لنضع سياسة نعمل بها سوية

الى اعضاء منتداياتنا الاحباء

لقد لاحظنا في الفترة الاخيرة كثرة المشادات الكلامية بين بعض الاعضاء في الردود على بعض المواضيع
و قد كثرت التعليقات حول هذه المشادات و المطالبة بوقفها او الاقلال منها, او اقله عدم اخذ الردود و المواضيع بشكل شخصي و الرد عليها بشكل موضوعي
و مع ذلك, لم نلاحظ تراجعا فيها
بالاضافة الى مواضيع متعددة لم تكن على المستوى المطلوب او الكافي للسمو و الرقي بهذا المنتدى
لذلك ارتات ادارة المنتدى ان تضع وثيقة تنشر فيها سياسة وضع المواضيع و الردود عليها ليتبعها جميع الاعضاء و على اساسها تتم ادارة المنتديات من قبل المشرفين

و قبل وضع اي شي, رأت الادارة انه من الافضل لو شارك الاعضاء جميعا في وضع هذه السياسة
اولا: لكي تكون مناسبة و مالوفة للجميع
ثانيا: حتى لا تكون صارمة و ديكتاتورية
ثالثا: و لكي يتبعها جميع الاعضاء بدون استثناء و بدون ايه اعذار لعدم تطبيقها و من يخالف هذه السياسة سيجد جواب الادارة فوريا و بدون اي تنبيه مسبق

فترجوا ادارة المنتدى من اعضائها الاحباء باعطاء ارائهم و المشاركة في وضع هذه السياسة
يشرف إدارة المنتدى أن يكون مشرف هذا المنتدى هو المسؤول عن إدارة هذا النقاش ليصل إلى مبتغاه
و شكرا لكم

اي والله حلا بقى وليزم الكل يشارك ويتفاعل بشكل أيجابي مع هالموضوع يلي
بيسعى لتطوير منتدانا نحو الأفضل والأسمى......
وفيه كتير أفكار لازم تنطرح عنجد وكل واحد لازم يبلّش من أخطاءه وبعدين يشوف
وينتقل للأمور يلي بيشوفها غلط بالمنتدى.........
أنا بالفترة الأخيرة طلطلت على البعض من المنتديات وللصراحة أعجبني فيها التنظيم والقواعد
وأسلوب الحوار وعلى هالأساس رح أعطي شوية أراء :
1- بالنسبة لموضوع القواعد للردود ولطرح المواضيع في كل منتدى يجب أن نضع هذه
القواعد طبعا بعد الأتفاق عليها من قبل أعضاء الأدارة بشكل مثبّت بحيث يراها كل شخص
عندما يدخل مثلا على منتدى مشاكل وحلول فأول شي يظهر له قبل أخر مشاركة هو هذه القواعد
وتكون بشكل مثبت ........
2- ونستطيع أن نضيف أليها __ فقرة المثبت___ المواضيع المميزة جدا والتي تسعى الى الى تطوير
المنتدى والنقاش الأيجابي بين الأعضاء..... وهذا أيضا بدوره __ المواضيع المثبتة __ يساهم في تطوير جودة
النقاش والجودة في المواضيع لسبب أن المواضيع المنقولة أو القليلة الجودة أن كانت في الفكرة أو المضمون
لا تصلح لأن تكون مثبّتة وهذا يدفع الأعضاء لأعطاء أفضل ماعندهم من مواضيع جديدة غير منقولة ونقاشات حضارية وهادفة.....
3- وبالنسبة لمواضيع القوانين..:فينا نطرح عدة أراء ومنها في شغلة غلط عم نعملها وللصراحة أنا وقعت فيها وهي يجب تحديد عدد المواضيع
المنزّلة من قبل الشخص في كل يوم فلا يجب أن تتعدى 3 مثلا وذلك لكي تحظى بنصيبها الممكن من النقاش والمشاهدة
ولا تطغى على المواضيع الأخرى فتكون المساواة قائمة....
4- بالنسبة للردود مثلا لا يجب عليه أن يقصر بكلمة الشكر فقط بل عليه أن يعبّر برده عن هذا الشكر ولو ببعض الكلمات
5- وبالتأكيد الأبتعاد عن التجريح والنقد الجارح الذي يزيد في حدة النقاش ويهدم الهدف الأسمى من الموضوع المطروح.....
على كل حال الكل وقع بأخطاء من هذا القبيل ولكن الأهم أن نتعلم من أخطائنا ونقف من جديد.....
وأتمنى التفاعل من كل الأعضاء بهذا الموضوع وألي رجعة على هالموضوع الحلو لأن في عندي أراء كثيرة
بس للأسف ماعندي وقت كافي .....
وبجدد شكري لأدارتنا الغالية.........

شكرا يوسف على الاراء المهمة, و لكن اريد ان اقول امرا
من يريد ان يعطي رايا او عدة اراء اتمنى ان يضعهم في شكل نقاط و ان يفصل كل بند عن الاخر حتى يتسنى لنا عندما نجمعها ان نوفي كل بند حقه

- اعجبتني نقطة المواضيع المثبتة و عدم تثبيت المواضيع المنقولة او قليلة الجودة
فلماذا نأتي بمواضيع من منتديات اخرى, الا نملك القدرة على طرح مواضيع من ابتكارنا وتخصنا؟؟؟؟
ليس المهم الكمية, بل النوعية

انا عندي ايضا بعض الاراء

- اي رد على اي موضوع يعتبر شخصيا و موجه لشخص ما يحذف فورا و دون سابق انذار من قبل مشرف المنتدى
- اي رد لا يتعلق بالموضوع المطروح ايضا يحذف
- وضع الموضوع في المنتدى المناسب, فمثلا يوضع الموضوع في منتدى المشاكل و الحلول عندما يطرح مشكلة ما
- قد يكون صعبا تحقيق مثل هذا البند, و هذا شيء يعود للادارة و لكن اريد ان اقول انه يجدر حذف اي موضوع يتعلق بالتفرقة ان كانت دينية او طائفية او سياسية او مذهبية او اجتماعية


نحن بانتظار ارائكم
و شكرا

شكرا للأدارة عالموضوع الحلو وانشالله كل الاعضاء بتتقيد فيه
ومشان عماد مشان المواضيع المنقولة مافي مشكلة اذا نزلت مواضيع عمنتدانا منقولة من منتديات تانية بالنهاية اذا حدا شاف شي موضوع حلو عمنتدىى تاني وحب يفيد منتداه ويخلي الاعضاء الي فيه يطلعوا عليه شو فيا
وأنا رأي متل رأي عماد انو:
- اي رد على اي موضوع يعتبر شخصيا و موجه لشخص ما يحذف فورا و دون سابق انذار من قبل مشرف المنتدى
- اي رد لا يتعلق بالموضوع المطروح ايضا يحذف
وشكرا للأدارة

ولله يا عمادو إاذا الشغلي وقفت على نقل المواضيع هينة
( المواضيع - الشعر - الصور - ........)
صار اي واحد بيلاقي اي شي رح ينزلو وبياخد عبية غير شكل ويا لطيف بس تعا للواقع يمكن بحياتو الاجتماعية كلمتين بيفوتوا بالحيط
أنا برأيي
- تركوا الناس بحالا وخلص ( عوجة )
بس أهم شي في ما يعادل 10 أشخاص شعبيتون كبيرة بالمنتدى لانون عم يلجئو لمنتديات تانية
وبينما بالحياة العملية وبالتعامل مع الناس والواقع شعبيتون (0) %
واذا بتمنى من الارة تحزف اي شي بتلاقيه غير مناسب من قبلي

شكرا يا حازم
نحن لسنا بصدد من شعبيته كبيرة او لا, و من اجتماعيا ناجح ام لا
نحن هنا بهدف وضع سياسة يمشي عليها الجميع و تسري قوانينها على الجميع
و لا يمكننا ان نقول: " تركوا الناس بحالا وخلص ( عوجة )"
تركناهم بحالون, و شفت شو صار
فارجو الرد بما يتعلق بالموضوع و شكرا

الى sweetgirl
انا لست ضد النقل من غير منتديات و الاستفادة منها و لكن
اولا: و بصراحة, هناك مواضيع لا تستحق ان تنقل و تنشر
ثانيا: نحن لدينا القدرة على طرح مواضيع خاصة بنا و من افكارنا و تخصنا جميعا دون اللجوء الى غير منتديات
و شكرا

و الرجاء عدم تكرير الاقتراحات الموجودة مسبقا
اعطونا افكار جديدة

عمادو كيفك يا حبيب
أنا برايي انو يكون في تنظيمم لكلشي وانو كل عضو على القليلي ينزل كل نهار موضوع أو تنين منشان نلحق نرد لانو هلق اذا بترجع للمنتديات من الصفحة الرئيسية ببتفاجئ انو في مواضيع ماحدا رد عليا ليش مثلا عندك موضوع طرحيتك الاخت سويت كيرل وهوي عن الازياء ببتفاجئ بعد ما يعادل الشهر ونص تقريبا ردت عليها الاخت بينك كيرل لانو خيي عمادو الكل ميعتمد على البوابة فشوي شوي يا جماعة
وتاني شي خيي أنا بقترح انو لازم الادارة تمحي أي مووضع بتلاقيه مو لائق أو حرام ليش تنقول الادارة الله يعينا لازم المشرفين يعني خيي نحنا ما شغلتنا غير نحكي مع ابو سمرة شوف هيدا وشوف هيدي ومحي وين المشرفين وليش انحطوا مشرفين لكن اذا ما همون المنتدى يلي هني مشرفين عليه
برأي المشرف يمحي الووضوع الغير لائفق او المتكرر ضمن المنتدى تبعو وكمان يمحي الردود يلي بتكون خارجة عن الموضوع
لازم كان يكون في تنسيق وشوية جمالية ضمن الكتابة وأنا برأيي انو لازم الواحد يلتزم حجم خط محدد ضمن الموضوع ويرد عليه الجميع بنفس قياس الخط لانو بتفوت عموضوع بتتفاجئ اليخد صفحتين بسبب الخط العريض والمسافات الطويلية يعني في البعض اذا بدو يوجه عبارة بيكتب كل كلمة من العبارة بسطر ومافة بين الكلمة والخلمة خمسة سطر
وشكرا الك عمادو اغالي وشكرا للإدارة ولإشرافة الرائع وانا بالنسبة الي بتقبل اي شي من قبل الإدارة تجاهي لانو بعرف انها رح تتصرف اي تصرف وقت لبكون انا على غلط
وشكرا

انو انا رح أطلب منكون أنكون تفوتو عالمنتدى العام وتشوفو كام في مو ضوع نازل اليوم والله اكتر من 20 موضوع واسا مو مردود عليون انو معقول العضو الواحد ينزل 20 موضوع باليوم
ومشان الموضوع الي انا نزلو (الأزياء )مو القصة قصة انو بعد شهر وشوي لحتا ردو عليه لالالا القصة انو مافي بنات عم تفوت عالمنتدى كلون شباب ومعقول شباب ترد عموضوع ألو علاقة بالبنات

فكرة السويت كيرك كمان بتمنى من الادارة تكون من الاولويات فكرة انو عدم تواجد الجنس اللطيف بالمنتدى إلا بشكل قليل جدا
مشكورين

4- الأفكار المضادة لأحد الأديان السماوية والتي تعلن العصبية أو الطائفية بشتى أنواعها وهذه الفكرة تتعلق طبعا بنشر المواضيع فلا يجب نشرها لأنها تسئ للمنتدى وللهدف السامي له ولأعضائه.....

شكرا لكل الذين شاركوا
و نريد مشاركات و اراء من جميع الاعضاء, لان الوثيقة ستنشر عما قريب
فاذا لم تتم المشاركة ستنشر الوثيقة بما تراه الادارة هي مناسبا لادارة المنتدى
فارجو من الجميع المشاركة و عدم "تطنيش الموضوع"
فلو نظرتم الى عدد الاعضاء الذين دخلوا المنتدى في ال 24 ساعة الماضية تجدون العدد يفوق العشرين
فارجو من الجميع المشاركة لانه موضوع مهم جدا, يخدمنا, و يخدمكم, و يخدم منتدانا الحبيب
و شكرا
نحن بانتظار ردودكم

أول شي أسف لأني ما شاركت بهالموضوع بس بسبب الوقت وكمان ماتخيلت أنو يكون ألو علاقة بالأدارة وخاصة أنو الأدارة بتملك قسمين لازم تنحط فيها مواضيعها وكمان كان هالقسم يمتلي دايما بالمواضيع وأنا ما معي وقت شوف كل موضوع بموضوعه


أما هلأ فأنا رح حاول فيدكم من خبرتي بالأشراف على واحد من أضخم وألمع المنتديات على كافة الأصعدة
ويمكن شي من الي رح قوله يكون مكرر بس بدكم تسمحولي هالمرة كمان


1. المشرف ألو السيادة الكاملة على قسمه وفيه يحذف ويعدل بدون الرجوع للأدارة بس ليش يا ترى أنا عم قول هيك

لأنو في شي أسمو قوانين عرفية بستلزم التصرف السريع : يعني تخيلو أنو أنا عندي بهيداك المنتدى مشاركة لازملها حذف وأنا بعتت رسالة خاصة للمدير لحتى أخد الأذن بتخيل هالشي رح ياخد وقت وخاصة أنو الأدارة مرح تتواجد 24 ساعة باليوم إذاً لازم الواحد يرتجل بالقوانين ويقايس ع هالحالة

2. بالنسبة للتعديل ( تعديل المشاركات ) أنا ماني ملاقى فيها أي مانع ليش لحتى المشرفين ما يعدلو
أنا رح أعطيكم مثال مرة كان واحد حاطط بمشاركته صورة عمرو دياب (أنا ماعندي أعتراض على عمرو دياب أبدا)بس ضمن هالموضوع ملازم ينحط صور (لو حاطط بتوقيعو ما كنا أعترضنا ) جيت أنا عدلت المشاركة وحذفت الصورة منها وحطيت سبب التعديل "الصورة غير مناسبة للموضوع "
يعني منستنتج من هالحكي أنو التعديل واجب مانو جواز

3. الإدارة ما حكت شي غير عن المشرفين مع أنو الأعضاء الحمدلله ما بيقصرو وهني أهم جزء بتكوين المنتدى
لازم يتاخد كافة العقوبات الممكن أتخاذها بحق أي عضو مخالف وهالعقوبات هي أما الطرد أو تجميد الحساب

4. بالنسبة لعدد المواضيع الي حكو فيه كل اللي قبلي فهو يفضل يكون 5 مواضيع لكل عضو أو مشرف بشرط مايكونوا المواضيع بنفس القسم

5. وهيدا شي كمان أنحكى عنو بس حابب التأكيد عليه وهو التوافق بين الموضوع والقسم الي منحط فيه والنقل لأي قسم بيشوف المشرف أنو مناسب النقل عليه

يعني بالنسبة لفكر ثم أجب أنعمل لحتى الحزازير تنحط فيه بس ومع ذلك بتلاقي بعض الحزازير لساتها عم تنحط بالقسم العام هيدا مجرد مثال

6. موضوع "منقول" : للحقيقة المواضيع المنقولة هي عماد أي منتدى وكتير منلاقيها بكتير أو بحتى بأكبر المنتديات بس لازم نعرف شو ننقل

هون بدنا نعتبر كل المنتديات حضارة الغرب ونحن بدنا ناخد منها لحضارتنا شغلات شو منختار مسخرة الغرب "المواضيع التافهة" أو المواضيع الراقيه الي بترفع شأن حضارتنا "منتدانا"
كمان في شغلة تانية بالنسبة للمواضيع العلمية بشكل عام و الطبية بشكل خاص وهي ما تصدقوا أي شي مكتوب بمنتدى عربي بدون ذكر المصادر
وأكتر موقع فيكم تعتمدو عليه للأخبار والمعلومات العلمية الدقيقة والموثقة هو ويكيبيديا العربي بس هلأ محجوب من عنا
وويكيبيديا الأجنبي
http://en.wikipedia.org/wiki/Main_Page

7.بالنسبة لقسم الصور كمان لازم نميز بين الصور والموضوع الي بيحتوي ع صور
يعني مو أجي أنا عندي موضوع طبي فيه صور للحالة أجي حط الموضوع بقسم الصور !!!!! ع كل حال هالشغلة لسى ما شفتها هون بس للمستقبل

وأخيرا أذا ممكن ينعمل قسم للترفيه والنكت لحتى ما تنحط وين مكان

وكمان أذا ممكن تقسيم المنتدى لفئات ثم لمنتديات لحتى كل منتدى يندرج تحت فئة معينة
يعني الفئة العلمية بيكون فيها
القسم الطبي
والهندسي
والثقافي ..........إلخ

هيدا كل شي والله يوفقكم لتطوير المنتدى وأعماره

تحياتي

شكرا الملاك الابيض على اقتراحاتك
- عجبني كتير موضوع ذكر المصدر او المرجع بالنسبة للمواضيع الطبية, انا من زمان في صديق الي عمل موقع التمريض السوري و لما سالني عن اي اقتراحات اول شي قلتلوا اي مقال او موضوع او بحث لازم ينحط المرجع الاساسي اللي نقل منو, للامانة العلمية و الدقة و عد الشك في صحة المعلومات و هيك ممكن الاخد بها باي وقت و من قبل اي شخص

و مشكورة الادارة على المسودة و ان شاء الله قريبا بتكون جاهزة الوثيقة الكاملة

منتمنى من الأدارة أنو تركّز شوي على شروط الأعضاء لأنه المسودة كانت أغلبها للأمور الواجبة
على المشرفين.......وبالنسبة للمواضيع المنقولة فينا نقترح فكرة أنو نخصص منتدى للمواضيع المنقولة فقط
وبما أنه المنتدى عم يكبر والأعضاء عم تتزايد وهالشئ بيدل على المضي للأمام فعندي أقتراح
للأدارة أنه نلغي شغلة البوابة لأن أغلب أعتماد الأعضاء عليها ومتل ماذكرت أنه صار
في عنا عدد كبير من الأعضاء وعدد هائل من المواضيع يوميا وهذا سيؤدي الى أن تطغى
بعض المواضيع على الأخرى ولذلك نستطيع أن نكتفي بأيراد المشاركات الجديدة بشريط
فوق الصفحة الرئيسية وتكون الصفحة الرئيسية هي المدخل الأساسي للمنتدى .....
ومشكورين على الجهد يلي عم تبذلوه.....

[quote="Souli...Y,M..."]منتمنى من الأدارة أنو تركّز شوي على شروط الأعضاء لأنه المسودة كانت أغلبها للأمور الواجبة
على المشرفين.......وبالنسبة للمواضيع المنقولة فينا نقترح فكرة أنو نخصص منتدى للمواضيع المنقولة فقط
quote]

مممممممممممم...........ووين التصنيف بيكون يعني هيك أنا أذا نقلت موضوع عن مرض معين بدي حطه مع موضوع تاني أنا ناقله عن الاغاني مثلاً
لاء هيك الشغلة مستحيلة لأنو هالمواضيع المنقولة مدرجة تحت تصنيف معين من المكان الي جبناها منو !!!
ومنكتفي بذكر المصادر بالنسبة للأبحاث العلمية والمواضيع المنقولة تعامل و تصنف متل المواضيع الي نحن منكتبها هيك أفضل

خيي الملاك الأبيض أنا عم أتحدث على المواضيع المنقولة بالنسبة لمواضيع القصص والحزازير
والمسابقات والمواضيع يلي عم نشوفها منقولة مو عن منتدى الطب أو الثقافة أكيد لأنه هالأمور
بدها مرجع بقى مافينا نحطها ضمن المواضيع المنقولة حتى لو كانت بأكملها منقولة كأن ننقل مقالة
عن حالة مرضية ما....ولكن المهم هو الأغلب والغالبية تعتمد على البوابة في منتدانا وعلى عنوان الموضوع
وليس الى المنتدى الذي ينتمي عليه فأصبحت البوابة من وسيلة للتسهيل على القارئ الى وسيلة تطغى بها
المواضيع على بعض بسبب عدم معرفة أستخدامنا لها..........

خي أنا فهمان عليك وما عطيك هيك مثال غير للتوضيح وسعر المواضيع الثقافية بسعر مواضيع التسيلة وبالعكس التسلية عندي بحبها أكتر

بس طالما نحن عنا قسم فكر ثم أجب أذا الموضوع المنقول والي هو حزورة لازم يروح لهونيك بغض النظر من أنو منقول
أنتو ليش أخدين نظرة غلط عن المواضيع المنقولة وعن أنها عيب أنا قلت وبرجع بكرر هي عماد أي منتدى هالمواضيع يعني من حقها تنتمي لفأتها من منتدانا الغالي مو صح وعفكرة الأعضاء المتميزين بالمنتديات الأخرى كل مواضيعهم هي منقولة وأنا بشوف هالشي (بيكون مكتوب منقول )كتيييييييير

ع كل حال منترك هالموضوع للأدارة

تحياتي

يوسف يا ريت تقلنا امثلة عن شو قصدك ب "شروط الأعضاء"

و انا مع اسامة بالنسبة لمنتدى المواضيع المنقولة لانو هيك بيصير كانو منتدى عام تاني, بينحط فيه مواضيع متنوعة بس منقولة
خلينا ع شغلة ذكر انو الموضوع منقول, و من وين مصدرو

انا عندي اقتراح قد لا يكون له علاقة بالوثيقة و لكن احببت ان اضعه هنا

- انشاء منتدى للمواضيع المميزة و التي بالقعل تطرح فكرة رائعة او مشكلة مهمة تمسنا و تمس مجتمعنا و هذا المنتدى تشرف عليه الادارة حصريا و هي التي تنقل المواضيع التي تراها مهمة اليه

و ع قبال مشاركات اكتر
و شكرا