امنية كل مغترب

george salim shohakar الإثنين يوليو 13, 2009 8:27 pm

شقشق الصبح مسرور********وندي عوردات مفتوحة

سكت صوت صرصور*********مخبى بدواقير مجروحة

وزقزقة الحان عصفور********وبو حن بارض مفلوحة

وصياح ديك مقهور********على دجاجات بنياب مدبوحة

نياب ثعلب للغدر مندور*********وقن بوابتوا مشلوحة

وكلب ينبح ودموا يفور********ومن الحبل نبحاتوا مبحوحة

وببيت تراب عش لدبور*********من جيوش حمر وطموحة

وفراشة تحوم وتدور**********بجنينات بيوتنا وع سطوحة

وحبلين من غار ومنتور*********لاحلى صبية فصلوا مرجوحة

وكومة حطب مقطعة لتنور********وعجينة عا كارة حرير ملقوحة

منقوشة زعتر عاالفطور*********ولا جبنة فرنسية بازرق منقوحة

هيك عيشة اجمل من قصور**********الغربة كرامتنا فيها ممسوحة

بس عالسفر انا مجبور*********والله روحي طلعت مع روحا

بضيعتنا بتمنى اقعد ناطور************ولا مصاري بدي ولا دراهم مقدوحة

george salim shohakar

george salim shohakar الأربعاء يوليو 15, 2009 12:55 pm

لا يوجد اي تعليق معقول لها الدرجة كتاباتي تافهة......

hi