ضيعتنا الحبيبة

أحبائي أبناء ضيعتي الحبيبة .
هالضيعة غالية عليي كتير كتير ويمكن ماحدا بيعرف قيمتها متل اللي تغرب عنها أو انحرم منها .
هالضيعة كتير صغيرة جغرافيا لكنها كبيرة جدا تاريخيا وأنتو عم تثبتوا هالشي من خلال موقع مريزة المميز بتميزكم.

حبيت هنيكم بهالموقع الحلو اللي عم يطرح مواضيع مختلفة ومهمة .
صحيح ماإلي مساهمات أو ردود عالمواضيع المطروحة وهالشي للأسف لضيق الوقت بس انا من متابعي وقراء الموقع منذ بدايته
وكل المواضيع والردود كانت مفيدة وبتدل على شخصية أو وجهة نظر كل واحد حتى ولو كان منها غير متطابق مع رأيي الشخصي
ولكنها إن دلت على شيء فهي تدل على مستوى ثقافتنا العالي ومدى وعينا وإدراكنا لكل ما يدور من حولنا< وهالشي عن جد بيرفع الراس>

بحب أشكر إدارة الموقع على الإهتمام ومتابعة المواضيع -الأراء والجدالات
وما فينا ننكر أنو هالبداية هيي خطوة مهمة ولكن الإستمرارية هيي الأهم وبتمنالكم كل التوفيق