

دعوة عــــامّة

بَعْتِتْلي بطاقة مبارح من عــشية ------ مكــــــتوب فيها دعوة لشخصين
عقبال عندكْ يا نــور عينـــــــيي ------ تفضــل ع عرسي بـعد يومــــين
تلخبطتْ بعينيي حروف الأبجدية ------ ومــــا قدرت اقــشع إلا كلمــتين
اسما واسمو عَ بطاقة مخملــــية ------ كـــلفة الوحــدي مـنها دولاريـن
شو نفع المــال من دون حنــّــية ------ وشو نفع العريس بلا رب ولا دين
باعت الحـب والعــيشة الهــــنيّة ------ وبلحـــظة نسيت غــرام الســنين
وليش لشــخصين كاتــبة هــــيي ------ مـن بعدها مين عنــدي أنــا مين
رديّتلها الـبطاقة ورفضتْ الأذيـة ------ بعد ما القـــلب انقـــسم نصــــين
نص حـــاقد عالّلي عمــلتو فيــي ------ ونـــص بعــدو حامـلّها الـــحنين
ما كنـت عـــــارف حبــيتْ جــنيّة ------ عم تلعب بقلبي الصافي الحزين
قدمتْ اعتذاري عن طيــب نيـــّـة ------ وكبست عَجرح القلب هالمسكين
وكتبتلها عالبطاقة كلـــمات غنية ------ واختمتها انشلا بالرفاه وبالبنين

كنعان الياس كنعان

Souli...Y,M... الخميس يونيو 19, 2008 4:47 pm

مشكور خيي كنعان على هالقصيدة الحلوة والمعبّرة وبتمنى تقبل مني هالكلمات يلي بتعبّر عن مدى أعجابي بأشعارك

قالوا كنعان بدر السما
وأشعاره بترفع الراس
كلماته ينبوع الهوى
ومنّه انعبّي هالكاس
ونسكر انا وانتو سوا
بقصايد هيي الألماس

ولو البلبل بيعرف يحكي
ماغرّد غير كلماتك
ولو الصّافي عنوانك يدري
ماغنّى غير أشعارك

سمعنا غنانيك بحور
وخلّي هالقلوب تطرب
أشعارك جوري وبخور
ومن بعدك بخجل أكتب
سمّعنا ألحانك يالشّحرور
تنخلّي اسمك مثل بيضرب

كنعان كنعان الخميس يونيو 19, 2008 5:19 pm

Souli...Y,M... كتب:مشكور خيي كنعان على هالقصيدة الحلوة والمعبّرة وبتمنى تقبل مني هالكلمات يلي بتعبّر عن مدى أعجابي بأشعارك

قالوا كنعان بدر السما
وأشعاره بترفع الراس
كلماته ينبوع الهوى
ومنّه انعبّي هالكاس
ونسكر انا وانتو سوا
بقصايد هيي الألماس

ولو البلبل بيعرف يحكي
ماغرّد غير كلماتك
ولو الصّافي عنوانك يدري
ماغنّى غير أشعارك

سمعنا غنانيك بحور
وخلّي هالقلوب تطرب
أشعارك جوري وبخور
ومن بعدك بخجل أكتب
سمّعنا ألحانك يالشّحرور
تنخلّي اسمك مثل بيضرب

إعجابك مش أكتر من إعجابي
بقصايدك اللي دقت بوابــــــي

كلماتك فن وإبداع وقمــــــــر
بعمرو ما تخبى ورا الضبابه

شفت بحروفك أحلى الصـــور
إيقاع كلماتك كلو رتــــابــــه

مع كل كلمة بحّة وتـــــــــر
البلبل بحروفك من عمر رابي

بكرا منرجع من بعد السفر
ونرجع نلتقي يا عز أصحابي

شكرا الك خيي يوسف خجلتني

STONE GOLD الإثنين يونيو 23, 2008 8:49 pm

This the first time I read something and feel happiness. Thank both of you very much

كنعان كنعان الثلاثاء يوليو 29, 2008 2:21 pm

STONE GOLD كتب:This the first time I read something and feel happiness. Thank both of you very much

thanx so much for your reply , and i wish to feel happiness all your life.

الشاعر الجمعة أغسطس 01, 2008 12:58 pm

أنا هالقصيدة بتعجبني كتير كتير كتير لأنو بحسا من الواقع وياخيي كنعان أنت خليت الحرف يبكي من الحزن بهالقصيدة بشكرك كتير كتير لأني من عشاق الحزن العاطفي ولولا الحزن فلن نعرف طعم الفرح والسعادة

من المتابعين لك دوماً
ظافر

mark الجمعة أغسطس 01, 2008 2:26 pm

يعني أجتمعوا تلت شعراء ماعاد عنا شي نحكيه

حلوي كتير خيي كنعان سلمت يداك

كنعان كنعان الخميس أغسطس 14, 2008 9:45 am

الشاعر كتب:أنا هالقصيدة بتعجبني كتير كتير كتير لأنو بحسا من الواقع وياخيي كنعان أنت خليت الحرف يبكي من الحزن بهالقصيدة بشكرك كتير كتير لأني من عشاق الحزن العاطفي ولولا الحزن فلن نعرف طعم الفرح والسعادة

من المتابعين لك دوماً
ظافر

لولا المعاناة ما خلقت قصيدة --- ودمع القلم عالورق سال
بتلبس الكلمات حلة جديــــدة --- من الدمع بيخلق المــوال

شكرا خيي ظافر عمرورك ومتابعتك

كنعان كنعان الخميس أغسطس 14, 2008 9:47 am

mark كتب:

يعني أجتمعوا تلت شعراء ماعاد عنا شي نحكيه

حلوي كتير خيي كنعان سلمت يداك

شكرا خيي مارك وانشلا بينضم اسمك لأسامي الشعراء

دعـــوة عـــامة

دعـــوة عـــامة

رد: دعـــوة عـــامة

رد: دعـــوة عـــامة

stone gold

رد: دعـــوة عـــامة

رد: دعـــوة عـــامة

رد: دعـــوة عـــامة

رد: دعـــوة عـــامة

رد: دعـــوة عـــامة