بعض أحاديث الرجال........

في كتير أحيان هيك بتكون رايح شئ زيارة وبالصدفة بتلاقي حالك مع مجموعة رجال فاتحين حديث الجيل الحالي ومن الجمل يلي بتسمعها:
الزمان اتغير و ما عاد مثل الأول .....يا ليت أيام زمان ترجع ...
كانوا الناس اخوان ... وكل شي كان له طعم ...
الكلام هذا كثيرا نسمعه في مجالس الكبار ويشفوا أن هذا الجيل مافيه
يتحمل المسؤولية
وأن زماننا في كل أطرافه زمان لا يصلح للمعيشة وانه زمن الاتكال على
الغير ..
نسمعهم يتحسرون على أيامهم الماضية
ويصفوننا ويصفون زماننا بأمور غريبة
فهل نظرتهم صحيحة أم أنها جائرة ؟؟
وهل هم دوما محقين فيما يذهبون إليه ؟؟
وهل يخلو عصرنا من كل شيء جميل لهذه الدرجة التي يرونها ؟؟
اريد ان اسمع ارائكم بعقلانيه دون تعصب لزماننا
فهل فعلا نحن جيل لا نصلح لحمل المسؤولية كما يرون ؟!!!
وهل في المستقبل سنتحدث كما يتحدث هؤلاء الرجال عن الأجيال الجديدة؟؟؟؟؟؟

عم تسال اذا رح نحكي عالاجيال اللي بعدنا؟
يا يوسف, احنا عم نحكي من هلق

كل زمن و جيل و الو طريقة عيشو

من زمان ما كان في كهربا................و كانوا عايشين و ما احلاهم
هلق اذا انقطعت الكهربا ساعة.........الناس بتجن حتى اللي كانوا عايشين عن دور ما كان في كهربا

كل جيل يرى في نفسه هو الافضل
اللي قبلنا بيحكوا علينا, و احنا منحكي عاللي بعدنا, و اللي بعدنا رح يحكوا عاللي بعدون
بكل جيل بيطلع, بتطلع بدعة جديدة ما كانت باليجل اللي قبلا, و هالشي بحد ذاتو بيخلق جدل بكل الاجيال اللي قبلو
هادا شي طبيعي, وليس امرا سيئا
ما حدا صح, و ماحدا غلط
كل زمن الو متطلباتو..........لازم تعيش حسب هالمتطلبات

مبارح فيروز و ام كلثوم.........اليوم اصالة و اليسا..........بكرة الله يستر
مبارح المسجلة......اليوم الام بي ثري و الكمبوتير.............بكرة الله اعلم
مبارح الحمير و الجمال...........اليوم الطيارة و السيارة...........بكرة الله ادرى

في شي غلط بين هالاشيا؟؟؟؟؟؟؟؟؟؟
متل ما قلت, ماحدا صح, و ماحدا غلط
و شكرا للموضوع

موضوع حلو بيس بدي قلك
نحنا بالجامعة بنقول اااااااه عايام السنة الاولى بقى تخيل قديش لازم يتحسروا على ايام زمان
الايام بتركض بسرعة ونحنا منعيش اكتر من حقبة من التطور والتسارع كان من زمان يعيشوالتطور البسيط على
مدى طويل
رح نوصل لوقت نقول ااااااااااه على الربع ساعة الماضية

ميرسي عمودة عالرد.......عم نحكي من هلق مو هيك أي والله معك حق بس شو السبب قولتك انا كل هدفي من الموضوع انو أعرف هالسبب بس شكلو بدنا نسأل شئ طبيب نفسي وهوي رح يدلنا عالجواب!!!!!!!!!!!!
وخيي مجد أي والله معك حق بالجامعة كلمة كلمة أأأأأأأأأأأأأخ عأيام السنة الأولى اسألني ألي

لا بدا طبيب نفسي ولا بدا شي
يمكن اذا بتسال طبيب نفسي يمكن يصير يحكي عالجيل اللي قبلو متل ما منحكي احنا

متل ما قال مجد, التطور عم يمشي بسرعة
اليوم بتشتري كمبيوتر, بكرة بيطلع عشرة احدث منو
عم نعيش اكتر من مرحلة تطور بنفس الزمن و بنفس الجيل
الناس بدا تلحق
اللي مانو متعود و اللي عاش بزمن البساطة رح يقول اووووووف شو هادا
و اللي خلق مع هالتطور و تعود عليه بيقلك انا ما بدي غير الاحدث, الام بي ثري الواحد غيغا ما بيكفيه, بدو ال 2 غيغا, و اللي قبلو مو فهمان شو يعني غيغا, و ما بدك الناس تحكي يا يوسف؟

عرفت شو السبب يا ابو السوف؟؟؟؟؟؟
بكرة ع دور ولادك لا تنجلط اذا ابنك صار بدو يزرع الام بي ثري براسو بدل ما يحملوا بيجبتو ههههههههههههه
لا تستغرب