بطل من اليازدية

استعرض الموضوع السابق استعرض الموضوع التالي اذهب الى الأسفل

بطل من اليازدية

مُساهمة  magdeeb في الثلاثاء أكتوبر 23, 2007 6:19 pm

إنه دعاس أمين داغر المعروف باسم دعاس الأمين بطل من اليازدية
عاش في نهايات القرن التاسع عشر ومنتصف القرن العشرين قبره في ساحة كنيسة السيدة في اليازدية وهو يشبه قبور الأبطال المشهورين
يحكى عنه أنه كان قوياً مقداماً محبوباً يرفع الجرن بيد واحدة (وهي عادة قديمة يطلب من العريس أن يؤديها كي ينال عروسه باستحقاق) ويرفع كيس القمح الذي يزن مائة كيلو بأسنانه
في يوم من الأيام داهم اللصوص بلدتنا وأثناء هربهم خرج الناس على أصوات الاستغاثة الصادرة من البيت المسروق وبلهفة و إيثار لحقوا باللصوص وفي منطقة السوق كان بيت دعاس فهم بالخروج من منزله وكان اللصوص قد بدؤوا بإطلاق النار لتكاثر الأهالي عليهم فأصيب بطلنا بطلقة في صدره ولكنه استمر بملاحقتهم من مكان منزله لمسافة مائة متر حيث سقط ميتاً وشيع بمهابة في جنازة تليق بمكانته في قلوب الأهالي وذاكرتهم التي تناقلت هذه القصص لتصل إلينا نحن أجيال اليازدية اليوم

ملاحظة ( قد تكون القصة غير كاملة أو فيها بعض الهفوات لذا أطرحها للنقاش ولإضافة أي جديد يغنيها بالمعلومات والوثائق )

قد لا نفتقر إلى قيم البطولة والشهامة في اليازدية هذه الأيام فهي قيم مازالت في نفوسنا وممارستنا حتى اليوم وهو أمر يرفع الرأس ويشعرنا بالفخر والاعتزاز.
avatar
magdeeb
مشرف المنتدى الهندسي

عدد الرسائل : 690
العمر : 31
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الله يرحم هيديك الأيام؟؟؟؟؟؟؟؟؟؟؟؟

مُساهمة  BABA SNFOR في الأربعاء أكتوبر 31, 2007 12:04 pm

اي و الله يا مجد كتر خيرك عالقصة بس ما بتصور انو اللي سامعين فيها كتار و خاصة اذا كانوا من الجيل الجديد على حال بحب قلك انو القصة تقريبا كاملة و مظبوطة
بس ما كان في مجموعة لصوص كانوا لص و احد ومسكوه أهل الضيعة و سجنوه بغرفة بوسط السوق بس ولاد الحرام ما في اكتر منهون لآنو بعد ما سجنوه
بالغرفة احد ابناء القرى الشقيقة و المجاورة من ضعاف النفس و الخلق و الدين زرا اللص و أعطاه مسدس و شوية طلقات حتى يهدد أهل الضيعة فيه و يهرب بس هيدا الشي ما منع المرحوم دعاس أنو يقوم عن طاولة الأكل و يلحقوا علما أنو كان عم يطلق النار يمين و شمال حتى يرهب الناس و ما يقربوا منو و يمسكوه ووقتها صابت وحدة من الرصاصات المرحوم دعاس
و حتى انو بعض أهل الضيعة التانيين أنصابوا و منهم كان المرحوم قسطون بس متل بيقولوا أنو الله يمهل و لا يهمل لأنو اللص و الشخص اللي ساعدوا كانت نهايتهم أبشع من بعض و حتى انو واحد منهم ما ت دعس بالسيارة (عمدا )على طريق صافيتا عند البازار (سابقا)من قبل بعض الاشخاص اللي كان الو سوابق معهون .
avatar
BABA SNFOR
مشرف المنتدى العام

عدد الرسائل : 86
العمر : 37
الموقع : السعودية
العمل/الترفيه : Purchase Manager
تاريخ التسجيل : 06/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بطل من اليازدية

مُساهمة  mark في الجمعة أبريل 24, 2009 12:34 am


الأخ مجد والأخ شاكر................ شكراً كتير على هالموضوع بس عندي بعض التوضيحات الصغيرة عن القصة

أنا سمعت القصة من شخص عايشها وحكالي ياها بالتفصيل

بعض من مارويتوه صحيح والبعض الأخر خطأ ....
انو ماكان لص أو مجموعة لصوص بل كان واحد بدو مصاري من ((( ديوب السلوم ))) حق خاروف كان أخدو منو وكان هيدا الشخص سارق دابة لأهل الضيعة بدل حق الخاروف وأهل الضيعة عرفو بالسرقة من خلال أم المختار سابقاً(( أبو سليم )) يلي شافيتو هوي وسارق الدابة فا أجى لياخد حق الخاروف فاجتمعو علاه رجال الضيعو وحبسوه بغرفة (( ديوب السلوم )) ((( الغرفة القديمة يلي مقابيل بيت مفيد ))) ومتل ماقال الأخ شاكر أنو بعض ضعاف النفس من الضيع المجاورة جابولو فرد وضروب وعطوه ياه بدون ماحدا ينتبه فا صار يقوص فاتصاوب المرحوم قسطون (( أبو يوسف )) وهوي وهربان طلع المرحوم دعاس الأمين بوجهو بعد ماترك الأكل وطلع ليشوف شو صاير فاقوصو غدر برصاصة أجد برقبتو وضل راكض وراه حوالي 100 متر ووقع بالأخير .......... بس القاتل كمشوه رجال الضيعة وحبسوه ببيت (( أبو نبيل التركماني )) بعد ما شبع قتل لأنو ماكان حدا عندو بوب حديد غيرو وحكو مع الشرطة وأجت وأنحبس كم سنة وطلع بس بالأخير متل ماقال الاخ شاكر انو مات دعس بالسيارة عند البازار وأجى خبر أنو قاتل دعاس الأمين مات .....................

وانشالله اسى منسمع كم قصة عن رجال الضيعة القديمة ومنشلركون فيون
avatar
mark

عدد الرسائل : 324
العمر : 28
الموقع : www.mraizeh.com
العمل/الترفيه : طالب
تاريخ التسجيل : 14/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

بطل من اليازدية

مُساهمة  تالا الامورة في الجمعة أبريل 24, 2009 9:18 am

اول شي هالواقعة حلوة بس المهم هالبطل المغوار بشجاعتة النادرة ياترى موجود اشخاص بنفس الصفات وعلى فكرة لايوجد انسان ينولد جبان او شجاع فهو الذي يختار ومن يختار الشجاعة قد يوظفها بشكل عدائي او صوري لكي يتحادث النس بقصتة ولكن هنا الوضع مختلف كلياااا والدليل اللهفة عند سماع صوت الاغاثة (الله يرحمه)
avatar
تالا الامورة

عدد الرسائل : 15
العمر : 29
الموقع : www.mraizeh.com
العمل/الترفيه : الرقص
تاريخ التسجيل : 15/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بطل من اليازدية

مُساهمة  razor back في الإثنين أبريل 27, 2009 9:33 pm


إن شاء الله بيكون كل أ هالي الضيعة متلو بس وا أسفاه ما في 1\1000 من أهل الضيعة

وعنا الباقي بالعكس

شكراً
avatar
razor back

عدد الرسائل : 920
العمر : 25
الموقع : اليازدية
العمل/الترفيه : الثالث الثانوي / علمي ....
تاريخ التسجيل : 26/03/2008

معاينة صفحة البيانات الشخصي للعضو http://montadamraizeh.ahlamontada.com

الرجوع الى أعلى الصفحة اذهب الى الأسفل

بطل من ذلك الزمان

مُساهمة  Bavlo في الأحد مايو 31, 2009 3:14 pm

في الحقيقة القصة اللي عم تداولوها بتكمل بعضها وكل واحد حكى قسم منها
المغزى انو هالشجاعة والبسالة اللي كان يتزين فيها الانسان قديما بطلت للاسف
وصار الواحد بهالايام بيقاتل اخوه متل ما عم يصير بالضيعة عالمشوار وهالمشاكل اللي
عم تصير عم تلغي تاريخ الضيعة اللي بيشرفنا بوجود بطل رفع راس الضيعة هوي دعاس الامين
رحمه الله وأدام ذكراه الطيبة.

avatar
Bavlo

عدد الرسائل : 7
العمر : 37
الموقع : بلاد الله الواسعة
العمل/الترفيه : مبدع
تاريخ التسجيل : 30/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بطل من اليازدية

مُساهمة  koko في الإثنين يونيو 01, 2009 10:07 am

اخ مجد ولله ما بعرف شو بدي قول بس بقلك الله يعطيك العافية على هل الموضوع صدقا انا ما كنت بعرف شي عن القصة ابداااااااااا

_________________
avatar
koko
مشرف المنتدى السياسي

عدد الرسائل : 345
العمر : 29
الموقع : alyazdieh
العمل/الترفيه : طالب جامعي كلية سياحة
تاريخ التسجيل : 19/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى