شجرة تين وحب

george salim shohakar الإثنين مارس 30, 2009 7:42 pm

رحت قدس وبكل حب خشوع*********ولربي العالي قدم وقار

مرقت عاالقبرالليكان عاالكوع*********واتذكرت ايام كنا صغار

وزتيت عيوني صوب طلوع******** واتحسرت عاللي بيناتنا صار

رح ضل احرق لعينيك شموع******** وقدم قربان لحبي قلبي بازهار

عيوني غرغرت بحزن ودموع*******لما عرفت عصفوري مني طار

بطلب بصوت عالي مسموع******** من النبي ويوسف النجار

وحدصليب من خشب مصنوع******حملوا الفادي عكتفوا و سار

و بسهرة عشى كشف مشروع*******الصلب الرهيب قبل بنهار

مطلبي متل مي طلبها يسوع******بعد ما دقوا بكل ايد مسمار

وقبال حشد كبير وجموع******اتقاسموا تيابوا بلا رحمة الكفار

واللي بكم ليرة كان مخدوع*******عشجرة تين اخد بموتوا قرار

انا مسامح وبحياتي قنوع********ما بلوم حدى ولا برجم حجار

بس من قهري انا موجوع*******ومن الوجع قلبي اهترى و انهار

والله اللي شال مني ضاوع*******تيشكل بنت بالعالم داير مدار

واللي باعد الحب باالممنوع*******يفتش عشجرة تين وحبل للانتحار

george salim shohakar

كنعان كنعان الخميس أبريل 02, 2009 3:46 pm

قصيدة جميلة جداً جداً ومعبرة
يعطيك العافية جورج بانتظار جديدك
شكراً.

george salim shohakar الجمعة أبريل 03, 2009 10:17 pm

كنعان كنعان كتب:

قصيدة جميلة جداً جداً ومعبرة
يعطيك العافية جورج بانتظار جديدك
شكراً.

شكرا يا كنعان ردك بيعنيلي كتير
بيهمني ملاحظاتك يا غالي

رد: شجرة تين وحب